لويۈەن: گىن ئۆزگەرگەن جانلىقلارنى قورال قىلغان يېڭى ئىستىراتىگىيى

chewendaz

	لويۈەن: گىن ئۆزگەرگەن جانلىقلارنى قورال قىلغان يېڭى ئىستىراتىگىيىلىك ھۇجۇمدىن ھوشيار بولۇش كىرەك ئاساسى مەزمۇنى:2012-يىلى 3-ئاينىڭ 3-كۈنى چاقىرىلغان مەملىكەتلىك سىياسىي كېڭەشنىڭ 11-قېتىملىق 5-ئومۇمىي يىغىنىدا سىياسىي كېڭەشنىڭ ھەيئەت ئەزاسى، جۇڭگو ھەربىي ئىشلار تېخنىكىسى ئىلمىي جەمىيىتىنىڭ دائىمىي ھەيئەت ئەزاسى ۋە مۇئاۋىن كاتىپى مايور گېنرال لويۈەن 3-ئاينىڭ 4-كۈنى مۇخبىرلارنىڭ زىيارىتىنى قوبۇل قىلىپ دۆلەتنىڭ  جانلىقلار بىخەتەرلىكى مەسىلىسىگە كۆڭۈل بۆلىشىنى  ۋە گېنى ئۆزگەرتىۋېتىلگەن جانلىقلار (ماددىلار)نىڭ توختاۋسىز تۈردە كېڭىيىپ كېتىۋاتقانلىقى ۋە چەتئەلنىڭ جۇڭگونىڭ ۋاكسىنا ئىشلەپ چىقىرىش جەريانىغا قول تىقىۋاتقانلىقىنى قەيىت قىلىپ ئۆتتى. ھەمدە دۈشمەن دۆلەتلەرنىڭ گېنى ئۆزگەرتىلگەن تۈرلەر ۋە <<ئالاھىدە ۋاكسىنا>>نى قورال قىلىش ئارقىلىق جۇڭگونىڭ نوپۇسىغا قارىتا ئىستىراتىگىيىلىك ھۇجۇم قىلىشىدىن ئاگاھلاندۇرۇپ ئۆتتى. شۇنىڭ بىلەن بىر ۋاقىتتا، دۆلەتلىك جانلىقلار بىخەرلىكى تەجىربەخانىسىنىڭ قۇرىلىشى كېرەكلىكى توغرىسىدا پىكىر بېرىپ ئۆتتى. ئىگەللەشلەرگە قارىغاندا،1996-يىلىدىكى گېنى ئۆزگەرتىلگەن ماددىلارنىڭ بازارلىشىشىدىن تارتىپ ھازىرغىچە گېن ئۆزگەرتىش تېخنىكىسى ئىنتايىن تەرەققىي قىلغان ۋە بۇ تېخنىكا يېزا-ئىگىلىك، دوراگەرلىك، سانائەت ھەتتا ھەربىي ئىشلار ساھەسى قاتارلىق نۇرغۇنلىغان ساھەلەردە ئىشلىتىلىپ گېنى ئۆزگەرگەن ماددىلار بارا-بارا ئىستىمالچىلارنىڭ كۈندىلىك تۇرمىشىغا سىڭىپ كىرگەن. لويۈەن مايور گېنرالنىڭ قارىشىچە ھەرقانداق بىر پەن-تېخنىكا ۋە جەمىيەت ئىقتىسادىنىڭ تەرەققىياتىدا بىخەتەرلىك مەسىلىسىنى ئويلىشىشىمىز كېرەك، گېنى ئۆزگەرگەن جانلىقلارنىڭ بىخەتەرلىكى بولسا پۈتۈن دۇنيا سودا بازىرىدىكى سەزگۈر مەسىلە، شۇنىڭ بىلەن بىردەك مىللەتنىڭ كەلگۈسى داۋاملىشىشىغا چېتىشلىق قىززىق نوقتا ھېسابلىنىدۇ. ئۇنىڭ قارىشىچە، نۆۋەتتە جۇڭگو جانلىقلار بىخەتەرلىك تەھدىتىگە دۇچ كەلمەكتە. بۇنىڭ ئىچىدە ئەڭ كۆرىنەرلىكى بولسا گېن ئۆزگەرتىلگەن تۈرلەرنىڭ توختاۋسىز تۈردە تېز سۈرئەتتە كېڭىيىپ كېتىشى ۋە جۇڭگونىڭ ۋاكسىنا ساھەسى ۋە باشقا دورا ياساش جەريانىغا چەتئەللىكلەرنىڭ قول تىقىشىنى مەيلىگە قويىۋېتىشىدۇر. بۇنىڭدا ئەڭ قورقۇنۇشلۇق تەھدىت بولسا دۈشمەن دۆلەتلەرنىڭ گېنى ئۆزگەرتىلگەن تۈرلەر ۋە <<ئالاھىدە ۋاكسىنا>> لارنى قورال قىلىش ئارقىلىق جۇڭگونىڭ نوپۇسىغا يېڭى شەكىلدە ئىستىراتىگىيىلىك زەربە بېرىشىدۇر. ئەمما بۇنىڭغا بولسا جۇڭگونىڭ ھوشيارلىقى تېخىچە كەمچىل يەنى مۇداپىئە قىلماسلىق ۋە پاسسپ ھالەتتە تۇرىۋاتىدۇ، بۇنىڭ ئاقىۋىتى ئىنتايىن ئېغىر! لويۈەن مۇشۇ مۇناسىۋەتتە يۇقۇرى قاتلامدىكىلەرنىڭ جانلىقلار بىخەتەرلىكى تەھدىتىگە قارىتا جىددى قارىشىنى ئۆستۈرىشى كرەكلىكىنى تەكلىپ بەردى. جانلىقلار بىخەرلىك مەسىلىسى دۆلەت ئىچىدىكى قېلىپلاشتۇرۇلمىغان تەتقىقاتلار ۋە سودىدىن كېلىشى مۇمكىن، ياكى چەتئەللەردىن ھەرخىل مەقسەتتە كىرىشى مۇمكىن. بۇ ئەنئەنىۋى بولمىغان بىخەتەرلىك تەھدىتى شۇنداقلا يېڭى شەكىلدىكى ئىستىراتىگىيىلىك زەربە بېرىش ۋاستىسى، شۇ تۈپەيلى بۇنىڭ دۆلەت بىخەتەرلىكىگە ئېلىپ كېلىدىغان زىيىنى ئۇرۇشنىڭ ئېلىپ كېلىدىغان زىيىنىدىن تۆۋەن ئەمەس. شۇڭا پۈتۈن خەلققە جانلىقلار بىخەتەرلىكى بىلىملىرىنى ئومۇملاشتۇرۇشنى كۈچەيتىش شۇنىڭ بىلەن بىر ۋاقىتتا كادىرلار بۆلۈمى ۋە خىزمەت ئورگانلىرىنى قۇرۇپ چىقىش، مەسئۇلىيەتچان رەھبەر بولۇش، دۆلەتلىك جانلىقلار بىخەتەرلىكى خىزمىتىنى بىرلىككە كەلتۈرۈش، جۇڭگونىڭ نۆۋەتتىكى جانلىقلار بىخەتەرلىك مەسىلىسىگە قارىتا تەكشۈرۈش، جۇڭگونىڭ جانلىقلار بىخەتەرلىك لېنىيىسىنىڭ دۆلەت ئىستىراتىگىيىسى ۋە قانۇن-سىياسىتىنى بەلگىلەپ چىقىش كېرەك. لويۈەن ئۆزىنىڭ تەكلىپىنى بېرىپ جانلىقلار بىخەتەرلىكى دۆلەتلىك تەجىربەخانىسى ۋە باھالاش مەركىزىنى قۇرۇش، ھەربىيلەر ۋە يەرلىكتە تەڭ ئورگان قۇرۇشنى ئېلىپ بېرىش، ئىلمىي تەتقىقات ۋە باھالاش خىزمىتى بىلەن مەشغۇل بولۇش. ئىمپورت قىلىنغانلىكى بارلىق گېنى ئۆزگەرتىلگەن جانلىقلارنىڭ بىر ۋاقىتتا ئىككى باھالاش مەركىزىنىڭ ئىجازەتنامىسىگە ئېرىشىشى كېرەك. ۋە بۇ ئورگان جانلىقلار بىخەتەرلىكى تەھدىتىنىڭ ھەربىيلەردىن، پەن-تېخنىكىدىن، ھۆكىمەت ئورگىنىدىن، رەھبەرنىڭ ھاكىمىيەت يۈرگۈزۈش دەۋىرىدىن ھالقىغان بولۇش ئالاھىدىلىكىگە ماسلىشىشى كېرەك شۇ ئارقىلىق جۇڭگونىڭ جانلىقلار بىخەتەرلىكىنىڭ قالقىنىنى قۇرۇپ چىقىشى كېرەكلىكى تەكىتلەندى. مەنبە: شىياڭگاڭ سۇمرۇغ تورى

