رەخمەت سىزگە ئابلەت ئابدۇللا

تىموچىن

	رەخمەت سىزگە ئابلەت ئابدۇللا (ئىنتىل) ئالتە ياش چاغلىرىم ئىدى . ھەدەم بىلەن ئىككىمىز ھويلىدا ئويناپ تۇراتتۇق تۇيۇقسىز بىرسىنىڭ ، بالام - دەپ  چاقىرغىنىنى ئاڭلاپ دەرھال قارىدىم . ئالدىمدا رەتلىك كىيىنگەن ، چىرايى سارغۇچ كەلگەن بىر مۇلايىم ئايال ماڭا قاراپ تۇراتتى .  ئوغلۇم ، سىز مەكتەپ يېشىغا توشۇپسىز شۇڭا سىزنى مەكتەپكە ئاپىراي دەپ كەلدىم ، مەن سىزنىڭ مۇئەللىمىڭىز بولىمەن ، ئىسمىم گۈلقەلەم  . ئۆيدە چوڭلار بامۇ ؟ دەپ سورىدى . مەن ئۆيدىكىلەرنى چاقىردىم . مۇئەللىم ئۇلار بىلەن بىردەم پاراڭلاشقاندىن كىيىن مىنى كىيىملىرىمنى كىيىپ تەييار بولۇشۇمنى ئېيىتتى.  تۈزۈكرەك كىيىمىم بولمىغاچقا ، ئانام ئاكامنىڭ كىچىك چېغىدا كېيگەن كونا كىيىملىرىنى تېپىپ ماڭا كىيگۈزۈپ بىر قاتار تۈزەشتۈرۈپ قويدى دە ، مۇئەللىم بىلەن مەكتەپكە يۈرۈپ كەتتۇق . شۇنىڭ بىلەن مىنىڭ ئوقۇغۇچىلىق ھاياتىم باشلاندى . مەكتىپىمىز كونا بولسىمۇ يەنىلا شۇنچىلىك مىھرى ئىسسىق ، ئوقۇغۇچىلارمۇ بەك ئىناق ئۆتەتتۇق . بىر - بىرىمىزگە ھەر قايسى جەھەتلەردىن ياردەم قىلاتتۇق . قىش پەسلى كەلگەن ۋاقىتلاردا ساۋاقداشلار ھەممىمىز سىنىپتىكى كونا مەشنى چۆرىدەپ ئولتۇرۇپ قوشاق ئېيتىشىپ كۈلۈشۈپ ئولتۇرغاچ ، ئاتا ئانىمىز سومكىمىزغا سېلىپ قويغان ياڭاق ، قۇرۇق ئۈزۈم ، گۈلە ، نان دىگەندەك نەرسىلەرنى تەڭ بۆلۈشۈپ يەيتتۇق . سىنىپىمىزدىكى بەزى قىيىنچىلىقى بار بالىلارغا ئۆزىمىز خەجلەيدىغان شۇ بىر مولۇق، ئىككى مولۇق پۇللارنى يېغىپ ئۇلارنىڭ پۇتىنىڭ ئۇچى چىقىپ تۇرىدىغان شۇ كونا ئاياقلىرىنى ، نەچچە يەردىن يىرتىلىپ كەتكەن ئاشۇ كونا چاپانلىرىنى يىڭىغا ئالماشتۇرۇپ قوياتتۇق . ئۆزىمىز قىلغان ئاشۇ كىچىككىنە ئىشتىن شۇنچىلىك خۇش بوپ كىتەتتۇق . شۇنىڭ ئۈچۈنمىكىن مەكتەپكە بەك ئامراق ئىدىم . ھەش - پەش دىگۈچە تولۇقسىزغىمۇ چىقتىم ئۇ ۋاقىتلاردا قوشتىل سىنىپى يىڭى قۇرۇلغان بولۇپ بىر مەكتەپتە ئاران ئىككى سىنىپ بار ئىدى .  