بىز

شورلۇق2

	بىز يۇلغۇن بۇلبۇلنى باغلاردىن قوغلىغانمۇ بىز، قۇزغۇننى باغلارغا باشلىغانمۇ بىز. ھۇقۇشنى بەس-بەستە ماختاپ ئۇچۇرۇپ، ئەنقانى قەپەزگە تاشلىغانمۇ بىز. بۈركۈتنىڭ پىيىنى قىرقىغانمۇ بىز، ھۆپۈپنى لاچىن دەپ ماختىغانمۇ بىز. تۈلكىگە توخۇنى كۆرسىتىپ قويۇپ، بۆرىنى قوتانغا باشلىغانمۇ بىز. نەپ ئۈچۈن ۋىجداننى،غورۇرنى سېتىپ، چىرىتىپ پاك روھنى بۇلغىغانمۇ بىز. بىر نىيەت،مەخسەتتە توۋلىشىپ ‹‹ھۇررا!››، چىلبۆرە،تۈلكىنى قوغلىغانمۇ بىز. ئازغىنە نەپنى دەپ شەيتان چالسا داپ، بەسلىشىپ ئۇسۇلنى ئوينىغانمۇ بىز. بولدى بەس ياشايلى ئەجدادىمىزدەك، ئوت يۈرەك ئەجداتلار پۇشتىدىنغۇ بىز.

d@tman

	بەك ياخشى يىزىپسىز..............

mahatjan

	شۇنداق،ھەممىنى قىلغان ئۆزىمىز.

mingbexi

	ياخشى ياخشى يېزىپسىز

tursunjan1

	ئاپرىن

borkut-

	قالتىس ، بەك قالتىس . مۇشۇنداق مەزموندىكى شئېىرلارنى بەك ياقتۇرىمەن . تېمىلىرىڭىز ئۈزۈلۈپ  قالمىغاي .

tumaris01

	يېتىمنىڭ كۆزىدىن ياش ئاقتۇرغانمۇ بىز ، يېتىمنىڭ ھەققىگە چاڭ سالغانلارمۇ بىز. ئۆلمەسلىككە ھۆججەت بەرگەندەك ، يېتىمەك دەپ ھاقارەت قىلغانلارمۇ بىز . يېتىملار يىغلىسا ، ئېغىر كۈنلەردە ، تاماشا كۆرۈپ كۈلگەنلەرمۇ بىز . ئازغىنە نەپنى دەپ جېدەللەر تېرىپ، يېتىمغا قاپاقنى تۈرگەنلەرمۇ بىز . ئۇنتۇمىدۇق راھەت ياشاشنى ، ئۇنتۇپ كەتتۇق ھالال ياشاشنى. قالدۇردۇق يېتىملەرنىڭ ئېڭىدا، ھايۋاندەك ئادەم دېگەن قاراشنى .

hadrat

	ئوخشىتىشلار بەك قاملىشىپتۇ،ھارمىغايسىز...

13289986520

	ئاتنى ئىشەككە چاتقانمۇ بىز ھەقنى ناھەققە قاتقانمۇ بىز ئۆزىمىزنى چاغلىماي شىلتىڭلار ئىتىپ پالاسقا يۆگىلىپ ياتقانمۇ بىز