تۇز: غەزەپنى قانداق يېڭىسىز ؟

.tuz.

	ئەسسىلامۇ ئەلەيكۇم سۇئال : خاپىچىلىقنى ، غەزەپ - ئاچچىقنى قانداق يېڭىسىز ؟ جاۋاب : باشقىلاردىن زەربىگە ھەم تىل - دەشنام ، ھاقارەتكە ئۇچراشنىڭ شۇ ۋاقتى ئەڭ ئېغىر . ۋىجدان - غۇرۇرۇڭ چۇقان كۆتۆرۈپ ، كۆزۈڭگە قان تولۈپ ، ئەسەبىلىرىڭ ۋە تومۇرلۇرۇڭ سىمدەك تارتىشىپ ، يۈرىكىڭ دەرغەزەپتىن پارتلاشقا تەييار تۇرىدۇ . ئەگەر شۇنداق ۋاقىتتا تىلىڭغا ياكى قولۇڭغا ئەرك بەرسەڭ ياكى قويۇپ بەرسەڭ ، چوقۇم پارتلاش يۈز بېرىدۇ ! شۇنىڭ ئۈچۈن ، سېنى خاپى قىلغاننى ، سېنى ھاقارەت قىلغاننى باپلاپ قويۇشنى ، ئۆچ ئېلىشنى ، قاتتىق تىل ياغدۇرۇشنى ھەر قېتىم ئىچىڭدە خەپلەپ ئەتىگە قوي . ئەتىسى بولسا ، ۋۇجۇدۇڭدىكى ئۆچمەنلىك ئوتى سەل پەسىيىدۇ ، يەنى بىر كۈچەپ ، تىلىڭنى قۇلۇپلىغىن- دە ، توقۇنۇش ھەم جەڭگى - جىدەلنى يەنى بىر كۈن كەينىگە سۈر . ئۈچۈنجى كۈنى دىلىڭ سەل ئاغرىپ تۇرسىمۇ سەۋرى قىل ، دولقۇنلىرىڭ تىنىدۇ . شۇنىڭ بىلەن ئۆزۈڭمۇ « ئەسكى بىلەن تەڭ بولماي ، بولدى ! » دېگەن پىكىرگە كېلىپ قالسەن . تۆتىنچى كۈنى ئاجايىپ ھالەت يۈز بېرىدۇ : خاتىرجەم خۇشال روھىڭ كۆتۈرەڭگى ئۆيغىنىسەن ، يۈركىڭدىكى تۈگمەن تېشى يۇقالغان، كۈڭلۈڭ شۇنداق ئازادە بوپ قالىدۇ . ئۈچ بۇرۇنقى ھالىتىڭنى ئويلاپ ئويلىنىپ كىتىسەن ، « ھېلىمۇ ياخشى ئۇرۇشماپتىكەنمەن ، تىللاشمامتىكەنمەن » ياكى بولمىسا « ئۆزۈمنى بۇزىۋالماپتىمەن ....» دەيسەن . تەھلىل قىلىپ كۆرسەڭ ، خاپا بولۇشقا ئەرزىمەيدىغان ئىشقا شۇنچە ئاچچىقلىنىپ بوغۇلۇپسەن . سېنى  ۋەسۋەسىگە سىلىپ ، ئوتتۇرغا چۈشۈرۈپ ، شەرمەندە بولۇشقا ئۈندىگەن شەيتان ئىدى . يەنە ياخشىراق تەھلىل قىلساڭ ، بۇ ھالەتنىڭ يۈز بىرشىدە سەندىمۇ ئازراق ئۆتكەن تەرپى بولىشى مۈمكىن . شۇنى ئويلاپ خىجالەت بولۇپ توۋا پۇشمان بىلەن گۇنايىڭنى يۇيىسەن......... بىزغۇ شۇنداق پەلسەپىنى ئوتتۇرغا قويۋاتىمىز . ئەسلىدە سېنى تىنىچلاندۇرۇپ ، كۆكسىڭدىكى تاشنى ئىلىپ تاشلىغىنى ياراتقۇچىدۇر . چۈنكى سەن سەۋرى قىلدىڭ ، چىشىڭ بىلەن لىۋىڭنى چىشلەپ ، شەيتاننى يەڭدىڭ . بۇنىڭ بىلەن سەن ئۆزۈڭنىمۇ ، سېنىڭ ئاچچىقىڭنى كەلتۈرگەن كىشىنىمۇ گۇناھقا پىتىشىدىن ساقلاپ قالدىڭ . مانۇ بۇ ياراتقۇچى مېھرىبان ئاللاھ رازى بولدىغان ئەڭ كاتتا ئىشتۇر . ياراتقۇچى ئاللاھ سەۋرى قىلغانلارنى ھەمىشە قوللىغىچىدۇر . ھەددىدىن ئىشىپ باشقىلارغا ناھەق زۇلۇم قىلغۇچىلارنى جازالىغىچىدۇر . خۇلاسە : دىلىڭىزنى ئاغرىتقان ئىشقا ئۈچ كۈن سەۋرى قىلىڭ ، يەنى ئىپادە بىلدۈرمەي سۈكۈت قىلىڭ . ئۈچ كۈندىن كېيىن ئاچچىقىڭىز يىنىپ ، ئېغىر - بىسىق ئەقلىڭىز قالىدۇ ۋە ئۇ ھەر دائىم سىزنىڭ پايدىڭىزغا يول كۆرسىتىدۇ ! باشقىلارنىڭ دىلىنى ئاغرىتىۋاتقانلار ئۆزىڭىزنى بىلىڭ ! ھەر بىر چىققان تىنىقىڭىزنىڭ سۇئال - سۆرىقىنى بىردىغان تۇرسىڭىز ، ھەربىر ئىغىزىڭىزدىن چىققان يامان رەۋىشتىكى تىلىڭىزنىڭ جاۋابىنى بىرسىز ، ئەلۋەتتە ! مەنبە : نازۈك سۇئال مۇنبەرگە يوللىغۇچى : تۇز 2014- يىلى 12- ئاينىڭ 21- كۈنى ئەزىزانە شەھرى قەشقەر

