مۇھەببەت

MILYONIR

	مۇھەببەت پاك ھەم مۇقەددەس . ئۇنىڭدا بىمەنە ھەۋەس ، مۇھەببەت باغدا ئايدىڭدا ، قۇچاقلىشىپ سۆيۈشۈش ئەمەس . مۇھەببەت قىزغا گۈزەللىك يىگىتكە قامەت . مۇھەببەت قىزغا خوشاللىق  يىگىتكە ئامەت . مۇھەببەت تۈگمەس بىر داستان . مۇھەببەت ئۆچمەس بىر گۈلخان . مۇھەببەت دىلغا ساپ ھاۋا . مۇھەببەت مۇڭلۇڭ خۇشناۋا . مۇھەببەت ، پاك ھەم مۇقەددەس . مۇھەببەت دېسە ، ھەركىم تۇرار دەست . ئاپتورى مىليونىر ئۇنتۇش مومكىنمۇ تۇنجى سۆيگەننى ئۇنتۇش مومكىنمۇ تۇنجى كۆيگەننى ، ئايدىڭدا مۇڭدۇشۇپ خوشال كۈلگەننى ، باغلاردا ئايلىنىپ ئويناپ يۈرگەننى ، ئۇنتۇش مومكىنمۇ تۇنجى سۆيگەننى . يامانلىق شۇملۇقنى تىلەپ تۇرسىمۇ ؟ باغرى تاش بىۋاپا مىشچان بولسىمۇ ؟ كەتسىمۇ يىراققا ياكى ئۆلسىمۇ ؟ ئۇنتۇش مومكىنمۇ تۇنجى سۆيگەننى . كۈلسىمۇ ،يۈرسىمۇ  باشقىلار بىلەن . ئۇچىراپ قالسىمۇ ئۇنىڭدىن بەلەن . قالدۇرغان بولسىمۇ ھەسرەت ۋە ئەلەم . ئۇنتۇش مومكىنمۇ تۇنجى سۆيگەننى . ئاپتورى مىليونىر كۆيۈپ قالدىممۇ كۆيدۈرۋالدىڭمۇ كۆيۈپ قالدىممۇ كۆيدۈرۋالدىڭمۇ ، تۇرار سىمايىڭ كۆزئالدىمدىلا . سېنىڭ بۇلاقتەك كۆزلىرىڭ گۈلۈم ، تۇرۇدۇ ھەرۋاق خىيالىمدىلا . كۆيۈپ قالدىممۇ كۆيدۈرۋالدىڭمۇ  ، سەندىن باشقىنى كۆرگۈم كەلمەيدۇ . سەن ئۈچۈن بىرەر ئەشئار پۈتمىسەم ، كۆزۈمگە پەقەت ئۇيقۇ كەلمەيدۇ . كۆيۈپ قالدىممۇ كۆيدۈرۋالدىڭمۇ  ، سېنى كۆرىمەن كۆرگەن چۈشۈمدە . سېنىڭ ھەسەلدەك سۆزلىرىڭ گۈلۈم ، جاراڭلار دائىم قۇلاق تۈۋۈمدە . كۆيۈپ قالدىممۇ كۆيدۈرۋالدىڭمۇ  ، كۆزلىرىم نىچۇن ساڭا قارايدۇ ؟ كۆڭلۈم تەلمۈرۈپ سېنىڭ كۆڭلۈڭگە ، سەندىن مۇھەببەت سۆيگۈ سورايدۇ ؟ . ئاپتورى مىليونىر                               بىلەلمىدىم ئايرىلىمىز نە ئۈچۈن ؟؟؟    شۇچاغلاردا  يېنىمدا سەن بولغاچ كۈنلىرىم خوشال ئىدى .