ھەي كاۋاپ ، ھەي كاۋاپچىلار !!!! .........

azrat705

	ھەي كاۋاپ ، ھەي كاۋاپچىلار !! ........                                   ھەممەيلەن بەلكىم كاۋاپ يېيىشكە ئامراق بولشىڭلار مۇمكىن ، كاۋاپ بىز ئۇيغۇرلار ئەڭ ياقتۇرۇپ يەيدىغان تائاملارنىڭ بىرسى . كاۋاپنىڭ تەمى ئۆزگىچە ، پۇرىقى ئادەمنى مەپتۇن قىلىدۇ ھەم قۇۋۋەتلىك .بىزنىڭ ئەجداتلرىمىز ئەركەك پاقلاننىڭ كاۋپىنى يەپ قاۋۇل ، كۈچتۈڭگۈر بولۇپ كەلگەن . ئۇيغۇرلانىڭ كاۋپنىڭ داڭقىمۇ خېلى خېلى جايلارغىچە تارقالغان ، مەنمۇ كاۋاپ يىيىشكە ناھايىتى ئامراق ئىدىم .       مەن ھازىر شىنجاڭدا ئەمەس، ئىچكىردە ئوقۇيمەن ، مەكتەپتىكى ئاشپەزلەر شىنجاڭلىق ، ئۇلار تاماقنى شۇنداق ئوخشىتىپ ئېتىدۇ، لېكىن ئادەم يېتىشمىگەچكە مەكتەپ ئاشخانسىدا كاۋاپ يوق .      بىر كۈنى كاۋاپ يىگۈم كەپ قېلپ بىر ئاغىنەم بىلەن مۇشۇ شەھەرلىك خەنزۇ ساۋاقدېشىم دەپ بەرگەن ئادرىستىكى ئۇيغۇرنىڭ كاۋاپخانسىغا كاۋاپ يىگىلى باردىم .      لېكىن ........................      ئىش مۇنداق :      بىز ھېلىقى كاۋاپخانىغا يېتىپ كەلدۇق . دۇكان ئالدىدا ئىككى كاۋاپدان بار ئىكەن، بىز ئالدىراش كاۋاپ پىشۇرۋاتقان ،بشىغا ئاق دوپپا كىيۋالغان بالا بىلەن '' ئەسسالامۇ ئەلەيكۇم،ۋە ئەلەيكۇم ئەسسالام '' دەپ كۆرۈشتۇق دە '' دۇكاننىڭ ئىشى ئالدىراش ئوخشايدۇ، بىز ئچىدە بىردەم ساقلاپ تۇرايلى '' دىيىشىپ ئچىگە كىرىپ كەتتۇق . دۇكان بەك چوڭمۇ ئەمەس، ئاددى بىزەلگەن ئىكەن . بىز تېخى ئورۇندۇقتا ئولتۇرۇشقا ئۈلگۈرمەي تۇرساقلا سىرتتىكى ھېلىقى بالا ۋە يەنە بىر يېشى 30 نەچچە ياشلار چامسىدىكى بىر كىشى كەينىمىزدىن يېتىپ كەپتۇ. ئارقدىنلا  ھېلىقى بالا  '' ئىككىڭلا  كاۋاپ يېگىلى  كەگەنما ؟'' دېدى ، مەن دەرھاللا '' ھەئە، باشقىلاردىن ئىزدەپ - سۇراپ دېگەندەك ئاران تېپىپ كەلدۇق سىلەرنىڭ بۇ دۇكاننى ، ئوبداق قىلىپ كاۋاپتىن 20 زىخ ئەكلىڭە، ھە راس، يەنە ئىككى نانمۇ بار ، بۈگۈن ئاران كەلگەندە قورساقنى توقلىۋېلىپ كېتەيلى، سەل تۇرۇپ باشقا ئاغىنە بالىلارغا ئالغاچ كەتكىلى يەنە ئازراق بۇيرۇتىمىز '' دېدىم.        بۇ گەپنى ئاڭلاپ ھېلىقى 30 ياشلار چامسىدىكى ئادەمنىڭ چىرايى غەيرى بولۇپ كەتتى، ھېلىقى ياش بالىمۇ بىزگە بىر خىل ئەنسىز ھەم ئوڭايسىزلانغان قىياپەتتە قاراپ تۇرغان يېرىدە قېتىپلا قالدى.      بىز بۇنىڭدىن بەكمۇ ھەيران قالدۇق . مەن ئۇلاغا  '' نېمە بولدى سىلەرگە ؟؟ 20 زىخ چىقمامدا ؟؟ ئۇنچىلىك جىق بولمىسا مەيلى ، بېرىنى يىسەكمۇ بولىدۇ  ''  دۋىدىم ھېلىقى  30 ياشلار چامسىدىكى كىشى ماڭا پەس ئاۋازدا '' ئۇكام ، بۇ كاۋاپنى يمىسەڭلا بوپتىكەن، بۇنىڭ ھەممىسى ھېلىقى ھايۋاننىڭ گۆشىدە قىلغان كاۋاپ، باشقا كۈنى كەلسەڭلا ئىككىڭلاغا يىگىلى بولدىغان كاۋاپتىن قىلىپ بېرەيلى   '' دېدى.           بۇ گەپنى ئاڭلاپ ئىككىمىز نېمە دېيشىمىزنى بىلەلمەي تۇرۇپلا قالدۇق.  كاۋاپخاندىن قانداق ،مېڭىپ چىقىپ كەتكىنىمنى ئۆزۈممۇ بىلمەيمەن.      ئۇلارغا رەھمەت ئېيتايمۇ ؟؟           ياق ،ياق !           ئۇلارغا رەھمەت ئېيتىشقا بولمايدۇ. چۈنكى ئۇلار ئۇيغۇر تۇرۇپ ، مۇسۇلمان تۇرۇپ شۇنداق ئىشنى قىلدى. پۇل ئۈچۈن ئىمانغا خىلاپ ئىشنى قىلدى، ئۇيغۇرنىڭ كاۋپى تەملىك دېگەن نامدىن پايدىلنىپ ھارام پۇل تاپتى.      ئۇلارغا غەزەپلىنەيمۇ ؟ ئۇلارنى ئىمانى يوق دەپ تىللايمۇ ؟       ياق ، ياق !          ئۇلار ھالقىلىق پەيىتتە ئەقلىنى تاپتى ، ئۆز قېرندىشىنىڭ  ئىمانىنى بولغشىنى توسۇپ قالدى.          ئۇنداقلارغا لەنەت ئوقۇش، ئۇلارغا نەپرەتلنىش كېرەكمۇ ياكى ئۇلارنىڭ ھالقىلىق پەيىتتە ئەقلىنى تاپقانلىقى ئۈچۈن ئۇلارغا رەھمەت ئېيتىش كېرەكمۇ ياكى ئۇلارنى تۇرمۇشنىڭ ھەلەكچلگىدە ئامالسىز شۇنداق قىلدى دەپ بۇنى بىر ئادەتتىكى ئىش دەپ چۈشىنىش كېرەكمۇ ؟؟؟؟؟؟؟؟ مەنبە :  سەرگۈزەشتەم . 2012-يىل 3-ئاي 11-كۈنى

