لۇڭ يىڭتەينىڭ نەزەرىدىكى بىر قېتىمىلىق يامغۇر

نۇرقىز

	بىرەيلەن تەيۋەنلىك ئايال يازغۇچى لۇڭ يىڭتەيدىن سوراپتۇ: -ئەگەر سىزنى ناتۇنۇش بىر ئەلگە ئاپىرىپ قويسا،ئۇنىڭ تەرەققىيات سەۋىيەسىنى نىمىگە قاراپ بەلگۈلەيسىز؟ لۇيىڭتەي بۇنىڭغا مۇنداق جاۋاپ بەرگەن: -بۇنىڭغا بىر قېتىملىق يامغۇرنى-ئەڭ ياخشىسى تازا قاتتىق ئۈچ سائەت ياغقان قارا يامغۇرنى كۈزۈتۈشلا كۇپايە قىلىدۇ.يامغۇر يېغىۋاتقاندا،سىز يامغۇرلۇقنى كۆتۈرۈپ بىر دەم كوچا ئايلىنىڭ.ئەگەر شىمىڭىزنىڭ پۇچقىقى ھۆل بولغان بولسىمۇ ،پاسكىنا بولمىغان بولسا ؛ماشنىلارنىڭ سۈرئىتى ئاستىلىغان بولسىمۇ ،سۇ يىغىلىپ قالمىغان بولسا،بۇ تەخمىنەن تەرەققى قىلغان ،ئىلغار دۆلەت ھېساپلىنىدۇ؛ ئەگەر كوچىغا يامغۇر سۈيى يىغىلىپ قالغان،دۇكاندارلارنىڭ چەينەك -چۆگۈنلىرى لەيلەپ كوچىغا چىقىپ قالغان،بالىلار تۆت كوچا دوقمۇشىدا ئىشتىنىنىڭ پۇچقىقىنى بوغۇپ بېلىق تۇتۇپ يۈرگەن بولسا،بۇ بەلكىم تەرەققى قىلىۋاتقان دۆلەت بولىشى مومىكىن. پاھ،بۇ نىمە دىگەن ئېسىل گەپلەر ھە! كۆز كۆرگەن ئەڭ ئىشەنچىلىك بولىدۇ.ئەگەر سىز بىرەر شەھەردە ،تۈن كېچە بىر بولغاندا بىرەر قىز بالىنىڭ كوچىدا يالغۇز كېتىۋاتقانلىقىنى كۆرەلىسىڭىز،بۇ شەھەر تىنچ-بېخەتەر شەھەر ھېساپلىنىدۇ. ئەگەر سىز 110غا تېلېفۇن بېرىپ،ساقچى ئون مىنىۇت ئىچىدە ئالدىڭىزغا ھاسىراپ-ھۈمۈدەپ،قارا تەرگە چۈمۈلگەن ھالدا كېلەلىگەن بولسا ،بۇ مۇشۇ شەھەردىكى ج.خ تارماقلىرى خىزمىتىنىڭ يۇقىرى ئۈنۈملۈك،مەسئوليەتچان ئىكەنلىكى ؛ئەگەر سىز چوڭ كوچىدىكى قىزىل چىراق بار كوچا ئاغزىدا شەھەر ئاھالىلىرىنىڭ بىر قەدەممۇ ئالدىغا مېڭىشقا پېتىنالماي تۇرغىنىنى بايقىسىڭىز،بۇ مۇشۇ شەرەدىكى جامائەت ئىشلىرى باشقۇرىشىنىڭ ئۈنۈملۈك،شەھەر ئاھالىلىرنىڭ مەدەنىي ئىكەنلىكىنى چۈشەندۈرىدۇ.بۇ چاغدا بۇ شەھەردە قانچىلىك تىياتىرخانا،گۈزەل سەنئەت ساريىنىڭ بارلىقى كۆزىڭىزگە كۆرۈنمەي قالىدۇ.سىز رېستۇران-بەزمىخانىلارنىڭ ئالدىدىكى ماشىنا توختىتىش مەيدانىدا بىرمۇ ھۆكۈمەت ماشنىسىنىڭ يوقلىقىنى بايقىغان بولسىڭىز،بۇ،مۇشۇ شەھەردىكى دۆلەت مەمۇرلىرىنىڭ خېلى پاك-دىيانەتلەك ئىكەنلىكىنى چۈشەندۇرىدۇ. ئەپسۇسلىنارلىق شۇكى،ئادەملەر ھەمىشە سان-سىپىرلارغا،GDP,GNP....غا،ئىگىز قەۋەتلىك بېنالارغا ئىشىنىپلا،‹‹چوڭ›› تەرەپلارگە قاراپلا، بەزى تەپسىلاتلارغا سەل قارايدىغان خاتالىقنى سادىر قىلىپ تۇرىدۇ. ‹شىنجاڭ مەدەنىيىتى›ژورنىلىنىڭ 2007-يىل 5-سانىدىن ئېلىندى. تەرجىمانى:ئىسمائىل ئىبراھىم

