يېڭى كىتاب(يۈرۈكۈڭنى ئــوقۇپ باققۇم بار)

ark-zat

	ئۆمىدلىك قەلەمكەش، قارا ھىجران مۇنبىرىنىڭ ئالىي ئەزاسى گۇلباھار ئەزىزنىڭ «يۈرىكىڭنى ئـوقۇپ باققۇم بار » ناملىق نەسىرلەر توپلىمى 2011-يىلى 10-ئايدا شىنجاڭ ئۇنىۋېرستېتى نەشرىياتىدا نەشر قىلىنىپ بازارغا سېلىندى .      گۈلباھار ئەزىز يېقىندىن بۇيان قولىغا قەلەم ئېلىپ «تارىم »، «تەڭرىتاغ »، «تۇرپان»، «كروران » قاتارلىق ژۇرناللاردا كەينى-كەينىدىن 200 پارچىدەك تۈرلۈك ژانىردىكى  ئەسەرلەرنى ئېلان قىلىپ ، كەڭ ئوقۇرمەنلەرنىڭ ياقتۇرىشى ۋە قوللاپ- قۇۋۋەتلىشىگە نائىل بولدى . ئۇنىڭ «يۈرىكىڭنى ئوقۇپ باققۇم بار » ناملىق بۇ توپلىمىدىكى نەسىرلەردە تۇرمۇش ، مۇھەببەت ، تەبىئەت، ئاتا-ئانا، پەرزەنت قاتارلىق تىمىدىكى مەزمۇنلار ئوتلۇق، لىرىك ھېسيات بىلەن نەسىرىي تىلدا ئەكىس ئەتتۈرۈپ بېرىلگەن بولۇپ ، كىشىنى شېرىن، گۈزەل ھېس- تۇيغۇلارغا چۈمدۈرىدۇ . ئۇنىڭ يەنە « ئەقىدە توزانلىرى » ناملىق بىر پارچە رومانى نەشردىن چىقىش ئالدىدا تۇرىدۇ. بۇ يازغۇچى دەل قارا ھىجران مۇنبىرىنىڭ ئالىي ئەزاسى gul-sanam بولۇپ، ئۇنىڭ قارا ھىجران مۇنبىرىدىكى ئەسەرلىرىدىن «بۇ بايرام ئەسلى ساڭا مەنسۇپ ئىدى»،«تىۋىشسىز كېچىلەر» قاتارلىقلار بار. بىز ئۆمىدلىك يازغۇچىمىز گۈلباھار ئەزىزنىڭ قەلىمىگە بەرىكەت ،بۇندىن كېيىنكى ئىجادىيىتىگە زور ئۇتۇقلارنى تىلەيمىز .          تۆۋەندە گۈلباھار ئەزىزنىڭ  قارا ھىجران مۇنبىرىنىڭ باشقۇرغۇچىسى «ئۇچقۇن» ئەپەندىم ئاۋازغا ئالغان «روھىمغا سەپەر» ناملىق نەسىرى ھوزۇرۇڭلاردا بولسۇن:   [mp3=0]http://www.djvdj.com/m/8de67de39f793ace1eabe35911064ce911/www.djvdj.com.mp3[/mp3] شايار تەۋەسىدە بۇ كىتابنى سېتىۋالماقچى بولغانلار  277058563 نومۇرلۇق چ چ ياكى 13565689770 نۇمۇرلۇق تېلىفۇن بىلەن ئالاقە قىلساڭلار بولىدۇ.

