ئوغلۇمنى ئۇرۇپ قويدۇم

تەمكىن

	ئوغلۇمنى ئۇرۇپ قويدۇم           مانا بۈگۈن باشلانغۇچ مەكتەپ ئوقۇغۇچىلىرىنىڭ قىشلىق تەتىلدىن يىغىلغىنىغىىمۇ  18 كۈن بۇلۇپ قاپتۇ، باشلانغۇچنىڭ  2- يىللىغىدا ئوقۇيدىغان  8 يېرىم ياشلىق ئوغلۇم ئېھسان  تەتىلدىن كىيىن  ئۆيگە ۋاختىدا قايىتمايدىغان، قار -مۇزلارغا مىلىنىپ ئويناپ كىيىم -كېچەكلىرىنى مەينەت قىلىدىغان ھەم يىرتىپ بىزەپ قىلىۋېتىدىغان بۇلىۋالدى. ئۇنىڭغا قولىنى تۇتۇپ تۇرۇپ قىلغان  چىرايلىق تەربىيەلىرىممۇ، مەكتەپكە مېڭىش ئالدىدا پىشانىسىگە سۆيۈپ تۇرۇپ بالدۇر كىلىشنى قايتا- قايتا جېكىلەشلىرىممۇ كار قىلمىدى.ھەتتا ئۆزى بالدۇر كېلىش توغرىسىدا يازغان ئەھدىنامىلەرگىمۇ ئەمەل قىلىپ كەتمىدى.ئايالىمنىڭ ھەر كۈنى ئەتتىگەن كىيىملىرىنى پاكىز ،رەتلىك كىيىندۈرۈپ يولغا سېلىشلىرى بۇ بالىغا نىسپەتەن ئويۇن تۈسىنى بىرىپ قويدىمۇ قانداق ،ئاپىسىنىڭ  كىيىملىرىنى پاكىز كىيىش توغرىسىدىكى يالۋۇرۇشلىرىغا پىسەنت قىلىپمۇ قويمىدى.       مانا بۈگۈنمۇ چۈشتىن كىيىن سائەت 3:15ئۈتكەندە ئوغلۇمنىڭ مەكتەپتىن ئايرىلغانلىق ئۇچۇرنى تاپشۇرۇپ ئالدىم،ئۇنى چۈشتە قىلغان تەربىيەلىرىمنى ئېسىدە تۇتىدۇ ،يىغلاپ تۇرۇپ بەرگەن ۋەدىسىگە ئەمەل قىلىدۇ دەپ ئويلاپ  ئۇنى تاقەتسىزلىك بىلەن كۈتۈشكە باشلىدىم،بالىلارنىڭ ھەربىر چۇرقىراشقان ئاۋازلىرىنى ئاڭلىغىنىمدا ئۇنى كەلگەن ئوخشايدۇ دەپ ئويلاپ ،ئۇنىڭغا ئىشىكنى ئېچىپ بىرىش مەخسىدىدە ئىشىك قوڭغۇرىغىنىڭ جىرىڭلىشىنى كۈتتۈم،ئەپسۇس!بۇ كۈتۈشلىرىم ئىلگىرىكى كۈنلەردىكىدەك نەتىجىسىز بولۇپ چىقتى. ئىككى سائەت ئۈمۈدلۈك كۈتۈپ ئاخىرى  ئۇنى ئىزدەپ تېپىش(ئىلگىرى نەچچە قېتىم  ئىزدەپ ئويناۋاتقان يېرىدىن تېپىپ كەلگەن) مەخسىدىدە كىيىمىلىرىمنى كىيىپ سىرىتقا چىقتىم، ئۇزۇن ماڭمايلا ئۆيىمىزگە ئانچە يىراق بولمىغان جايدا ئۇنى بىر نەچچە بالا بىلەن سومكىسىنى يەرگە تاشلاپ قۇيۇپ، قار دۆۋىسىدە ئويناۋاتقان ھالەتتە كۆردۈم،شۇنىڭ بىلەن قولۇمغا چوڭ بارماقتىن تومراق بولغان تاياقنىڭ قانداق چىققانلىغىنى بىلمەيلا ئۇنى ئۇرۇشقا باشلىدىم،ئۇنىڭ ‹‹دادا،ئەمدى گىپىڭىزنى ئاڭلايمەن، مىنى ئۇرماڭ !››دىگەنلىرىگىمۇ پىسەنىت قىلماي ئۇرۇشقا باشلىدىم،ئاخىرى ئۇنىڭ قۇلۇمغا ئېسىلىپ قىلغان نالە-پەريادلىرى مىنى ئەسلىمگە قايتۇردى،قارىسام ئۇنىڭ مەڭزىدىن ئېقىپ چۈشىۋاتقان تارام-تارام ئىسسىق ياشلىرى قولۇمنى ھۆل قىلىۋېتىپتۇ،شۇ ئەسنادا ئوغلۇمنى ئويۇنغا باشلىغان بىرنەچچە بالىلار بۇ ‹‹تەنبىھ››تىن ساۋاق ئالدىمۇ قانداق ،‹‹ئۆيگە تېز قايتايلى!بىزنىمۇ دادىمىز ئۇرمىسۇن يەنە››دەپ يۈگىرەشكىنىچە كىتىپ قالدى.ئوغلۇمنىڭ ‹‹بىزمۇ قايتايلى دادا !ئەمدى مەكتەپتىن بالدۇر كىلىپ، تاپشۇرۇقلىرىمنى بالدۇر ئىشلەپ،سىلەرنى قاخشاتمايمەن.مىنى كەچۈرىۋېتىڭ››دىگەن يالۋۇرۇش تەلەپپۇزىدىكى سۆزلىرى يۈرۈگۈمنى شۇررىدە ئېرىتىۋەتتى،دە ئۇنىڭ قولىدىن يېتىلەپ ئۆيگە ئەكىردىم،ئەكىردىميۇ ‹‹كىچىككىنە ئاچچىققا ھاي بېرەلمەي  ئوماق،ھەم ئامراق ئوغلۇمنى ئۇرۇپ قويدۇم.››دەپ ئاچچىق  پۇشايمان ھەم ئەپسۇسلىنىش ئىلكىدە  بىرھازاغىچە ھېچكىمگە گەپ قىلمىدىم، ‹‹كىيىنكى پۇشايمان،ئۆزىگە دۈشمەن››دىگەندەك مانا ھازىرمۇ  شۇ ئاچچىقچىلىقتا ‹‹مەن ئوغلۇمنى ئۇرۇپ قويدۇم،مەن ئوغلۇمنى ئۇرۇپ قويدۇم...››دەپ ئۆز-ئۆزەمگە ئۈنسىز پىچىرلىماقتىمەن.     مەنبە:ئۆزۈم:(تەمكىن)

