قىمارۋاز

مۇڭيار

	قىمارۋاز ئەركەك ئىدىڭ ئىلگىرى تەرقى تۇرقۇڭ قاملاشقان، قىلغان ئىشىڭ بەك رەتلىك بىر-بىرى ھەم ماسلاشقان. ئۇتىۋالدىڭ نەچچە رەت سېنى كىملەر ئازدۇرغان، يىتىلدىڭ بوپ ئاخىرى ئۇچىغا چىققان قىمارۋاز. باشلىدىڭسەن قىمارنى ھەركۈنلۈكى سەھەردە، پۇللىرىڭنى كۈل قىلىپ سورۇپ بولدۇڭ ھەر يەردە. پۇت قوللىرىڭ پۇلاڭلاپ مېڭىپ يۈردۈڭ قەيەردە، يۇرت-جەمەتنىڭ ئالدىدا رەسۋا بولغان قىمارۋاز. ئويناۋىرىپ زادىلا قىزارمىغان يۈزۈڭمۇ، يۇرت-قەۋمنىڭ ئالدىدا ئۇيالمىدىڭ ئۆزۈڭمۇ. ئۇتتۇرىۋىرىپ ھەركۈنى قەرز بولدى يۈزمىڭمۇ، بارلىقىنى قەرزگە تۇتۇپ بەرگەن قىمارۋاز. ئاجىز-ئۇرۇق يىتىمنىڭ توپا چېچىپ ئېشىغا، مىڭ يالۋۇرسا ئايالىڭ  كالتەك قويۇپ بېشىغا. داداڭ بىلەن ئاناڭنىڭ پىچاق تىرەپ گېلىغا، تاپقان تەرگەن پۇلىنى بۇلاپ قاچقان قىمارۋاز. ئاتى «قىلما» تۇرسىمۇ شۇنچە ئامراق قىمارغا، پەند-نەسىھەت زادىلا كىرمەيدىغۇ قۇلقۇڭغا ئۆي جاي ساتقان پۇلۇڭغا سەكرەپ چىقىپ تەۋكاغا، مال-دۇنيا دەپ ئاسمانغا پىچاق ئاتقان قىمارۋاز. مەنبە:مۇڭيار

borkut-

	قىمارنى كەسىپ قىلۋالغان بىر قىسىم ياشلىرىمىز ، ئېقتىسادى تەرەقى قىلمىغان ئۇيغۇر جەمئىيىتىگە نىسبەتەن زور ئاپەت بولماقتا . ئۇشبۇ تېما ئارقىلىق ئۇلارنىڭ ھەقىقى قىياپىتىنى ئېچىپ بېرىپسىز . ياقتۇردۇم .

سەنسىز886

	جەمئىيتىمىزدىكى بەزى قىمارۋازلارنىڭ ئەينەن ئەپتى-بەشىرىسىنى ئېچىپ بىرىپسىز، ھەقىقەتەنمۇ بۈگۈنكى كۈندە نۇرغۇنلىغان ياشلىرىمىز ئەنە شۇنداق قىمارغا بىرىلىپ كىتىۋاتىدۇ ئەمەسمۇ. ياخشى يېزىپسىز رەھمەت

مۇڭيار

	borkut- يوللىغان ۋاقتى  2015-2-15 11:12 PM قىمارنى كەسىپ قىلۋالغان بىر قىسىم ياشلىرىمىز ، ئې ... شۇنداق، ھازىر جەمئىيىتىمىزدە بۇنداق كىشىلىرىمىز يوق ئەمەس.  قۇربىمنىڭ يىتىشىچە مۇشىنچىلىك يېزىپ باققانتىم.  رەھمەت ياقتۇرغىنىڭىزغا.

hadrat

	قىمارۋازلارنىڭ ئىش-ھەركىتىنى ياخشى ئەكىس ئەتتۈرۈپسىز.

laqin

	قىمار ، بۈگۈن خان قىلسا ، ئەتە خار قىلىدۇ.

turmux.net

	ياخشى يېزىپسىز... بولۇپمۇ مۇشۇ كۈندە قىمار بەك ئەۋىج ئىلىپ كەتتى.  ئاللا ھەر بەندىسىنى قىماردىن، زىنادىن، شاراپتىن، ئوغرىلىقتىن نېرى قىلسۇن!

ئەرتۇرا

	ھاراق،قىمار، زىنا ۋە چىكىملىكلەر ئادەمنى تۈگەشتۈرىدىغان ئەسكى ئىشلاردۇر.... ئىسىل شىئېر بوپتۇ. رەھمەت سىزگە.

nasif

	كىچىك ۋاقىتلىرىمىزدا دومچەي دەپ بىر ئويۇن بولىدىغان، كىچىك ئۇرەكچىلەرنى كولىۋېلىپ، ئۇنىڭغا يىراقتىن شېشە شارچىلارنى تاشلاپ ئوينايدىغان، شۇ ۋاقىتتىممۇ، 5 مو،2 مودىن تىكىشىپ ئوينايىتتۇق... چو دەپ يەنە بىرسى باتتى، ئۈستىدە خۇلۇۋا، مۈشۈك ساقچىلارنىڭ رەسىملىرى بار تۆت بۇرجەك قەغەزچىلەرنى يەر دە قويۇپ، يېنىغا ئالقان بىلەن ئۇرۇپ ئۆرۈپ ئوينايدىغان، شۇنىڭدىمۇ شۇنداق پۇل تىكىشەتتۇق... شۇلاردىن بۆلەك بىر نەرسە تىكىپ ئويۇن ئويناپ باققىنىم ئېسىمدە يوق، بىزنىڭ يۇرتتىكى داڭلىق خەلپەت ھاجىم بىر جۈمە كۈنىدە (قىمار ئوينىغان ئەمەس، كىلە ئاداش مەنچە پۇلدىن تىكىشىپ ئوينايلى دەپ، كىيىن باشقا سەۋەپتىن ئوينىماي قالغانلارمۇ ئىككى رەكئەت تۆۋبە نامىزى ئوقىۋەتسۇن... جازانىگە پۇل ئالغان، پۇل بەرگەن، ئۆسۈم بەلگىلەپ بەرگەن پۇلنىڭ ھەر كويىنىڭ گۇناھى، ئۆزىنىڭ ئانىسىغا كەئبە ئىچىدە زىنا قىلغاندىن ئېغىر) دەپ دەرىس قىلغانتى، شۇ ۋاقىتتىلا كىچىكىمدە ئوينىغان شۇ موچەنلەر ئېسىمگە كەلگەن ئىدى.

tumaris01

	قىمار ئادەمنىڭ روھىنى ، زېھنىنى زەئىپلەشتۈرىدىغان ئەسكى ئىش .........