Aytugh

	گۈلباھار ئەزىزگە مۇبارەك بولسۇن! مەن ئۇنىڭ نەسىرلىرىنى تور يۈزىدە ۋە ھەرقايسى مەتبۇئات بەتلىرىدە ئوقۇپ كىلىۋاتقىلى ئۇزۇن بولدى. شۇنداقلا ئۇنىڭ نەسىرلىرىنى تولىمۇ ياقتۇرىمەن. كىشى قەلبىنى يىراق-يىراقلارغا باشلاپ كىتىدىغان لەرزان لىرىكىلار...... بۇ يۈرەك ئوقۇپ بېقىشىمىزغا، قوللىشىمىزغا ئەرزىيدۇ.

ihsan0903

	مەن بۇ كىتاپنى ئۇقۇپ باقسام بولغۇدەك

kok-sultan

	گۈلباھار خانىمنىڭ ئىجادىيىتىگە يەنىمۇ ئۇتۇق تىلەيمەن!

ubul0998

	تىما ئىگسىگە رەخمەت، سىتىۋىلىپ ئۇقۇپ باقاي.

1670154432

	گۇلباھار ئەزىزنىڭ قەلىمىگە بەركەت ،تىنىگە سالامەتلىك ،ئىجادىيەتلىرىىگە ئۇتۇق تىلەيمەن.   مۇنبەر يۇزىدە ئۇنىڭ ئەسەرلىرىنى كۇرۇپ تۇرۇشقا مۇيەسسەر قىلغان ،بارلىق جاپاكاش تورداشلارغا سەمىمى سالام يوللاش بىلەن بىرگەئەجىرىگە رەخمەت ئېيتىمەن.

雪莲花

	بۇ ھەرقايسى جايلاردىكى كىتابخانىلاردا بارمۇ؟مەنمۇ ئوقۇي دىگەن.

SaN_Siz

	مەنمۇ بۇ كىتاپنى سېتىۋالاي ، گۇلباھار خانىمنىڭ بۇندىن كىيىنكى ئىشلىرىغا ئۇتۇق تىلەيمەن ..

kok-sultan

	بۇ كىتاپ تېخى بىزنىڭ ناھىيە بازىرىغا كەلمەپتىغۇ؟!

پالۋان

	ئەسلىدە گۈلباھار خانىمغا ئوخشاش قابىلىيەتلىك يازغۇچىلارنى مىسرانىمغا تەكلىپ قىلساق مۇنبەرنىڭ تەرەققىياتىغا بىر كىشىلىك تۆھپىسىنى قوشقان بولسا نېمە دېگەن ياخشى بولاتتى.

aklala220

	ئاپتۇرنىڭ ئەسەرلىرىنى ئۇزۇندىن بېرى ھەرقايسى  تور بەتلىرىدە ياختۇرۇپ ئوقۇپ   كىلىۋاتقان  ئوقۇرمەنلەرنىڭ بىرى ئىدىم .يازغان ئەسەرلىرى ھەقىقەتەن كىشىنىڭ يۈرەك تارىنى چىكىدۇ ... ئاخىرى ئاپتۇرنىڭ بۇ كىتاۋىنىڭ نەشىردىن چىققانلىقىنى ئۇقۇپ بەكمۇ خوش بولدۇم .بولسا كىتاپنى ئۆز قولىمىز بىلەن ئوقۇيالىغان بولساق بەكمۇ خۇرسەن بولاتتىم .ئۆزى بىلەن ئالاقىلىشىش مۇمكىن بولسا بۇ كىتاپنى ئېلىپ يادىكار قىلاي دىگەن ئويۇم بار  ئىدىم . ئاپتۇرىمىز گۈلباھار ئېزىزنىڭ  تىنىگە سالامەتلىك ،ئىشلىرىغا ئوڭۇشلۇق ،تۇرمۇشىغا بەخىت تىلەيمەن !!! ئامان بولۇڭ قېرىندىشىم ! ئىرادىلىك قىز ... قەلەم توختاپ قالمىسۇن ئەزىزىم ...

