كەلپىنلىك

akkani

	كەلپىنىلىك ئاپتۇرى: ئۆمەر توختى يەر-جاھانغا تارالغان بىز كەلپىنلىك، ئەقىللىق بوپ يارالغان بىز كەلپىنلىك، تىرىشچان دەپ سانالغان بىز كەلپىنلىك، ھەتتا «جىن»دەپ ئاتالغان بىز كەلپىنلىك، شان-شەرەپلەر قازانغان بىز كەلپىنلىك. ** ئۇدۇم قالغان لەقەملەردىن قورقمايمىز، كىم قويغان دەپ تېرىكىپمۇ كەتمەيمىز، «ئېزىتقۇ»بىز ئازدۇرمايمىز،ئازمايمىز، تىنىم تاپماي مىدىرلايمىز،ياتمايمىز، ھامبالغا لوقما سالغان بىز كەلپىنلىك. ** يۇرت دىگەندە بەرھەق ياخشى-يامان بار، خاماندىمۇ بۇغدىيى بار،سامان بار، ياۋاشلارنىڭ يانلىرىدا چايان بار، سۆزلەپ كەلسەم ئۆتمۈشلەردىن بايان بار، قەدەمدە بىر تورالغان بىز كەلپىنلىك. ** ئۆچ-ئىللەتتىن خالى ئىرۇر بىزنىڭ يۇرت، يوق قەلەندەر،ئايال بەڭگى،ياۋا دۆت، ئۆيسىز«قوشنا ئولتۇرماق»تىن خالى يۇرت، ئىشەنمىسەڭ مەزلەش ئۇتتۇر ياكى ئۇت، جان بېقىشچۈن تاۋلانغان بىز كەلپىنلىك. ** چىقتى يۇرتتىن رەئىس،نازىر،زىيالىي، پەرزەنتىنى ئوقۇتۇشتۇر خىيالىي، ئوقۇمۇشلۇق بولماق ھەركىم مىزانى، يۈكسەك شۇنچە ھەممىسىنىڭ پىلانى، مەرىپەتكە ئاتلانغان بىز كەلپىنلىك. ** يۇرتتىن چىقساق تۇنۇشتۇرار شىۋىمىز، كى خاسلىقنىڭ بىشارىتى تىلىمىز، ئەلمىساقتىن داڭلىق ئۈرۈك-قېقىمىز، يۇرتمۇ-يۇرتقا تىجارەتكە چىقىمىز، ئەقلىمىزگە تايانغان بىز كەلپىنلىك. ** كىرمىگەنتى چۈشىمىزگە كۆمۈر قالاش، ئوتۇن ئۈچۈن خوتۇن بىلەن كى دەتالاش، كېيەلمىگەن ھېچكىم خىرۇم،مەسە-كالاچ، تۇڭ ئورنىدا چارۋىچىدا باردى ساناچ، ئۆملۈك شامى ياندۇرغان بىز كەلپىنلىك. ** تۇشۇپ ئۇتۇن ئەجدادىمىز ئېشەك بىلەن، سالغانتى ئۆي مىڭ جاپادا كېسەك بىلەن، توسالمايمىز كۈن نۇرىنى ئېتەك بىلەن، خامان تەپكەن تۈنۈگۈن ئېشەك بىلەن، يۇرت-يۇرتلارغا تارالغان بىز كەلپىنلىك. ** يالاڭ ئاياق چىقاتتۇق بىز بازارغا، ئاسايىشلىق تىلەپ چىققان مازارغا، ئۆلۈپ ئەۋلات قوشۇلماستىن قاتارغا، نەدە دوختۇر كېسەل ئېلىپ بارارغا، ئىسكەنجىگە قامالغان بىز كەلپىنلىك. ** بۇ ۋەتەننىڭ تۇپرىقىدا بىخ ئۇرغان، چەتئەللەردە پۇخرا بولۇپ چىڭ تۇرغان، ئىچكىرىدە كاۋاپچىلىق ھەم قىلغان، ئۈرۈمچىدە ھەرەمباغنى بىز قۇرغان، مەنزىل تامان يول ئالغان بىز كەلپىنلىك. ** مىسال ئالسام يەر ئۈستىدىن «باگاڭ»نى، قىلىپ شاھىت يەرتىگىدىن «مى كاڭ»نى، كەلپىنلىكلەر ئۇرغان پانا-بازغاننى، مۇبالىغە بوپتۇ دىمەڭ يازغاننى، بۇ جايلارغا توپلانغان بىز كەلپىنلىك. ** سالدى گېلەم پەشايۋانغا كارىۋات، دەستۇرخان مۆل،بۇغداي نېنى،قەن-ناۋات، بازارى بار ھەپتىدە تۆت،يۇرت ئاۋات، بۇ يېڭىلىق