ئۆزبېك نەمۇنە مەكتىپى

uzbik

	غۇلجا شەھىرىنىڭ ئۆزبېك مەھەللىسىدىكى ئۆزبېك نەمۇنە مەكتىپى ئەسلىدە 1897-يىلى ئەندىجان مەسچىتىگە يانداش سېلىنغان بولۇپ، 40-50 ئوقۇغۇچى سىغىدىغان تەنھا سىنىپتىن راۋاج تاپقان ئىدى.    كېيىنكى پەيتلەردە مەرىپەتپەرۋەر زات غەينىدىن باي پەخرىددىنوفنىڭ باشلامچىلىقىدا ئۆزبېك جامائىتىنىڭ مەبلەغ جۇغلىشى بىلەن مەسچىتنىڭ ئۇدۇلىغا ئالتە ئېغىزلىق پېشايۋانلىق بىر بىنا سېلىنىپ، ئۈچ ئېغىزى دەرسخانا، ئىككى ئېغىزى خەلپەتلەر ئۆيى، بىر ئېغىزى قىرائەتخانا قىلىنغان.    دەسلىپىدە مەكتەپكە 50-60 ئوقۇغۇچى قوبۇل قىلىنىپ، مەرىپەتپەرۋەر زات خامۇش خەلپە، باي بابا ھاجىلار مۇئەللىم بولغان. كېيىن، يەنى 1909-1911-يىللىرى غەينىدىن باي پەخرىددىنوفنىڭ مەبلەغ سېلىشى ئارقىلىق مەسچىت يېنىدىكى دىنىي مەكتەپنىڭ ئورنىغا يېڭىچە سىنىپلار سېلىنىپ، مەكتەپ كۆلىمى كېڭەيتىلگەن.    1914-يىلىغا كەلگەندە مەكتەپكە يېڭىدىن كەلگەن قىرغىز ئەپەندىنىڭ تىرىشچانلىقىدا مەكتەپنىڭ كونىچە ئوقىتىش ئۇسۇلى يېڭىچە تۈس ئېلىپ، ئەسلىدىكى دىنىي دەرسلەردىن باشقا ئۆزبېك تىلى، ھېساب دەرسلىرى ئۆتۈلدى. سىنىپقا دوسكا ئورنىتىلىپ، ئوقۇغۇچىلار پارتىلاردا ئولتۇرۇپ دەرس ئاڭلايدىغان بولدى. 1930-يىلىغا كەلگەندە قارىخانا (قارىلار سىنىپى) يېڭىچە سىنىپلارغا قوشۇلۇپ كەتتى. ئۆزبېك مەكتىپى يېڭىچە ئوقۇتۇش ئاساس قىلىنغان تۆت يىللىق تۈزۈمدىكى باشلانغۇچ مەكتەپكە ئايلاندى.    1932-يىلى مىرزاكەرىم باي ۋە سېتىۋالدى بايلارنىڭ باشقۇرۇشىدىكى « ياردەم »شىركىتىنىڭ ئىقتىسادىي ياردىمى ۋە ئۆزبېك جامائىتىنىڭ ماسلىشىشى بىلەن ئەسلىدىكى تۆت ئېغىزلىق ئوقۇتۇش بىناسى ئۈستىگە تۆت ئېغىزلىق سىنىپ سېلىنىپ، ئىككى قەۋەتلىك مەكتەپ بىناسى بارلىققا كەلدى. بۇنىڭغا پېشايۋانلىق ئالتە ئېغىز سىنىپنى قوشقاندا جەمئىي 14 ئېغىز ئۆي بولۇپ، ئۇنىڭ 10 ئېغىزى سىنىپ، 4 ئېغىزى ئوقۇتقۇچىلار ئىشخانىسى قىلىندى. ئوقۇغۇچىلار سانى بولسا 300 گە يەتتى.     1931 -يىلىدىن 1934-يىلىغىچە ئۆزبېك تىلشۇناسى خەمىت ۋەكىلى مەكتەپ مۇدىرى بولدى.     1934-يىلىدىن 1936-يىلىغىچە پەرىخە ئەلئەكبەرىۋا مەكتەپ مۇدىرى بولدى.    1940-1942-يىللىرى پاتىخ يۇنۇس مەكتەپ مۇدىرى، رەمزىيە جىلقىبايىۋا ئىلمىي مۇدىر، نىغمەتجان سۇلتان تەرتىپ مۇدىرى بولدى. 1942-1945-يىللىرىدا ئەنۋەرخان بابا مۇدىر، رەمزىيە جىلقىبايىۋا ئىلمىي مۇدىر بولدى.    