شۇچاغلاردا سەن مېنى چىن دىلىڭدىن سۆيگەچكە كۆڭلۈم پۈتۈن ئىدى . شۇچاغلاردا  سەن ماڭا ئىشەنگەچكە مەن ئىنتايىن خاتىرجەم ئىدىم . بىراق  بۇ كۈنلىرىم ئۇزاققا بارمىدى مەن سېنى چىن قەلبىمدىن سۆيگەن قەدىرلىگەن ئىدىم . ۋىژدانىم ، يۈرۈگۈم ،روھىم ساڭا تەئەللۇق ئىدى.   بىر كۈنى تۇيۇقسىزلا  بىز ئايرىلىپ كېتەيلى دېدىڭ . مەن قوشۇلمۇدۇم .  قايتا قايتا سەبىنى سورۇدۇم . سەندىن پەقەت بىرلا جاۋاپ كېلەتتى،- مېنى كەچۈرۈڭ مىليونىر ‹‹مەن سىز ئويلىغاندەك ياخشى قىز ئەمەس››. ،-شۇنداق دەپلا سەن كېتىپ قالدىڭ  ئۆزۈمدىن ۋە سېنىڭدىن قايتا -قايتا  سورۇدۇم .  ئېيتقىن گۈلۈم ئايرىلىمىز نە ئۈچۈن ؟؟؟ كاللامدا تۈمەنمىڭ سۇئال ئۇ مەن بىلەن  كۆڭۈل خوشى قاتارى مۇھەببەتلىشىپ قويدىمۇ يە ؟  ياق دەيتىم ئۆز-ئۆزۈمگە ، ئۇنداق قىزلاردەك ئەمەستى . ئاتا-ئانىسى باشقا بىرىگە مەجبۇرىي ياتلىق قىلۋەتمەكچى  بولدىمۇ يە ؟ياق دەيتىم ئۆز-ئۆزۈمگە ، ئۇ بۇتوغۇرسىدا ئۇ ماڭا بىرەر قېتىم ئېغىز ئېچىپ باقمىغان تۇرسا .  مەن خاپا قىلىپ قويدۇممۇ يا ؟ ياق دەيتىم ئۆز-ئۆزۈمگە ، شۇنداق بولغاندىمۇ ئايرىلىپ كەتمەس .مېنى كەچۈرۈڭ مىليونىر ‹‹مەن سىز ئويلىغاندەك ياخشى قىز ئەمەس››. دېگەن سۆزۈڭ قۇلاق تۈۋۈمدە جارڭلاپ  كاللامغا قورقۇنۇشلۇق بىر  سۇئال كەلدى  گۈلۈم سېنىىڭ  سەن ئىپپەتسىز قىزمۇ يە ؟ ئېيتقىن گۈلۈم ئايرىلىمىز نە ئۈچۈن ؟؟؟ شۇ چاغلاردا گۈزەل يارىم ئىدىڭغۇ ، ئازاپلاردا كۆز ياشلىرىم ئىدىڭغۇ . بەخت بەرمەي كەتتىڭ نىچۈن يېنىمدىن ، ۋاپادارىم  گۈل نىگارىم  ئىدىڭغۇ . سەپىرىمدە ماڭا ھەمدەم ئىدىڭغۇ ، مۈشكۈللەردە ماڭا ياردەم ئىدىڭغۇ . ئازار بېرىپ قويدۇممۇ يا كۆڭلىڭگە ، چۆلدە قالسام ماڭا زەم زەم ئىدىڭغۇ . يۈرۈگۈمنىڭ  خوشاللىغى ئىدىڭغۇ ، بۇ كۆڭۈلنىڭ ئىنتىزارى ئىدىڭغۇ . كۆزلىرىڭگە قاراپ ،قاراپ تويماستم ، ھاياتىمنىڭ نەۋباھارى ئىدىڭغۇ  ، ئايرىلماسقا ۋەدە بەرگەن ئىدىڭغۇ ، ئەزىزەم دەپ مېنى سۆيگەن ئىدىڭغۇ . ئېيتقىن گۈلۈم ئايرىلىمىز نە ئۈچۈن ؟؟؟ بىللە يىغلاپ بىللە كۈلگەن ئىدىڭغۇ . ئاپتورى مىليونىر

