NASA: بىزنىڭ ئىدارىدىكى ئاپتوموبىل كۆرگەزمىسى

bilimxumar

	بىزنىڭ ئىدارىدىكى ئاپتوموبىل كۆرگەزمىسى بىلىمخۇمار 2014-يىلى 12-ئاينىڭ 20-كۈنى مەن ئۆزەمنىڭ بۇ يىل 7-نويابىر كۈنى تورلارغا چىقارغان «مىكرو-باشقۇرۇش ۋە ئۇنىڭ زىيانلىرى» دېگەن ماقالىسىدە بىزنىڭ ئىدارىمىز JPL نىڭ باشقۇرغۇچىلىرى جىددىي ۋاقىتلاردا بىزدىن كۆپرەك ۋە قاتتىقراق ئىشلەشنى تەلەپ قىلىش بىلەن بىللە، بىزنىڭ تۇرمۇشىمىزغىمۇ ئىنتايىن كۆڭۈل بۆلىدىغانلىقىنى بايان قىلىپ ئۆتكەن ئىدىم [1].  بىزنىڭ ئىدارىنىڭ باشقۇرغۇچىلىرى يالغۇز ئىدارە خادىملىرىنىڭ تۇرمۇشىلا ئەمەس، ئۇلارنىڭ قىزىقىشلىرىغا ۋە ئۇلار ئۈچۈن مۇھىم بولغان باشقا ھەممە ئىشلارغىمۇ ئىنتايىن كۆڭۈل بۆلىدۇ.  ئىدارە خادىملىرىنىڭ قانداق تەلەپلىرى بارلىقىنى بىلىپ تۇرۇش ئۈچۈن، ئىدارىمىزنىڭ باشقۇرغۇچىلىرى ھەر 2-3 يىلدا بىر قېتىم سىرتتىن بىر كەسپىي شىركەتنى ياللاپ، پۈتۈن ئىدارە دائىرىسىدە نامسىز پىكىر توپلاش ئېلىپ بېرىپ، ئاندىن ئۇلارنى تۈرلەرگە ئايرىپ ئانالىز قىلىپ، شۇ ئاساستا ئىدارە خادىملىرىنى رازى قىلىشنى مەقسەت قىلغان يېڭى چارە-تۈزۈملەرنى بېكىتىپ چىقىدۇ.   بىزنىڭ ئىدارىنىڭ 1-قول باشلىقىنىڭ ئامېرىكىدىكى ئورنى خېلى ئۈستۈن بولۇپ، ئامېرىكا پرېزىدېنتى ۋە باشقا دۆلەت ئەمەلدارلىرى بىلەن پات-پات كۈرىشىپ تۇرىدۇ.  ئۇ بىز بىلەن بولغان ئارىلىقى 30 كىلومېتىردەك كېلىدىغان لوس ئانژېلىس شەھىرىگە خىزمەت بىلەن بارىدىغاندا تىك ئۇچار ئايروپىلان بىلەن بېرىپ كېلىدۇ.  ئاشۇنداق بىر ئادەممۇ بىزنىڭ ئىدارىنىڭ خادىملىرى بىلەن ئىنتايىن يېقىن ئۆتىدۇ.  