دەرىسلەردە خېلى ياخشى بولغانلىقىم ئۈچۈن ئوقۇتقۇچىلىرىم مىنى قوشتىل سىنىپىدا ئوقۇپ ئىچكىرگە ئىمتاھان بىرىشىمنى تەۋسىيە قىلغان بولسىمۇ ئۆيدىكىلەرنىڭ خالىماسلىقى بىلەن ئادەتتىكى سىنىپتا ئوقۇشنى قارار قىلغان ئىدىم . بىر كۈنى مۇئەللىم ئۆيگە ئىزدەپ كېلىپ دادامغا يەنە شۇ ئىشنى ئېيىتتى . لىكىن دادام ؛  خاپا بولمىسىلا مۇئەللىم ، مىنىڭ باشقا بىر ئارزۇيۇم با . شۇڭا ئوغلۇمنى مەكتەپتە ئوقۇتالمايمەن دىگەن جاۋاپ بىلەن مۇئەللىمنى ئۇزىتىپ قويدى . تولۇقسىزنى ئادەتتىكى سىنىپتا ئوقۇپ پۈتتۈردۈم ئاندىن دادامنىڭ شۇ ئارزۇسىنى ئەمەلگە ئاشۇرۇش يولىدا تىرىشتىم . بەش يىل بوپتۇ ئۆيدىكىلەرنىڭ ئارزۇسىمۇ ئەمەلگە ئاشتى ئۇلار مەندىن رازى بولۇشتى . داداممۇ ۋاپات بوپ كەتتى . شۇنچە يىللار ئۆتكەن بولسىمۇ مىنىڭ مەكتەپكە ، ئوقۇغۇچىلىققا بولغان ئىشتىياقىم قىلچە سۇسلاشمىدى.  ئىمكانىيەت بولسا شەخسى مەكتەپلەردە بولسىمۇ ئوقۇشنى ئويلايتتىم ھەم شۇنداق مەكتەپلەرنى ئىزدەپ كۆرەتتىم . شۇ كۈنلەردە تۇيۇقسىز ئىنتىل مەكتىپى  دېقىتتىمنى تارتتى  «ئۈنۈمدىن باشقىسى قۇرۇق گەپ» دىگەن شۇئارى مىنى تېخىمۇ قىزىقتۇردى. شۇنىڭ بىلەن بىكا قالساملا توردىن ، تېلىۋىزورلاردىن شۇ مەكتەپكە مۇناسىۋەتلىك ئۇچۇرلارغا ئالاھىدە دېققەت قىلىدىغان بوپ كەتتىم . مەكتەپ قۇرغۇچىسى ئابلەت مۇئەللىمنىڭ ھەر بىر سۆزلىرىگە ، قىلغان ئىشلىرىغا تېخىمۇ قايىل بولاتتىم .  لىكىن كۆڭلۈمنىڭ بىر يەرلىرى يەنىلا غەمكىن ئىدى . چۈنكى ئۆيدىكى ياشىنىپ قالغان ئانامنى تاشلاپ قويۇپ مەكتەپتە بېرىپ ئوقۇيالمايتتىم ھەم ئانام قوشۇلمايتتى . كۆزۈمنىڭ ئوچۇق چېغىدا سېنى ئۆيلەپ قويۇۋالاي بالام دەپ يالۋۇرۇپ تۇرۋالاتتى . بەك تەڭلىكتە قالدىم بىر تەرەپتە ئانام تۇرۇپتۇ يەنە بىر تەرەپتە ئارزۇ - ھەۋەسلىرىم .  قايسىنى تاللاشنى بىلەلمەيتتىم . بەلكىم بۇ مەن ئۈچۈن ھاياتىمدىكى چوڭ تاللاش بولسا كىرەك . بىر كۈنى تۇيۇقسىز ئىنتىل مەكتىپىنىڭ تارمىقى خوتەنگە ئېچىلدى دىگەن خەۋەرنى كۆرۈپ ، بەك ھاياجانلىنىپ كەتتىم . بۇرۇنمۇ تارماق مەكتەپ قۇرىلىدىكەن دىگەن خەۋەرنى ئاڭلىغان لىكىن بەك ئۇزاق ۋاقىت كىتىدۇ دەپ قارايتتىم . سۈرۈشتۈرۈپ باقسام خەۋەر راس چىقتى  شۇ خەۋەرنى كۆرۈپ بىر كىچە ئۇيان - بۇيان ئۆرلۈپ يېتىپ تۈزۈكمۇ ئۇخلىماپتىمەن . توختىماي خىيال سۈرەتتىم ئەگەر ئوقۇش پۇرسىتى كەلسە