خانىم-قىزلارغا بايراملىق ئاچچىق-چۈچۈكلەر

tatlikpigan

	خانىم-قىزلارغابايراملىق ئاچچىق-چۈچۈكلەر ئەسسالام !خانىم-قىزلار،شۇنداقلا سۈيۈملۈك ئانىلار!!!! مەن بۈگۈن سىلەرگە ئۆزگىچە ئاچچىق-چۈچۈكلەرنى ئېلىپ كەلدىم. ھازىربىرەركىم ئاياللار ئۆيدە ئولتۇرۇپ بالا تەربىيلەپ ،ئۆي ئىشلىرىنى قىلسا بولاتتى دېسە نەق مەيداندا چالما كېسەك قىلىپ ئۆلتۈرۈپ قويارسىلەر ھە؟؟!ھېچ بولمىغاندا تۇرمۇش بۇنىڭغا يول قويمايدۇ،ئەرنىڭ قولىغا قاراپ ياشامدۇ...دەپ بىر توقاي سەۋەب باھانە بىلەن ئادەمنى غىق قىلىپ قويىسىلەر شۇنداقمۇ؟؟! 30سانتا رەختتە تىكىلگەن باھاسى مىڭ يۈەندىن ئاشىدىغان <شىڭگەن>كىيىملەرنى كىيىپ ،ئۆزگىنى قارتىپ مېڭىش سىلەر ئۈچۈن غەلبە،مۇۋاپىقىيەت شۇنداقمۇ؟قىزلىرىڭىزمۇئاپا 100 كويغان ئىشتان كەلمەيدۇ 200كوي بەر دەپ ئەركىلىسە مە دەپلە بېرىسىز،ئېلىپكىيگەن ئىشتانلىرى ئالامەتقۇ،ھۇزۇر ئالىسىز دە،بەك سىپتا ڧىگۇرىڭىزنى چىرايلىق كۆرسىتىدىكەن دەپ ماختاپ بېرىسىز شۇنداقمۇ؟!؟!كىيىمنى تار ،كالتە قىممەت كىيىش مەدىنىيەت شۇنداقمۇ؟!! بۇنداقدەي دىغان بولساق بىز ئېشەكنىڭ ئالدىدا تېخى يۈز يىل قالاق ئىكەنمىز،چۈنكى ئۇنىڭ ھەممە يېرى ئوچۇق ،ھەممە يېرى مانا مەن دەپ تۇرىدۇ،ئەمەلىيەتتىغۇ كىيىۋالغان كىيىملىرىڭلارنىڭ ئۈستىدىن بىزمۇ ھەممە يېرىڭلارنى مانا مانا دەپ كۆرسىتىپ بېرەلەيمىز ھازىر. سىلەرنىڭ ئىشلەپ تاپقان پۇلۇڭلار مۇشۇنىڭ ئۈچۈنغۇ؟؟!! بوپتۇ،ئىقتىدارلىق بىلىملىك ئىكەنسىز دەپ تۇرايلى،ھەقىقىي مەسىلە مانا ئەمدى: دادا خىزمەتتە ،ئانا خىزمەتتە،بالىچۇ؟؟؟نەدە ؟مەكتەپتە؟ھەئە شۇنداقراق...    ئۇلار نېمە  يېمەكتە؟نېمە  كىيمەكتە؟<تۇجى چاۋمىڧېن>بەك تەملىك دەيدۇ،سىزمۇ ئاڭلىغانسىز؟توخۇ گۆشىغۇ ياخشى نەرسە ئەممائۇلار كىرگەن ئاشخانا كىمنىڭ بىلەمسىز؟توۋا دەيلى توۋا! تۇللۇقسىزغائەمدى چىققان بالىلار مەكتەپتىن قايتىش يولىدا قىز ئوغۇل دېيىشمەي بىر-بىرىگە ئېسىلىشىپ كېتىۋاتسا....... بۇنى قانداق قىلىشى كېرەك؟؟كىمدىن كۆرۈش كېرەك؟؟؟سىزگە ئايلىق پۇل لازىم،پۇل بولمىسا قىممەت مودا كىيىملەرنى كىيەلمەيسىز،ئەمما بالىلارغا ئانا لازىم ئەمەسما؟؟!قىزلارمىللەتنىڭ ئانىسى دەپ ئېيتقانكەن ئەجداتلار!!! <<ئاياللارھوقۇق مەنپەئەتىنى قوغداش قانۇنى>> ئېلان قىلىنىپ،ئەرلىرىڭىز قوشۇمىسىنى تۈرۈپ بولغىچە سىز نورغۇچ-چۆمۈچنى كۆتىرىدىغان بولۇپ كەتتىڭىز.