tagnur

	ئاشۇ بىر قېتىملىق ئاچچىق ساۋاق بەلكىم ئوغلىڭىزنىڭ بۇندىن كىيىنكى ھايات مۇساپىسىگە ئىجابى تەسىر كۆرسىتىشى مۈمكىن .

شاتمەن

	داۋاملىق ئەركىلىتىپ يامان ئۈگۈنۈپ قالغان باللىنى مۇشۇنداق ئانچە مۇنچە تەككۈزۈپ رىمۇنىتلاپ تۇرۇش كىرەك  .

yawayi-0998

	ئۆيگە  بارلدۇر كىرسەڭ بىللە  ئوينايمىز دەپ بىللە  ئويناڭ بالىڭىز بىلەن . شۇ تالادا ئىرىشكەن خۇشاللىقىغا سىز  ئىرىشتۇرۇڭ،.... كىچىك بالا دىگەن  ۋەدە نىمە  ئەھدە نىمە تىخى  ئىنىق بىلمەيدۇ ...

sargarda

	كىچىكىمدە   ناماز  ئۇقۇشنى  ئۆگىنىش  سۈرىسىنى  يادلىماي  ئانامدىن  تاياق  يېگىنىمنى ئەسلەپ  قالدىم  . ھەدېسىلا  بالىلارنىڭ  ئەركىنلىكىگە  چەك  قۇيۇپ  ،  ئۆزۈمنىڭ  سەنمىگە  دەسسە  دېگەننىڭ پايدىسى  يوق...

osmanjan37

	مىنىڭچە بۇ تەنبىھ ئۇنىڭغا چوقۇم ياخشى تەسىر كۆرسىتىدۇ. بۇنىڭدىن كىيىن بالىڭىزنى كۆپرەك ئىلھاملاندۇرۇپ تۇرۇڭ! بۇنىڭ ئوغلىڭىزنىڭ كىينىكى ھاياتىدا مۇھىم رولى بار.

mihir

	ئاتا- ئانىنڭ گىپىنى ئاڭلىمىغان بالا تاياق يەيدۇ ، لىكىن بالىنى قاتتىق ئۇرمىغان ياخشى .

nim-japa

	ئۇرغان ئۇرمىغىنىڭىز مۇھىم ئەمەس، گەپ تاياق يېگەندىن كېيىن بالا ئۆزگەردىمۇ ؟ شۇ مۇھىم.

ئەنسار

	nim-japa يوللىغان ۋاقتى  2012-3-8 01:49 PM ئۇرغان ئۇرمىغىنىڭىز مۇھىم ئەمەس، گەپ تاياق يېگەندىن ك ... توغرادەيسىز

uytag

	كىچىكىمدىن بەك شوخ ئىدىم. لىكىن قانچىلىك  شوخلۇق قىلساممۇ ئاتام بىلەن ئانام بىر قېتىممۇ ئۇرۇپ باقمىغان.ئاتام تېخى :- مىنىڭ بالامدە! مىنى دورىدى دەپ ئەركىلىتىپ قۇياتتى.كىيىنچە چوڭ بولغانسىرى ئەقلىمىزگە تولۇپ بۇرۇن قىلغان شوخلۇقلار ياراشمايدىغان بوپ قالىدىكەنمىز. ئانام بالىنىڭ كىچىكى دەپ 4 يىشىمغىچە ئىمىتىپتىكەن شۇڭا ئاكاملار ھازىرمۇ ئەمگەك موزاي دەپ تىرىكتۈرىدۇ~~:qiray14:qiray14:qiray14