sazguri

	ھەقىقەتەن كۆزى ئۆتكۈر يازغۇچى ئىكەن ئۇ

esil521

	چوڭ مەيخانىلارنىڭ ئالىدىدا ھۆكىمەت ماشىنىسى توختىتىش بۇ بەك قىززىىق بوپ قاپتۇ...قايسى بىر ھۆكىمەت ئەمەلدارىنىڭ شەخسى ماشىنىسى يوق .....شەخسى ماشىنىسى بىلەن كىرسە ھىچكىم بىلمەيدۇ بىلسىمۇ نىمە قىلالايدۇ ...

yawayi-0998

	ھەقىقەتەن كۆزىتىش  ئىقتىدارى  ياخشىكەن ...  مەن شۇنداق بىر  قىپ باقاي قىنى ....

foormat

	توغرا گەپ قىپتىغۇ

ئۇيغۇرشاھ

	esil521 يوللىغان ۋاقتى  2012-3-15 07:50 PM چوڭ مەيخانىلارنىڭ ئالىدىدا ھۆكىمەت ماشىنىسى توختى ... گەپنىڭ پوسكاللىسى بۇ ئەمەس.شۇ ئەمەلدارلارنىڭ ئىچىدىكى چېرىك،مال-دۇنياغا تىقىلىپ كەتكەنلىرىمۇ ھۆكۈمەتنىڭ ماشىنىسىنى ئىشلىتىدۇ ئەمەسمۇ؟!چۈنكى ئاتچوت تالونىغا چوقۇم ماشىنا نومۇرى سېلىنىشى كېرەك.

esil521

	ئۇيغۇرشاھ يوللىغان ۋاقتى  2012-3-15 11:24 PM گەپنىڭ پوسكاللىسى بۇ ئەمەس.شۇ ئەمەلدارلارنىڭ ئىچىدىك ... ئىشنى قىلىپ كۆز بويايمەن دىسە ئۇلارغا بىردەملىك خالاس..

ئۇيغۇرشاھ

	esil521 يوللىغان ۋاقتى  2012-3-15 11:30 PM ئىشنى قىلىپ كۆز بويايمەن دىسە ئۇلارغا بىردەملىك خالا ... ئاش بەرگەن ھۆكۈمىتىنىڭ كۆزىنى بويىمىسا سەت تۇرا.بىز پۇقرالارغۇ «يولۇچى قۇشلار»دەك كۆرسەكمۇ كۆرمەسكە سېلىپ ئۇچۇپ كېتىشىۋېرىمىز.

altun

	ئەرزان قۇلايلىق ئۆي سېلىپ 50 كۇۋادراتلىق ئۆيدىن ئىككىنى بىرلەشتۈرۈپ ئاشكارا سېتىپ خەجلەۋاتسا . چىشى ئاغرىسىمۇ خىزمەتتىن بىر كۈن بولسىمۇ ئارام تېپىش ئۈچۈن دوختۇردىن ياتاققا ئېلىشنى تەلەپ قىلسا.بۇ دۆلەتتە مەسئۇلىيەتچان بىرە ئەمەلدار خىزمەتچى بارمىدۇر ھەممىسى ئۈزىدىن باشقىنى ئويلىمىسا ،

basut

	نېمە دېگەن ئەتراپلىق كۈزۈتىش بۇ؟بۇندىن كېيىن باشقا شەھەرلەرگە بېرىپ قالسام،مەنمۇ شۇنداق كۈزەتمىسەم.