بۇ جاھان نېمە بولۇپكەتتى !!!ئېيتىڭچۇ خانىم-قىزلار،ھەدە-ئاچىلار!؟! پۇل،ھەممە ئادەمگە لازىم،ئەمما پۇلغا ھەممىنى سېتىۋالغىلى بولمايدۇ دە...ھەتتا ئاتا ئانىڭىزئاغرىپ قالسا دوختۇرخانىغا ئاپىرىشقىمۇ ۋاقىت ئاجرىتالمايسىز.ئۇلارنى يوقلاشمۇشۇنچىلىك تەس شۇنچىلىك ئاز. بالىلارئانا مېھرىگە قانمايۋاتقان،ئۆي ئىچى مېھىر-مۇھاببەتتىن يىراق تۇرغان،يېڭى بىرئەۋلاد نۇرغۇن ئەدەب-ئەخلاق ۋە ئائىلە تەربىيىسىدىن ئىگە بولۇشقا تېگىشلىك مەنىۋى ئوزۇققا ئېرىشەلمەيۋاتقان.سۆزلەپ كەلسە بىر قۇچاق بولۇپ كەتتى بۇ ئىشلار....    خانىم-قىز،ھەدە-ئاچىلار ھېسابلاب بېقىڭچۇ زادى ئايلىق مۇئاشىدىن پايدا ئاپسىزمۇ ياكى زىيان تارتىپسىزمۇ؟!؟ <ھە ئاياللار كىر يۇيۇپ ،تاماق ئەتسۇن ،بىر ئۆمۆر ئەرلەر ئۈچۈن ئىشلىسۇن دەپ نەدە باركەن >دەپ سۆزلەپ چىڭقىلىپ كەتتىڭىز ھازىر شۇنداقما؟؟؟سىز 30 ياشتا قىلغان گىرىمنى ئەمدى 14ياشقا كىرىپلا قىلىپ يۈرگەن قىزلىرىڭىزغا قاراپ ئۆزىڭىزنى بېسىۋېلىڭ بولامدا؟مۇشۇنىڭ ھەممىسى سىزنىڭ تۆھپىڭىز .... ئانا-ئۆينىڭ مەنىۋى ھاياتىنى ،بالىنىڭ بارلىق ئۆسۈپ يېتىلىش جەريانىنى مۇكەممەل بىر تەرەپ قىلالىسا،ئەرلەر جاپالىق ئىشلەپ ئۆينىڭ ماددى ئېھتىياجىنى قاندۇرسا بۇ ئائىلە بىرھەقىقى مەدەنىيەتلىك ئۇتۇق قازانغان ئانىنىڭ ئائىلىسى بولاتتى. ھازىرلا مۇنداق دەيسىز ھە:مال باھاسى ئۆرە،بىر ئادەمگە قاراپ تۇرغان بىلەن جاننى باققىلى بولمايدۇدەپ سەكرەيسىز ..ئۇنداقتا سوراپ باقاي ئالغان مائاشىڭىز ئۆزىڭىزنىڭ شۇ قىممەت موداكىيىملىرى ،ئېسىل گىرىملىرى شۇنداقلا شۇ ئائىلە تەربىيىسى كەم قالغان بالىڭىزنىڭ ھەرخىل ئىشرەت سورۇنلىرى ۋە يەۋاتقان مەينەت ئەخلەت يېمەكلىكلەر ئۈچۈن ئورۇنسىزبۇزۇپ چاچقان چىقىملىرىغا ياماق بولالامدۇ؟؟!!؟   ياپونىيە دېسە بىلمەيدىغىنىڭلار يوق شۇنداقتۇ؟جۇڭگو ئەمەس شىنجاڭنىڭ بەشتىن بىرىچىلىك كەلمەيدىغان بۇ دۆلەت نېمىشقاشۇنچە داڭلىق؟؟ چۈنكى ئۇ دۆلەتتە ئاياللارمۇ يۇقىرى مەدەنىيەت سەۋىيىلىك بولۇپ، تۇنجى بالىسىنى تۇغقاندىن كېيىن خىزمىتىدىن توختاپ بالا ئۈچۈن بارىنى ئاتاپ،ھەقىقىي ئانىلىق بۇرچىنى ئادا قىلىدىكەن.