ئۇ ھەر پەسىلدە بىر قېتىم ناسا نىڭ ئىقتىسادى ئەھۋالى ۋە كەلگۈسى پىلانلىرى ھەققىدە ئىدارىدىكىلەرگە يىغىن ئاچىدىغان بولۇپ، بىز ئۇ يىغىنغا ئۆز ئىختىيارلىقىمىز بىلەن قاتنىشىمىز.  ئۇ ھەر قېتىملىق يىغىندىن كېيىن كەم دېگەندە 15 مىنۇت ۋاقىتنى سوئال-جاۋاب ئېلىپ بېرىشقا ئاجرىتىپ قويىدۇ.  شۇ ۋاقىتتا خالىغان ئادەم ئۇنىڭدىن خالىغان سوئالنى سورىيالايدۇ.  يىغىن ئاخىرلاشقاندىن كېيىن يەنە ئۇنىڭ بىلەن ئايرىم سۆزلىشەلەيدۇ.  ھەر قېتىملىق يىغىننىڭ ئاخىرىدا ئۇ «ئەگەر بىرەر تەكلىبلىرىڭلار بار بولسا مېنى بىۋاستە ئىزدەڭلار.  ئىشخانامغا كېلەلمىسەڭلار ماڭا ئېلخەت يازساڭلارمۇ بولىدۇ»، دەپ تۇرىدۇ.   قىسقىسى، بىزنىڭ ئىدارىنىڭ باشلىقلىرى ئىدارە خادىملىرىنىڭ ھەممە ئىشلىرىغا كۆڭۈل بۆلىدۇ.  خۇددى باشلانغۇچ ۋە ئوتتۇرا مەكتەپلەردىكىگە ئوخشاش، بىزنىڭ ئىدارىمۇ «تاغدا ئۇزۇنغا مېڭىش گۇرۇپپىسى»، «ۋېلىسپت گۇرۇپپىسى»، «يېڭىدىن پەرزەنتلىك بولغان ئانىلار گۇرۇپپىسى»، «مۇزىكا گۇرۇپپىسى» قاتارلىق ئىدارە خادىملىرى ئۆزلىگىدىن تەشكىللىۋالغان گۇرۇپپىلار بار.   بۈگۈن، يەنى 2014-يىلى 19-دىكابىر كۈنى (ئۈرۈمچىنىڭ ۋاقتى كالىفورنىيەنىڭ ۋاقتىدىن 14 سائەت بالدۇر بولۇپ، ھازىر ئۈرۈمچىدە شەنبە كۈنى چۈشتىن بۇرۇن ئۈرۈمچى ۋاقتى 9 بولدى، بىزنىڭ ۋاقتىمىز بولسا جۈمە كۈنى كەچ سائەت 7 بولدى. مەن ئۆيگە ئىشتىن قايتىپ كېلىپ، ئاندىن بۇ يازمىنى تەييارلاۋاتىمەن) بىزنىڭ ئىدارىدە ئاشۇنداق گۇرۇپپىلارنىڭ ئىچىدىكى «كلاسسىك ۋە ئاسار-ئەتىقە ئاپتوموبىل گۇرۇپپىسى» نىڭ «ئاپتوموبىل كۆرگەزمىسى» بولدى.  