چوقۇم بەك قەدىرلەيمەن دەپ ئويلايتتىم . ئانامغا دەپ باقتىم لىكىن ئالغان جاۋابىم بۇرۇنقىغا ئوخشاش . بۈگۈنمۇ ئۇيقۇم كەلمەي توردىن ئىنتىل مەكتىۋىنىڭ يازلىق لاگىر پائالىيتىنى كۆرۈپ ئۇلارغا ھەۋەس بىلەن قاراپ يېتىپ ئۇخلاپ قاپتىمەن . ئەتتىگەن ئورنۇمدىن تۇرۇپ بىر قاتار ئىشلىرمنى تۈگىتىپ بولۇپ ئۆيدىكىلەر بىلەن ناشتا قىلىپ ئولتۇراتتىم دەرۋازا قېقىلدى . تىز بېرىپ ئىشىكنى ئاچقان ئىدىم كۆزلىرىمگە ئىشەنمەي قالدىم ، كۆز ئالدىمدا ئابلەت مۇئەللىم بىلەن ھەمرااھلىرى تۇراتتى . قول ئېلىشىپ كۆرۈشۈپ ھەيرانلىق ئىچىدە ئۇلارنى ئۆيگە تەكلىپ قىلدىم . ئۇلارنى كۆرپە ئۈستىگە باشلاپ ، ئەھۋال سورىشىپ بولغاندىن كىيىن مۇئەللىم ئۆزىنى ئانامغا تونۇشتۇردى ھەم نىمە سەۋەپتىن كەلگەنلىكىنى ئېيىتتى . مىنىڭ مەكتەپتە ئوقۇغۇم بارلىقىنى ، مەكتەپلەرنىڭ شارائىتىنى ، بىلىم ئېلىشنىڭ پايدىسىنى سۆزلىگەندىن كىيىن ئانام بىردەم جىم ئولتۇرۇپ قالدى . بىر سۈكۈتتىن كىيىن ماڭا قاراپ ، بوپتۇ  - بارغىن بالام ، سەن مىنىڭ يۈرەك پارەم دەپ بېشىنى لىڭشىتتى . يۈگۈرۈپ بېرىپ ئانامغا ئېسىلىپ يىغلاپ تاشلىدىم . تۇيۇقسىز ، بالام تۇرە ئورنۇڭدىن بامدات ۋاقتى بولدى دىگەن ئاۋاز مىنى چۆچىتىۋەتتى . قارىسام چۈشۈمكەن ئۆينىڭ تورۇسقا قاراپ بىردەم خىيال سۈرگەندىن كىيىن ئورنۇمدىن تۇرۇپ چۆگۈننى ئېلىپ سىرتقا ماڭدىم .  ئوقۇغۇچىلىق ھاياتى ماڭا قايتا نىسىپ بولارمۇ بىلمەيمەن لىكىن ماڭا ئوخشاش خوتەندىكى بىلىمگە تەشنا يۈرەكلەرنىڭ بۇ پۇرسەتكە نىسىپ بولغىنىدىن مەنمۇ بەك خۇش. بىر ئەلنىڭ ئىچىدىن ھەر ساھەدىكى ئابرويلۇق كىشىلەر چىقىپ تۇرىدۇ . لىكىن ئەلنىڭ غېمىنى يەپ ، ئەل ئۈچۈن ، مىللىتى ئۈچۈن ياشايدىغان مەرت ئوغلانلارنى خەلقىمىز مەڭگۈ ئۇلۇغلايدۇ . ئابلەت مۇئەللىمنىڭ خەيرى ساخاۋەت ئىشلىرىدىكى باشلامچىلىق رولى ، خەلقىمىز ئۈچۈن  ھەقسىز مەكتەپ قۇرۇشى ، ھەر قايسى جەھەتلەردىكى ياخشى تەرەپلىرى بىزنىڭ تەرىپلىشىمىزگە ۋە ھۆرمەتلىشىمىزگە ئەرزىيدۇ . رەخمەت سىزگە ئابلەت ئابدۇللا !  سىزنى بېقىپ قاتارغا قوشقان «ئابدۇللا» غا ياراتقۇچى ئىگىمىزنىڭ رەخمىتى بولسۇن ! سىز خەلقىمىزنىڭ قەلبىدە مەڭگۈ ھۆرمەت ساھىبى .

