تۇز : باشقىلارنىڭ ئېرىنى ئىگىلىگەنلەر ھەققىدە

.tuz.

	ئەسسىلامۇ ئەلەيكۇم سۇئال : باشقىلارنىڭ ئېرىنى ئىگىلەپ ، راھەتتە ياشاۋاتقان ئاياللارغا نېمە دەيسىز ؟ جاۋاب :  ئۇنداقلارنى راھەتتە ياشاۋاتىدۇ ، دەپ ئويلامسىز ؟ دەرۋازىسى قاتتىقراق تاقىلدىسا يۈرىكى يۈرىكى دۈپۈلدەپ پىشانىسىدىن تەر تەپچىسە ، تېلفۇنىنى ئەتراپىغا ئوغرى مۈشۈكتەك قاراپ ، دادىل كۆتۈرەلمىسە ، « مانا بۇ مېنىڭ ئېرىم  بولىدۇ» دەپ تۆت كىشلىك سورۇنغا يېتىلىشىپ بارالمىسا ، بۇ ئەرنىڭ قاچان كېلىشى ، قاچان كەلمەسلىكىنى ئىنىق بىلمىسە ، يۈرىكى دائىم گۇمان غاجىلاپ زىدە قىلىپ تۇرسا ، قەدىنىسى بىلەن نېمە ئىشلارنى قىلىپ يۈرگەندۇ دەپ ھەسەتتىن تولغانسا ، شۇمۇ ئۇنىڭ تاپقان رازىتى ؟! ئۇنىڭ ئۈستىگە ، ئەتراپنىڭ نەزىردىن چۈشۈپ ،پىچىر - پىچىر ، كۇسۇر - كۇسۇرلاردىن ، بىراۋلارنىڭ نارازىلىقدىن ، قارغىشلاردىن ، تۇكۈرىشلەردىن قۇتۇلالماي يۈرسە ، ئاشۇمۇ راھەتمۇ ؟! ئاشۇ سەۋەبلىك نارازى بولغان بالىلار ئىسيان كۆتۈرۈپ «بەختىمىزنى نابۇت قىلغان جادىگەر » دەۋاتسا ، نېمىسى راھەت بۇنىڭ ؟!!! بۇ جازاغۇ ؟! جازا بولغاندىمۇ قاتتىق يامان جازاغۇ ؟! ئۇنى شۇ ھالەتتە ياراتقۇچى ئەڭ ئادىل ئۇلۇغ زات ئۇرۇپ تۇرۇپتىغۇ ! سىز ئۇنى ھەرگىز قارغىماڭ ، ئەكسىچە ، ياراتقۇچىدىن ئۇنىڭغا ئىنساپ ، رەھىم سوراڭ ! ئۇ بەك بىچچارىكەن ! سىزنىڭ ھالىتىڭىز ئۇنىدىن نەچچە يۈز ھەسسە ياخشىكەن . سىزمۇ ئاڭلاڭ : راس گەپنى ، ھەق گەپنى ئېيتقاندا ، ياراتقۇچى بۇ ئەرزىيەتنى بىكاردىن توغۇرلىغىنى يوق ! يا ناشۈكۈرسىز ، يا كۆڭلىڭىز تار ، يا ئۇششاق گەپنى جىق قىلىسىز ، يا ئەقلىڭىزنى كەم ئىشلەتكەنسىز ! ئېرىڭىزنى يېتەكلەپ ئەكەتكەن ئايالنى ئەيىبلەشتىن ئاۋال ، زادى نېمە سەۋەپتىن شۇنداق قىلىدۇ ؟ دەپ ،ئۆزىڭىزدىن ئۆتكەن خاتالىقلارنى ھېساۋات قىلىپ تەكشۈرۈپ تەپتىش قىلىپ كۆرۈڭ . كەتكۈزۈپ قويغان يەرلەر بولسا تەن ئېلىپ تۈزىتىڭ ! باشقىلار ئېرىمنى ئىگەللەپ كەتتى دەپ ئل؛تۇرىۋەرمەي تەدبىركار بولۇڭ ! ئايال كىشى ئۈچۈن ئەرمۇ بىر مۈلۈك ، ئۆز مۈلكىڭىزنى ئاسراشنى قوغداشنى بىلىڭ ! مەنبە : نازۇك سۇئال مۇنبەرگە يوللىغۇچى : تۇز 2014- يىلى 12- ئاينىڭ 8- كۈنى ئەزىزانە شەھرى قەشقەر

firuz

	باشقىلارغا يولدىشىنى  قوش  قوللاپ تۇتقۇزۇپ قويغانلارمۇ بار ...ئىككىڭلارنىڭ كۆڭلى بولسا مۇرادىڭلارغا يىتىۋېلىڭلار،مەن  سەپتىن چىكىنەي دەپ....