بۇ پائالىيەت ھەر يىلى دىكابىر ئېيىدا ئۆتكۈزۈلىدىغان بولۇپ، ئۇنىڭدا بىزنىڭ ئىدارىدىكى كلاسسىك ۋە كونا ئاپتوموبىللارغا قىزىقىدىغان، ھەمدە ئۆيىدە ئاشۇنداق ماشىدىن بىرەرسى بار كىشىلەر شۇ كۈنى ماشىنىسىنى ئىدارىگە ھەيدەپ كېلىپ، ئۇنى بەلگىلەپ بەرگەن يەردە كۆرگەزمىگە قويىدۇ.  كۆرگەزمىنى كۆرۈش ۋاقتى چۈشتىن بۇرۇن سائەت 11 دىن چۈشتىن كېيىن سائەت بىرگىچە جەمئى 2 سائەت داۋام قىلىدىغان بولۇپ، بۈگۈن چۈشلۈك تاماقتىن كېيىن چېنىقىش ئۈچۈن يول ماڭغاچ  ئۇ يەرگە مەنمۇ بېرىپ، كۆرگەزمىگە قويۇلغان ماشىنىلارنى رەسىمگە تارتىۋالدىم.  كۆرگەزمىگە قويۇلغان ماشىنىلارنىڭ ئىچىدە 1913-يىلى، 1914-يىلى، 1933-يىلى، ۋە 1934-يىلى ياسالغان ماشىنىلارمۇ بار بولۇپ، قالغانلىرى بۇلاردىن سەل يېڭىراق ئىكەن.   كۆرگەزمە ئورنىدا تېخى بىر گۇرۇپپا مۇزىكاتلار نېق مەيداندا مۇزىكا ئورۇنلاۋېتىپتۇ. بىزنىڭ ئىدارىدە ئىشلەيدىغان خادىملارنىڭ ئىچىدە بىر كونا ماشىنىنى ئېلىپ، ئۇنىڭ ماتورىنى پۈتۈنلەي قايتىدىن ياساپ، ھازىرقى «پارتلاپ ئىتتىرىش» (بىزنىڭ ئىدارىنىڭ ئىسمىدىكى ئىنگلىزچە «Jet Propulsion» دېگەن سۆزنىڭ مەنىسى مانا مۇشۇ «پارتلاپ ئىتتىرىش» تۇر)  تېخنىكىسى بىلەن ماشىنىنى سائەتىگە 300 كىلومېتىردىن تېزراق ماڭىدىغان قىلىۋېتىدىغان كىشىلەرمۇ بار بولۇپ، بۇرۇن مەن بىلەن ئىدارىنىڭ ماشىنىسىدا ئىشقا-بېرىپ كېلىدىغان ئادەملەرنىڭ ئىچىدە ئاشۇنداق خادىمدىن بىرسى بار ئىدى.  ئۇنىڭ ماشىنىسىنى مەن بىر قانچە قېتىم كۆرگەن بولۇپ، ئۇ خۇددى ئامېرىكىنىڭ كىنولىرىدىكى ماشىنىلارغا ئوخشايدىكەن. تۆۋەندىكى مەن بۈگۈنكى كۆرگەزمىدە تارتىۋالغان بىر قىسىم كۆرۈنۈشلەر. پايدىلىنىش ماتېرىياللىرى: [1] بىلىمخۇمار: «مىكرو-باشقۇرۇش ۋە ئۇنىڭ زىيانلىرى» http://bbs.izdinix.com/thread-60579-1-1.html