بۇ گەپنى ئاڭلاپ ئۆزىڭىزگە:<مەن ئىنسان ئانىسىمۇ ياكى بالىسىنى تۇغۇپ قويۇپلا تاشلاپ قويىدىغان ھۆپۆپمۇ>- دەپ سۇئال قويۇپ باقتىڭىزمۇ؟ئەلۋەتتەھۆپۆپمۇ بالىلىرى ئۇچۇرۇم بولغىچە دان بېرىپ باقارمىش. ھازىرسىز بەك قىلسىڭىز شۇ ھۆپۆپچىلىك قىلدىڭز خالاس.شۇنداق دەپ ھەريىلى دۇنياخاراكتىرلىك باھالىنىدىغان داڭلىق 10 ئالىم ئىچىدە ھەر يىلى كەم دېگەندە ياپونىيەدىن ئىككىسى بار.بۇ زادى نەدىكى پەرق؟ دەل ئانىنىڭ رولىدىكى پەرق. ئانىلار!ئانا بولۇش ئالدىدا تۇرىۋاتقانلار!شۇنداقلا كەلگۈسىدە ئانا بولىدىغانلار سەل ئۇيقىڭىزنى ئېچىڭ.... <<بۇرۇننىڭ بۇرىنىسىدا ،بىر كىلىن ئېرىنىڭ كېسەلچان ئانىسىغا قارىيىپ كەتكەن پۇچۇق ياغاچ چېنىدە ئاش بېرىپتىكەن،بۇنى كۆرگەن بالىسى :-ئانا ،سىلەر قېرىساڭلار مەنمۇ سىلەرگە مۇشۇنداق چېنىدە ئاش بېرىمەن دەپتۇ>>.بۇ ئىبرەتلىك ئۈزۈندىدىن شۇنى بىلگىلى بولىدۇكى ئانا بالىغا ئەڭ بىۋاستە ئەڭ زور تەسىر قىلىدىغان ئادەم.سىزنىڭ موداكىيىشىڭىز،ئىسراپخورلۇق قىلىشىڭىز،ئەتىگەن كېتىپ كەچ قايتىشىڭىز ،ئاتا-ئانىڭىزنى يوقلاپ تۇرماسلىقىڭىز ،شۇنداقلا بالا تەربىيلەش ئۇسۇلىڭىز كېيىنكى بىر ئەۋلادقاقانچىلىك تەسىر كۆرسىتىدىغانلىقىنى ئويلاپ كۆرۈڭ.بۇ زىيانلارنى شۇ كىچىككىنە ئايلىق پۇل بىلەن تولدۇرغىلى بولامدۇ؟!؟! ئەڭ يېقىنقى بىر مىسال ھازىر ئوغۇللار قىز تاللىسا قىزنى ئەمەس خىزمىتىنى،قىزلارمۇيىگىت تاللىسا يىگىتنى ئەمەس خىزمىتىنى سورايدىغان بولۇپ يېتىشىپتۇ،بۇمۇئانىلارنىڭ بىر مەغلۇبىيىتى ئەمەسمۇ؟!؟!؟...   بولدى،سىلەرگە مۇشۇنچىلىك ئاچچىق-چۈچۈكلەرنىبېرەي،بەك جىق بولۇپ كەتسىمۇ ھەزىم قىلىپ بولالماي ئاشقازىنىڭلار قاناپ كەتمىسۇن. ئاخىرىدا گەپلىرىمنىڭ قوپالراق بولۇپ قالغىنىدىن ئەپۇ سورايمەن،ئەمما يۈرەككە تەككۈدەك،ئازتولا زىتىڭلارغا تەككۈدەك گەپ قىلمىسا كار قىلماس بولۇپ كەتتى ئەمەسمۇ... ئانىجانىم ئانىلار!!!سىلەرگە مۇھتاج بالىلار!بۇرچىڭلارنى ھەقىقىي ئادا قىلىڭلار!بولامدۇ؟كالتە كوسار،ئەجنەبىيدەك ئەۋلادلارنى تۈزەش ئۈچۈن ئانىلار بۈشۈكتىن باشلاشكېرەك...بولمىسا ئۈلگۈرمەيدۇ....        بايرامدا سىلەرگە ئاچچىق-چۈچۈكنى جىقبېرىۋەتتىم مېنى تىللىسىڭلار تىللاڭلار،خاپا بولساڭلارمۇ مەيلى... مەنبە:مەردان ئابدۇللا<تاتلىق پىغان>                                2012.3.8

