روبائىيلار

KUMALTAGH

	روبائىيلار ئەمەتجان زۇنۇن ئارتۇچ پۇل ، بايلىق كويىدا يۈرەر بەزىلەر ، نام - ئەمەل  ھوزۇرى سۈرەر بەزىلەر . پانىيدىن قۇپقۇرۇق كېتىپ تۇيۇقسىز ، ۋەيلۇننىڭ ئوتىدا كۆيەر بەزىلەر . مۇھەببەت ئالىمى مېھرى قۇياشلىق ، نۇرانە ئارماندا ياشنايدۇ ياشلىق . مەنزىلدە ئۈمىتلىك تىرىشقان ئەۋزەل ، ئىنسانغا ھالاكەت مەنىۋى ئاچلىق . ئەل -ۋەتەن ئىشقىدا كۆيگىن جان دوستۇم ، جېنىڭدەك ئەزىزلەپ سۆيگىن جان دوستۇم . ئۆمۈرنىڭ مەناسى ئەل - يۇرت شاتلىغى ، ھاياتلىق پەيزىنى سۈرگىن جان دوستۇم . ياخشىلار ئەجرىدىن ياشنايدۇ جاھان ، كۆڭۈللەر يوپيۇرۇق ، گۈلگۈن ، شادىمان . ۋەسلىدىن يايرايدۇ كۈللى مەۋجۇدات ، مەردانە ئىزلاردىن كۈلىدۇ ئارمان . ھەشەمەت سىھرىگە ئالدانما كۆڭلۈم ، ئالۋۇنغا قاق بولۇپ قاقلانما كۆڭلۈم . ھاياتلىق سەيناسى بېھىشكىرەم باغ ، مىۋىسىز دەرەختەك شاخلانما كۆڭلۈم . شائىرلىق نە ھەۋەس ، نە ئاتاق ئەمەس ، نام -ئەمەل ئىزلىسەڭ ئۇندىن بولدى بەس . كۆيىدۇ ۋۇجۇتلار ئىلاھىي ئوتتا ، ئەل - ۋەتەن سۆيگۈسى يۈرەكتە پەۋەس . مەنبە ؛  ئىجادىيىتىم

korlaayxamsadir

	ياخشى يىزپسىز ،

alhumar137

	ياخشىكەن

باشتۇغ

	دوستۇم ، بۇ رۇبائىيلىرىڭىز تەشنالىغىمغا مەلھەم بولدى ، ياشاپ كېتىڭ . ئىلھامىڭىز زىيادە بولسۇن .

mehriya

	ئاپىرىن ، ياخشى يېزىپسىز . ئەقىللەر بابىدا يارساڭمۇ قىلنى ، چېلىشتا باتۇر بوپ يەڭسەڭمۇ پىلنى . تاپىسەن ئۆزەڭگە بىھۇدە ئازاپ ، ئورۇنسىز سۆزلەشتىن يىغمىساڭ تىلنى . چىدىماس نامەرتلەر ئۇرسا گەر سېنى ، سەۋرى قىل ھەرگىزمۇ ئۇرمىغىن ئۇنى . ئۇلارنىڭ پەس خۇيى جان بىلەن چىقار ، چىشلىمەي ئۆزگىنى  ئۆتمەيدۇ كۈنى .