ئۈژمە كۆڭۈل

nazila998

	ئۈژمە كۆڭۈل                                                             ( ھىكايە )      گۇگۇم پەردىسى ئەتراپقا تەكشى تارالدى ، غەيرەت يول ياقىسىد تۇرۇپ  ئايگۈزەل چىقىدىغان ئائىلە قورۇنىڭ چوڭ دەرۋازاسىنى  يوشۇرۇن كۈزۈتۈپ تۇراتتى ، قورۇنىڭ بۇ يوغان تۆمۈر ئىشىكى ، گاھى ئاجايىپ سىرلىق كۆرۈنسە ، گاھى يىگىتكە تەسەۋۇرىدىكى ئەڭ ئۇلۇغ سوۋغاتنى تارتۇق قىلىدىغاندەك كۈلۈمسىرەيتتى ، بۇ تومۈر ئىشىكتىن نۇرغۇن ناتونۇش گەۋدىلەر كىرىپ _ چىقىپ تۇراتتى ، قانچىلىك ۋاقىت ئۆتتىكىن ،غەيرەتكە  تونۇش بولغان گەۋدە ئاخىر بۇ ئىشىك ئالدىدا كۆرۈندى ، ئىزغىرىن شامال ئۇنىڭ تونۇش ھىدىنى غەيرەتكە يەتكۈزدى ، غەيرەت زارقىپ كۈتكەن قىز يىنىك قەدەملەر بىلەن ئۇنىڭ يىنىغا كەلدى ، يىگىت خۇشاللىقتىن قورۇنغاندەك بولدى ، قىزنىڭ لەۋلىرى مىدىرلىدى :      _ غەيرەت ! ئۆيگە دوسلۇرۇم كىلىپ قالغانتى ، شۇڭا كىلەر شەنبە ..................... _ يىگىتنىڭ تەسەۋۇرىدا قىز سۆزلەۋاتامدۇ ياكى ئاغزىدىن ئۈنچە مەرۋايىت تۆكۈلىۋاتامدۇ بىلمەيلا قالدى .قىزنىڭ ئالدىدا ئارزۇلىرىنى ئىپادىلىگۈدەك جۈرئەت يىگىتتە قالمىدى ، غەيرەت ئۈچۈن ئايگۈزەلنىڭ يىنىدا تۇرۇپ ، مۇشۇ سۆزلەرنى ئاڭلاشمۇ خۇشاللىق بىر ئىش ئىدى .غەيرەت ھەرقىتىم ئايگۈزەلنىڭ يىنىدىن شۇنداق تاتلىق ئازاپلارنى ئىلىپ قايتاتتى .         _ ئۇنداقتا بوپتۇ ، دوسلىرىڭىزنى ياخشى كۈتۈڭ ، _ يىگىت قىزنىڭ گۈزەل قامىتىگە سۈكۈت بىلەن قاراپ قويدى ، ئوت بولۇپ يانغان يۈرۈگى سۆيۈش ۋە سۆيۈنۈشنىڭ ئۇلۇغلىغىنى كۈيلەپ دۈپۈپلدەيتتى . غەيرەت شادلىغى ۋە كۆڭۈل ئازادىلىگىنى ئىلىپ قالغان بۇ قورۇدىن يىراقلاشتى .       يىگىت بىر تال تاماكا تۇتاشتۇردى ، ئۇ تاماكىسىنى تازا بىر شورىغاندىن كىيىن  تاماكىنڭ ئىسلىرىنى پۈۋلىگەچ خىيالغا پاتتى . <  بىر تال تابلىتكا دورا بولسا ، ئۇ دورا ئادەمنى بىر ھەپتە ئۇخلاتسا، كىلەر شەنبە بىراقلا كۆز ئاچسام  ياخشى بولاتتى ......... بۇ بىر ھەپتىنى قانداقمۇ ئۆتكۈزەمەن ................... ؟  غەيرەت مۇشۇنداق تىگى يوق خىياللارنى قىلدى ، ئەمىلىيەتتە بۇ بىر ئورۇنسىز خىيال ئىكەنلىگىنى ئۆزىمۇ  بىلەتتى .         توۋا  !   مۇشۇنداقمۇ توغۇر كەلگەن بارمۇ  ؟ غەيرەت قايسى چاغدا ئايگۈزەلنى ئىزلەپ كەلمىسۇن ، شۇ ۋاقىتتا قىزنىڭ ئىشى چىقىپ قالىدۇ ، غەيرەتكە بېردىغىنى مۇلايىم ئۆتۈنۈشلا خالاس ، غەيرەتمۇ بۇنىڭغا كۆنۈپ قالدى ، ئولتۇرۇش ، تانسىلاردا ئايگۈزەلنىڭ يىنىك تىنىقلىرىغا ئازغىنە جۆر بولىدۇ ، ئۈچىنچى قول تانسىغا كەلگەندە ، ئۇ  خۇددى بۇلۇت ئىچىگە سىڭگەن ئايدەك كۆزدىن غايىپ بولىدۇ ، غەيرەت بولسا تاڭسىق