1945-يىلى 20- ئاۋغۇستتا ئەنۋەرخان بابا ئۈچ ۋىلايەت ۋاقىتلىق ھۆكۈمىتى مائارىپ نازارىتىنىڭ مەكتەپلەر بۆلۈمىگە مەسئۇل بولۇپ يۆتكىلىپ كەتكەندىن كېيىن، سۈننەتوللا مىرئاسىم مەكتەپ مۇدىرى بولۇپ تەيىنلەندى. رەمزىيە جىلقىبايىۋا خانىم ئىلمىي مۇدىر بولۇپ تەيىنلەندى.    1946- ۋە 1947- يىلىدىن باشلاپ « ئۆزبېك نەمۇنە مەكتىپى» 7 يىللىق تۈزۈمدىكى تولۇقسىز ئوتتۇرا مەكتەپكە ئۆزگەرتىلدى. 1949-يىلى ئوقۇغۇچىلار سانى 550 تىن ئېشىپ، ئالدىنقى يىللارغا قارىغاندا ھەسسىلەپ كۆپەيدى.    1946- يىلى 6- ئۆكتەبر كۈنى ئەخمەتجان قاسىمى مەكتەپنىڭ تەلىم-تەربىيە خىزمىتىنى كۆزدىن كەچۈرگەندە، مەمنۇن بولۇپ «ئۆزبېك نەمۇنە مەكتىپى ھەقىقەتەن ئىسمى-جىسمىغا لايىق نەمۇنە مەكتەپ ئىكەن» دەپ ماختىغان ئىدى.    يېڭى جۇڭگو قۇرۇلغاندىن كېيىنكى ئۆزبېك نەمۇنە مەكتىپىنىڭ تەرەققىياتى تېخىمۇ تېز، تېخىمۇ پارلاق بولدى. ئازادلىققا ئېرىشكەن ھەر مىللەت خەلقىنىڭ پارتىيە-ھۆكۈمەتنىڭ مائارىپ ئىشلىرىنى قوللاش قىزغىنلىقى زور بولدى. 1950- يىلى «ئۆزبېك ئۇيۇشمىسى» رەئىسى ۋە «ئاتىلار كومىتېتى» رەئىسى ئەسئەتۇللا ئەپەندىنىڭ باشچىلىقىدا غۇلام باي، شانىغمەتباي، توختى قارى، مىرھاپىز قاتارلىق مەرىپەتپەرۋەر ئۆزبېك زاتلىرىنىڭ ئىقتىسادىي ياردىمىدە ئىككى قەۋەتلىك 20 سىنىپلىق زامانىۋى ئوقۇتۇش بىناسى سېلىندى. مەكتەپ قۇرۇلىشىغا ئەسئەتۇللا ئاكىنىڭ ئۆزىلا 232.770.000 دوللار ( دەسلەپكى ئۆلكە پۇلى) ياردەم قىلدى.    يېڭى بىنا پۈتكەندىن كېيىن ئوقۇش باشلاش مۇراسىمى داغدۇغىلىق ئۆتكۈزۈلدى. سەيپىدىن ئەزىزى لېنتا كەستى. ئەنە شۇ كۈندىن باشلاپ مەكتەپ تارىخىدا يەنە بىر يۈكسېلىش بارلىققا كەلدى. بۇ يەردە شۇنى قەيت قىلماي تۇرالمايمىزكى، ئۆزبېك نەمۇنە مەكتىپى يالغۇز ئاپتونوم رايونىمىزدىلا ئەمەس، بەلكى مەملىكەت بويىچە بىردىنبىر ئۆزبېك مەكتىپى بولۇپ قالدى.    2006 -يىلى ئۆزبېك نەمۇنە مەكتىپىنىڭ يۈز يىللىقى داغدۇغىلىق ئۆتكۈزۈلۈپ، مۇراسىمغا مەملىكەت ئىچى ۋە چەت ئەللەردىكى ساۋاقداشلار ۋەكىللىرى قاتنىشىپ، بالىلىقتا بىلىم بەرگەن ئانا مەكتىپىگە تەنتەنە قىلىشتى.    <<مەدەنىيەت ئىنقىلابى>> مەزگىلىدە بۇ ئۆزبېك نەمۇنە  مەكتەبنىڭ نامى غۇلجا شەھەرلىك 5- ئوتتۇرا مەكتەپگە ئۆزگەرتىلىپ، ھازىرغا قەدەر شۇ نام بىلەن ئاتىلىپ كەلمەكتە.                                                    <<ئىلى ئۆزبېكلىرى>> كىتابىدىن ئېلىندى

