جەمئىيلىك مۇشائىرىسى

tarurum

	جەمئىيلىك مۇشائىرىسى نازى: ئى! «تۇران»نىڭ پۇشتى-زاتى، «ئايخاقان»نى ئۇنتۇما، ئول ئانا ئەللەيلىگەن «ئوغۇز» ئىدى ئاھ! تىلتۇما... كىن: تۇنجى زات -ئادەم ئاتامنىڭ مەنبەئىي تۇپراقىدۇر، «سول قوۋۇرغا» ھېكمىتى- جۈپ تەن ئىرۇر ھەۋۋا ئانا. نازى: جەننىتىدە نازۇ-نىمەت نەپسى بىر ھال كەلسىمۇ، قۇدرىتىم بەرگەنكى ئىشق، ھەر نەپەس مېھرى-ۋاپا. كىن: ئىختىرا ئاللاھ-ھەكىمدىن ئادەمى تۇنجى ئەسەر، ئول ئەسەرگە رەڭ بېرەر ئەۋلادىچۈن ھەۋۋا يانا. نازى: ئىپتىدا ئەۋۋەل زامان ئەرلەرگە  ئوۋ تاغۇ-دەشت، خان-خاتۇندۇر پاسىبان يارۇ -يۆلەككى باش پانا. كىن: ئوۋ تامان كەتسە يىراق ئەرسىزكى ئۆي ھەپتە، ئېيى، شۇ سەۋەپ دەسلەپكى «شاھ»- ئول ئايال زاتى راۋا. نازى: «نوھ»كى _ «ئادەم سانى» «ئاب»دىن كەلدى ئۈچ پەيغەمبىرى، تەقۋادار زاھىد سۈپەتكىم ئەلچىلىك بۇرچى ئادا. كىن: ئەر ۋۇجۇدى كۈچ- قۇۋەتتىن چۆل-جەزىردە ئولجا-ئوۋ، پاسىبانلىق بۇرچىدا ھەردەم كېزەر تاغۇ- دالا. نازى: قالدى ئۈچ ھەۋۋا قىزى، ئەۋلادقا پەرۋاندۇر كۆزى، ئەرلىرى ــ «ئەلچى»، ئاياللار ــ نامى «خان» تاجى زىبا. كىن: قالمىدى «ياپەس»(1) ئاتامدىن «تۇر» ئوغۇلغا ئەلچىلىك، «ئاي»(2) ئانام «خان»دۇر يەنە، باغرىدا «ئوغۇز» —ئۇز  بالا. كىن: ھوزۇرلۇق چۈشكە مەھكۇممەن قەلب كۈي ئىختىيارىدىن، ۋوجۇت مۈلكۈمدە گەۋھەرچە ئاگاھلىق تىلتۇمارىدىن. نازى: ئۇدۇم شەۋقى بەنت ئەيلەپ تامامى ئىشتىياقىمنى، قىلىچ،قالقان،«جىدا»، يالمان تۇتۇپ مەۋھۇم قۇرالىدىن. كىن: ئانا«ئايخان» تەۋەللۇدتا...چۈشۈپ بىر «ئۇد» سۈپەت ئوغلان، زىمىن كۈلدى، قەۋم كۈلدى بۇ ھامىي ئىپتىخارىدىن. نازى: ئۆڭى كۆك ھەم قارا ساچى،لېۋى ئاتەش،كۆزى ھالرەڭ، ئانا كۈلدى تەخت ئۆزرە  قۇچاقلاپ ئەتىۋارىدىن. كىن: ئاتار ئوقيا، سالار سالما، ئۇچارغا دۇلدۇلى تەييار، بىلىنگەي تاغ يۇلار بىر كۈچ يىگىتلىك نەۋقىرانىدىن. نازى: بېلىنى ئەل ئۈچۈن باغلاپ، زۇلۇمنى قەھرىدە تىلغاپ، تالاپەتتىن خالاس ئەتتى «قىئات»نىڭ جان قىيارىدىن. كىن: ئايال زاتى تەخت ئۆزرە ئىدى ئالتە ئىرا ئىلگىر، ئىمىشنى رەت قىلىپ ئوغلان؛سوراركى غەمگۈزارىدىن: نازى: «سۈتۈڭنىڭ ھۆرمىتىدىنكىم «ئوغۇز» ئاتلىق بولاي ئوغلان، قەۋمنى «تۇر»غۇزاي دەيمەن، «ئىران»نىڭ شەر-مىسارىدىن». كىن: بىرى «ئۇيسۇن»، بىرى «يۇن»دىن ئېلىپ ئىككى ۋاپادارنى، نىيەت مەخسەتتە جەمئىيلىك مۇھەببەت ئىشتىياقىدىن. نازى: سىناپ خوشنا ۋاپاسىنى، تۇتار دەپ بۇرچ ئاداسىنى، يېزىپ ‹مەكتۇپ› بايانىنى، ‹جاكار› ئول ئىمتىھانىدىن. كىن: شەھەر،قەلئەلىرى ھەيۋەت «ئۇرۇم»(«يۇن»)دا بويۇنتاۋلىق، شىرەملەرگە كۆتۈردى تىغ جېدەلخورلۇق خۇمارىدىن. نازى: ياشايدۇ پاسىلى ئايرىم، بۇ شىرلار ھۆكىرەپ ھەريان، ھاياتنىڭ رەڭ جۇلاسىدا قالار ئۆز ئىتىبارىدىن. كىن: كۆنەلگە-«قور»-ئويۇتتۇرماق؛ ئوغۇز لەۋھەسىدە بۆرە، ئەجەپ ھۇۋلايدۇ «خۇزقور»دەپ؛ «قور»ى-بىرلىك ئۇدارىدىن. نازى: توتېم «ئۇد» خوشلىشار يىغلاپ، يېتەكلەر بۆرىلەر ھوۋلاپ، «ئاتاساغۇن»(ئوغۇز) توۋلاپ؛ «تۇران» ئۆملۈك شۇئارىدىن. كىن: رەقىپلەر رەشكىنى چەيلەپ،«ئۇرۇم»،«ئالتۇن»نى جەم ئەيلەپ، قېرىنداشلار كۆزن نەملەپ قۇچاقلاشتى پىغانىدىن. نازى: كىرچ تارتىلسا يا بىرلە، ئوقى ئۇچقاي نىشان بىرلە، چۈشۈمدە چال ئايان بىرلە، سۆزى ھېكمەت بايانىدىن. كىن: ئېلىپ نامى-ئەمەللەردىن؛ بىرى «قانقا»، بىرى «ساقلاپ»، بىرى «قاغۇز»، بىرى «قاغۇل» ھۈنەرلىك «ئۇز» كامالىدىن. نازى: سۈيۈمدە ئاققىنى «ئوغۇز»، ئوتۇمدا كۆيگىنى «ئوغۇز»، دىلىدىن سۆيگىنى «ئوغۇز»، ساناپكىم غەمگۇزارىدىن. كىن: ياراشتى جۈرى- جەمئىيلىك تۈگەل ئول يىلتىزى بىرلىك، ئىشارەت-بەلگىسى «ئىم»لىك... ئۈزۈلمەس رشت تانابىدىن.

