ئۇچار تەخسە ۋە باشلىقنىڭ ماشىنىسى

marjanbulak

	ئەستاخپۇرۇللا.....ماۋۇ كومپيۇتېرنىڭ ھەر ۋاقىت كۆك ئېكران بولۇپ مېنى قان قۇستۇرۋېتىشى مۇمكىنلىكىنى بىلىپ تۇرۇپ تېما يوللايدىغان بولدۇم....مەيلىلا ،باشقا كەلگەننى كۆرەي.... ھەر قايسىلىرى بۇ تېمىنىڭ ماۋزۇسىنى كۆرۈپ ئۇچار  تەخسە بىلەن باشلىقنىڭ ماشىنىسى كاللا قۇيۇشقان ۋەقە ئوخشايدۇ دەپ قېلىشمىسىلا ، بۇ يەردىكىسى قانداقتۇر ۋەقە ئەمەس بەلكى بۇ ئىككى شەيئىنىڭ ئوخشاشلىق ۋە پەرقلىرى توغرىسىدىكى مۇلاھىزە. بايا تۇرپان 0995 دىگەن تورداشنىڭ روسىيىدىكى ئۇچار تەخسە توغرىسىدىكى تەپسىلى خەۋىرىنى ئوقۇپ ئولتۇرۇپ يۇرتۇمغا پات پاتلا كېلىدىغان ‹‹ ئۇچار تەخسە›› لەر ئېسىمگە كېلىپ قالدى ، بۇ لار نىڭ ئالاھىدىلىكى تولىمۇ ئوخشايدۇ ، سىرلىق ۋە دەبدەبىلىك.... ھېلىمۇ ئىسىمدە تولۇق ئوتتۇرىدا ئوقۇيدىغان ۋاقتىمدا يۇرتۇمغا ئاپتۇنۇم رايۇننىڭ بىر باشلىقى كەلدى( ئەلۋەتتە ،بۇ باشلىقنىڭ كىملىكىنى ئۇ كېلىپ بۇ يەردە ئازراقلا تۇرۇپ قىسقىغىنە‹‹ تەكشۈرۈپ تەتقىق قىلىپ ›› كەتكەندىن كېيىن خەۋەردە بىلدىم...) ،ئۇنىڭ كېلىشى خۇددى يۇقىرىدا مەن ئېيتقان ئۇچار تەخسىدىنمۇ تىز ۋە سىرلىق بولدى...ئەتىگەندە مەكتەپكە بارغۇچە 1 سائەت يولدىن ئۆتەلمىدىم ،يولدا كىشىلەرنى تۇسۇپ تۇرغان ساقچىلار نۇرغۇن ئىدى، ھەر قايسى يول ئېغىزلىرىدا تۇرۇپ كەتكەن ئادەم ،ماشىنا، ئىشەك ھارۋىسى.......قىسقىسى بىزارلىق ئىچىدە ساقلاشقا مەجبۇر بولدۇق..بىر چاغدا سىگنال چېلىپ كېلىۋاتقان بىر ساقچى ماشىنىسىنىڭ كەينىدىن بىر مىنىبوس، ئۈچ ئوخشاش شەكىلدىكى ماشىنا قۇيۇن(ياق قارا بوران) تىزلىكىدە شۇنداق ئۆتۈپ كەتتىكى يول بۇيىدىكى بىر  خەنزۇ سەيچى چىغ قالپىقىنى ئۈستىدىن باستۇرۇپ تۇتىۋېلىشقا  ئاران ئۈلگۈردى. بۇ كىم ؟ بۇلار ھەيدىگەن ماشىنىمۇ ياكى ؟.....نىمە ئۈچۈن ھەممە ماشىنىنىڭ ئەينىكى قاپقارا .....نىمىدىگەن سىرلىق ، ھەتتا مۇشۇ ۋاقىتتا تىلىفۇن سىگنالىمۇ ئۈزۈلۈپ قاپتۇ...ئېسىمگە كەلدى: بۇ ئۇچار تەخسە ، ئىچىدىكىسى چوقۇم كىنودا كۆرگەن كاللىسى كىچىك ،قورسىقى يوغان تاشقى پىلانت ئادىمى ! خوش ، ئوقۇرمەن مانا بۇ مەن كۆرگەن ‹‹ ئۇچار تەخسە›› بەلكىم سىزمۇ بۇنداق ‹‹ ئۇچار تەخسە›› لەردىن تالايلارنى كۆرگەنسىز ،سىزمۇ ھەيرانلىق ۋە بىزارلىق ئىچىدە ‹‹ ئۇچار تەخسە›› نىڭ كىلىپ كېتىشىنى كۈتۈپ باققانسىز... ئۇچار تەخسنى تاشقى پىلانت ئادەملىرى ياسىغان . باشلىق ماشىنىسىنى خەلقتىن ئالغان باجقا ئىمپورت قىلغان. ‹‹ ئۇچار تەخسە›› نى تاشقى پىلانىت ئادىمى ھەيدەيدۇ. بىلىشىمچە باشلىقنىڭ ماشىنىسىنى شوپۇرى ھەيدەيدۇ. ‹‹ ئۇچار تەخسە›› نىڭ سۈرئىتى بەك تىز ،ئاسماندا ئۇچىدۇ. باشلقىنىڭ ماشىنىسى نىسبەتەن ئاستا، يەردە ‹‹ئۇچىدۇ››. ‹‹ ئۇچار تەخسە›› نىڭ دېرىزىسى يوق باشلىقىنڭ ماشىنىسىنىڭ دېرىزىسى بار ،لېكىن ئىچىنى كۆرگىلى بولمايدۇ. ‹‹ ئۇچار تەخسە›› كەلگەن جاي بىر مەھەل قىزىق نۇقتا بولىدۇ. باشلىقنىڭ ماشىنسى كەلگەن جاي قالايمىقان بولىدۇ، بىراق  ئىسپىرت ئىستىمالى ، يىمەكلىك ئىستىمالى ھەسسىلەپ ئاشىدۇ. ‹‹ ئۇچار تەخسە›› دىكىلەرنىڭ مەقسىدىنى بىلمەك تەس،تىلىنى ئەسلا بىلمەيمىز. ماشىنىدىكىلەرنىڭ سۆزىنى بىلىمىز ،(ئەمما نەچچە ئاي ئۆگىنىپ تەتقىق قىلىمىز) مەقسىدى ئايدىڭ ئەمەس. ‹‹ ئۇچار تەخسە›› ئالدىن خەۋەر بەرمەي كېلىدۇ، ھەم تىز كېتىدۇ. باشلىقنىڭ ماشىنىسى پۇقراغا خەۋەر بەرمەيدۇ، يەرلىك ساقچى، ئەمەلدارلارغا خەۋەر بېرىدۇ. ئۇمۇ قانداق تىز كەلگەن بولسا شۇنداق تىز كېتىدۇ. ‹‹ ئۇچار تەخسە›› ئادەم يارلاندۇرسا بۇ ھۇجۇم دەپ ئاتىلىدۇ. باشلىقنىڭ ماشىنىسى ئادەم سوقىۋەتسە ،بالاسى سوقۇلغۇچىنىڭ ئۆزىگە. ‹‹ ئۇچار تەخسە›› كەلگەندە ئالاقە ئۈسكىنىلىرىنىڭ سىگنالى قالايمىقانلىشىدۇ، ماشىنىلارنىڭ ئوتى ئۈچۈپ قالىدۇ. باشلىقنىڭ ماشىنىسى كەلگەندە ئالاقە تەسىرگە ئۇچرايدۇ، قاتناش ۋاستىلىرى مەجبۇرى توختىتىلىدۇ. ‹‹ ئۇچار تەخسە›› دىكىلەر كۆپرەك ئاددى كىشىلەرگە ئۇچرايدۇ. ماشىنىدىكىلەر بولسا يۇقىرى قاتلامدىكىلەر بىلەن ئالاقىلىشىدۇ. .............................................. ئۇچار تەخسە ۋە باشلىقنىڭ ماشىنىسى تولىمۇ سىرلىق، ھەقىقەتەن سىرلىق..... مەنبەسى :ئۆزۈم، مارجانبۇلاق 2011.6.10