azrat705

	ئەمدى سىلەر راكېتا ، سۈئىي ھەمرا ، پىلانتىلارغا قونغۇچى تەكشۈرۈش ماشىنىسى قاتارلىقلارنى تەتقىق قىلىدىغان بولغاندىكىن كىچىكرەك راكېتانىڭ ماتورىنى ماشىنىغا سەپلەپلا ماشىنىنى ئۆزگەرتىۋاپسىلەردە ھى ھى ھى

manmihnat

	مەن ياقتۇردۇم سىلەرنىڭ بۇ پالىيتىڭلارنىڭ كۆپ ئەھمىيتى بار ئىكەن

turmux.net

	كونا نەرسىلەرنى ساقلاپ قويسىمۇ بولامدۇ نېمە

Acura

	ئادەم ئامىلى ھەممىدىن موھىم بولۇدىكەن ، مەيلى قانداق ئورۇن بولسۇن شۇ ئورۇنغا مەسئۇل باشلىق ياكى باشقۇرغۇچى ئەڭ ئاۋال قول ئاستىدىكىلەرنىڭ قەلبىنى ئۇتۇشنى بىلىشى كېرەككەن ، ئەگەر ئۇ بۇ نۇقتىغا سەل قارايدىكەن كەسپىدە ، شۇغۇللىنىۋاتقان ئىشىدا كوللىكتىپنىڭ ھەقىقى كۈچىگە ئېرىشىەلمەيدىكەن . مەن بېشىدىن ئۆتكەن مۇنداق بىر ئىشنى قىستۇرۇپ ئۆتەي ئىنكاسىمغا نەچچە يىلنىڭ ئالدىدا مەن زور قىزغىنلىق ، ئىشەنچ بىلەن دىيارىمزىدىكى مەلۇم بىر كارخانىغا باردىم ، بۇ ئورۇنغا كېلىشىمدىكى مەقسەت ئۇلارنىڭ ھازىرقى ھالىتىنى تېخىمۇ ياخشىلىۋېتىش ئىدى ؛ مېنىڭ ھەقىقى قىزىقىشىم ئۇلارنىڭ كارخانىسىنىڭ نۆۋەتتىكى ھالىتى بىلەن پەقەتلا يېقىن كەلمىسىمۇ لېكىن مېنىڭدىكى يېڭىلىق يارتىش قىزغىنلىقى ، كارخانا ئىشلەپچىقىرىشىدىكى كام كۇتا يەرلەر ، نۇقسانلارنى تېپىپ چىقىپ ئۇنى ئەڭ ياخشى ھالەتكە ئەكىلىشكە تامامەن يېتەتتى ، مەن ئاتالمىش شۇ كارخانىغا بېرىپ شۇ پىلانلىرىمنى ، مەقسەتلىرىمنى يەتكۈزۈش ئۈچۈن يېرىم يىل تەيارلىق كۆردۈم ھەمدە ھەممىنى تەق قىلىپ شۇ كارخانىغا باردىم ھەم مەسئۇلى بىلەن كۆرۈشتۈم ،  مەقسەت مۇددىئالىرىمنى دېدىم ، پىلان ... قاتارلىق ماتىرياللارنى كۆرسەتتىم ، ئۇ بىزگە سىزدەك بىر خادىم كېرەكتى دىدى ، لېكىن مەن ئۈرۈمچىگە بېرىپ ئىشلىيەلمەيتتىم ، چۈنكى مەن 20 يىللىق سىتاجغا ئىگە خىزمەتچى ئىدىم ، ئەگەردە ئۇ مەسئۇل خادىم ماڭا ، سىز خىزمىتىڭىزنىمۇ تاشلىماي