tatlikpigan

	مەنبەسىچۇ؟؟؟ئاپتۇرى كىمكەن؟؟؟يىتىم ئەسەر قىلىپ يوللاپ قويغۇچە ئېگىسىنى قۇشۇپ قويسىڭىز ساۋاپ بولاتتى

salkin11

	تېمىىزغا قارىتا ئېنىق چۈشەندۈرۈشلەرنى بەرگەن بولسىڭىزچۇ ؟! ...

قاراتال

	مەنمۇ چۈشەنمىدىم. 2 قېتىم ئوقۇدۇم بولمىسا....

fatima

	تار ئۈرۈمنىڭ مۇشۇ خىلدىكى مۇشائىرە ئىجادىيەتلىرى بەك ياخشى جۇمۇ!بۇ ئىجادىيەتلىرڭىزگە  قول قۇيىمەن.مۇنبەردىن يۇقاپ كەتمەي ئىسىل تىيمىلىرڭىزنى ھوزورىمىزغا سۇنۇپ تۇرغايسىز.

zanjiwil

	كىيىنچە چۈشەنچە بىرىپ بىر نەرسە يوللايدىغان بولسىڭىز كىرەك

zanjiwil

	قەدىمى كىتاپتىن بىرنى تىپىۋالمىغانسىز؟

karwan868

	ئۇلۇق شائىرىمىز نەۋائىنىڭ يازغان شېېر ئۇسلۇبىغا ئوخشايدىكەن، لىكىن نەۋائى شېېرلىرىنى تۇلۇق ئوقۇپ تۇگىتەلمىگەنتىم،جەزىم قىلالمىدىم.

MihRi^NuR

	مەنبەسى يوقمۇ ؟