ئەمما تاتلىق سىزىم بىردىغان ھېلىىقى ئاق سۈيۈقلۇقنى بولۇشىغا ئىستىمال قىلىپ ، مەست قايتىدۇ ، بەزىدە قايتمايدۇ ، ئۇنداق چاغدا ئايگۈزەلنىڭ ئۆيى بار قورۇنىڭ ئالدىغا بىرىپ ئۇزاقتىن - ئۇزاق قاراپ تۇردۇ . غەيرەت كۆڭلىدە < ئايگۈزەل  مىنى خىيال قلىۋاتىدۇ ، ياكى بولمىسا يۇمران مەڭزىدىكى زىناقلىرىنى چىقىرىپ تاتلىق ئۇخلاۋاتىدۇ > دەپ قىياس قىلىدۇ .      غەيرەت مۇشۇنداق خىياللار ئىچىدە ئىغىر قەدەملەر بىلەن مىڭپ ، كوچا دوقمۇشىدىن قايرىلدى ، ئاھ ! خۇدا ، بۇ نىمە ئىشتۇ ئەمدى ؟  ئالدىدەرەك تونۇش ئىككى گەۋدە يولنىڭ چىتىدە تۇرۇپ تاكسى ساقلاۋاتاتتى ، غەيرەت  جالاقلاپ تىترەپ كەتى ، ئايگۈزەل يىنىك گەۋدىسىنى يىنىدىكى تەلەيلىك يىگىتگە تاپشۇرغان ھالدا تۇراتتى ، غەيرەت ئايگۈزەلنىڭ يىنىدىكى <تەلەيلىك > يىگىتنىمۇ تونۇدى ، ئۇ غەيرەتنىڭ تولۇق ئوتتۇردىكى ساۋاقدىشى ئادىل ئىدى . غەيرەتنىڭ غەزىپى ئىچىگە پاتماي قالدى ، يۈگرەپ بىرىپ ئايگۈزەلنىڭ كاچىتىغا سالسۇنمۇ ؟ غەيرەت پاكىز قولىنى بۇلغاپ قويغۇسى كەلمىدى ، ئۇ خۇددى بىرسى چۆگۈلۈتۈپ قويۇپ بەرگەندەك بولۇپ قالدى ، ئەتراپىدىكى ھەممە نەرسە قاراڭغۇلۇق ئىچىدە قالغاندەك كۆزىگە ھىچنىمە كۆرۈنمەيلا قالدى ، ئارىدىن خېلى ئۇزۇن ۋاقىت ئۆتكەندىن كىيىن غەيرەت ئاران ئەسلىگە كەلدى ، ئالدىدىكى ئۇ ئىكەيلەن ئاللاقاچان كىتىپ قالغان ئىدى .       غەيرەتنىڭ يۈرىگى پىچاق بىلەن تىلغاندەك ئاغرىپ كىتىۋاتاتتى ، پۈتۈن بەدىنى سوغۇق تەرلەپ  تىترەپ تۇراتتى ، ئۇ ئىغىر ئۇھ تارىتقان ھالدا تىترەپ تۇرغان پۇتلىرىنى بىر قەدەم - بىر قەدەمدىن يۆتكەپ ئالدىغا قاراپ ماڭدى ، شۇنداق كىتىۋىتىپ غەيرەتنڭ كاللىسىدا بىر نۇر يالت قىلىپ چاقنىدى ، ئەشۇ ئۆتكۈر نۇر ئىچىدە مەھەللىسىدىكى رازىيەنىڭ غەمكىن سىماسى پەيدا بولدى ، غەيرەت ھەممىنى سىزىپ تۇراتتى ، رازىيەنڭ مۇڭلۇق  كۆزلىرى ھەر كۈنى غەيرەتنى كۈزۈتۈپ تۇراتتى ، غەيرەت دەسلاپتا ئىرەن قىلمىغان ، كىيىن رازىيەنىڭ كۆز چاناقلىرىنىڭ قىزىرىپ قالغانلىغىنى كۆرۈپ سەل بىئارام بولغان ، بىراق غەيرەتتە نىمە ئامال بولسۇن ، غەيرەت ھەرقانچە قىلسىمۇ رازىيە ئۈچۈن قەلىب دەرۋازىسى ،ھىچ ئىچىلاي دىمەيتتى ، بىراق بۈگۈنكى ئىشتىن غەيرەت بىر نەرسىنى چۈشەنگەندەك بولدى .          غەيرەت ئايگۈزەلگە قورۇ ئالدىدا قانچە قىتىملاپ تەلمۈرگەن ، رازىيەمۇ  خۇددى شۇنىڭغا ئوخشاش غەيرەتنىڭ دەرۋازىسى ئالدىدا تەقەززالىق بىلەن تەلمۈرگەن  ، رازىيە ئۈچۈن يەنە كىملەر ئۇيقۇسىز تەلمۈرۈش ئىچىدە ؟ ئاھ ! سىھىرلىك تۈنلەر ،  تەلمۈرۈشلەر ، غەيرەت ھەممىنى چۈشەنگەندەك بولدى .                                       مەنبە  :  ئوزۈم

