سەھرايى: قار يېغىپ....

99sahrayi99

	ئەلەم مامۇت سەھرايى قار يېغىپ كېيدى زېمىن ئاق لىباس، بولدى زىننەت قار يېغىپ، ئېتىز- ئېرىق قىرلاردىن كۆچتى مىھنەت قار يېغىپ، كونا چاپان، مەش- ئۇچاق تاپتى قىممەت قار يېغىپ، چارۋا- چۇپان دېھقانغا كەلدى ئامەت قار يېغىپ.... قارغا ئوخشاش دېھقاننىڭ قەلبى تولدى ئاقلىققا، قار ھوسۇلدىن بىشارەت، تاغار تولار ئاشلىققا، بەرسە ئەگەر ئىگىسى تەلمۈرمەيدۇ باشلىققا، ساددا، ئىشچان دېھقانغا كەلدى ئامەت قار يېغىپ. ئوتۇن پالتا بىسىدا ئىڭرار ھامان تولغۇنۇپ، كۆيۈپ ئاخىر كۈل بولۇر كۆيسىمۇ ئوت ئۇلغۇيۇپ، يېرىم كېچە، سوغۇقتىن كەتتى بۇۋاي ھۆتۈلۈپ، كەمبەغەلنىڭ ئۆيىدىن يۈتتى راھەت قار يېغىپ. بېلىق كەبى سەتەڭلەر قارغا كىرىپ كەتتىمۇ، يېرىم يالىڭاچ يۈرەلمەي قەلبى ئازاب- دەرتتىمۇ، كۆرۈنمەيدۇ كوچىدا يا ھارغىنلىق يەتتىمۇ، قىز- ئاياللار شەنىگە بولدى ئاپەت قار يېغىپ. قۇتۇلاركەن كۆزلەرمۇ كۆرمەي ئۇچۇق ئەۋرەتنى، قۇلاقلارمۇ تىنجاركەن ئاڭلىماي شۇم غەيۋەتنى، كەتكۈزەركەن كۆڭۈلدىن ئەيشى- ئىشرەت، شەھۋەتنى، بولسا ھاۋا جۇدۇنلۇق، تۇرسا پەقەت قار يېغىپ!.. مەنبە: ئۆز قەلىمىم

turmux.net

	ياخشى يېزىپسىز...    قار بىلەن كۆپ تەرەپلەر جايىدا ئەكىس ئىتىپتۇ.

99sahrayi99

	turmux.net يوللىغان ۋاقتى  2014-12-18 11:41 AM ياخشى يېزىپسىز...    قار بىلەن كۆپ تەرەپلەر جايىدا ئەكىس  ... قوللىغىنىڭىزغا رەھمەت!..

bulaksu2

	قۇت بولسۇن! ياقتۇرۇپ ئوقۇدۇم.

azizyaxa

	بېلىق كەبى سەتەڭلەر قارغا كىرىپ كەتتىمۇ، يېرىم يالىڭاچ يۈرەلمەي قەلبى ئازاب- دەرتتىمۇ، كۆرۈنمەيدۇ كوچىدا يا ھارغىنلىق يەتتىمۇ، قىز- ئاياللار شەنىگە بولدى ئاپەت قار يېغىپ. مۇشۇ  كۈبلىت شىئىرنى ئۇقىغان قىزلا قان قۇسۈپ ئۆلۈپ  قالسا  قانداق  قىلامىز

nasif

	بىزنىڭ مەللىدە قاچان ياغا بۇ  قا.....

mehriya

	azizyaxa يوللىغان ۋاقتى  2014-12-18 02:37 PM بېلىق كەبى سەتەڭلەر قارغا كىرىپ كەتتىمۇ، يېرىم يالىڭا ... ئۇنداق قىزلارنىڭ بۇ يەرگە كىرىپ بۇ شېئىرنى ئوقۇغۇدەك ۋاقتى يوق بۇلىشى مۇمكىن ، يەنە كىلىپ كۆرسىمۇ قان قۇسۇپ ئۆلۈپ قالماسلىقى مۇمكىن . چۈنكى ئۇلاردا نۇمۇس دېگەن ئۇقۇم بولمىسا كېرەك . ئەمما ئاشۇنداقلارغا يولۇققان ئەركەكلەر ئۇلارنىڭ دېپىغا ئۇسۇل ئوينىماي ، شۇ تار كوچىدىن  ئۇلارنى قۇتقۇزۋالغان بولسا بەلكىم قار ياغمىسىمۇ كوچىلاردا ئۇنداق قىزلار ئازلاپ قالار بولغۇيتىمىكىن .

mehriya

	ئاپىرىن سىزگە سەھرايى ئەپەندىم ، كىشىنى ئويغا سالغىدەك شېئىردىن بىرنى ئېلىپ كەپسىز . ياقتۇردۇم . ئالەم ئاپپاق قاردىن لىباس كېيىپ پاكلىق ئۈچۈن بىزگە بىشارەت بېرىۋاتقان يەردە ، بىزلەرمۇ ئالدى بىلەن ئۆزىمىزدىن باشلاپ گۈزەللىك ھەم پاكلىقىمىز ئۈچۈن تېرىشىپ باقمامدۇق . نەدە كۆردۈم مۇشۇ قارنىڭ نالىسى توغرۇلۇق بىر ئەسەرنى . شۇ ئاپپاق قارنىمۇ چەيلەۋاتقان يەنىلا شۇ بىز ئىنسان ئاتلىق مەخلۇقلار !!

muzmuz

	ھەجەپ ياخشى يېزىپسىز… ياقتۇرۇپ ئوقۇدۇم … شىمال تەرەپتە قار ياغسىغۇ ، پۈتۈن يەر جاھان پاكلىنىدۇ ، جەنۇبتا ياغسا ، ئۇتتۇر ياغقان قار ئۇتتۇرلۇق ئېرىپ كېتىپ ، قارنىڭ ئاقلىقىدىن ، جاھاننىڭ پاكلىقىدىن قانغۇچە ھۇزۇرلانماقمۇ بىر تەس ، ئۆيلەرنىڭ ئۆگزىسىدىن تامچە ئۆتۈشىمۇ با تېخى …

99sahrayi99

	muzmuz يوللىغان ۋاقتى  2014-12-18 09:31 PM ھەجەپ ياخشى يېزىپسىز… ياقتۇرۇپ ئوقۇدۇم … شىمال تەرەپت ... شۇنداق، راست دەيسىز! جەنۇپ تەەرەپتە سىز دېگەندەك ئىشلار بولۇپ تۇرىدۇ!.. رەھمەت!....