رۇبائىيلار

jawzaa

	1 ئەلگە خاس نەسەبنىڭ ئۇرۇقى بولغىن، ئىلىمنىڭ زىياسى.يۇرۇقى بولغىن. رىياكار زاھىتنىڭ نەپسى بولغىچە، ھىن ھالال دىھقاننىڭ مۇرىتى بولغىن. 2 ئوخشىماس ئىنساننىڭ ئىستىكى،يولى، ئوخشىماس ھاياتتا ئوڭى ھەم سولى. ۋە لىكىن ئاخىرقى مەنزىلى بىردۇر، دىمەك،ھەممىمىز ھاياتنىڭ قۇلى. 3 كۆڭۈلنىڭ ئاچقۇچى پۇلۇمدا دىمە، كۆكتىكى ئاينىمۇ قولۇمدا دىمە. كىم بىلەر،قالامسەن ئەتە ئاچ تىخى، شۇ پىغان پۇلۇڭغا كەلمەي ھىچنىمە. 4 جاھان ساقى ئەمەس سىنى كۈتكىلى، ئۆمۈر قىمار ئەمەس ئويناپ ئۇتقىلى. نىسىۋەڭ تۇۋىقى يىپىلسا ئەگەر، بىر تامچە سۇنىمۇ بولما يۇتقىلى. 5 ھەردائىم ئەل ئۈچۈن بەخىت،كۈتكىنىم، شۇ سەۋەپ دەشتى-چۆل كىزىپ يۈرگىنىم. يەتسىمۇ دىلىمغا بەزىدە غەشلىك، ئاخىرى ئەل مىھرى بولدى كۆرگىنىم. 6 ئىنساندا بولىدۇ تۈرلۈك ئوي-ھەۋەس، ھەۋەسكە بىرىلمەك ئەقىلدىن ئەمەس. ئەدەپنىڭ بابىدىن ئالمىسا ساۋاق، ئەۋلىيا بولسىمۇ ئادەم دىمەك تەس. 7 بىلەمسەن ھاياتتا شىرىن تەم نىمە، ئىنساننى ئىنساندەك قىلغان پەم نىمە؟ ئۆزگىنىڭ شىخىغا ئۇزاتمىغىن قول، ئاچلىقتىن ئۆلسەڭمۇ تەيييارنى يىمە. 8 ئەل سىنى يەكلىسە نە ئىزىڭ قالۇر، تارىخنىڭ بىتىدە نە ئىتىڭ قالۇر. تىپىلماس بۇنىڭدىن ئارتۇقچە ئازاپ، گەر تىرىك بولساڭمۇ نە بىتىڭ قالۇر. 9 ئەھدىڭگە ۋاپا قىل،توغرا بول گىردەك، تىل بىلەن دىلىڭدا ھەر ۋاقىت بىردەك. گاھ يۇلۇپ ئالالماي قالمىسۇن قىلنى، كىشى قول ئۇزاتسا بولما پىتىردەك. 10 ئۆزگىگە دىل بىرىپ ئۆتكىنىڭ خوپراق، سەمىمي ئىلتىپات كۈتكىنىڭ خوپراق. كۆڭۈل بىر نازۇك گۈل،ئاسراشنى ئۆگەن، بەزىدە ئاچچىقنى يۇتقىنىڭ خوپراق. 11 ئۆزگىنى يامان دەپ قارىغا ئالما، دىپىڭنى ئۆزۈڭنىڭ پەدىگە چالما. ئاۋامنىڭ يىراقلاپ كەتمىسۇن خۇشى، بەس.توپتىن ئايرىلىپ بىگانە قالما. 12 دىلىڭدىن ئاغرىنىش كەتكىنى تۈزۈك، ھۆرمەتتە ئۆزرىنىڭ يەتكىنى تۈزۈك. دوسلۇقنىڭ تىمىنى سۆكۈپ-بۇزغىچە، ئاداۋەت ئىشكىنى ئەتكىنىڭ تۈزۈك. 13 كىشىگە خورلۇقتۇر  نەزەردىن قالماق، بۇ ئاچچىق ساۋاقنى ئۇنۇتما ھەرۋاق. يولۇڭ ھەرقانچە راۋان بولسىمۇ، ياخشىدۇر قەدەمنى ئويلىنىپ ئالماق. 14 ئاجايىپ تەنتەكتۇر بەزىبىر كىشى، غادىيىش بىلەنلا ئۆتەر ياز،قىشى. ۋە لىكىن كىملەرگە بولۇپتۇ نىسىپ، دۇنيانىڭ زاۋالسىز، ئۆڭمەس گەردىشى. مەنبە« شىنجاڭ مەدەنىيىتى»ژۇرنىلى تورغا يوللىغۇچى:جەۋزائىي