sazguri

	مەنمۇ شۇڭا قىز دوستۇمنى دوسلۇرۇم بىلەن يالغۇز قويۇپ قويمايمەن بولمىسا.... ئەڭ يېقىن ئادەملىرىمىزدىن چاتاق چىقىپ قالىدۇ ....

alrzibag

	ياخشى يىزىپتۇ ... تىرىشىڭ .

musilina

	غەيرەتنىڭ ئارزۇ -ئۈمىدلىرىنى  سۇغا چىلاپتۇ ئايگۈزەل ئۆزىنىڭ ئۈژمە كۆڭۈللىكى بىلەن،‹‹ئىشەنگەن تاغدا كىيىك ياتماپتۇ››دېگەن شۇ -دە.... ئەمەلىيەتچانلىقى كۈچلۈك،تىلى يېنىك چىقىپتۇ ھېكايىڭىزنىڭ...

nazila998

	musilina يوللىغان ۋاقتى  2012-3-11 11:58 PM غەيرەتنىڭ ئارزۇ -ئۈمىدلىرىنى  سۇغا چىلاپتۇ ئايگۈزەل ئۆ ...   سىزنىڭكىدەك قەلىمىم كۈچلۈك ئەمەس ، ياقتۇرغىنىڭىزغا رەخمەت

katran

	بۇمۇ يەر شارىنىڭ يۇمىلاق بولغىنىدىن دىرەك بىرەمدۇ ياكى، كىشىلەرنىڭ يۈرىكىنىڭ بۇرجىكى يوقلىقىنىڭ دىرىكىمۇ؟ ھەجەپمۇ بىر ئىشلار بولىدۇ ھە بۇ جاھاندا........

yawayi-0998

	توۋا توۋا ...  مۇشۇنداق   بىرسىگە  كۈڭۈل بەرگەندەك قىپ لىكىن باشقىسى بىلەن بۇنداق يۇرگەننى ككرسەم   قىيما قىلۋەتكۇم كىلىدۇ ...

1kilixkan

	ئملا سىنى ئازراق توغۇرلاپ قۇيۇڭ ئاچا ...

1kilixkan

	ھەقىقەتەن ياخشى يېزىپسىز...