تۇز: ھارام لوقما يېگەننىڭ قىسمىتى

.tuz.

	ئەسسىلامۇ ئەلەيكۇم سۇئال : يالغۇز ئوغلۇمدىن ھېچنىمىنى ئايىمىدىم . ئالى ئوقۇش ئورۇنلىرغا قىينالماي كىردى . ماشىنا ، ئۆي ئېلىپ بەردىم . خەجىگە رازى بولغۇدەك پۇل بەردىم . لېكىن ئوغلۇم يۈزۈمگە ئاياغ قويۇپ ، ئىككى بالىلىق خوتۇن بىلەن ياشاپ يۈرۈپتۇ . ئۇنى بۇ يولدىن قەتتى قايتۇرالمايۋاتىمەن . ئەركەك تۇرۇپ ھەر كۈنى بۇقۇلداپ يىغلايمەن ....... جاۋاب: سىز يىغلاشنى داۋام قىلىڭ . يىغلاۋىرىڭ ! پەقەت « ئەمدى نېمە قىلىمەن ؟» دەپ ئەمەس ، ئىستىغپار ئېيتىپ ، ياراتقۇچى ئاللاھدىن گۇنايىڭىزنىڭ مەغپىرەت قىلنىشىنى تىلەپ توۋا قىلىپ يىغلاڭ . كەچۈرىشىنى ھەقتىن چىن قەلبىڭىزدىن تىلەپ يىغلاڭ ! شۇنداق قىلىشىڭىز زۆرۈر! چۈنكى سىزنىڭ گۇناھلىرىڭىز ئورنىغا بالىڭىز چاتاق كەتتى . بالىنى سىز پاتقاققا پاتۇردىڭىز ! يۈركىنى شەيتانغا سىز ئۇۋا قىلىپ بەردىڭىز ! بىرىنچىدىن ، ئۆزىڭىزنىڭ تاپقان مال- دۇنيا پۇللىرىڭىزغا كىشىنىڭ ھەققى ئارلاشقان . بايلىق پۇلدىلا دەپ ئايرىمايلا تېپىۋەردىڭىز ، ئېلىۋەردىڭىز ! سىز بالىڭىزنى سوراقلاشتىن ئاۋال ئۆزىڭىزنى تەپتىش قىلىڭ ! ئىككىنچىدىن ، ئاتا- ئانىڭىزغا قايسى دەرجىدە پەرزەنتلىك قىلغان ئىدىڭىز ؟ دائىم ئىزدەرمىدىڭىز ؟ گەپلىرىگە قۇلاق سالارمىدىڭىز ؟ يوقلاپ تۇرارمىدىڭىز ؟ قېنى ئېيتىڭچۇ نەچچە قېتىم كۆزلىرىنى ياشلاتقان ئىدىڭىز ؟ پەرزەنت سۈپىتىدە خىزمىتىنى قىلىپ دۇئاسىنى ئالغانمىتىڭىز ؟ ئۆچۈنچىدىن ، مۇشۇ كۈنلەردىچۇ ؟ بالىڭىزنى ماشىنىلىق ، ئۆيلۈك قىلىشتىن ئاۋال ، ئاكا - ئۇكا ، ئاچا - سىڭىل قېرىنداشلىرىڭىزغا قانچىلىك مېھرى كۆرسەتتىڭىز ؟ ئۇلاردىن ئەنسىرەپ يوقلاپ تۇرۋاتامسىز ؟ ياق ! سىز ئۇنداق قىلمىدىڭىز . قېرىنداشلىقنىڭ ئاساسى شەرتلىرىنى ئۇنۇتتىڭىز . قېرىنداشلىق مېھرىنى ، قىرىنداشلىق ئىلمىنى يوقاتتىڭىز ! ئايالدا ئاياللىق ئىلمىي ، ئەرخەختە ئەركەكلىك ئىلمىي بولماس ئىكەن ، ئۇلاردىن كېلدىغىنى پەقەت زىياندۇر . سىز مۇشۇ دۇنيالىقىزدا بىرلا ئىلىمگە ____ پۇل تىپىشلا ئىلمىگە ئىخلاس قىلدىڭىز ، ھالال - ھارىمىنى پەرىقلەندۈرمىدىڭىز ! ئايرىمىدىڭىز ! سىزدە يىگىتلىك ئىلمى ، ئادىمىلىك ئىلمى يوق سەۋەبلىك ، مۇشۇنداق كۆزىڭىزدىن ياش قۇرىمايدىغان بەختسىز ئەركەك بولۇپ تۇرۇپسىز . سىز پۇل تىپىشتا ھالالدىن تىپىپ ، بالىڭىزغا ئۈلگە بولۇپ ، مېھنەتكە كۆندۈرشىڭىز ، ئۈگىتىشىڭىز كېرەك ئىدى . بالىڭىزغا