saliha24

	شۇنداق ئاياللارغا نىسبەتەن ياخشى تەسەللى بولغۇدەك تىما  بۇپتۇ ،

Ay.sadap

	باشقىلارنىڭ بەختىگە چاڭگال سالسا ، ئۇلارنىڭ بەختىنى ۋەيران قىلىدىغانلارمۇ چوقۇم چىقىدۇ....

nurjula

	saliha24 يوللىغان ۋاقتى  2014-12-8 02:31 PM شۇنداق ئاياللارغا نىسبەتەن ياخشى تەسەللى بولغۇدەك تىم ... راس دەيسىز، مەنچە بولغاندا بۇ خىلدىكى ئاياللانىڭ كۆپۈنچىسى يۈزى قېلىن، باشقىلار نىمە دەپ قالار دەپ ئويلىمايدىغان، دەرۋازىسىنىڭ تاقىلدىشى، تېلفۇنىنىڭ جىرىڭلىشى نۇرمال بىلىنىدىغان بولۇپ كەتكەن قاششاڭ ئاياللارمىكىن دەيمەن، ئەگەر باشقىلارنىڭ ئېرىنى ھەرقانچە كۆيۈپ پىشىپ كەتسىمۇ، ئايالى باللىرى بار جۇمۇ، باشقا  ئاياللارنى يىغلتىپ ئۇلارنىڭ قان قىساسىغا قالغاندىن ئاللاھ ئاتا قىلغان كۈنگە شۈكرى قىلاي، ئىنساپ قىلاي، نۇمۇس قىلاي دەپ ئويلىسا ئۇنداق قىلمايدۇ،  باشقا ئاياللارنىڭ ئەرلىرىگە كۆز تاشلىغان ھەم ئاشكارا ھوجۇمغا ئۆتكەن ھەرقانداق بىر ئايال پۈتۈنلەي، ئىككى يۈز پىرسەنىت نۇمۇسسىز، ھاياسىز، ئىمانسىز، ئىنساپسىز، دۆيۈز ئاياللاردۇر..........ئاياللىرىمىزنىڭ كۆڭلىڭگە ئىمان ، ئىنساپ، ھېدايەت تىلەيمەن!

Nazira98

	firuz يوللىغان ۋاقتى  2014-12-8 02:13 PM باشقىلارغا يولدىشىنى  قوش  قوللاپ تۇتقۇزۇپ قويغانلارم ... ئەگەر يولدىشىنىڭ كۆڭلى باشقا بېرىگە چۈشۈپ قالسا ئايال بولغۇچى ئارتۇقچە تارتىشماي بۇ مۇھەببەتتىن ۋاز كېچىش كېرەك.

gadankax010

	تۇزى كام قالغان ھالۋىدەكلا تېمىكەن - بۇ.

mehriya

	ئەھمىيەتلىك تېمىدىن بىرنى يوللاپسىز . رەھمەت سىزگە تۇز ئەپەندىم . مېنىڭچىمۇ ئەرلەرنىڭ تالاغا قاراپ قېلىشىنى ئەرگىلا ئارتىپ قويماي ، ئالدى بىلەن ئايال بولغۇچى ئۆز -ئۆزىدىن سەۋەپ ئىزدىشى كېرەك . ئاندىن تېمىدا دېيىلگەندەك بۇ ‹مۈلۈك›نىمۇ چىڭ قوغدىشىمىز لازىم .

يولتۇز

	firuz يوللىغان ۋاقتى  2014-12-8 02:13 PM باشقىلارغا يولدىشىنى  قوش  قوللاپ تۇتقۇزۇپ قويغانلارم ... بەلكىم شۇ ئايال ئىرىنىڭ تۈزەلمەيدىغانلىقىنى بىلگەن بولسا كېرەك .