دىللارغا زوق ئاتۇش پەدىسى

rustorahbar

	دىللارغا زوق ئاتۇش پەدىسى رۇستەم قاراسۇ باش پەدىدە يايرايدۇ كۆڭۈل، ئاڭلاپ-ئاڭلاپ قالمايدۇ كۆڭۈل، پەدىلەرگە قانمايدۇ ئۆمۈر، دىللارغا زوق ئاتۇش پەدىسى. ئۇسۇل پەدە بىر-ئىككى پەدە، ئىيتقان چولپان بەلبىغى بەلدە، شۇندىن بۇيان ياڭرىدى ئەلدە، دىللارغا زوق ئاتۇش پەدىسى. ئاڭلىغانمۇ ئۈچ-تۆت پەدىنى؟ دەتمەنلەرنىڭ تېڭشاپ دەردىنى، قايىل قىلدى مۇڭى ھەممىنى، دىللارغا زوق ئاتۇش پەدىسى. پەدىلەرمۇ بەش،ئالتە بولدى، خەلقىم قەلبى شادلىققا تولدى، بىزنى دىمەڭ پەدىگە تويدى، دىللارغا زوق ئاتۇش پەدىسى. رۇستەم قاراسۇ2014.12.11يېزىلدى

TATLIHIM

	بىرەر ناخشىچى يەنە ئاھاڭغا سالسا بولىدىكەن جۇمۇ مانى ،،شوخ پەدىگە......

axek13999649893

	ئەيساجان   بىر پەدىگە  سالىدىغان بولدى دە  بۇ  تىكىستنى قارا سۇ   بۇرەدەرنىڭ  شىئىرلىرى  كۆپىنچە   ناخشا بوپ  چىقىۋاتىدىغۇ يازغان  شىئىرلىرىمۇ  خىلى يارايدۇ  ماڭا

jaylan

	دېڭىزنىڭ ئاستىدىن يىڭنىنى قازغان ، ئاتۇشنىڭ نامىنى تارىخقا يازغان . لاچىن ھەم شۇڭقارمۇ ئارقىدا قالغان ، پالۋاندىنمۇ جىگەرلىك ئاتۇش يىگىتى . چېلىشلاردا يېڭىلمەس بولمىغان پاخشى ، تىجارەتكە ئېپى بار ياخشىدىن ياخشى . ئەل - ۋەتەن غېمىدا يازۇ ھەم قىشى ، يۇرت ئىشقىدا باغرى گۈلخان ئاتۇش يىگىتى . ئىلىم - ئېرفان بازارىدا قايناق يۈرىكى ، ئېشىپ كەلگەن ئەمەلگە ئارزۇ - تىلىكى . جەڭگاھلاردا بۇ ، جاننىڭ نىمە كىرىكى ، ئىتىقادلىق ئىمانلىق ئاتۇش يىگىتى .

axik884

	ناخشىمۇ ياخشى چىقىپتۇ،

gulbar5

	ئىجادىيەتلىرڭىزگە تېخمۇ ياخشى نەتجىلەرىنى تىلەيمەن

rustorahbar

	نورۇز ناۋاسى رۇستەم قاراسۇ نورۇز بىلەن ئۇزلۇق كىلىدۇ، خېرىدارى قىزلار ئوسمىنىڭ. باشلىرىدا گۈل چىمەن دوپپا، ۋاقتى ئۆتتى دىمەك پوسمىنىڭ. نورۇز كىلىپ ئىشچان يىگىتلەر، ئېتىز-قىردا قولىدا كەتمەن. دۇتتار بىلەن ھاردۇقى چىقار، پەدىسىنىڭ ئىسمىدۇر دەرتمەن. ھەر بىل دىلنى مەسخۇش قىلىدۇ، ساپلىقىدىن نورۇز ھاۋاسى. ئەلنى چىللار نورۇز بەزمىگە، ياڭرىغان شوخ نورۇز ناۋاسى. رۇستەم قاراسۇ

rustorahbar

	گىرىمسىز ئانام رۇستەم قاراسۇ كۆيۈمچان مىھرىبان پەرىشتە ئانام، گىرىمسىز يۈزىڭدىن خاپىدۇر شەيتان. چاچلىرى ئاقارغان بولسىمۇ ئانام، مەن ئۈچۈن گۈزەللىك تەختىدە سۇلتان. يىغلىسام بەزلىگەن ئانام ئەللىيى، ئەللەيسىز چوڭ بولغان ئادەم زات بارمۇ؟ قەرىزدار ئانىنىڭ ئەجرى ئالدىدا ، مەن ئەر دەپ مەيدىگە مۇشلىغان ئەرمۇ. سەھرادەك باغرى كەڭ ئالەم سىغقۇدەك، ئاپتىپى مېھرىنىڭ قۇياشتىن ئىللىق. تېپىلماس ئىزدىسەڭ دۇنيادىن دوستلار، ئانىدىن تېپىلغان مۇھاببەت چىنلىق. رۇستەم قاراسۇ 2015.يىل1.ئاينىڭ 1. كۈنى