مەھمەت94

	ئابلەت ئابدۇللانى بىۋاستە تۇمىنىساممۇئاندا ساندا ئىستىقبال سەھنىسىدىن كۇرۇپ قالىمەن، گەپ سۇزلىرى تۇلمۇ ئۇرۇنلۇق يىراقنى كۇرەر  قابىلىيەتلىك ياشكەن، ھەقىقى زىيالى ئاتىلىشقا ھەقلىق ئۇيغۇر يىگىتى، ئۇتكەندە ئىنتىل مەكتىپىنى 4-5يىل ئىچىدە ئىنستىتۇت قىلىپ قۇرۇپ چىقىدىغانلىقىنى دىگەندەك قىلدى، مۇشۇنداق ياشلىرىمىزنىڭ كۇپلەپ مەيدانغا كىلىشىنى تىلەيمىز، ئىنتىل ئىنىستىتۇتىنىڭ تىزرەك بەرپا بۇلۇشىنى تىلەيمىز

Abdul

	كۈندە يېرىم كۇن مىسرانىمغا قاراپ ئولتۇرماي تىرىشسا بىر گەپ بولىدۇ، مۇۋەپپەقىيەت قۇرۇق گەپ ۋە قۇرۇق خىيالدىن ئەمەس ئەمەلىيى ھەرىكەتتىن كېلىدۇ .

ranjimayman

	بۇ بالا قارمايدا لىكسىيە سۆزلىدى بەلەت باھاسى 100 كوي كەن.ئاڭلىغانلار قالتسى دەپ ماختاپ كەتتى. مەنمۇ ئىستىقبال سەھنىسىدە كۆردۈم بۇ بالىنى.گەپلىرى ئورۇنلۇقكەن دىمىسىمۇ،25 ياشكەن.مۇشۇنچىلىك ياشتا بىر ئىشنى قىلىش تەس.بۇ بالىغا قايىلمەن.

WALIDEHAN

	ئىستىقبال سەھىنىسىدە ئىشقىلىپ خېلى ياشلارغا ئىلھام بېرىدىغان گەپلەرنى قىلىدۇ،بەزىلەردەك قاملاشمىسمۇ تەكەببۇرلۇق قىلىپ سوغوق گەپ قىلمايدۇ

feruq

	مەنمۇ بۇ مۇئەللىمنىڭ ئىش ئىزلىرىنى ئاڭلاپ بەك تەسىرلەندىم . بۇ ئاكىمىزنىڭ بۇندىن كېيىنكى ئىشلىرىنىڭ ئوڭۇشلۇق بولىشىغا تىلەكداشمەن

axek13999649893

	گەپ سۆزلىرى  بەك  ئۇرۇنلۇق  بۇ  برادىرىمىزنىڭ

KaLGuSi

	ranjimayman يوللىغان ۋاقتى  2014-12-12 06:12 PM بۇ بالا قارمايدا لىكسىيە سۆزلىدى بەلەت باھاسى 100 كوي كە ... ئابلەت مۇئەللىم 30غا كىرىپ قالدىغۇ دەيمەن

Taxnayurak005

	ئابلەت مۇئەللىم ئۆزىمۇ بەك ئورۇنلۇق گەپ قىلىدىغان، ئىقتىدارلىق ئادەمكەن، بۇ ئاكىمىزغا مەنمۇ قايىل.

15001506547

	2015 يىلى 1ئاينىڭ 1كۇنى ئىتىل تارماق مەكتىۋى خوتەندە ئوقوش باشلاش مۇراسىمى ئۆتكۇزەمىش  بەك خوش بولدۇم  ئۇتۇقلار يار بولسۇن