پاۋىل

	ياخشى سېلىشتۇرما، ياخشى ئوخشۇتۇش بۇلۇپتۇ.............

omarobul

	يېزۋىتپسىزغۇ  ھەقىقەتنى ئايىماي ،  مۇشۇنداق  ۋاقىتلاردا  ھەيران بوپ  قالىمەن جۇمۇ   ،   خۇددى سىز دىگەندەك تاشقى پىلانىتتىن كەلگەندەك  ؟

شىيامىن

	بەك جايىدا ئوخشىتىش بۇپتۇ، تەپەككۇر قىلىشىڭىز بۇپ قۇيىدىكەن جۇمۇ

蓝狼331

	ئۆزگىچە تەپەككۇر قىلىپسىز.    قەلەم تۇلپارىڭىز ھارمىغاي .

Romantic-killer

	قالتىس ئوخشۇتۇش بوپتۇ،ئوبرازلىق ئوخشۇتۇش

intizar

	خېلى ئويلاپ يېزىپسىز جۇمۇ!

murat001

	‹‹ ئۇچار تەخسە›› دىكىلەر تاماق  يىمەيدۇ ! پىكاپتىكىلەر  ياق -ياق دەيدۇ  موك-موك  يەيدۇ

BAtman

	ھەجەپ ئوخشىتىپتۇ ھا ھا ھا

tilayman

	شۇ خىل مۇھىتنى ئوبدان كۈزىتىپسىز جۇمۇ !!!

haris

	ھا ھا ھا ھا    [s:13]  ھەقىقى كۈڭۈلدىكى سۆز دىگەن شۇدە،

ARZUY

	كۇڭۇلدىكى سوز بوپتۇ......

SUKUT520

	توۋا ھەجەپ كەلتۈرۈپ يىزىپسىز، ياخشى سىلىشتۇرما بوپتۇ. بىزنىڭ يۇرتتا يىقىننىڭياقى كۆپلەپ قالدى ماشىنلار. بەزىدە يىرىم كۈنلەپ توسۇلۇپ قالىدۇ.

akbarjan007

	ئوييۇ   كۆگەندەكلام   يېزىپسىز غۇ   !! بوپ قويدىكەن     جاپا  چەكتىڭىز