azrat705

	ئوقۇيمەن دەپ كەپ قالغانغا بۇ ئىچكىرگە ،      قايغۇ ئەلەم باش ئاغرقى سېغىنىش ئازاپ-      كەمسىتىش ۋە خورلۇقلارنى سىغدۇرالمدىم مەن ئچىمگە،     ئازاپمنى - دەردىمنى ئېيتاي كىملەرگە ؟؟؟؟؟؟

arif

	ھەممىنى كەلتۈرۈپ چىقىرۋاتقان يەنە شۇ بىزنىڭ بەزى كىشلىرىمىز ،،كىمدىن كۆرەتتۇق ..

aptap104

	ۋى كاۋرۇ بولمىسا ، مانى يەمسە ۋى شوۋچى ( گەپ سەل قوپال بولغان بىلەن بەك جانلىق قەشقەر تەلەپپۇزى ) .

salkindax

	بىزمۇ مەكتەپنىڭ سىرتىغا چىقساق بۇنداق كاۋاپچىلار بار ، ئەتىراپقا پۇرىقى بىر كەتكەن بىراق ھازىرغىچە يەپ باقمىدۇق باللارنىڭ دىيىشچە بىز يىسەك بولمايمىش ، كاۋاپچى بالىمۇ بىزنى كۆرسە بىشىنى كۆتۈرمەي كاۋاپ پۇشۇرۋاتقان قىياپەتكە كىرۋالىدۇ !

bodak010

	:qiray2:qiray2:qiray2:qiray2

xaxmas

	نىمە دەيمىز ئەمدى ، ئىنسانى ئەخلاق جەھەتتە بولسۇن ياكى دىنى جەھەتتەن بولسۇن  ئۇلارنىڭ قىلمىشى خاتا  ، ئۇلارنىڭ قانداق كۆڭلى كۈتۈردىغاندۇ  ، توۋا    بىراق سىز شۈكرى دەڭ ئاغىنە   ئۇلاردا ئازراق بولسىمۇ مىللىتگە سېغىنىش باركەن ، ئۈزىنىڭ قىلمشنىڭ خاتالىغىنى تۇنۇيدىكەن  مىنىڭ چۈشىنىشم  ئاشۇنداق

يۈسۇف

	مەنمۇ بايا توردا كۆرگەن ئىدىم  چوشقا گۈشىنى قوي گۈشى تەمىگە كىرگۈزىدىغان  تەم تەڭشىگۈچ باكەن