سەيياھ ناخشىسى(مۇكاپاتلىق ئەسەر)

tograk1010

	"زىمىستان كۆرمىگەن بۇلبۇل باھارنىڭ قەدرىنى بىلمەس "دەپ ئەجدادلىرىمىز ئىنتايىن توغرا ئېيىتقان ئىكەن .مۇساپىرنىڭ بىر كۆزى قان كېلىدۇ ،ھەر كۈنى سەھەرلەر ئىبادەتتە تۇرغان ۋاقتىڭىزدا ،يات ئەللەردە مەرىپەت ئىزلەپ ئەل مىھرىدىن ئايرىلىپ قالغانلارغا دۇئايى-سالام يوللاشنى ئۇنۇتماڭ ،چۈنكى ئەل دۇئاسىدا ئەر كۆكىرەر ! خوش ، ئەسلى تىمىغا كېلەيلۇق . يول ئۇزاق  ئىمكان يوق كۆرمەككە دىدار ، سارغايغان خازان كەبى ئۇچۇپ ئەللەردە . خىياللار قوينىدا ئۇيقۇدىن بىدار ، چۈشەكەپ ئويغانغان بوۋاق ئەللەيدە . سەرۋى گۈل ھەر ساياق ئۆزگىچە پۇراق ، قاندۇرماس تەشنالىق تۇپراق زەررىچە . كۆزلەردىن ئاققان ياش چۈشمەس زىناقتىن ، ئەلەملىك تولغىنىپ رابات دەردىدە . كۈي قاتار بۇلبۇللار باھارنى كۈيلەپ ، شەۋقى زوق تونۇشلا ئۆزگە تىللاردا . مەۋجۇتلۇق ئىلكىدە ئويغىنار مەۋھۇم ، زىمىستان قەھرىدىن سۇلغان دىللاردا . كۈلكىدە ھەر چىراي جەۋھىرى ساختا ، كۈر مىڭ خىل ئۆزگىرىپ  ئىچكى دۇنيا . تالغان كۆز كۆرۈشكە زار ئۆز خاھىشىن ، كائىنات مۇپاتلىرىدىن مۇجەسسەم ئۇندا . ئۆركەشلەپ ئاقماس ھەم ئېقىن ئۆستەڭلەر ، قانلارمۇ كۈۋەجەپ ياسىماس دولقۇن . يالقۇن بوپ كۆرۈنەر زۇلمەت كېچىدە ، ۋەتەندە چاقنىغان زەررىچە ئۇچقۇن . ئارمانلار گۈل چاچماس يېتىپ پەسلىگە، كۆپۈكتەك ھەممىلا قاينىغان بۇژغۇن . نىدالىق كۈيلىرىن ياڭرىتار تىنماي ، ئەلەمگە باغلانغان ئۆزگەرمەس  تۇيغۇن . مەئىشەت ئىزلىگەن سانسىز ئاياغلار ، تاپالماس ئەرمىكىن ئەملىنىپ مەپتۇن . شاد ئەمەس شۇ كۈلگۈن چىراي ھەممىسى ، بالقىغان تەبەسسۇم  ئۆزگىچە مەمنۇن . جۇدالىق قاتۇرماس ئۆلگەنگە قەبرە ، ھەم ۋاقىپ بولالماي ئۇندىكى مەزمۇن . كۆچسىمۇ يۈرەكتىن شۇ ۋىسال ئوتى ، شول كۆڭۈل لەيلىگە يەنىلا مەجنۇن . سۈبھى دەم خورازلار چىللىماس غاپىل ، پاكلىقتا مۇقەددەس قىبلىگاھ تامان . يېشىللىق بارگاھى ئاچماس قوينىنى ، زىمىستان قوينىدا يۈرسە خار خازان . نىشان ھەم قاراڭغۇ كەڭ يوللار تۇيۇق ، باسقان ھەر قەدەملەر بولماس راۋان . كاج پەلەك سىتەمى ئايىماي ئازاپ ، ئېزىلگەن غەمكىن ساياق كۈلمەس جاھان . سۇلغان ھەر دىللار تۈۋرۈكسىز رابات ، ۋەتەندەك ئىش كارلار گۈللىمەس  دەۋران . جەننەتتىن تەستە كەلسىمۇ بەرىكەت  ، تاپالماس يەنىلا تىنىگەن سەرسان . جۇشقۇنلۇق قاينىماس نۇرسىز كۆزلەردىن ، نۇرىدىن نۇر ئالغان ۋەتەنلىك ئارمان . ئەل چۆلى كۆرۈنەر چاھارباغ بولۇپ ، خار قىلىپ ئالدىدا جەننىتى رىزۋان . مىھىرلىك ئەل قوينى قۇياشى خۇرشىد ، تەلپۈنەر ھەر يۈرەك زارىققان تەرىق . ئويغانغان دىل -ھېسلار ھاياجان بىلەن ، نەۋ باھار قوينىدىن ئېلىپ زوق-شەۋق . نۇرىدىن قاسىمۇ ئويناق قوي كۆزلەر ، نىشاننى ئوت يۈرەك ئېتىدۇ پەرق . ھارارەت تارقاتقان سۆيگۈ ماياكتىن ، توغرا يول تاپىدۇ تاپىدۇ تەۋپىق . يىللارنىڭ شاۋقۇنى كەزسىمۇ ھەريان ، ئېتەلمەس ئستەكنى چۈشلەرگە غەرق . يىقىلغان ھەربىر تەن ئاياغى ھەتتا ، كۆرسىتەر ۋەتەن تامان ئۇنتۇلماس ئىشىق . ۋەتەن ئىشقى مىسلى ئوت سەيياھ پەرۋانە ، ئېلىپ بولماس كۆڭلىنى جەۋھىرات ھېقىق . خازان پېشانىسىگە يېزىلغان بىر سۆز ، ئەلنى سۆي قەلىبداش يۈرەكتىن تەشۋىق . خاتىمە  : سەن شىجائەت ئەركىسى ئۆزگە زىمىندا ، يىلتىزىڭ كۆكلىمەس دەرتخان توغراق . ئۇنۇتما مەنزىلىڭ كۈتەر مىھرىبان ، چۈنكى سەن ئۇنىڭغا مۇساپىر ھەر ۋاق . مەنبە: توغراق1010 قەلىمى ئىزاھات : "مىسرانىم مۇكاپاتلىق ئەسەرلەر پائالىيىتى"گە

