يېڭى يىلدا

mamatablakumluk

	يىڭى يىلدا … مۇھەممەت ئابدۇللا زاكىر «قۇملۇق» … … يىڭى يىلدا يىڭى بايرام شاتلىقى، كۆڭۈللەردىن تىلەپ ئالى تىلەكلەر. مۇھەببەتلەر قار سەيلىدە شادىمان، مېڭىشماقتا گىرەلىشىپ بىلەكلەر. … … جاھان سوغۇق قار قاپلىغان يەر-زېمىن، ئىسسىق ئىزلەپ كىتەر ھەممە ئالدىراپ. نەۋرىسىنى چىڭ قۇچاغلاپ بىر بوۋاي، يېلىنماقتا يوقسۇزلۇقتا ھالسىراپ. … … غەللە قۇرۇق كوچىلاردا يايمىچى، تىترىمەكتە ماللىرىنى ساتالماي. چوتكا،تۇتقان مايلامچىلار سوغۇقتا، ئولتۇرىدۇ ئازغىنە پۇل تاپالماي. … … يىڭى يىلنى تەبرىكلەيدۇ زىياپەت، مودا بولغان  ئىسراپچىلىق ئىچىشلەر. كوچىلاردا كۆزگە غۇۋا چىلىققان، يىلىنغانغا پەرۋا قىلماي كىتىشلەر. …2014-13-31 يىڭى يىل … … مۇھەممەت ئابدۇللا زاكىر  «قۇملۇق» … … كۈن ئارا قوغلۇشۇپ كەلدى يىڭى يىل، يىپ-يىڭى كالېندار ۋارىقى ئىچىپ. تىلەكلەر تىلەيمىز ، يوللايمىز سالام. دوستلۇقنىڭ خوشپۇراق گۈلىنى چىچىپ. … … ئالتۇندەك تېنىڭلار بولسۇن سالامەت، غەم يىراق كۆڭۈلگە تولسۇن خۇشاللىق. ھاياتلىق يولىدا باسقان  ھەر قەدەم، شەرەپلىك بولسۇن كۆرمەي ئۇۋاللىق. … … بۈگۈن بار ئەتە يوق دىدار غەنىيمەت، ئۆتەيلى ئىزدىشىپ ھال-مۇڭ سىردىشىپ. كىرەيلى يىپ-يىڭى ئارزۇلار بىلەن، يىڭى يىل قوينىغا داغدام بىرلىشىپ. … … قانچىلىك يىللارنى  كۆرەلەيدۇ كىم؟، ھاياتلىق دېڭىزدا تىنىمسىز ئۈزۈپ. پاكلىقتىن، چىنلىقتىن ، چەتنىمەي ئورتاق. ھاياتتىن بەخىتنى ئالايلى سۈزۈپ. … … 2014-12-30 يىڭى يىل ھارپىسى … مۇھەممەت ئابدۇللا زاكىر «قۇملۇق» … … ئارامگاھتا يىڭى يىلنىڭ ھارپىسى، مۇزىكىدىن تۈگەشكەن پاڭ قۇلاقلار. ئۈستەل يۈزى كىچىك كەلگەن غېزاغا. قىستىلىشىپ ،چېكىملىك ۋە  ھاراقلار. … … ئاخىرى يوق ۋەدە-ۋاپا تىلەكنىڭ، كەيىپلەردىن  تۇغۇلغان شۇ ھەۋەسلەر. ھەممىسى تەڭ سۆزلەيدۇ ھىچ ئاڭلىماس، ساماغىمۇ دىسكو ئويناپ ئەلەسلەر. … … ئارامگاھتا ۋاراڭ-چۇرۇڭ ئارام شۇ. رومكىلاردا كۆڭۈل ئىزھار  قىلىشىپ. ئۇزاپ چىققان قولتۇقلىشىپ غەرىق مەس، قاردا ياتار  قۇسۇقلارغا مىلىشىپ. … 2014-12-31 … …

mehriya

	يىڭى يىللىق تىلەكلەرگە رەھمەت . ئەمما يىڭى يىل ھارپىسى مېنى ئويلاندۇرۇپ قويدى . توۋا دەيمەن ، يىڭى يىلغا ئاشۇنداق ئىسراپچىلىق ، يىيىش ئىچىش بىلەنلا كىرىپ كەتكۈلۈكمۇ ؟! بىزدە نەدىكى يوق ئادەتلەر بەك تېزلا ئۆزلىشىپ قالىدۇ دېسە !

باشتۇغ

	‹‹يېڭى يىل ھارپىسى››نى ياقتۇردۇم .

ah~tilek

	يېڭى يىللىق تىلەكلەرگە رەھمەت ، يېڭى يلىڭىزغا مۇبارەك بولسۇن !!

korlaayxamsadir

	باشتۇغ يوللىغان ۋاقتى  2015-1-4 11:54 AM ‹‹يېڭى يىل ھارپىسى››نى ياقتۇردۇم . مەنمۇ بۇ يېڭى يىل ھارپىسىنى ياقتۇردۇم