akax520

pasil

	خېلە ئىسىل رۇبائىلاركەن...تىما يوللىغۇچىغا رەھمەد...

yalkun128809

1670154432

	رەخمەت تېمىڭىزدىن بەك سۇيۇندۇم ،بەك ياخشى جانلىق چىقىپتۇ.

پالۋان

	ھىن ھالال دىھقاننىڭ مۇرىتى بولغىن. ھىن ئەمەس چىن بولسا كېرەك شۇ پىغان پۇلۇڭغا كەلمەي ھىچنىمە. شۇ پىغانمۇ ياكى توپلىغان مۇ؟ بىر تامچە سۇنىمۇ بولما يۇتقىلى. بولما مۇ بولماس مۇ؟ .......................................... بۇ رۇبائىيلارنىڭ ئاپتۇرى كىم؟

halalzada

	پەلەكنىڭ بەرمىشى پەقەت-تەشۋىش-غەم، بىرىنى كۆتۈرسە، بىرسىدۇر بەرھەم. دۇنياغا كەلمىگەنلەر بۇندىن بىخەۋەر، بىلسىدى، دۇنياغا كەلمەس ئىدى ھەم. ئەي،پەلەك ناكەسكە بەردىڭ ئاش ۋە نان، يەر-زىمىن،تۈگمەن ھەم مۇنچا، ئۆي-ماكان. ئەڭ ھالال كىشىلەر بۇردا نانغا زار، ئەخلەتكە ئەرزىمەس، بۇنىڭدەك دەۋران. بۇ قىسقا ئۆمۈر ئۆتىدۇ دەرھال، دەريادا سۇ كەبى،يا چۆلدە شامال. كەتكەن ۋە كەلمىگەن ھەر ئىككى كۈننىڭ، غېمىدە ئۆزۈڭگە تاپمىغىن زاۋال. ئۆمەر ھەييام.

88128

	ياخشى تىما يوللاپسز رەخمەت،ئاللا قەلىمىڭىزگە دەت بەرمىسۇن

tax1

	بۇ رۇبائىيلارنىڭ ئاپتورى  ئابلىمىت مۇھەممەت ئەمىن. مەن   مۇشۇ ھازىرقى مەتبۇئاتلىرىمىزدا ئېلان قىلىنىۋاتقان  بىر قىسىم رۇبائىيلارنى رۇبائىي ئەمەسمىكىن دەپ ئويلايمەن. چۈنكى، رۇبائىي دېگەن ئارۇز ۋەزنىدىلا يېزىلىدىغان ژانىر. يەنە تېخى نۇرغۇن غەزەللەر بار، بارماق ۋەزنىدە يېزىلغان، شۇنداقلا ئەڭ ئاخىرقى كوپلىتىغا ئاپتورنىڭ ئىسمى ياكى تەخەللۇسى قوشۇلمىغان. بۇمۇ غەزەل ژانىرىنىڭ يېزىلىش شەكلىگە خىلاپ. مۇشۇنىڭغا قاراپ  بۇ مۇھەررىرلەر نەزەرىيىنى بىلمەمدىغاندۇ ياكى  بۇرۇنقى نەزەرىيىلەرنى يېڭىلاۋاتامدىغاندۇ دەيمەن.

jawzaa

	كەچۈرۈڭ ئالدىراپ بەزى يەرلىرىنى خاتا يىزىپساپتىمەن .باشقۇرغۇچىلار ئىغىر كۆرمەي تەھرىرلەپ قويغان بولساڭلا بوپتىكەن