ھاراقكەش

sabira0999

	ھاراقكەش           ئالداپ قويۇپ ئاناڭنى پۇلنى ئالدىڭ ھاراقكەش،           ئايالىڭنى زارلىتىپ كۆپ قاقشاتتىڭ ھاراقكەش.           غىق مەس بولۇپ يوللاردا خەلقى ئالەم ئالدىدا،           نۇمۇسنىمۇ قىلمىدىڭ قارغىش ئىلىپ ھاراقكەش.           يالغان سۆزلەپ ئۆمرۈڭنى ئۆتكۈزدۈڭسەن ھاراقكەش،           راست گەپ قىلىش ئادىتىڭ ئەمەس سىنىڭ ھاراقكەش.           ئۇيغۇر ئەسلى بۇ يولدا ماڭماسلىقى كىرەكتى،           ئەسلى يولنى تىپىۋال،يىنىۋالغىن ھاراقكەش.           ئايالىڭمۇ جىق تويۇپ كىتىپ قالدى ھاراقكەش،           ھەتتا چاشقان يامانلار بۇ ئۆيۈڭدىن ھاراقكەش.           بالاڭ سىرتتا سەرگەردان بولۇپ يۈرەر تەمتىرەپ،           ھىچ ھوشۇڭنى تاپمىدىڭ قانمىدىڭسەن ھاراقكەش.           نىمە زۇلۇم كۈندۇر بۇ خوشاللىق يوق ھاراقكەش،           زىيان تارتتىڭ نە پايدا ئالمىدىڭسەن ھاراقكەش.           بالاڭ سىنىڭ پۇشتۇڭدۇر،بەختىنى ھەم ئويلاپ تۇر،           ئۆز بالاڭنىڭ بەختىگە ئولتۇرمىغىن ھاراقكەش.          كۈندە ئىچىپ تويغانسەن ھاراققىمۇ ھاراقكەش،          ئەمدى بولدى يىغىشتۇر بۇ ئويۇننى ھاراقكەش.          مىنىۋىلىپ يامان ئات يامان يولدا چاپتۇرۇپ،          يىقىلمىغىن سەن بۇندا مىڭىۋىرىپ ھاراقكەش.                    مەنبە : ئۆز قەلىمىم

bugaltir

	ھاراق گۇناھى كەبىرلەرنىڭ ئەڭ چوڭى ۋە ھەممە نىجىس، پاسكىنا ئىشنىڭ ئانىسى. ھەممە گۇناھلارنى جەمئىي قىلغۇچى.    ھاراق ئىنساننىڭ ئالدى -كەينىدىن چىققان نەرسە بىلەن ئوخشاش. كىيمگە تەگسە پاكلىمىغىچە ناماز دۇرۇس ئەمەس. ھاراق ئاداۋەتنى پەيدا قىلىپ خوتۇنىنى تالاق قىلدۇرىدۇ، ئۇنى ئۆزى ئوقمايدۇ  .   ھاراققا بېرىلىش دۈشمەن ئايىقىغا ئۆزىنى ئاتقانغا ئوخشاشتۇر. ھاراق ئەقىل بىلەن بىلىمنىڭ دۈشمىنى، بارلىق ياۋۇزلۇقنىڭ سەۋەبچىسى، ئۆمۈرنى نابۇت قىلىپ، كۆرىدىغىنى رەسۋاچىلىق.    ھاراق ئىچىپ مەس بولغۇچى مايمۇندەك قىلىقنى قىلىدۇ.  مەسلىكى كۈچەيسە ، يولۋاستەك غەزەپ قىلىدۇ. ئاندىن چوشقىدەك ئۇخلايدۇ. مەستلىكتە ئۇخلاپ ئويغانغۇچىغا غۇسلى تاھارەت ئېلىش لازىم بولىدۇ. جازانىخور، ھاراقكەش خۇدانىڭ دۈشمىنىدۇر. ھاراق ئىچكۈچى، ئەكىلىپ بەرگۈچى، ساتقۇچى، ياسىغۇچى، ياسايدىغان نەرسىنى تەييارلاپ بەرگۈچى، سورۇن ھازىرلاپ بەرگۈچى قاتارلىقلار گۇناھتا شېرىكتۇر.

bugaltir

	[img][/img]

ئۆل

	ھاراق ئىچدىغان ئادەم بىر بولسا : دەرتىمەن ...بىر بولسا ساراڭ

ئۆل

	ھاراق ئىچدىغان ئادەم بىر بولسا : دەرتىمەن ...بىر بولسا ساراڭ

ئۆل

	kaLGundi يوللىغان ۋاقتى  2012-10-31 05:09 PM توغرا. ئىشىق مالامىتى كاللىسى چىقىپ يىغلاي دىسە يىغل ... مۇھەببەت ئۈچۈن ھاراق ئىچسە ئۇ ساراڭ

