ئابدۇرېھىم زۇنۇن: قارا يۈزنىڭ بايانى

bulaksu2

	قارا يۈزنىڭ بايانى ئابدۇرېھىم زۇنۇن قىزارمايدۇ داپتەك بۇ يۈزۈم، كۆز كۆرگەننى يۇلۇپ ئالىمەن؛ قاراپ باقماي ئالدى - ئارقامغا چۆنتىكىمگە قوشلاپ سالىمەن. «ئاللا» بار مەن ئوقۇغان بەتتە، نىجاسەتمۇ قالمايدۇ چەتتە... قىزارمايدۇ يۈزۈم بەك قېلىن، يالغاننى «راست» دەلەيمەن ھامان. كۆزلىرىمنى يۇمۇپ مۈشۈكتەك، دەيمەن ئالتۇن داننى «خەس- سامان». ئاقنى «قارا»، ساقنى «ئوغرى» دەپ، جان باقىمەن ئوبدان ھارام يەپ... قىزارمايدۇ قاپقارا يۈزۈم، نەگە بارسام نەپنى كۆزلەيمەن.    ئىلكىمدىكى بېخسىپ تۇرسىمۇ،   پايدامغا چوت سوقۇپ سۆزلەيمەن. شۇ ھۈنەردىن ئارمانغا يەتتىم، قاراڭ، سەمرىپ تىقىلىپ كەتتىم.   قىزىرىشتىن يىراق بۇ يۈزۈم، «ھەممە ئۆتسۇن ئىلكىمگە» دەيمەن. «ھالال- ھارام» بەرىبىر ماڭا، ئۇچرىغاننى ئىلغىماي يەيمەن. ئۆزگىلەرنى جايلاپ - سوقىمەن، ئۆتۈپ كەتكەن توخۇ پوقىمەن.

hokumran

	ئابدۇرېھىم مۇئەللىم: شېئىرىڭىزدا رىئال تۇرمۇشىمىزدىكى بەزىبىر سوخەنچى، قارا يۈز كىشىلەرنىڭ روھى ماھىيىتىنى ناھايىتى ئەتراپلىق يۇرۇتۇپ بېرىپسىز.   دېمىسىمۇ ئەتراپىمىزدا ئازغىنە ھارام نەپسى ئۈچۈن باشقىلارغا تۆھمەت قىلىدىغان، باشقىلارنى ئازابى ئۈستىگە ئۆزىگە خوشاللىق ئىزدەيدىغان كىشىلەر بارغانسېرى ئاۋۇپ كېتىپ بارىدۇ. بۇ شئىرىڭىزنىڭ ئاشۇنداق بىر قىسىم ‹‹قارا  يۈز››لەرنىڭ ئۆز روھىيىتىدىكى چىركىنلىكلەرنى تونۇۋېلىشىغا ياردەم بېرىدىغان ئەينەك بولۇپ قېلىشىنى سەمىمىي ئۈمىد قىلىمەن.    ئىجادىيەت سەپەرلىرىنىڭ تېخىمۇ ئۇتۇغلۇق بولۇشىنى چىن دىلىمدىن ئۈمىد قىلىمەن.

alhumar137

	ئالامەت چىقىپتۇ ھەي بۇ جەمىيەتتە جىق بۇنداق ئىشلار

Hurxid071

	Assalamu alaykum andurehim muallim ,man silini tonugandak kiliman,

goldiway

	ئابدۇرېھىم ئەپەندى تازا تىللاپتۇدە قارايۈزنى مېنىڭ  ئەل كۈيىدىكى تور نامىم  قارايۈز  ئىدى.

(شەيدا)

	ئۇستازنىڭ يەنە بىر تېتىملىق شېئىرىدىن ھۇزۇرلىنىش پۇرسىتىگە ئىگە بولغىنىمدىن خوش بولدۇم. ئۆتۈپ كەتكەن توخۇ پوقىمەن. مۇنۇ مىسرانى ئوقۇۋېتىپ كۈلۈپ سالدىم.

م.زۇنۇن

	تەربىىيۋى ئەھمىيەتلىك ساترا

bulaksu2

	شېئرىمنى ياقتۇرغان ۋە ياخشى ئىنكاسلارنى يازغان بارلىق قېرىنداشلىرىمغا رەھمەت!

bulaksu2

	hokumran يوللىغان ۋاقتى  2014-12-11 12:44 PM ئابدۇرېھىم مۇئەللىم: شېئىرىڭىزدا رىئال تۇرمۇشىمىزدىك ...         شۇنداق، بارلىق ئەسكىلەرنى تازا كېلىشتۈرۈپ تىللىماقچى ئىدىم، نېمىشقىدۇر مەقسىتىمگە تولۇق يېتەلمىدىم. ئىلھام بەرگىنىڭىزگە رەھمەت!