تۇرۇپمۇ بىزگە ياردەملىشىپ بېرەلەمسىز دىگەن بولسا ، بۇنى تامامەن قىلىپ كەتكىلى بولاتتى ، چۈنكى ھازىر ئىنتېرنىت ئارقىلىق ئۆيۈمدە تۇرۇپمۇ ئۇلارنىڭ كارخانىسى بىلەن بار مەسلىھەت بىلەن ئىش قىلغىلى بولاتتى ؛ شۇ كارخانا مەسئۇلى مېنىڭ نەزىرىمدە مۇنداق ئىدى : ئۇلار بىرنەچچە ئاكا ئۇكىلار ئاشۇ 80 يىللارنىڭ بېشىدىلا ئىچكىرىدىن مال ئەكىلىپ سېتىش تىجارىتى بىلەن ناھايىتى بىيىپ كەتكەن ئىكەن ، ئۇنۇڭ تۇرقىدا ئانچە كۆپ ئوقمىغانلىقى چىقىپ تۇراتتى ، لېكىن كۆپنى كۆرگەن ، پۇللۇق ، سالاپتلىك ئادەملەرگە ئوخشايتتى ، شۇ بارغىنىمدا ئۇ دەمەلىققا مېنىڭ نىمە دەۋاتقىنىمنى ئاڭقىرالماي قالغانىدى ، ئۇنۇڭ ماڭا ئەڭ يارىمىغان بىر ئىشى شۇ بولدىكى ئۇ مېنىڭ مېىڭىشىمدا ماڭا جېكىلەپ تۇرۇپ ، مەن چۈشتىن كېيىن 2 لەردە سىزگە تېلىفون بېرىمەن دىگىنى بولدى ،  مەن يېرىم كۈن سالاپ ئۇنۇڭ تېلىفونىنى كۈتتۈم ، لېكىن ئۇ تېلىفون بەرمىدى ؛ بۇ ئىشنىڭ بولغىنىغا ھەش پەش دىگۈچە 4 يىل بولدى ، مەنمۇ ئۆز ئورنىمدا ئىشلەپ يۈردۈم ھازىر ... ئەگەر ئاشۇ كارخانا مەسئۇلى مېنىڭ قەلبىمنى تەسىرلەندۈرەلىگىدەك بىرەر ئېغىز گەپ قىلغان بولسا ، مەن بەلكىم ئىشىمنى بىر ئامال قىلىپ تاشلاپ ، ئۇلارنىڭ يېنىغا بېرىپ ئۆتۈپ كەتكەن 4 يىل ئىچىدە ئۇنۇڭ كارخانىسىنى باشقىچە تۈسكە كىرگۈزىۋەتكەن بولاتتىم ؛ ئەپسۇس شۇنداق ياخشى ئۆگۈرۈشلەر ئۇنۇڭغىمۇ ، ماڭىمۇ نىسىپ بولمىدى ، ھازىر كۆرۈپ تۇرىۋاتىمەن ئۇنۇڭ كارخانىسى تېزمۇ ئەمەس ، ئاستىمۇ ئەمەس ھالەتتە كىتىپ بارىدۇ ، ۋاي دىگۈدەك بىرەر يېڭىلىقى ، مەھسۇلاتى يوق ... دېمەك ، تەرەققىي قىلغان ئەللەردىكى تەتقىقات ئورۇنلىرى ياكى كارخانا بولسۇن ، ئۇلار ئالدى بىلەن يېنىدىكى كىشىلىرىنىڭ پىسىخىكىسىنى ماھىرلىق بىلەن ئىگىلەپ ، ئۇنۇڭ قەلبىنى ئۇتۇشنى موھىم دەپ بىلىدىكەن ... تېمىڭىزغا كۆپ تەشەككۈر ، ئالتۇن تېنىڭىز ئامان بولسۇن !