AZAL0996AA

	راس گەپكەن ئويلانسا ئىش جىق

umidwar99

	AZAL0996AA يوللىغان ۋاقتى  2012-3-8 04:32 PM راس گەپكەن ئويلانسا ئىش جىق ئويلانسا ئىش ھەقىقەتەن جىق، لېكىن جىق كۆرۈنسە قورقۇپ كىتىپ جايىدىلائولتۇرۇپ قېلىۋاتقانلار تېخىمۇ جىق، بىر بىردىن قول سېلىپ ئۆزگەرتسەك تاغمۇ توشىمايتتى.......

atux-0908

	ئاشۇنداق  خۇتۇنلار   مۇشۇ  مۇنبەرنى  بىلەمدىغاندۇ؟  ياكى بىز قايناپ، قايناپ  توختاپ قالامدىغاندىمىز؟

gurbet_kizi

	nasihat aqqik miwisi tatlik dap hazir bu hil ixlar bak awij elip kitip baridu ,amma bazi anilirimiz mu bar garqa ixligan bilan mu ayilisagimu ham kuyunuwatkan ayilisi uqun japa qikiwat kan ,ahirga kalsak bax kol tang amas ,hatalax misam sizni tundum birsiga ohxattim isil timilirigiz uzulmisun

بەرگى

	مىنىڭچە ئۆينىڭ ئىقدىسادىن ئەرلەر ئۆزى چىقىپ ۋايسىماي ، خۇرسىنماي ، مىننەت قىلماي ئايالنى ئائىلە ئايىلى قىلىپ ئىززەتلەپ ھۆرمەتلەپ قىلسا مىنىڭچە كۆپ ساندىكى ئاياللار بۇ پىكىرگە قوشۇلدۇ ، ئەتراپىمىزنى كۆرۋاتىمىز ، ئاللا خالىسا بۇرۇنقىدىن خېلى تۈزەلدى دەپ ئويلايمەن ، ئائىلدە ئېرى تىتىپ بەرگەننى يەپ ئىقتىساتچىللىق بىلەن تۇرمۇش ئۆتكۈزۈپ ۋاقتىدا نامازنى ئادا قىلىپ باللارنى ياخشى تەربىيەلەپ يولدشىغا سادىق بولۇش . ئەمما شۇ ئىقتىساد ئەھۋالى كىشىنى ئويغا سالماي قالمايدۇ ، كۆرۋاتىمەن ئەتراپىمدىكى بەزى ئىشلارنى ، ئائىلدە ئولتۇرغان ئاياللارنىڭ يولدىشىغا پۇل دەپ ئىغىز ئاشمىقىنىڭ قانچە تەسكە كىلدىغانلىقى ، بولوپمۇ ئۇلارنىڭ كەيپىياتى ياخشى ئەمەس ۋاقتلاردا ، كىشلەرنى ئەپسۇسلاندۇردۇ ، بەزى ئاياللارمۇ بار دوست-دۈشمەننىڭ ئالدىدا ياخشى كىينىمەن دەپ قىممەت باھالىق كىيىملەرنى كىيىشىپ يۈرگەنلەر ، بۇ ئەھۋاللارنى قانداقتۇر بىر تەرەپكە ئارتىپ تۇرۇپ ئاغرىنىپ ھەل قىلدىغى بولمايدۇ ، مىنىڭچە كىبىرلىق قىلماي ياخشى ھەل قىلىش ، ياخشى چۈشەندۈرۈش كېرەك ئاللا ھەممە كىشىگە ئاسانلىق ئاتا قىلسۇن ھەم بەخىتلىك قىلسۇن .

ark-ay

	قايناپلا قاپتۇغۇ ؟ئېرىمنىڭ تاپقان پۇلى ئۆيگە بالىغا كىيىنكى ئوقىشىغا كەڭ تاشا يەتكەن بولسا ھەرگىزمۇ  ئىشلىمەيتىم ،ئاياللارنىڭ ھەممىسى ئۇنداق  ئەمەس ،شەخسەن مەن بىلىدىغانلىرى ئىچىدە  بەك ئاز ،ياپونىيە دىگەن يەردە ئايالى ئىشلىمەي قالسا ئېرىگە بېرىدىغان پۇلنى كۆپەيتىدۇ دەپ ئاڭلىغان ،مۇشۇنداق جەمىيەت پاراۋانلىقى ياخشى بولسا بىزگە خىزمەتتىن بەتتە پولو چىقمايدۇ ،،ئايلىق مۇئاشىنى قەرز گە تۇتۇپ بېرىپ تۇرۇپ كىيىم كىيىدىغانلارغا ھەيرانمەن ،ئۇلار ئويلانمامدۇ ؟  دىبادىن قېپ قالمىسا بولغۇدەك ،ھىچ بولمىسا ياسىنىشنى كىيىم كىيىشنى ئۆگىنىدىكەنمىز دىگىنىگە قاراپ ھەيىىىىىىىىىىىىي  دەپ قالغان ئىدىم ،ئەخلاقى شۇنچىلىك ياخشى ئىسىل بىر ئاغىنەمنىڭ دىگەن گىپى بۇ .....

AXIK0997

	:qiray9

ئارزۇ0903

	[ھەممە ئايالنى بىر تاياقتا ھەيدىسىڭىز بولمايدۇ ،ئەسلىدە مىنىڭمۇ ئىشلىگۈم يوق ئىدى، لېكىن قىزىمنى مەن باقمىسام ئۇنى باقىدىغان دادىسى يوق  .ئۇ بارمۇ ياكى يوقمۇ بۇنىمۇ ئۇقمايمەن شۇڭا مەن تىرىشىپ ئىشلەپ قىزىمنى ياخشى ئوقۇتۇپ ئۇنى ياراملىق قىلىپ تەربىلەپ چىقمىسام بولمايدۇ........   .......      .........