كۆيمەكتە دىكابىر ئاينىڭ نۇرىدا.

bahwanbiz

	كۆيمەكتە دىكابىر ئاينىڭ نۇرىدا. يۇلتۇزلار ئاسماندا تۇرار كاسىلداپ ، تولۇنئاي بۇلۇتنى يۆگەر بوينىغا . بىر ئۇششۇق سوغۇقتىن بولغاچ بىشارەت، كىرمەكتە جاندارلار قارنىڭ قوينىغا . يالاڭاچ باغلاردىن قاچماقتا سادا، قاتماقتا دەرەخلەر ھېجايغان پېتى. كىم ‹ باھار › خېتىنى تۇرار  ھەجىلەپ ، بەك ئاستا ئوقولدى تەقدىرنىڭ  خېتى. ناخشىلار قولقاپتىن چىقماقتا ئاران ، بىر مۇڭلۇق ئاھاڭنى تۇتتى نېپىز مۇز . قىزارغان قۇلاققا تاقاپ نائۇشنىك ، مەشلەرنىڭ ئىچىدە تەرلەيدۇ توموز . تۇيۇقسىز توكورلاپ توڭلىدى ئاۋاز ، بىر پەسىل پارقىرار سۆيگۈ ھورىدا ، بىر كاللەك مۇز پېتى خۇدىنى بىلمەي ، كۆيمەكتە دىكابىر ئاينىڭ نۇرىدا. ئۈششىدى خىياللار ،ئۈششىدى ئۈمۈد ، تەگمەكتە زوكاملار سېزىمچان تەنگە . دۇنيادىن قايتماقتا ياشاش لوگىكا، بىر ئەركىن تەپپەككۈر چۈشمەكتە غەمگە. مەيلىمۇ ئۆزىنىڭ بىلمىدۇق لىكىن ، دىكابىر قويىدۇ  قۇياشنى يالاپ . ئويلىساق ئاغرىنىش ئارتۇقچە ھېسكەن . بەزىدە سوغۇقنى قالىمىز خالاپ . ئاپتۇرى : ئابلەت مۇھەممەت باغۋەن

atlan11

	ياخشى