aklala220

	ئاپتۇرنىڭ ئەسەرلىرىنى ئۇزۇندىن بېرى ھەرقايسى  تور بەتلىرىدە ياختۇرۇپ ئوقۇپ   كىلىۋاتقان  ئوقۇرمەنلەرنىڭ بىرى ئىدىم .يازغان ئەسەرلىرى ھەقىقەتەن كىشىنىڭ يۈرەك تارىنى چىكىدۇ ... ئاخىرى ئاپتۇرنىڭ بۇ كىتاۋىنىڭ نەشىردىن چىققانلىقىنى ئۇقۇپ بەكمۇ خوش بولدۇم .بولسا كىتاپنى ئۆز قولىمىز بىلەن ئوقۇيالىغان بولساق بەكمۇ خۇرسەن بولاتتىم .ئۆزى بىلەن ئالاقىلىشىش مۇمكىن بولسا بۇ كىتاپنى ئېلىپ يادىكار قىلاي دىگەن ئويۇم بار  ئىدىم . ئاپتۇرىمىز گۈلباھار ئېزىزنىڭ  تىنىگە سالامەتلىك ،ئىشلىرىغا ئوڭۇشلۇق ،تۇرمۇشىغا بەخىت تىلەيمەن !!! ئامان بولۇڭ قېرىندىشىم ! ئىرادىلىك قىز ... قەلەم توختاپ قالمىسۇن ئەزىزىم ...

suzuk-ay

	سەنەم ھەدەمنىڭ بۇ كىتابىنىڭ مۇۋاپىقىيەتلىك ھالدا روياپقا چىققىنىدىن خۇشالمەن. ئىنشائاللاھ ئۇنىڭ كىتابىنى شۇنداق ئوقۇغۇم بار.... ئۇنىڭ تېنىگە سالامەتلىك ئىشلىرىغا ئۇتۇق ،قەلىمىگە بەرىكەت تىلەيمەن ! ئامان بولۇڭ گۈلباھار ھەدە... كۈندە  گۈلدە  ئېچىلىپ تۇرغايسىز ....

