ئەردەك ياشا

mamatablakumluk

	ئەردەك ياشا … … مۇھەممەت ئابدۇللا زاكىر «قۇملۇق» … مەھەللىدە ئايالىڭ، ياقتۇرماپتۇ ئاناڭنى، كەمسىتىپتۇ «تومپاي»دەپ جەمەتىڭنى داداڭنى. ھاقارەتتىن ياش تۆكۈپ قاپتۇ ئاناڭ كىتىپسەن، ئايالىڭنىڭ كەينىدىن ئەگەشتۈرۈپ بالاڭنى. … … … «توۋا» ئاناڭ ئىدىغۇ سىنى ئاسراپ باققىنى، «جان بالام » دەپ باغرىغا مېھرى بىلەن ياققىنى. ساداقەتمەن ئەر بولۇپ غۇرۇرېڭدىن ئەسەر يوق، خىيالىڭغا كەلمەپتۇ ئاناڭدىن ياش ئاققىنى. … … … سۈپەتلەردە پەرىشتە ، ئۇلۇغ ، ئاتا- ئانىلار. تىل تەگكۈزۈش چوڭ گۇناھ بىلسە بۇنى بالىلار. «توۋا»دەيمەن جاھاندا يوق ئەمەسكەن سېنىڭدەك، ساداقەتمەن، غۇرۇرسىز، قارغۇ، ئەقلى چالىلار. … … … ئەردەك ياشا ئەر بولساڭ دۇئا ئالغىن ئاناڭدىن. غورۇر، ۋىجدان ئالدىدا ئۆرنەك ئالغىن داداڭدىن. سەن ئاققۇزساڭ  ئاناڭدىن بولسىمۇ گەر بىر تىمىم. بۇقۇلدايسەن  بىر كۇنى خورلۇق كۆرۈپ بالاڭدىن. … 2014-12-21 … كۆيۈمچان ئەر … … مۇھەممەت ئابدۇللا زاكىر «قۇملۇق» … … «نوركا» ئالدىڭ ئۈچ تۈمەنگە  تالىشىپ، نەقلا كەلدى ئايالىڭغا يارىشىپ. بايلىقىڭدىن پەخىرلىنىپ غادايدېڭ، ئەجەبلەندۇق  لېكىن ساڭا قارىشىپ. … … شۇ تاپ ئاناڭ سوغۇق ئۆيدە قىينىلىپ، يۈرەر يالغۇز خوشنىلارغا يېلىنىپ، يوقلىماپسەن  تاندىڭمۇيا  بىلمىدۇق. نامراتلىقى قاپتۇ ھەجەپ بېلىنىپ. … … كىيەي دىسە قېلىنراق بىر چاپان يۇق، ھاۋا سوغۇق قالايدىغان ئوتۇن يۇق. چاچلىرى ئاق مۇكچىيىپتۇ بەللىرى، كىر يۇيۇشقا سۇنى تاپسا سوپۇن يۇق. … … ئاناڭ غېرىب مىسكىن ئاجىز بەندىكەن، تاپسا بىر نان قاتتىق قۇرۇق يەيدىكەن. لېكىن سەندىن پەخىرلىنىپ ئايالىڭ، «بەك كۆيۈمچان مىنىڭ ئىرىم» دەيدىكەن. 2014-3-10

WOLKANII

	مۇبارەك بولسۇن ياقتۇردىم !

saliha24

	بەكلا چۇڭقۇر مەزمۇنلۇق ،ئېسىل شېئىر كەن ، رەھمەت سزگە .

azizyaxa

	ئالامەت دېگەن سۆز مۇناسىپ ئالامەت يېزىپسىز مۇشۇنداق ئەمىليەتكە يېقىن چىن ئىشلارنى كۆپراق يېزىڭ  ,تىمىڭىزدىن سۆيۈندۈم

zulpukar

	بۇنداق ئەھۋال يوق ئەمەس.........  بىرقىسىم ئوغۇللار  ئاياللىرنىڭ سىزغان سىزىقىدىن چىقماي، ئاتا - ئانىسىنىڭ نېمە بۇپ كېتىشىنى ئويلاپمۇ قويمايدىغان، بازاردىن بىرنەرسىلەرنى ئېلىپ كەلسە ئاۋال ئاياللىرغا بىردىغان، ئاتا- ئانىسىغا قاراپمۇ قويمايدىغان  پەرزەنتلەرگە ياخشى بىر تەربىيە خارەكتىرلىك تېما بوپتۇ بۇ.............

kaqvr

	ئىرىنى ئانىسىدىن تاندۇرغان ئاياللارغا كىيىن بالىسى ھەسسىلەپ ياندۇرىدۇ . ئۆتنە جاھان .

ت.ئەمىن

	ئەمەلىيەتنى بۇنداق ئۆتكۈر تىل بىلەن ئىپادىلەش راستلا قىيىن. ياخشى نەتىجىلەر سىزگە يار بولسۇن.

nazpari

	شېئىرنىڭ تىلى يىنىك، مەزمۇنى ياخشى چىقىپتۇ، ياقتۇردۇم. بۇنداق ئاياللار ھامان بىر كۈنى ئۆزىنىڭمۇ قىيىنئانا بولىدىغانلىقىنى ئۇنتۇپ قالىدىغان چېغى!

دېڭىز.

	بەك ياخشى يېزىپسىز..قوللىرىڭىزغا دەرت كەممىسۇن...ئەمما...سەن ئاققۇزساڭ ئاناڭدىن بولسىمۇ گەر بىر تېمىم...دىگەننى ياش ئاققۇزساڭ كۆزىدىن...بولسىمۇ گەر بىر تېمىم دەپ ئالساق بەكرەك مۇۋاپىق بولامدىكى دەيمەن....ئاتىكاچىلىق قىپ قويدۇم...

mahatjan

	ياخشى تىما يوللاپسىز.