noriya

	قولىڭىزغا دەرت بەرمىگەي ،توي قىلغاندا خەت بەرمىگەي ...ھى ھى چاق چاق جۇمۇ مىليونىركا ... [mp3=1]http://www.cs.cmu.edu/~hulya/sarkilar/Candan%20Ercetin%20-%20Sensizlik.mp3[/mp3] بىللەيىغلاپ بىللە كۈلگەن ئىدوققۇ، ئەمدى قاچنىڭ مىنى تاشلاپ نەلەرگە. ۋۇجۇدىمغا ئورناپ كەتكەن سىمايىڭ ، توزغاق كەبى ئۇچۇپ كەتتى ھەر يەرگە.

laylinilka

	تۈركىيەنىڭ مۇھەببەت ھىكايىسى سۆزلىنىپ ئېيتىدىغان ناخشىلىرىنىڭ پۇرىقى كېلىۋاتامدۇ؟ سىز سۆيگەن قىز نىمىدىگەن ئىسىل، ۋاز كىچىشنىڭ ئۆزىمۇ مۇھەببەت.

begzeda

	ئوبرازلىق بوپتۇ..

0000bahar

	مۇھەببەت ھەر بىر ئادەم قەلبىدە ھىس قىلىدىغان بىر تاتلىق تۇيغۇ، مۇھەببەت ۋاقتى كەلسە ھاياتىنى ئاخىرلاشتۇرۇش بەدىلىگە ئېرىشىغان ساپ ۋە مەڭگۈلۈك بەىت، مۇھەببەت چىكى يوق گۈزەل بىر چىغىر يول، مۇھەببەت مەڭگۈ قۇرىماس بۇلاق... مۇھەببەت بىر شىرىن ئازاپ، مۇھەببەت مەڭگۈلۈك يىڭىلدۈرگۈچى، مۇھەببەت  بەزىدە بولسا ھالاك قىلغۇچى... ئويلايمەن، ھەقىقى  ۋە ساپ مۇھەببەت ئىنساننى ئۈمىت ۋە ئىستەكلەرگە باشلىغۇچى، روھنى پاك، جىسمىمىزنى تاۋلىغۇچى.

umar184

	بۇ شىېر مىنى يېقىندا ۋاپات بۇلۇپ،مىنى قاتتىق ئازاپتا قۇيۇپ كىتىپ قالغان ئەڭ مىھىرىبان،ئەڭ كۈيۈمچان،ئەڭ ۋاپادار ئايالىم نۇرنىساخاننى چۇڭقۇر ئەسلەتتى،شۇڭامىليونىر ئەپەندىگە چىن دىلىمدىن رەىمەت ئىيتىمەن!قولىڭىزغا دەرت كەلمىسۇن!

omak~layla

	مۇھەببەت ...... بەك ئىچىمنى سىقىۋەتتى بۇ مۇھەببەت

TaRKiN

	سەۋىر قىلىڭ قىرىندىشىم.ھەممىسى اللاھنىڭ ئىلكىدىكى ئىش. ئىگىمىز سىزگە يەنە بىر ۋاپادار ھەمراھنى ئىۋەتىپ قالار.

TaRKiN

	قانداق دەيسىز؟

omak~layla

	ئازاپتىن باشقا ئىش يوق ... ۋاقىت ئىسراپچىلىقى ،مۇھەببەتكە كەتكەن ۋاقىتنى باشقا ئىشقا قاراتسا كۈنى تىخىمۇ مەنىلىك ئۆتىدۇ ئەمەسمۇ ... توي قىلىپ بولغاندىن كىيىن مۇھەببەتلەشسىمۇ كىچىكمەيدۇ ،تويدىن بۇرۇنكى مۇھەببەتنىڭ .ايىغى چىقىشى ناتايىن ... ئالداش -ئالدىنىش ...ئازاپ ،ھەسرەت ،يىغا ...ئاغرىنىش ...