رۇبائىلار

xahla0997

	رۇبائىلار ئاپتورى: غۇلامجان قادىر قۇتبىلىگ گۈل - تىكەن بىر شاختا بولغاندەك گويا ، شادلىق ھەم قايغۇغا تولغان بۇ دۇنيا . قايغۇسىز شادلىق يوق ، شادلىقسىز قايغۇ ، بىل بۇنى ، ئۇمىدسىز ياشىما ئەسلا . ئالەمگە سېخىي نۇر چېچىپمۇ قوياش ، ھېچ مىننەت قىلماستىن تۇرىدۇ ئوخشاش. ئازراقلا ئىشىڭغا ئىشەنمە دوستۇم ، ئىنسانغا ياراشماس ئۆزنى ماختاش . ئالەمگە تۆرەلگەن ئەي ئەقىللىق ئەر ، ئويلانغىن ھەر سەھەر قۇياش نىمە دەر ؟ ‹‹ تىرشىپ ئەجرىڭدىن ئېچىلدۇرۇپ زەر ، ۋاقتىڭ كاۋاك ئۆتمىسۇن ئەيلىگىن ھەزەر .›› بىر پۇرسەت كەتتىمۇ كەلمىگى قېيىن ، پۇشايمان قىلىسەن كەتكەندىن كېيىن . كېيىنكى پۇشايمان ئۆزۈڭگە دۇشمەن ، يىغلايسەن قاخشايسەن ، لېكىن بىر تىيىن . ئادەمدە بولسىمۇ ئېغىز ، بۇرۇن ، قاش ، ئادەملىك قىممىتى بولمايدۇ ئوخشاش . دەريادىن تاشلار تەڭ سۈزۈلگەن بىلەن ، ئايرىلار ئاخىرى تاش بىلەن قاشتاش  .

qartekin

	ھەقىقەتەن ياخشى رۇبائىلاركەن ئەتىگىچە ئۆچۈرۋەتمەس ھە! شېئىرلىرىنى تورغا چىقىرىشتا بۇ ئادەمنىڭ ئىجازىتىنى ئالمىسا بولمايدىكەن . مەن بۇ ئادەمنىڭ بىر شېئىرىنى ياخشى كۆرىپ يوللاپ قويسام ئەتىسى ئىجازىتىنى ئالماپسىز دەپ ئۆچۈرۋەتكەنتى.

tasnima

	بىر پۇرسەت كەتتىمۇ كەلمىگى قېيىن ، پۇشايمان قىلىسەن كەتكەندىن كېيىن .   كېيىنكى پۇشايمان ئۆزۈڭگە دۇشمەن ، يىغلايسەن قاخشايسەن ، لېكىن بىر تىيىن .

zakariya

	ماڭا ئاۋالقىسى بەكلا ياقتى ، تەشەككۇر سىزگە، مۇشۇنداق شېئىرلارنى مۇنبەردىن ئايىمىغايسىز.

juxkun-28

	بۇ روبائىلار بىر-بىرىدىن مەزمۇنلۇق يېزىلغانكەن . ئاپتۇرغا ۋە تېما ئېگىسىگە كۆپ تەشەككۈر !

خوندەك

	بىزلەر مىھمانمىز، بۇ دۇنيادىن كىزىپ ئۆتكۈچى، ۋە ياكى يەلكەبىز، دېڭىزدىن ئۈزۈپ ئۆتكۈچى. بۇ سەپەر ھەممىگە ئوخشاش بەرگەچكەپۇرسەت، بۇلايلى ھەر دائىم ياخشىلىقتىن ساۋاپ تاپقۇچى.

apirida

	ياخشى روبائىلار ئىكەن ، رەخمەت !