bugaltir

	سوئال: ھاراقنىڭ ئاساسلىق زىيانلىرى قايسىلار؟     جاۋاب: تېببىي مۇتەخەسسىسلەر ھاراقنىڭ زىيانلىرىنى تەتقىق قىلىپ، مۇنداق 14 تۈرلۈك زىيىنىنى ئېلان قىلغان:     (1) ھاراق ئىنساننىڭ يۇقىرى نېرۋا سىستېمىسىنى زەھەرلەپ، ھاراق ئىچكۈچىنى ۋاقىتلىق ساراڭ قىلىدۇ. شۇنىڭ بىلەن ئۇ قالايمىقان سۆزلەپ كىشىلەرگە ئەزىيەت بېرىدۇ.     (2) يۈرەكنى قاتتىق قوزغىتىپ، ئارقىدىن ئاجىزلاشتۇرىدۇ.       (3) ئىنساننىڭ كېسەللىككە قارشى كۈچىنى ئاجىزلاشتۇرىدۇ. ئىنساندىكى يۇقۇملۇق كېسەلگە قارشى تۇرىدىغان ئاق قان ئايلىنىشىنى ئىشلىمەس ھالغا كەلتۈرۈپ قويىدۇ.       (4) ھاراق ئىچىشكە ئادەتلەنگەن ئادەم سىل كېسىلىگە گىرىپتار بولىدۇ. ئەگەر ئۇ ئۈچەي ياللۇغى كېسىلى بولۇپ قالسا، قۇتۇلۇش ئىمكانى بولمايدۇ.       (5) ھاراققا ئادەتلەنگەن ئادەمنىڭ ئوپېراتسىيىدە قۇتۇلۇش نىسبىتى ئىنتايىن ئاز بولىدۇ. شۇڭلاشقا سۇغۇرتا شىركەتلىرى ھاراقكەشلەرنىڭ ھاياتىنى سۇغۇرتىغا ئالمايدۇ.       (6) دۇنيانىڭ ھەر قايسى جايلىرىدىكى دوختۇرخانىلاردا ناھايىتى چوڭقۇر تەكشۈرۈش ئېلىپ بارغاندىن كېيىن، ساراڭلار دوختۇرخانىسىغا كىرگەن كېسەللەرنىڭ % 50 دىن كۆپرەكى ھاراق ئىچىدىغان ئادەمنىڭ بالىلىرى ئىكەنلىكى ئىسپاتلاندى.       (7) ھاراق يۈرەك بىلەن جىگەرنى كاردىن چىقىرىدۇ.       (8) قان بېسىمى، شېكەر سىيىش ۋە يۈرەك كېسىلى بار ئادەم ھاراق ئىچىدىغان بولسا، ئۆزىنى ئۆزى ئۆلتۈرگەن بىلەن ئوخشاش بولىدۇ.       (9) ھاراق بەزىلەرنىڭ گۇمان قىلغىنىدەك تاماق سىڭدۈرۈشكە ياردەم قىلمايدۇ، بەلكى ئۇ تاماق سىڭدۈرۈش ئورگانلىرىنىڭ پائالىيىتىگە توسالغۇ بولىدۇ ۋە ئاجىزلىتىدۇ.       (10) ھاراقنىڭ ھېچقانداق غىزا قىممىتى يوق. شۇنى بىلىش كۇپايە قىلىدۇكى، بىر بوتۇلكا ھاراقنىڭ بىر قوشۇق گۈرۈچچىلىكمۇ غىزا كۈچى يوقتۇر.       (11) ھاراقكەش نامراتلىققا گىرىپتار بولىدۇ. چۈنكى ئۇ بارلىق پۇلىنى ھاراققا خەجلەيدۇ. ئۇ ھاراق ئۈچۈن ئايالىنى ۋە بالىلىرىنى ئاچ قويىدۇ. شۇنىڭ بىلەن ئائىلە ئەزالىرى ياخشى غىزالانمىغانلىقى ئۈچۈن ھالاك قىلغۇچ كېسەللىكلەرگە دۇچار بولىدۇ.       (12) تېببىي ستاتىستىكىلارنىڭ كۆرسىتىشىچە، جىنسىي كېسەللىككە دۇچار بولغانلارنىڭ كۆپ سانلىقى ھاراقنىڭ سەۋەبى بىلەن بولغان.       (13) ھاراقكەشلەردىن كۈچلۈك ئەۋلاد چىقارغان ئادەم يوق، چۈنكى ھاراق قورساقتىكى بالىنىڭ ئورگانلىرىنىڭ زەئىپ ۋە ئەيىبلىك ئۆسۈشىگە سەۋەب بولىدۇ.       (14) قاتناش ۋەقەسىنىڭ % 40 ى دىن كۆپرەكى ھاراق سەۋەبى بىلەن مەيدانغا كېلىدۇ. چۈنكى ھاراق خەتەرنى ھېس قىلىش ئورگانلىرىنى ئاجىزلاشتۇرغانلىقى ئۈچۈن، بىر سېكۇنت ئىچىدە ماشىنىنى توختىتىش كېرەك بولغان بىر ۋەقەدە ھاراق ئىچكەن ئادەم ئىككى سېكۇنتتىن كېيىن توختىتالايدۇ. بۇ چاغدا بولىدىغان ئىش بولۇپ بولغان بولىدۇ.

-ئۈمىد-

	قەلىمىىڭىز ھەقىقەتەن ئۆتكۈركەن.