تەڭرىتاغ كوماندىسى جىلىن كوماندىسىغا ئۇتتۇردى

waskitbol0903

	ئۇيغۇر ۋاسكېتبول تورى خەۋىرى؛  ئۈرۇمچى ۋاقتى 12- ئاينىڭ 5- كۈنى كەچ سائەت 30؛5 دە ،  2014-2015- پەسىللىك جۇڭگو ۋاسكېتبول بىرلەشمىسى دائىملىق مۇسابىقىسىنىڭ ئون بەشىنچى ئايلانما مۇسابىقىسى ئىلىپ بېرىلىپ، شىنجاڭ تەڭرىتاغ يىزا سودا بانكىسى ئەرلەر ۋاسكىتبول  كوماندىسى داۋاملىق ئۆزمەيدانى قىزىلتاغ تەنتەربىيە سارىيىدا، جىلىن ئەرلەر ۋاسكىتبول كوماندىسىنى كۈتىۋالدى. شىنجاڭ تەڭرىتاغ يىزائىگىلىك سودا بانكىسى كوماندىسى  يىڭى چەتئەللىك ئەزا سىباستئان تېلفىر مەيدانغا چىقتى، بىراق مۇسابىقە ھالىتىگە كىرەلمەي ئىپادىسى ياخشى بولمىدى، ئەڭ ئاخىرىقى ھالقىلىق ۋاقىتتا قارشى تەرەپ چەتئەللىك ماھىرى  جونىس ئۈچ نۇمۇرلۇق توپ چۇشۇرۇپ ئاخىرى 110-111 نەتىجە بىلەن رەقىبى  جىلىن كوماندىسى تەرىپدىن مەغلۇپ قىلىندى. شىرئەلىجان مەيدانغا چىقماي دەم ئالدى.    بۇ مەيدان مۇسابىقىدە، شىنجاڭ كوماندىسىدىن  بەش ئەزا قوش خانىلىق نومۇر ئالدى، كوماندا ئەزاسى  ئاندىرى بىراچ 33 نومۇر، 14 قېتىم گاردىن قايتقان توپ ئالدى، 9 قېتىم ياردەمچى پاس بەردى ھەمدە 7 قىتىم توپ تارتىۋالدى؛ قىرانبېك ماقان 23 نومۇر، 4 قېتىم گاردىن قايتقان توپ ئالدى؛ سىباستئان تېلفىر  13 نومۇر، 3 قېتىم ياردەمچى پاس بەردى؛ جۇ چى 18 نومۇر، 10 قېتىم گاردىن قايتقان توپ ئالدى؛ ليۇۋېي  14 نومۇر، 3 قېتىم گاردىن قايتقان توپ ئالدى ۋە 2 قېتىم ياردەمچى پاس بەردى. يىڭى پەسىللىك مۇسابىقە ئورۇنلاشتۇرۇش رەت تەرتىپى بويىچە 12-ئاينىڭ 7-كۈنى شىنجاڭ كوماندىسى قارشى تەرەپ مەيدانىدا شەندۇڭ كوماندىسى بىلەن مۇسابىقە ئوينايدۇ. ئەسلى مەنبە؛ ئۇيغۇر ۋاسكىتبول مۇنبىرى؛ http://waskitbol.com/portal.php

kudiratjan

	جىلىن كاماندىسنىڭ مۇداپيە ھەم ھۇجۇمىنڭ ئ‍ۈنمى ياخشى بولدى  ئ‍ەسلى بۇلار شىنجاڭ كاماندسغا رەقىپ بۇلالمايتى  ئ‍ەمما يېڭى چەتئ‍ ەلىك ماھىرنىڭ كاماندا ماسلىشش مەشقىگە قاتناشماسلقى سەپداشلىرنى تۇلۇق چۈشنۈپ بۇلالماسلقى سەۋەپلىك گۇمپىسنى تۇلۇق نامايەن قېلالمىدى ،پۇلات مۇداپيچى ھەم مەخپى قۇرال  شىرئ‍ەلىنىڭ مۇسابىقگە قاتنشالماسلىقى قارشى تەرەپ چەتئ‍ەلىك ماھىرنىڭ ياخشى ئ‍ىپادىسدە كاماندىمىز مەغلۇپ بولدى    كاماندىمزدا ھۇجۇم ۋە ماسلىشش ھەم مۇداپيەدە چېكنىش ئ‍ىغىر

زەردار007

	مەن ئۈلۈشكۈن كەچ بۇ مۇسابقىنى كۈرەلمىگەن تۈنۈگۈن چۈشتە كۆرسەم 87 دە 85 بولۇپتىكەن شۇنىڭ بىلەن  مۇسابقە تۈگىگەن ئوخشايدۇ دەپتىكەنمەن. ھەييى بۇ مەيدان شىنجاڭ كوماندىسىدىكىلەرنىڭ ئىپادىسى ئىزچىل ياخشى بولمىدى،گاردىن قايتقان توپنى جايىدا ئالالمىدى،پاسنىما جايىدا يەتكۈزەلمىدى.

tatinqak

	ئۇنىڭ ئالدىنقى كۈنى بىر توپ پەرىق بىلەن يېڭىغانتى. بۇ قېتىم بىر توپ پەرىق بىلەن يېڭىلىپ قالدى. ئىچىم قاتتىق ئېچىشتى. ئەڭ ئاخىرقى 3 نۇمۇرلۇق توپنى ئاتقۇزمىغان بولسا يېڭىيتى. مەن بولسام 2 سىكوتكىچە توپنى ئۇياق بۇياققا، پاس بىرىپ ۋاقىت توشقىزۋىتىتىم .

kepanogrisi

	ھەريىلى ئازلا قالىدۇ چىمپىيون بولغىلى......ئەمما