بولۇر بىزگە دەل جاۋاپ، ئەمدى كۈلكە ياراشقان بىز كەلپىنلىك. ** كىيىملىرى ئوخشاش ئەينى ئارتىسقا، پۇل كىرىدۇ قېرىلارنىڭ كارتىسىغا، پۇلى قايتار كېسەل كىرسە بالنېسقا، «بىر يۈز ئون» بار گەر ئۇچرىسا ھادىسقا، شەنجاڭلارنى تالاشقان بىز كەلپىنلىك. ** كىيىدۇ ئاياللىرى غىس-غىس ئۆتەك، ئەرلىرى توپلەي كىيەدۇر سېپ پېتەك، داڭ چىقاردى قۇشۇق ياساپ قۇملۇق سېتەك* ھولۇقمايدۇ باشلىققا بوپ پاي-پېتەك، بۇ مېجەزنى ياراتقان بىز كەلپىنلىك. ** ئېتىزلىرى سالالىشىپ رەتلەندى، ئادەم تۈگۈل چارۋىلارمۇ ئەتلەندى، «ئايدىڭ كۆل»گە* خۇجۇدىن پۇل خەشلەندى، بەزەن ياشلار ئەسكەرلىككە خەتلەندى، بۇ كۈنلەرگە ئۇلاشقان بىز كەلپىنلىك. ** دېھقانچىلىق ماشىنىدا ئەپلەندى، بۇغداي تەرسە تولۇقلىما سەپلەندى، ئۆرە ياغاچ توك ھەرىدە كەسلەندى، پەرزەنتلەر مائارىپقا بەتلەندى، سىماپ مىسال ئۇيۇشقان بىز كەلپىنلىك. ** مەگەرچەندە ئۆلۈپ كەتسە بىر كىشى، كېلۇر ئۇنىڭ ماتىمىگە مىڭ كىشى، ئۇدۇم-ئادەت يۇرتىمىزنىڭ بۇ ئىشى، بۇ ئۆملۈكنىڭ بىشارىتى،كەچمىشى، دەرتكە دەرمان بولۇشقان بىز كەلپىنلىك. ** كۈن تەگمەس*كى ئۆتەڭقول*سۇ بېشى، توغراقلىق باغ،قاراكۆل چۆلنىڭ بېشى، قۇميار گۈللەپ ئۇنۇگ يەر بار شۇپېتى، زاپاس كۆمۈر قۇدۇڭگەچنىڭ قات-قېتى، كەلگۈسىگە قاراشقان بىز كەلپىنلىك. ** يانا يازسام يۇرتنىڭ ئۇششاق-چۇڭىنى، ئايرىمىسام بولماس پىششىق-تۇڭىنى، ئوغلاق،چامغۇر،تىۋىت،تۆگە يۇڭىنى، يىپەك يۇلى،چىلان تىمنىڭ دۈڭىنى، رەنجىپ قالساق ياراشقان بىز كەلپىنلىك. ** قالدى بېنا،باغچىلارمۇ ئۇچرەتتە، «گۇڭگۇرت كان»مۇ مىنى ياز دەر ئەلبەتتە، توقايدىكى نېفىتمۇ بار سۆھبەتتە، سۇ باش*،سارەم*،تېرەك ئاۋات* بىرچەتتە، قولنى قولغا تۇتاشقان بىز كەلپىنلىك. ** مەركەز يۆلەپ قىلدى ياردەم شىنجاڭغا، راست سۆزلىمەك ئەخلاق ھەر-بىر ئىنسانغا، كۆز يۇممايلى كىرىۋېلىپ پىنھانغا، كى تەشەككۇر ھازىرقى بۇ دەۋرانغا، نامراتلىقتىن قۇتۇلغان بىز كەلپىنلىك. ** يىتەكلىدى بۇ سىياسەت بايلىققا، بارچە تۈتۈن ئېغىز تەگدى ئايلىققا، سەي مۆل بولدى تېرىپ يىدۇق فارنېكقا، رەت-رەت بېنا ھۆسىن بەردى سايلىققا، تەڭ كۈلۈپ تەڭ يىغلىغان بىز كەلپىنلىك. ** شائىر دىسەڭ قېلىشمايمەن شائىردىن، ئۆتمەك تەسكەن تەھرىر تۇتقان غەلۋىردىن، سۆيىنىمەن ئەزىز دىيار كەلپىندىن، ئېيتۇر ئۆمەر: پەخىرلەندىم خەلقىمدىن، يۇرتقا مەشرەپ چىللىغان بىز كەلپىنلىك. ***** ئىزاھلار: سېتەك*---كەلپىنلىك قوشۇق ياساش ئۇستىسى. سۇباش،سارەم،ئۆتەڭ قول،تېرەك ئاۋات،ئايدىڭ كۆل، چىلان،تىم،دىگەنلەر يۇرت،مەھەللە ناملىرى.