FOCUS

	مەن ئەركىن سىدىق ئاكىمىزنىڭ قايسىبىر تېمىسىدىكى ئادەمنىڭ ئۆز ئۆزىگە نىشان بەلگىلەش توغرىسىدىكى مەزمۇننى تاپالمايۋاتىمەن ،قايسى تورداشلارنىڭ ئېسىدە بار؟

bilimxumar

	FOCUS يوللىغان ۋاقتى  2014-12-20 02:17 PM مەن ئەركىن سىدىق ئاكىمىزنىڭ قايسىبىر تېمىسىدىكى ئادەم ... سىز ئىزدەۋاتقان تېمىلار مۇشۇلارمىكىن: غايە تىكلەشنىڭ 10 ئۆلچىمى https://uyghur-archive.com/misranim/thread-92783-1-1.html سىز ئىزدەۋاتقان تېمىلار مۇشۇلارمىكىن: نىشان تىكلەشتە بىلىشكە تېگىشلىك ئىشلار https://uyghur-archive.com/misranim/thread-91525-1-1.html غايىنى رېئاللىققا ئايلاندۇرۇشنىڭ سىرلىق قانۇنىيىتى https://uyghur-archive.com/misranim/thread-90186-1-1.html

FOCUS

	كۆپ رەھمەت ئەركىن ئاكا، سىزنىڭ ھەربىر تېمىلىرىڭىزنى ئوقۇسام شۇنداق ئىلھاملىنىمەن ھەم شۇنچىلىك ئۈمۈتلىنىپ كېتىمەن.مەن بىر مەمۇرى ئورۇندا خىزمەت قىلىدىغان40ياشلارنىڭ قارىسىنى ئېلىپ قالغان بىر ياش،مەن ئالىي مەكتەپنى پۈتتۈرۇپ ھۆكۈمەتنىڭ تەخسىملىشى بىلەن مۇشۇ ئىدەرىگە  كەلگەن بولۇپ ئوقۇغان كەسپىم خىزمىتىمگە ئۇدۇل كەلمىگەن بولسىمۇ  يەنىلا تىرىشىپ ئىشلەپ ئۆزىمىزنىڭ ئادىمىيلىكى ئەخلاق پەزىلىتى  ۋە باشقىلارغا نىسبەتەن ئازراق يۇقۇرى تۇرىدىغان بىلىم قۇرۇلمىمىز بىلەن ئىدارە رەھبەرلىرى ۋە ئاممىنىڭ نەزەرىدە تىگىشلىك ھۆرمىتىمىز بولسىمۇ (ھەر يىللىق خۇلاسە يىغىنىدىن مەلۇم)خىزمەتكە قاتناشقان 17يىلدىن بۇيان  ئۆستۈرۈپ باقمىدى ياكى مۇھىم خىزمەت ئورنىغا تەڭشەپ باقمىدى، گەپنىڭ ئوچۇقىنى قىلسام رەھبەرلىك كوللىكتىپىنىڭ 6 ئەزاسى ھەممىسى ھەربىيلىكتىن قايتىپ كەلگەنلەر بولۇپ  سەۋىيە دىگەن نەرسە قەتئىلا يوق  لېكىن گەپ ئىنتايىن يوغان پارىخور خىيانەتچى پارازىتلاردۇر،بۇلاردىن ئالدىنقى  نۆۋەتلىك رەھبەرلىرىمىزمۇ  مۇشۇلاردىن قېلىشمايدىغان بولۇپ بىز يۇقۇرىغا تولا پىكىر قىلىپ يۈرۈپ بۇلارنى ئاخىرى باشقا بىر كەسپى ئورۇنغا باشلىق قىلىپ تەڭشەپ ئەكەتتى  لېكىن بۇلارنى بىزگە ئەكىلىپ بەردى  6 يىل بولدى ئىدارىنىڭ ئەھۋالى تېخىمۇ ناچار، ئىدارىمىز ھۆكۈمەتنىڭ تۆمۈر تاۋىقىدىكى ئىدارە بولغاچقا  مۇئاشتىن غەم قىلىمايمىز لېكىن  ئىدارىنىڭ ئىجتىمائى مۇھىتى ئىنتايىن ناچار ،يىل بويى ئىش يوق  چۈشكۈنلۈك بەك ئېغىر ،قارا قوساقلار يەنىلا ئۆزىگە ئوخشاش قارا قوساقلارنى ئۆستۈرىدىكەن،شۇنىڭ بىلەن مەنمۇ  ئەمەلدار بولۇش ئارزۇيۇمدىن ۋازكېچىپ ، تۇرمۇشنى ئەھمىيەتلىك ئۆتكۈزۈش ئۈچۈن كېچە كۈندۈز ئويلىنىدىغان بولۇپ قالدىم ، لېكىن مېنىڭ قىزىقىش دائىرەم ئىنتايىن كەڭرى بولغاچقا  قايسىسىنى تۇتۇشنى بىلەلمىدىم  سىزنىڭ ماقالىلىرىڭىزنى ئوقۇپ تېخىمۇ ئىلھاملىنىپ ئىچىمگە بىر ئىشنى چوقۇم باشقا ئېچىقىش  توغرىسىدا  ئوت كىرىۋالدى  لېكىن نىشاننى تاللاش  بەكمۇ مۇھىم بولغاچقا  بۇ ئىشتا بەكمۇ تېڭىرقىدىم ، جەمىيەتتە  ماڭا ئوخشاش ياشلار كۆپ بولۇشى مۇمكىن  سىزنىڭ  ماڭا ئوخشاش نىشاننى قانداق تاللاش ئىشنى نەدىن باشلاشتا تېڭىرقاپ قالغان ياشلارغا دەيدىغان  يەنە باشقىچە كۆزقاراش پىكىرلىڭىز بولسا شۇنداق بىر ئاڭلاپ باققۇم بار.

