چۈشۈمدە يەنە ئىككى ئەرۋاھ

ab8ob8

	گۈلمىرە شەمشىدىن نىيازى يازمىسى    ئەتتىگەندە قۇياش چىقىشتىن بۇرۇن، ئىبادىتىمنى قىلىپ بولۇپلا، يەنە شۇ لىق ئاۋازلىق رومان قاچىلانغان MP3نى ئېلىپ، قۇلىقىمغا تىڭشىغۇچنى سالغاچ بوسۇغىدىن ئاتلىدىم. مەن ئامراق قىشنىڭ سوغۇقى يۈزۈمنى ئېچىشتۇرسىمۇ يەنە يۈگرۈپ كېتىۋاتىمەن. بۈگۈن ھاۋا خېلى ئوچۇقتەك قىلىدۇ، ئەمدى كۆتۈرۈلگەن سۈبھى ئاپئاق قارلارنى چاقنىتىپ، قىشنىڭ گۈزەللىكىنى نامايەن قىلماقتا. مۇشۇ ئاقلىقنى كۆرۈپلا خىياللىرىم قاناتلاندى. قەلبىمنى ۋەھىمە چۇلغىۋالغانىدى. خىيالىمدا يەنە شۇ چۈش. روماننىڭ بىر قىسمىنى ئاڭلاپ بولۇپ، ئويلىسام ۋەقەلىكى پەقەت ئېسىمدە يوق، يەنە قايتىلاپ ئاڭلىدىم. يەنىلا ئوخشاش، كاللامدا پەقەت شۇ چۈشنىڭ ئاسارىتى. دەي دېسەم تېخى، دېمەي دېسەم سىلەرنىڭ ئىچىڭلار سىقىلىپ قالىدۇ، بوپتۇلا قورقساڭلارمۇ دەۋېتەي. چۈشۈمدە ئاچامنىڭ ئەمدىلا ئالتە ئايلىق بولغان قىزىنى كۆتۈرۈپ، ئەركىلىتىپ تۇرۇپتىكەنمەن. ئۇ يېنىمىزدا تۇرغان ماشىنىنىڭ ئەينىكىنى كۆرسىتىپ تۇرۇپ، ماڭا شۇنداق دەپتۇ: -ئاچا، قاراڭ، ئەينەكتىن سىزگە ئىككى ئەرۋاھ قاراۋاتىدۇ. قاراڭ ئىككى ئەرۋاھ قاراۋاتىدۇ...-بۇ جۈملىلەر تەكرارلانماقتا، تېخى قوش ئاۋازلىق ئاڭلانماقتا... مەن ماشىنىنىڭ ئەينىكىگە قارىدىم. دېگەنكىدەك، ئاسمان بوشلۇقىدا لەيلەپ تۇرغان ئىككى سىما كۆرۈندى. ئۇلار يېقىن تۇرغان بولۇپ، ئەمما بىر بىرىگە ھەم تېگىشمىگەن، بەدىنى ھەم ھېچيەرگە تەگمەي لەيلەپلا تۇرغانىدى. قاپقارا ئۇزۇن كىيىم كىيگەن بۇ ئىككى گەۋدە ماڭا قاراپلا تۇراتتى. ئەمما چىرايى ئېسىمدە يوق. پەقەت ئېگىز ئورۇقراق كەلگەن قارا كىيىملىك گەۋدە يۈرىكىمنى قارت قىلىپ قويغانىدى. مەن شۇ ھامان كاللامدا ئويلاپ ئۈلگۈرگىنىم شۇ بولدىكى:«توۋا، يەنە ئەرۋاھلار كۆزۈمگە كۆرۈنىدىغان بولۇپ قالدىغۇ؟!» ئۇ ئىككى گەۋدە مەن تەرەپكە سۈرۈلدى. كۆزۈمنى لاپپىدە ئاچتىم. ئىشىك يەنە ئوچۇق، ھاجەتخانا ئىشىكى يېنىدا، دەل ئاشخانا ئىشىكى ئۇدۇلىدا تورۇسقا تاقاشقۇدەك ئىككى قارا گەۋدە لەيلەپ تۇراتتى. تېلېفوننى قولۇمغا ئېلىپ، ئېكراننى ياندۇردۇم. ئەمدى ھېچنېمە يوق ئدىى. ئەمەلىيەتتە ئىشىكمۇ ئاخشام مەن ئۇخلاشتىن بۇرۇن تاقاپ قويغىنىم بويىچە تۇرۇپتۇ. بايا ئاشخانا ئۆي ئىشىكىنىڭ ئۇدۇلىدا كۆرگىنىم قانداق ئىش؟ ئىشىك تاقاق تۇرسا سىرتنى قانداق كۆرگەندىمەن؟ بۇلارنى ئويلىغاچ سائەتكە قارىدىم. يەنە شۇ 3:45 مىنۇت ئۆتكەن ۋاقىت ئىدى.    قىش پەسلىدە بۇ ۋاقىت ئەلۋەتتە ئەل تاتلىق ئۇيقۇغا غەرق بولغان ۋاقتى ھېسابلىنىدۇ. ئەمما، مەن بۇ چوڭ ئۆيدە يالغۇز بولغاچقا، شۇ چۈشتىن ئويغىنىپ كېتىپ، قورققىنىمدىن قەتئىي ئۇخلىيالمىدىم. چوڭ يولدا بىر قېتىم ئايلىنىپ چېنىققانمۇ بولدۇم. قوروغا كىرىشىمگە بىزنىڭ كورپۇس بىلەن قوشنا بىر كورپۇس ئالدىغا تىزىلغان گۈلچەمبىرەكلەرگە ھەيرانلىق بىلەن ئەمەس، بەلكى قورقۇنچ ۋەھىمە بىلەن قاراپ داڭ قېتىپلا قالدىم. چۈنكى كورپۇسنىڭ ئىككى تەرىپىگە ئىككى ئادەمگە ئاتاپ گۈلچەمبىرەك تىزىلغانىدى. دېمەك، قوشنا كورپۇستىكى مەلۇم ئۆيدە ئىككى ئادەم قازا قىپتۇ.