rana3345

	قولىڭىزغا دەرت بەرمىسۇن. داۋاملىق مۇشۇنداق ياخشى شىئىرلارنى يوللاپ تۇرۇشىڭىزنى ئۇمۇت قىلىمەن.

rustorahbar

	ئابدۇسەمى دامۇللامغا مىڭ ئالقىش رۇستەم قاراسۇ ئازغان بىرلە ئاتۇش يۇرتنى ئاختۇرۇپ، قالدى تەقۋا  ئىلىملىكنى ياختۇرۇپ. قەدىرلىدى ئالقىش چاۋاك ياغدۇرۇپ، ئابدۇسەمى دامۇللامغا مىڭ ئالقىش. بۇغرا مەسچىت مۇنبەرىدە سۆزلەيدۇ، ئىخلاس بىلەن ھەقىقەتنى كۆزلەيدۇ، يارالغىنىڭ بىر مۆجىزە كۆر دەيدۇ، ئابدۇسەمى دامۇللامغا مىڭ ئالقىش. ئەزىزلەندى ئەل تۆرىگە ئېلىنىپ، ئەزىز قىلدى ئەزىزلىكنى ئەل بىرىپ، بۇ ھەقىقەت كۆپتۈرمىدىم يەل بىرىپ، ئابدۇسەمى دامۇللامغا مىڭ ئالقىش. يېقىملىقتۇر مۇڭغا تولغان ئاۋازى، قايىل قىلدى بۇلبۇل كەبى ناۋاسى، بىر مەن ئەمەس جىمى ئەلنىڭ باھاسى، ئابدۇسەمى دامۇللامغا مىڭ ئالقىش. 2015.يىلى 1.ئاينىڭ 5.كۈنى تاماملاندى قاراسۇ دوختۇرخانسى ئېچىلغانلىقىغا رۇستەم قاراسۇ قۇت ئۈچۈن بېسىلغان قەدەم مەرھابا، ئىزىڭدىن گۈل ئۈنەر ئەل دوئاسىدا. باققان يۇرت ئەجرىگە قايتۇردىڭ جاۋاپ، ھۆرمىتىڭ ئاشقۇسى ئەل ئاراسىدا. ئېڭرىغان ئاۋازغا شىپا تاپاي دەپ، ئانا يۇرت باغرىغا سالدىڭ ئىمارەت. پەرزەنتلىك بۇرچۇڭنى قالمىساڭ ئۇنتۇپ، شۇمۇ بىر ياخشىلىق شۇمۇ ئىبادەت. ئاق خالات كەيگەنگە لەقەم پەرىشتە، بۈيۈكلىك ئولتۇرماق لوقمان تەختىگە. ئاۋامنىڭ ساقلىقى دەپ جان كۆيدۈرگەن، ئامان بول ئامانجان ئەلنىڭ بەختىگە. رۇستەم قاراسۇ 2015.يىلى 1.ئاينىڭ 3.كۈنى قەدىردانلىرىم رۇستەم قاراسۇ ئانامنىڭ بەللىرى مۆكىچىپ كەتتى، دۆمچەيگەن دەرەخدەك دۆمچىيىپ كەتتى. دادامنىڭ پۇت-قولى قاداققا تولغان، بالام دەپ تاغ بەستى شۆمشىيىپ كەتتى. تۇرمۇشنىڭ غەۋغاسى يەنە بېشىدا، سېغىنىش ئاقىدۇ ئاچچىق يېشىدا. ئىچىگە يۈتىدۇ ئازاپ ئەلەمنى، تەبەسسۇم قىلغىنى بىلەن تېشىدا. شۇلارنىڭ ئىخلاسى مۇشتەك بەش ئەتنى، چوڭ قىلىپ قاتارغا قوشتى پەرزەنىتنى. غەنېىمەت يوقلايلى قەدىردانلارنى، دائىما يار قىلماس تەغدىر پۇرسەتنى. رۇستەم قاراسۇ 2015.يىلى1.ئاينىڭ 5.كۈن ى