kaplan1121

	yahxikan

uzum-tal

	bilimxumar يوللىغان ۋاقتى  2014-12-20 02:22 PM سىز ئىزدەۋاتقان تېمىلار مۇشۇلارمىكىن: غايە تىكلەشنى ...    ئىدارەڭلەردىكى خادىملار نىمانچە بەك كەمتەر ۋە تولىمۇ كىچىپ پىئىل ئەركىن ئاكا . ماۋۇ يەردە تىك ئۇچار ئەمەس ئىككى يان ئىشكىنى تەڭلا ياپسا قىستالغان ھاۋا بىسىمى بىلەن ئالدى ئەينىكى ئاجىراپ ئىچىدىن ئورۇندۇقلارنىڭ ئاستىغا كىرۋالغان سۈۋەرەكلەر ئىتىلىپ چىقىدىغان ماشىنى بار باشلىقلارنىڭ ھالىنى گىرمانىيەنىڭ يۈك پويىزىمۇ تارتالمايدۇ . ئىشقىلىپ باشلىق باشلىقتەك ئەمەس . خىزمەتچىلەر خىزمەتچىدەك ئەمەس . شۇ سەككىز سائەتنى بىر-بىرى بىلەن زورىغا ھىجىيشىپ . سالام-سائەت قىلىشىپ ئاران توشقۇزدىغان ئىدارىلەر كۆپ . ھە راسىت ئەركىن ئاكا  !  نەچچە ۋاقىت بولدى ياسىر قازىىنىڭ تىتىملىق لىكسىيەلىرىنى يوللىماس بولۇپ قالدىڭىز . مۈمكىن بولسا ئۇ كىشىنىڭ لىكسىيەلرىنى يوللاپ تۇرسىڭىز . سىزنىڭ شۇ كىشنىڭ لىكسىيەلىرىدىكى قىممەتلىك ئۈگۈتلەرنى بىزلەرگە سۈنۈش ئۈچۈن ئەجىر مىھنەت چىكىپ تەرجىمە قىلىپ بىر مۈنچە كۆڭۈلسىز پاراڭلارنى ئاڭلىۋالغىنىڭزىنى بىلىپ تۇرۋاتىمىز . بەلىكىم مۇشۇ ئىش سەۋەپلىك كۆڭلىڭىز چىچىلىپ تاشلاپ قويغان بولسىڭىز ئىھتىمال قالغىنى ئۆزىڭىزگە مەلۇم . مەنچە بولسا مەيلى قانداق بولۇشتىن قەتئىي نەزەر بىزنى شۇ كىشىنىڭ لىكىسيەلىردىن خەۋەرلەندۈرۈپ تۇرسىڭىزكەن دىگەن ئۈمۈتتە . سىزگە ئاللاھنىڭ سالامى بولسۇن .   مەن سىزنىڭ شۇ كىشى توغۇرسىدا يازغان ئەسسەرلىرڭىز توغۇرسىدا بىر ئىشنى ھىس قىلدىم . قاچان سىز شۇ كىشىنىڭ لىكسىيەلىرنى يوللىسڭىزكەينىدىن كاتتا-كاتتا مۆتىۋەر زاتلار پەيدا بولۇپ ئۇنىڭدىن قۇسۇر چىقرىپ كىتدىكەن. يوللىمسىڭىز ئۇ كاتتا زاتلار سۇغا چۈشكەن تاشتەك مۇنبەردە يوقاپ كىتىدىكەن . ئۇلارنىڭ ۋەزىسپىسى پەقەت شۇ لىكسىيەلەرنى ماراپ تۇرۇشمىدۇ . شۇ لىكسىيە يوللىنىشنى ساقلاپ يۈرمەي ئۆزلىرى ئانچە-مۈنچە ئەلنىڭ مەنىۋىي بايلىقى ئۈچۈن ئەھمىيەتلىك بىر نىمە يوللاش  ئېسىگە كەلمەي شۇ قۇسۇر تىپىشلا ئىسىگە كىلەمدىغاندۇ ؟    مەنچە قۇسۇر ئىزدىگىنى ياخشى ئىش . بىلىم بىلەن قىلىنغان قۇسۇر بولغىنى ياخشى ئىش . بىراق ...بولدىلا .   دەيدىغىنىم ئەركىن ئاكا بىز سىزگە قاراپ قالدۇق .