tang-xamili

	ھەقىقەتەن ياخشى يېزىلىپتۇ ، ئەسىرىڭىزنىڭ مۇكاپاتلىنىشىغا تىلەكداشمەن

sardar288

	بولدىخان ناخشىكەن ياخشې چېقىپتۇ.................................. [s:166]

cahra

	نايتى ياخشى  يېزلىپتۇ  ئەسرىڭزنىڭ مۇكاپاتقا ئېرشىشىتە ئۇمۇتباركەن

گۇۋاھ

	<ۋەتەن> دەپ ئۆزگىدە سەرسان خازاننىڭ، ۋەتەندە شاخلىرى،يىلتىزى مەزمۇت. ئەل ئۈچۈن ئۆزگىدە سەكپارە ئوغلان، بۇنداقلار كۈندىلا بولماس تەۋەللۇت. بەك يىراق بولسىمۇ چۈشىدە ئوغۇزخان، توغراقنىڭ ھىدلىرى دىماقدا مەۋجۇت. ئانىنىڭ دۇئاسى ئۇچار گىلەمدەك، يامغۇرغا پاناھ بوپ توسىدۇ بۇلۇت. ئاتىنىڭ سىغىنىپ ئاچقان ھازىسى، غايېگە مۇكاپات مەدىيە ناخشىسى. بۇرۇچ نىڭ غىمىدە سوقسۇن يۈرەكلەر، مەزھەبسىز ئاشىقسەن باشقىنى ئۇنۇت. ئۆزگىدە نالەزار بوزرەڭ چىچەكلەر، قەبرىگە تەئەللۇق كۆيۈپ بولغان شام. ئۇچقۇندىن گۈلخانغا كۆچسە تىلەكلەر، دۇئادا بۇ قوللار پىشىن ياكى  شام !!! ئېلىم دەپ تىنىقتا ئۆلگەن يۈرەكلەر، بولغۇسى دۆۋلىنىپ مىسلىسىز قاينام. جاسارەت تۈنىدە يىتىم ئەركەكلەر، مىھىردە ۋەتىنى، كۈنىدە بايرام!    شئېرلارنى كۆرۈپ ئىلھامى زوقلاردا ئىشتىياق چۇقان سىلىپ قالدى...       بىلمىدىم؟  ئاتىكاچىلىقتىن يىراق بولالامدىم....؟     تەپەككۇرلار  قاناتلانسۇن! ئۇتۇقنىڭ ساھىبلىرى سادا ياڭراتسۇن!

ayzinnat

	ھەقىقەتەن ياخشى يىزلىپتۇ.مۇكاپاتلىنىشىغا تىلەكداشمەن.

1550813631

	ھەقىقەتەنمۇ ياخشى يېزىلىپتۇ . دەرت بەرمىسۇن.

dawan~

	ياخشى يىزلپتۇ،  بۇلۇپمۇ ئاۋۇ خاتمەسى ناھايتى ياخشى يېپسىز.،  [s:166]

larzan

	ماڭمۇ ياراپ كەتتىغۇ بۇ ئەسەر.ياخشى يېزىپسىز.

atabore

	سەيياھ ناخشىسىدا ئۆزۈمنىڭ ئەكسىنى كۆرىۋاتىمەن. قەلەم ھارمىسۇن!

tograk1010

	ئاپتور جاۋابىنى بويلاپ 4قەۋەت گۇۋاھ كە 2011-04-30 06:13 PMئەۋەتىلدى Re:سەيياھ  ناخشىسى   (مۇكاپاتلىق  ئەسەر ) : <ۋەتەن> دەپ ئۆزگىدە سەرسان خازاننىڭ، ۋەتەندە شاخلىرى،يىلتىزى مەزمۇت. ئەل ئۈچۈن ئۆزگىدە سەكپارە ئوغلان، بۇنداقلار كۈندىلا بولماس تەۋەللۇت. بەك يىراق بولسىمۇ چۈشىدە ئوغۇزخان، ....... قەلىمىڭىز ئۆتكۈركەن ،رەھمەت .  ئەل ئۈچۈن ھەممەيلەن  بىرلىكتە  تىرىشساق .