كەلمەيسەن

KUMALTAGH

	كەلمەيسەن ئەمەتجان زۇنۇن ئارتۇچ ئازاب سەھراسىدا غەمناك ، غېرىب يۈرگەندە كەلمەيسەن ، ۋىسال دەپ ھەر سەمەندەردەك تىنىپ يۈرگەندە كەلمەيسەن . كۆيۈكلەرنىڭ پايانىدا قۇرۇپ قاخشال بولۇپ قالدىم ، ئېلىپ بۇ جانىنى ھەر يانغا چېنىپ يۈرگەندە كەلمەيسەن . ھاياتلىق نە ئارام تاپسۇن قېنىپ ۋەسلىڭگە كۈلمىسەم ، نىھايەت سۆيگۈ دەپ سازلار چېلىپ  يۈرگەندە كەلمەيسەن . كۆنۈپ يۈرمەيمۇ نە چارە  ئاھانەت ، دەردى ، قىسمەتكە ، قېرى تەقدىر ھوزۇرىدا ھېرىپ يۈرگەندە كەلمەيسەن . بېقىپ ھەر ياققا مەجنۇندەك شېرىن ۋەسلىڭنى ئىزلەيمەن ، روھىم ئايلانسا گۈلخانغا  يېنىپ يۈرگەندە كەلمەيسەن . تىلىمدىن بىر سادا كەتمەس  دىلىمدىن نۇر -زىيا كەتمەس ، نۇرانە ئىز  ، ناھاردىن گۈل  ئېلىپ يۈرگەندە كەلمەيسەن . مۇھەببەت مەنزىلى مۈشكۈل  ئۈمىد  قوينىدا قۇت - شاتلىق ، ئۇلۇغ ئارمانغا ، مېھرىگە   قېنىپ يۈرگەندە كەلمەيسەن . مەنبە ؛ قەلىمىم

99sahrayi99

	غەزەل دېگەن مانا مۇنچىلىك بولسا!.. ئاتايىن ئوقۇغانغا لايىق ھوزۇرلانسا كىشى!.. ئاپىرىن!.. بەك كەپتۇ بۇ غەزەل!.. مەيلى ئاھاڭدالىقى ياكى بۇغۇم، تىل جەھەتتىن بولسۇن بەلەن چىقىپتۇ!.. ھارمىغايسىز!..

ئىپارە

	تىلىڭىز ئۆتكۈركەن ،قەلىمىڭىزگە بەركەت تىلەيمەن！

ت.ئەمىن

	مۇھەببەت مەنزىلى مۈشكۈل شۇڭا كەلمەيدۇ ساقلايسەن سېغىنىشنىڭ ئوتى ئەمما ئارام بەرمەيدۇ ساقلايسەن

turmux.net

	ياخشى يېزىپسىز، قەلىمىڭىز ھارمىغاي ...

muzmuz

	تىل ئىشلىتىشىڭىز بەك ئوبرازلىق ،بەدىئىي بوپتۇ ، شۇنداق ياخشى يېزىپسىز ، ھارمىغايسىز … بىرە ئەدەبىي ژورناللاردا ئېلان قىلسىڭىزمۇ بولىدىكەن …

alhumar137

	راست دەيمە بەك قاملىشىپتۇ

دېڭىز.

	قەلىمىڭىزگە تېخىمۇ كۆپ ئۇتۇقلار تىلەيمەن...ھارمىغايسىز

taj100

	راسلا ئادەمگە  بىر خىل ھوزۇر بىرىدىكەن................................

NURI→KUSAN

	بارىكاللا قېرىندېشىم.ناھايتى ياخشى يىزىپسىز.بۇندىن كىيىنمۇ مۇشۇنداق ياخشى ئەسەرلىرىڭىزنى مۇنبەرگە ھارماي ئەۋەتىپ تۇرۇڭ.بىزمۇ ھارماي ئوقۇپ تۇرايلى. داۋاملىق تىرىشىڭ.ئىجادىيەتلىرىڭىزگە ئوڭۇشلۇق تىلەيمەن...