مەن- شېئىر ئىپادە تاپقان فورمۇلا

qaraxani

	مەن- شېئىر ئىپادە تاپقان فورمۇلا يارمۇھەممەت تۇرسۇن قاراخان كۈيلىدىم ۋەتەننىڭ تاغ-دەرياسىنى، كۈيلىدىم زېمىننىڭ گۈل -گىياسىنى، كۈيلىدىم سۈبھىنىڭ نۇر -زىياسىنى، مەن- شېئىر ئىپادە تاپقان فورمۇلا. بەختىمنىڭ كېمىسى ئۈزدى يەردە ھەم، ئەقلىمنىڭ مىۋىسى ئالدى نۇردىن تەم، ۋەسلىمنىڭ توققۇزى تەلدۇر ئەمەس كەم، مەن- شېئىر ئىپادە تاپقان فورمۇلا. بىر بۇردا نېنىمنىڭ تۇز تەم كۈچى بار، بىر ئېغىز سۆزۈمنىڭ تىغدەك ئۇچى بار، ھەر مەزمۇت قەدەمنىڭ نۇسرەت تۈسى بار، مەن- شېئىر ئىپادە تاپقان فورمۇلا. گاڭگىراپ قالمىدىم تۆت دوقمۇشتا مەن، تۇرىمەن ھەق يولغا بولۇپ ھېرىسمەن. تەپەككۇر ،تىلىمغا پىدا ئىخلاسمەن، مەن- شېئىر ئىپادە تاپقان فورمۇلا. پەش ،چېكىت ،تۇيغۇلار، شەرتلىك بەلگىلەر، ئوي-پىكىر ،كەلىمە ،داستان- نەزمىلەر، روھىمغا تۇتاشتۇر ئاتەش تەرمىلەر، مەن- شېئىر ئىپادە تاپقان فورمۇلا. 2014-يىلى 12-دېكابىر

axek13999649893

	ئاپىرىن قەلەم تۇلپارىڭىز ھارمىغاي

saliha24

	ئسىل تېمىكەن ،رەھمەت .

tizimlitiman

	ئىسىل شىئ‍ ر

isiyan

	ياخشى شىېر

qaraxani

	باش سۈرئىتىمگە.. قاراخان سىزگە ئوخشاش تورغا تۈنجى قەدەم بېسىپ كىرگەندە، باش سۈرەتنى تاللىيالماي دىلىغۇل بوپ يۈرگەندە. تالايلارنىڭ باش سۈرئىتى قىلدى مېنى مەھلىيا، مەناغا باي باش سۈرەتلەر كۆز ئالدىمدىن ئۆتكەندە. كۆڭلى تۇيغۇن دوستلىرىم جىددى قاراپ بۇ ئىشقا ، ئۇخلىماستىن كېچە-كۈندۈز قۇلاق سالدى تىۋىشقا. چېچەن زېرەك بولغاچ ئۇلار سوراپ كۆردى ئۆزۈمدىن، سىز ئۆزىڭىز ئامراق زادى قايسى كۇينى چېلىشقا؟ دىدىم شۈندا ئىككىلەنمەي ‹‹ئاتامان››دەك كۈي كېرەك، ‹‹ئۇيغۇر››چە كۈي تۇرسۇن دىدىم تەڭرى تاغدىن  يۈكسەكرەك ، كۈيلىرىمدىن ،كىملىگىمدىن تاپسۇن رەقىب ھۇشىنى، دىدىم ماڭا ئالىپلارچە نەرە كېرەك خۇي كېرەك . خاھىشىمغا ،ئىرادەمگە قويسا تەلەپ مۇنبىرىم، باش قاتۇراي باش سۈرئەتكە بىكار كەتمەس قان تەرىم. گەر نادانلار  كۇسۇرلىشىپ كەتسە مەيلى  ئۆپكىلەپ، مەندىن رازى بولسا بولدى مىللىتىم دوست جىگىرىم.. كۆك يۆتەللەر تىللىۋالسۇن  باش سۈرئەتكە قاراپلا، ئۈسۈپ كىرىپ ئالدىمغا ھەم شالا چاچسۇن << قەللاپ>>لار. ساختا نىقاپ،باش سۈرەتنى قالقان قىلىپ نىمە كۈن، سۈرەت نىمە قىلغان ئىشىم كەتسە ئەلگە ياراپلا.... كىملىگىمنى يوشۇردۇم گاھ باشقىلارغا قېتىلىپ ، <<قەھىرمان>>دەك قىياپەتكە كىرىۋالدىم پېتىنىپ. <<ھازا >>تۇتتۇم ئانىلارغا ياشمۇ تۆكتۈم يىتىمغا، بەزى ئىشقا ياندىن چىقىپ كەتتىم تالاي چېچىلىپ. قېرىنداشلار مېنى ياتتەك ئۆگەيلىدى قانچە رەت ، تىلى قايماق ،دىلى مايماق قىلدى جۆيلۈپ قىلدى لەت. ئىرق،جىنىس،مىللەت ئۈچۈن ‹‹ئورتاق باش››نى تاپالماي قالساڭ دىدىم سۈرىتىمنى يىرتىۋەت يا چەيلىۋەت. ماڭا تاپا قىلىپ يۈرگەن قېرىنداشلار ئاز ئەمەس، ھەر كاللىدا ھەر خىيالكەن مەندە كاللا ‹‹تاز›› ئەمەس. ‹‹تاش››قا،تېگىپ ئەقىل تاپقان، بۇ‹‹ بېشىم››غا، نە ئامال، كەچۈرۈڭلار مەندە ئەگەر، بولسا ئەقىل ‹‹ساز›› ئەمەس! گالىستۇكنىڭ توقسىنى سىيرىپ ئەتتىم بوغۇزغا، تېشىم ئىسسىق ئىچىم ھەم ئىللىق ئاياز تومۇزدا. ئېگىلگەنگە ئېگىلىپ ،غادايغانغا غادىيىپ، چوڭ بىلمىسەم زۇخۇيلارنى دەڭلا ئالقىش<<ئوغۇز>>غا. ئاسمىغان بىر قازاننىڭ يىسەم تەييار ئېشىنى، ئۆز ئۆزۈمگە سوۋغا قىلسام ياراتقاننىڭ بېشىنى. ئۇزاق ئۆتمەي بۇ بېشىمدا تەلەي قۇشى چۆرگىلەپ، قالسا كىملەر دەرتكە ئوراپ چېكەر ھارام نېشىنى. قالپىقىمغا يارىشا<< قىرغىز>> بولۇپ ئۆتەلمەي ، ئاراڭلاردىن چۈشۈپ قالسام بىرەر قامۇس پۈتەلمەي. <<قاراخان>>غا،بۇ بېشىدىن ۋاپا كەلمەس دەۋېرىڭ، بىردە كۈلۈپ بىردە ئاچچىق كالتە كۈسەي <<يۆتەلمەي>> 2014-يىلى24-دېكابىر