xukur0996

	ئۆمەرجان ئۆمەر توختى ، زەپمۇ بەلەن شوختى . تالا تۈزدە نىمىشقا ، خوتۇن قوقماي ‹بىز› قوقتى ؟ ئۆسۈپ قالسىڭىز ماۋۇ ئىنكاسىم ئۈچۈن مېنى ئۇنتۇپ قالماڭ جۇمۇ . مەن سىزنى مەڭگۈ قوللايمەن . ياخشى يېزىپسىز . ئىزچىللىقىڭىزغا قائىلمەن .

turmux.net

	كەلپىنلىك...   ياخشى يىزىلىپتۇ.   « كەلپىنلىك » دىسە ئادەمگە يۇرتۋازلىق قىلغاندەك تەسىر بىرەمدۇ قانداق ؟

axek13999649893

	ياخشى   چىقىپتۇ

faruh193

	ئوخشاپتۇ

alamdar00

	ياخشى چىقىپتۇ ....................

feruq

	مېنىڭ باشلانغۇچ ۋە تولۇقسىزدىكى ئوقۇتقۇچىلىرىم كەلپىنلىك ئىدى . باشلانغۇچتىكى ئوقۇتقۇچۇم كەلپىنىنى ئانچە تىلغا ئېلىپ كەتمەيتتى.  بىراق تولۇقسىزدىكىسى ھە دېگەندىلا كەلپىن ئانداق ياخشى، مانداق ياخشى دەپ خۇددى جاھاندا بىرلا كەلپىندىن باشقا ياخشى يۇرت يوقتەك داڭلاپ كېتەتتى.  سىزنىڭ بۇ شېئىرىڭىزنى ئاڭلاپ ھېلىقى كەلپىنلىك ئوقۇتقۇچۇم ئېسىمگە كېلىپ قالدى

uyghari

	بۇ شىئېر ياخشى يېزىلىپتۇ، كەلپىنلىكلەرنىڭ ئوبرازى، خاراكتىرى تولۇق ئىپادىلەپ بېرىلىپتۇ. دىمىسىمۇ كەلپىنلىكلەر ئېلىم-مەرىپەتكە يۈزلىنىدىغان، ئۈم-ئىناق ياشايدىغان بىر قەۋم. ئاچال يېزىسىنىڭ چامغۇرى پۈتۈن ئاپتونۇم رايونىمىزغا داڭ چىقاردى. كەلپىن گەرچە نامرات يۇرت دەپ ئاتىلىپ كېلىۋاتقان بولسىمۇ، ئۇلار ئۆزلىرىنىڭ ئىقتىسادىي جەھەتتىكى نامراتلىقىنى بىلىندۈرمەي، ئېلىم-مەرىپەت جەھەتتىكى ئۈستۈنلۈكى بىلەن باشقا يۇرتلاردا تونۇلۇپ، تىگىشلىك تۆھپە قوشۇپ كەلمەكتە.

UYGRAF

	turmux.net يوللىغان ۋاقتى  2014-12-15 02:58 PM كەلپىنلىك...   ياخشى يىزىلىپتۇ.   « كەلپىنلىك » دىسە ئادە ... ياق، بەزى يۇرتۋازلاردەك باشقا يۇرنى چۆكۈرۈپ، ئۆزىنىڭ يۇرتىنى ماختىماپتۇ. مېنىڭچە باشقا يۇرتنى چۈشۈرمىگەن ئەھۋالدا ئۆز يۇرتىنى ماختاش يۇتۋازلىق ھېسابلانمايدۇ.

Rujak

	كەلپىن چامغۇرنى  بىزنىڭ ئۇيدىكىلەر ياقتۇرۇپ ئىستىمال قىلىدۇ .