!UYGHURJAN

	مەدەنىيەت ئىنقىلاپلىرىدىن ئامان قېلىپ دەۋرىمىزگىچە يىتىپ كەپتۇدە . نۇرغۇنلىغان مەكتەپ ۋە مەدرىسلەر شەھەر تەرەققىياتى ۋە يولغا پۇتلاشتى دىگەن ھىيلە -نەيرەڭ بىلەن چېقېلىپ يوق بوپ كەتتى ...................!

qog

	تارىخدىن خەۋەردار قىلغىنىڭىزغا كۆپ رەخمەت.ھازىر قەشقەر شەھەرلىك13-ئوتتۇرا مەكتەپمۇ ھازىر كەسپى ماھارەت مەكتىپى دەپ ئاتىلىدىكەن

boxuk

	ئەزا چەكلەندى،ئىنكاس ئۆچۈرۈلدى

bugaltir

	ھەقىقەتەن ئۆز خاسلىقىنى  ساقلاپ قالغان نەمۇنە مەكتەپ ئىكەن   .

aptap104

	ھەي ئەمدى سىز نىمە دىمەكچى ؟ ئۆزبىكلەر ئايرىم ئوقۇيدۇ دىمەكچىما ؟ ماقۇل ئاز سانلىق مىللەت شۇجىلىقىغا سىزنى كۆرسىتەي .... قەشقەردە مۇنداق بىر ئىش بولغان ، مەلۇم بىر ئۆزبىك باي مەسجىد سىلىپ ، مەسجىدكە ئۆزبىك مەسجىدى دەپ ئىسىم قويىمەن دەپ مەمۇرى مەھكىمىگە بارغاندا  ئەينى چاغدىكى مەمۇرى مەھكىمە ۋالىسى قوڭىغا بەشنى تىىپىپ پارا بەرگەن  پۇلىسىنى يۈزىگە ئىتىپ ھەيدەپ چىقىرىپتىكەن .  شۇنىڭدىن بىرى ئۆزبىك دىسە مىنىڭ ئاچچىقىم كەلمەي كىمنىۇ كىلىدۇ . ھە   مەن بۇ ئىشىنى ئۆز كۆزى بىلەن كۆرگەن ئادەم ، گۇۋاھچىلىرى بىلەن دەپ بەرگەن تۇرسا .....

BAHADER1

	qog يوللىغان ۋاقتى  2012-7-14 08:23 PM تارىخدىن خەۋەردار قىلغىنىڭىزغا كۆپ رەخمەت.ھازىر قەشقە ... ئورنى نەدە بۇ مەكتەپنىڭ

Suchi

	پەرغانە ۋادىسىگە سىڭىپ كەتكەن ئۇيغۇرلارغا ئوخشاش،تارىم،ئىلى ۋادىسىدىكى ئۇيغۇرلارغا سىڭىپ كەتكەن ئۆزبېكلەر.

QALIB

	بەزىلەر ئۆزبېكنىڭ گىپى چىقىپ بولغۇچە،چىشلەپ تارىتقىلى ئاران تۇرىدىكەن توۋا```

jula0997

	مەيلى قايسى مىللەت بولسۇن مۇشۇنداق مۇسۇلمان قېىندارشلىرىمىزنىڭ مىللى ئەنئەنىسىگە ، ئىسلام ئېتىقادىغا ۋە شۇندق ياخشى بىر بىلىم كانىنى چاڭلەشتۈرۋەتمەي ساقلاپ قالغىنىغا خۇرسەن بولدۇم !!!..... يۇرتنى ۋە مۇسۇلمانلار كوپ قېرىنداش مىللەتنى سۆككەنلىك ، ئاللاھقا قارشى چىققانلىق بىلەن ئوخشاش ، چۈنكى پۈتۈن يۇرت ۋە پۇتۈن ئىنساننى ئاللاھ ياراتتى ، نىمە قىلسا ئاللاھ ئۆزى قىلىدۇ ، ھەممە ئىش ئاللاھنىڭ ئىگىدارچىلىغىدا ، شۇڭا بىز بەندىلەرنىڭ ھەر بىر مۇسۇلمان مىللەت ۋە يۇرتلارنى كەمسىتىدىغانغا تۈكچىلىك ھەققىمىز ھەمدە ھۇقۇقىمىز يۇقتۇر !!! كىم كىملەر توغرالىق بىر نىمە دىمەكچى بۇلىدىكەن ئاۋال پىشانىسىنى سىلىۋېتىپ ئاندىن ئەينەككە بىر سىنچىلاپ قارىۋېتىپ شۇنداقلا ئۆزىنىڭ قانچىلىك ياخشى ئىشلارنى قىلىۋاتقانلىقىنى بىر ئەسلەپ بىقىپ ئاندىن ئۇنى - بۇنى دىيىشى كىرەك ! چۈۇنكى جاھاندا ياخشى ئىش قىلۋاتقانلار ۋە تۆھپىگە ئىرىشكەنلەر باشقىلارنىڭ ئارقىسىدىن ھەر گىزمۇ يامان گەپ قىلمايدۇ ، ئەكىسچە قۇلىدىن پوق كەلمەيدىغان ۋە بىرنى ئىككى ئىتەلمەيدىغان ئادەملا باشقىلارنى كۆرەلمەستىن كەمسىتىدۇ ۋە ھاقارەتلەيدۇ !!!.....