yalganqilar

	ئەسىرڭىز ئىنتايىن ياخشى چىقپتۇ ، بىراق مەن سەل چۈشۈنەلمىدىم .ئاخىرى بامۇ  تۈگىدىمۇ ؟

Ay_Henim

	شىرىن خىيال  ھەقسىز كىنو

Hurxid071

	Kaza kilgan ikki yoldaxnig rohimu sizga amrak bop kaptu da.    hahaha.

ۆمۈتۋار

	يەنە بامۇ ئاخىرى

رەئسە

	ئاخىرىچۇ؟

تۇتيا

	بۇ ئەسەر ئۆزڭىزنىڭ ئەسرىمۇيا كۆچرۈپ يوللاتامسىز ؟

ab8ob8

	تۇتيا يوللىغان ۋاقتى  2014-12-16 08:44 PM بۇ ئەسەر ئۆزڭىزنىڭ ئەسرىمۇيا كۆچرۈپ يوللاتامسىز ؟ ئۆزۈمنىڭ ئەسىرى.

تۇتيا

	ab8ob8 يوللىغان ۋاقتى  2014-12-16 09:14 PM ئۆزۈمنىڭ ئەسىرى. لىكىن نۇر تورغا بۇ ئەسەرنڭ ئاخىرى يوللىنىپتۇغۇ مىسرانىمدا خەۋەر يوقيا سىزنىڭ ئەسرىڭىز بولسا بۇ

ab8ob8

	تۇتيا يوللىغان ۋاقتى  2014-12-16 09:33 PM لىكىن نۇر تورغا بۇ ئەسەرنڭ ئاخىرى يوللىنىپتۇغۇ مىسرا ... باغۇ مىسرانىمدىمۇ، چۈشۈمدىكى مۈشۈك دەپ چىققان. نۇرغا يوللانغىنى مىسرانىمدىمۇ بار.