mawlanof

	يا ئاللا نىمە ئىشتۇ بۇ ؟ بىز بازاردىن ئىپ يەۋاتقان پاچىغى بالامنىڭ پۇتىدەك يوغان توخۇلار شۇ گېنى ئۆزگەرگەن نىمىلەرمىدۇ ؟

tumurkala

	يىڭى خەۋەر ئىكەن بۇرۇن دۇنيادىكى ئەڭ كۈچلۈك سىرلىق تەشكىلات دىگەن تىمىدا ئاشۇ تەشكىلاتنىڭ مۇشۇنداق ھۇجۇم ئىلىپ بىرۋاتقانلىقىنى ئوقۇغان ئىدىم بۇ خەۋەر راس ئوخشىمامدۇ؟ئەگەر راستىنلا چاتاق بۇنىڭ زىيىنى ئىنتايىن ئىغىر بولىدىغاندەك قىلىدۇ،دۆلەت بۇنىڭغا قارىتا ياخشى تەدبىر قوللىنشى كىرەك دەپ قارايمەن!

wolf007

	باللىرىمىزغا ۋاكسىنا سالدۇرمىساق بولامدۇ نىمە،  يىقىندىن بۇيان مۇشۇ ۋاكسىنا توغۇرلۇق مىش-مىش پاراڭلار ئاۋۇپ قالدى دىسە.

stars0998

	ئو! مۇشۇنداق كىتىۋەرسە ئەتە-ئۆگۈن «生化危机» كۆز ئالدىمىزدىلا كۆرەمدۇق نىمە؟ ھۆكىمىتىمىز قاتتىق ئىھتىيات قىلسا بولغۇدەك جۇما!

gulsire

	بالىلارغا ۋاكسىنا سالغۇزمىسا يەسلىگە ۋە مەكتەپكە كىرگەندە ئاۋارىچىلىق بولىدۇ،سالغۇزاي دىسە خىلمۇ خىل مىش-مىش پاراڭلار،گاڭگىراپلا  قالدۇققۇ؟

ARAL52

	قىيامەتنىڭ مانۋىررىنى كۆردىكەنمىزدە ...شۇنداق بولىۋەرسە..