Aytugh

	يازغۇچىلار مۇنبىرىدىكى ئۇشبۇ كىتاپ ئۇچۇرىغا قەلەمكەش نۇر يۇنۇسنىڭ بەرگەن ئىنكاسى: شۇنداق بىر يۈرەكنى ئۇقۇپ باققۇم بار ئىدى ئۇ يۈرەكتە قىلچە ساختىلىق زورىقىش بولماسلىقى كېرەك ئىدى.ئۇ يۈرەككە سەھەردىكى ياپراقلاردا تىترىگەن شەبنەمدەك  سۈپ-سۈزىك  پاكىزلىق يالتىرغان بۇلىشى كېرەك ئىدى.ئاخىرى مېنىڭ يۈرۈكىم ئۇيغۇر تىلىنىڭ ئەڭ گۈزەل ئىپادىلەش ئىمكانىيتىدە يېزىلغان يىقىملىق ھەم شىرىن قۇرلاردا ئۇقۇلۇپ ئۆتتى . مەن كۈتكەن، ئىزدىگەن ئوتلۇق لېرىكىنى تاپقان ئىدىم ......       ئۇيغۇر ئەدبىياتىدا كەمدىن كەم ئۇچراپ قالىدىغان ،ساپ ئادىمىيلىك تۇيغۇسىنى رەڭۋازلىتىن خالى ئىپادىلەپ،يەكتا پىكىر ئۆزگۈچىلىكىنى يۈرەكلىك ھالدا ئۇقۇرمەنگە تاپشۇرالىغان  گۈلباھار  ئەزىزنىڭ:«يۈرىكىڭنى ئوقۇپ باققۇم بار» ناملىق نەسىرلەر توپلىمى بىلەن ئۇچراشتىم . بۇ كىتاپ مېنىڭ  ئۇيغۇر ئەدبىياتىدا بەدىلىك ھەم لېرىكا قالمىغاندەك ئويلىۋالدىغان بىمەنە قارىشىمنى ئۆزگەرتىۋەتتى. بۇلۇپمۇ  ساپ ئەدەبىيات  بىر قىسىم ئەدىبلەرنىڭ  نەزىردە تۇلۇمۇ كۆپ ئىجتىمائى  يۈكنى ئېغىردىن ئېغىر يۈكلىۋىلىشى كېرەكتەك تۇيۇلىدىغان ،قۇرغاق پىكىر ئېقىمىدا  بىر بولسا بۇ ئالەمدىكى  ھەممە نەرسىدىن ئاغرىنىش كەيپىياتى ؛  يەنە بىر بولسا قايسىدۇر بىمەنە كۆز قاراشنى بازارغا سېلىش ياكى ھېچقانداق ئىستىتىك قاتلىمى يوق ،ھېسيات جەھەتتە زورۇقۇشتەك <<يېزىقچىلىققا ئۈزىنى زورلاش >> خاھىشى ئەۋج ئالغان ئەدىبى مۇھىتىمىزدا    «يۈرىكىڭنى ئوقۇپ باققۇم بار» نىڭ  نەشىر قىلنىشى سۈينۈشكە ،پەخىرلىنىشكە تىگىشلىك  تۇلۇمۇ خاسىيەتلىك بىر ئىش دىيىشكە بۇلىدۇ . بۇنىڭ دەلىلى شۇكى :«يۈرىكىڭنى ئوقۇپ باققۇم بار» دىن << سىردىشىم  ۋىناس >>قىچە  بولغان 109پارچە  ئۆزگىچە ھەم يىقىملىق كىچىك تىمىلاردا  يېزىلغان نەسىرلەردە  ئوقۇرمەننى  ئىختىيارسىز  سۈزۈك ھەم  تۇيۇنغان لىرىكىغا   باشلاپ ئەكىرىپ كىتىدىغان ئاجايىپ بىر سېھرى كۈچ بار . بۇ خىل سېھرى كۈچنى ھەر بىر قۇرنى كۆڭۈل قۇيۇپ ئۇقۇيالايدىغان ،يۈركى ياخشىلىق ،سېخىلىق ،مىھرى-مۇھابەتكە تۇيۇنغان  ئوقۇرمەن ،چۇقۇم ھىس  قىلىپ يىتەلەيدۇ .    بۇ مېنىڭ :«يۈرىكىڭنى ئوقۇپ باققۇم بار» ناملىق نەسىرلەر توپلىمىنى ، تۇنجى ئۇقۇشۇمدىن ئالغان دەسلەپكى تەسىراتىم .كېيىنچە قانچا قېتىملاپ ئۇقۇيدىغانلىقىم ئۈزۈمگە ئېنىق ئەمەس .قايتا ئۇقۇش جاريانىدا   مەتبۇئات يۈزىدە ئۆلچەملىك ئوبزۇر شەكلىدە  بۇ ھەقتىكى قاراشلىرىمنى ئىلمى نوقتىدىن قايتا يېزىپ چىقىش نىيتىم بار .  ھازىرچە :«يۈرىكىڭنى ئوقۇپ باققۇم بار» ھەققىدە پەقەت ئاپتۇرغا بۈگۈنكىدەك قۇتلۇق كۈندە  ئۇقۇرمەنلەرگە مۇشۇنداق بىر سوغاتنى  تەغدىم  قىلالىغىنى ئۈچۈن ،ئەجىر مىھنىتىنى تەبرىكلەيمەن .     گۈلباھار خانىم  قەلمىڭىز  ھارمىغاي . كىتاپتىكى  ئازراقمۇ زورۇقۇش ھەم تەكرارلىقتىن خالى ،ئامپىباپ ،ئاددى تىللاردىن پۈتۈپ چىققان گۈزەل  قۇرلارنى ھۇزۇرلىنىش ئىچىدە ئۇقۇپ چىقتىم .كېيىنكى ئىجادىيەتلىرىڭىزگە بەركەت تىلەيمەن . سىزنىڭ ئىجادىيەتتىن توختاپ قالماسلىقىڭىزنى  ئۈمۈت قىلىمەن .

نۇربىيە

	بىزنىڭ ناھىيىگىمۇ كەلمەپتۇ ، بىر ئۇقۇغۇدەك كىتاپلار ئىدى ؟