زىياگۈل

	بەك ياخشى يېزىپسىز قېرىندىشىم،يازمىڭىزنى ئوقۇغاچ تۈنۈگۈن ئاچچىقىمدا قىلغان خاتالىقلىرىم بىر بىرلەپ كۆرۈندى.راستىنلا غەزەپ بلەن چىقارغان ھەرقانداق سۆز ھەرىكەت خاتادىن خالىي ئەمەسكەن.بۈگۈن قىلغان پۇشايمىنىم نىمىنى ھەل قىلالايدۇ دەيسىز.....رەھمەت

saliha24

	يەنە بىر ياخشى تىما ، كىشىلەر سەۋېر قىلىش بىلەن تېخىمۇ گۈزەل .

ئىپارە

	ئويلىنىشقا تىگىشلىك ياخشى تېمىكەن، لىكىن مىنىڭ تېمام نىمىشقا ئۆچۈرۈلدى？ يا بىرە مەسىلىگە دۈچ كەپ قالدىمۇ？

Ay.sadap

	بەك ياخشى تىما ئىكەن، رەھمەت سىزگە! ھەقىقەتەنمۇ ۋاقىت كۆڭۈل ئاغرىقىنى داۋالايدىغان  ئەڭ ياخشى دورا....

قورغان

	تۇرمۇشىمىزدا بىلىۋىلىشىمىزغا تېگىشلىك ئەھمىيەتلىك تېمىلاردىن بەھىرلەندۈرۈپ تۇرغىنىڭىزغا رەھمەت! ئاچچىقنى يەڭگەن باتۇر دەپتىكەن...

okoguqi9

	ئاچچىق ئەقىلنى كىسدۇ !

Ay.sadap

	martam يوللىغان ۋاقتى  2014-12-21 09:46 PM مېنىڭ بەك ئاچچىقۇم كەلسە ئادەم ئۆلتۈرگۈم كېلىپ كېتىدۇ. ... تۆۋە دەڭ، ئوغلىڭىزنى، ئاتا-ئانا، قېرىنداشلىرىڭىزنى ئويلىمامسىز، ئۇنداق شەخسىيەتچى بولماڭ !