ئۇيغۇرنىڭ ئۇيقۇسى

KARAMAT147

	ئۇيغۇرنىڭ ئۇيقۇسى ساداقەتجان ھاجى بۇ ھەجۋى ئەمەستۇر. بۇ ئەمەس يۇمۇر. بۇمۇ بىر قەسىدە. ئوقۇپ باق ئۇيغۇر. ئۇيغۇرنىڭ ئۇيقۇسى ئەجەپمۇ تاتلىق؟ ئۇيغۇرۇم ئۇيقۇدىن ئىزدەيدۇ شاتلىق؟ ئەمگەكچان، مىھماندوست ئۇيغۇرۇم ئۈچۈن، ئۇيقۇدۇر- ئەڭ گۈزەل شىرىن ھاياتلىق؟ ئۇيغۇرنىڭ ئۇيقۇسى ئەجەپمۇ راھەت؟ ئۇيغۇرۇم ئۇيقۇدىن ئىزدەيدۇ ئامەت؟ ياخشىدۇر ئۇيغۇرنىڭ ھەممە نىمىسى؟ ئۇيغۇرنىڭ چۈشىگە كىرمەس قىيامەت؟ ئۇيغۇرنىڭ ئۇيقۇسى كاتتا بىر سەنئەت؟ ئەللىيى- ناخشىدۇر. خورىكى- ناخشا؟ ئۇخلايدۇ ئويلىماي ئاقىۋىتىنى؟ ئاڭلىسا ئۇيغۇرنىڭ يۈرىكى ناخشا؟ ئۇيغۇرنىڭ ئۇيقۇسى ئەجەپمۇ ئۇزۇن؟ ئۇخلايدۇ ناخشىنى ئاڭلىغانسىرى؟ ئۇيغۇردا بار شۇنداق بىر ئادەت-يوسۇن؟ ئۇخلايدۇ ئۇيغۇرنى داڭلىغانسىرى؟ ئۇيغۇرنىڭ ئۇيقۇسى ئەجەپمۇ داڭلىق؟ ئۇيغۇرنىڭ دۇنيادا تەڭدىشى يوقتۇر؟ ئۇيغۇرۇم ئەزەلدىن ئۇخلايدۇ ئاڭلىق؟ ئۇيقۇسىز قالغۇدەك تەشۋىشى يوقتۇر؟ ئاسماندا ئۇچۇش ھەم دېڭىزدا ئۈزۈش... ئۇيغۇرنىڭ ئىشى ئەمەس؟ ئويغاقنىڭ ئىشى؟ ئىجاد دەرياسىدىن جاۋاھىر سۈزۈش... ئۇيغۇرنىڭ ئىشى ئەمەس؟ ئويغاقنىڭ ئىشى؟ كارى يوق ئۇيغۇرنىڭ ئاي، يۇلتۇز بىلەن؟ كارى يوق ئۇيغۇرنىڭ تىرىلسە جەسەت؟ كارى يوق ئۇيغۇرنىڭ ئويغاقلار بىلەن؟ ئۇيغۇرۇم ھىچكىمگە قىلمايدۇ ھەسەت؟ ئۇخلايدۇ ئۇيغۇرۇم پولو، كاۋاپ يەپ؟ ئۇخلايدۇ ئۇيغۇرۇم مۇقامنى ئاڭلاپ؟ ئۇخلايدۇ ئۇيغۇرۇم «ئۇخلاش- ساۋاب» دەپ؟ ئۇخلايدۇ ئۇيغۇرۇم ئۆزىنى داڭلاپ؟ ئۇيغۇرنىڭ ئۇيقۇسى ئۇلۇغ ئۇيقۇدۇر؟ ئويغانما؟ ئويلانما؟ ئۇخلا ئۇيغۇرۇم؟ ئۆزگىلەر ئويغانسا ئۆزىنىڭ ئىشى؟ سەن ھەرگىز ئويغانما؟ ئۇخلا ئۇيغۇرۇم؟ ئوڭۇڭدا يوقىنى ئۇيقۇڭ بېرىدۇ؟ قالىسەن چۈشۈڭدە بولۇپ قاناتلىق؟ ئۇيغۇرۇم ئەيلىمە ئىشقىڭنى بىدار؟ ئۇيغۇرۇم! سەن ئۈچۈن ئۇيقۇ-ھاياتلىق؟؟؟

mehriya

	ئويلىنىشقا تېگىشلىك !

xajarim

	كارامەت ياخشى چىقىپتۇ بۇ شئېر .. ئادەمنى چوڭقۇر ئويغا سالدىكەن ....       مەزمۇنىمۇ ياخشىكەن . قىسىقسى  ياخشىكەن....

yidayat1010

	مەنمۇ ناخشا ئاڭلاپ مۇنبەر ئارلاۋاتاتتىم   ... بۇ تىمىدا  ناخشا مۇقام ئالاھىدە تىلغا ئېلىنىپتۇ ... قۇلۇقۇمدىن تىڭشىغۇچنى ئېلىۋەتتىم ... يا ئاللاھ  بۇ ناخشا ئاڭلاشنى قاچانمۇ تاشلامەن...

Mamkapguli

	ياخشى يېزىپسىز.

axik884

	بولىدىكەن ھارمىغايسىز

alhumar137

	شۇ  ئۇيقىسى ياخشى ھەي

tokqi123

	ئىلىم دېڭىزىدا ئۇنچە مەرۋايىت سۇزىۋاتقانلارمۇ ئاز ئەمەس جۇمۇ؟

kokboraa

	ئەمدى ئانىلار ‹ئەللەي بالام...› دەپ ناخشا ئىيتىپ ،ئۇيقۇ بىلەن ئويغاقلىق ،چۈش بىلەن رىئاللىق ئارىسىدا گاراڭلىق بىلەن مۈگدەپ يۈرىيدىغان پەرزەنت بىقىشتىن توختاپ  ، ئۈنلۈك ئاۋازدا ‹ئويغان بالام ،ئويغان....› دەپ چۈقان سىلىپ ، جۇشقۇن ، كاللىسى ھەر ۋاقىت سەگەك تۇرۇدىغان ئۈمۈدۋار ئەۋلاتلارنى تەربىيلەپ چىقىشى لازىم بولۇپ قالدى .

نىلۇفەر

	ناھايىتى ياخشى چىقىپتۇ. بۇ ئۆزىڭىزنىڭ يازمىسىمۇ؟ بەزى جايلىرى بۇ رەسىمدىكى شېئىر بىلەن ئوخشاشكەن. ئۇنداقتا بۇمۇ سىزنىڭ ئەسىرىڭىزمۇ؟