ماشىنا ئەمەس ، ماشىنا ئېلىش ئۈچۈن ئەجرى قىلىپ پۇل تېپىشنى ئۈگتىشىڭىز كېرەك ئىدى . ئادىمىلىك پەزىلەتنى يىتىلدۈرۈش ئۈچۈن كاسىسى قاداق بولۇپ كەتكۈچە كىتاب ئوقۇشقا دەۋەت قىلىپ يىتەكلىشىڭىز زۆرۈر ئىدى . ھېچ بولمىسا يېرىم پۇلنى ئىشلەپ تاپتۇرۇپ ، يىرىمنى سىز قوشۇپ ماشىنا ، ئۆي ئېلىپ بىرىشىڭىز دانالىق ئىدى . ئەگەر ئەجر قىلىپ ، ئەجرنىڭ قەدرىنى تونۇپ ، بىر نەرسە ئالسا ، سىز ئېيتقان نالايىق ئىشلارنى قىلماس ئىدى . سىز ھەر تەرەپتىن بالىنى ئاق بىلىققا ئايلاندۇردىڭىز ، باشلامچى بولدىڭىز . ھازىر بالىڭزدا ماشىنا بار ، ئۆي بار ، پۇل بار ___ خەۋپ يوق ! ئەتىگە ئۇنىڭ پۇلى ، ياكى سىزنىڭ پۇلىڭىز تۈگىسە ، ياكى سىز ئاخىرەتكە يول ئالسىڭىز ، ئەنە شۇ چاغدا پاجىئە يۈز بىرىدۇ . ئەنە ئۇنىڭ ئارقىسىدىن ئەگەشكەنلەرمۇ ئۇنى تەرك ئىتىدۇ . ئۇنىڭ پۇلىغا ئۇچۇپ شىرنىسىغا قونۇدىغانلارمۇ تاشلاپ ئۇچۇپ كىتىدۇ . ئۇ چاغدا ئۇ نېمە قىلىشىنى بىلەلمەي قالىدۇ . چۈنكى سىز ئۇنىڭغا ئىرادە ، سەۋر ، شۈكرانىنى ئۈگەتمىگەن ! شۇڭلاشقا ئۇ ئەسكى كىشىلەر قىلقىنى يۇقتۇرۇپ ، ئەلمىگە چىدىماي ھەم بىكارچىلىقتا لاغايلاپ نەشى چىكىشلەر ، ھاراق ئىچىشلەر باشلىنىدۇ ! سىزگە ئاچچىق نەسىھەتىم شۇكى  ئۈگۈتۈم شۇكى ، ئەگەر سىز ئوغلىڭىزغا سەرپ قىلغان پۇللىرىڭىزنى ھالال تاپقىنىڭىزدا بالا ئاينىماس ئىدى . يامان يولدا بولماس ئىدى ، كۆزلىرىڭىزنى ياشلىماس ئىدى !  بەلكىم ، مەن پۇلنى ئوغۇرلاپ ياكى بۇلاڭچىلىق قىلىپ تاپمىدىم دىيشىڭىز مۈمكىن ، شۇنى بىلىڭكى ، ئەجر قىلماي ، بىراۋنىڭ نارازى بولۇپ بەرگىننى ، قولىڭىزدىكى ھوقۇق ئىمتىيازدىن پايدىلنىپ تەرسىز تېپىلغان ئۆلجىنى ، ھەر خىل يوچۇقلاردىن پايدىلىنىپ قايرىۋالغان ،ئايرىۋالغان دارامەتلەرنى بالىڭىزغا خەجلەپ يېدۈرۈپ - كەيدۈرۈپ قويغانسىز . سىز سەۋەبلىك كىمدۇر نارازى بولۇپ يىغلاپ يۈرۈپتۇ ..... شۇنداق ، بۇرادەر ، بىكاردىن - بىكارغا بۇ ئەھۋالغا چۈشۈپ قالغىنىڭىز يوق ، توۋا قىلىڭ ، توۋا قىلىڭ ! چىن دىلىڭىز ، چىن ئىخلاسىڭىز بىلەن توۋا قىلىڭ ! بۇمۇ ئىبادەتتۇر ! بالىڭىزنى ھازىر ئۆز ھالىغا قويۇپ بېرىڭ ، مۇشۇ ھاقىتتا ئۇنىڭ كۆزى كور ، قۇلقى گاس ! نەسىھەت قىلسىڭىز قوبۇل قىلىشى سەل مۈشكىل . ئۇ ئەمدى تاكى پېشانىسى تامغا دوققىدە ئۈسسۈلۈپ ، بۇرنى قانىمىغىچە ھەر گىز ياخشى نەسىھەت تەسىر قىلمايدۇ . سىز ئەمدى ناتوغرا ئىشلارنى قەتتى قىلماي ، توغرا ئىشلارنى ، ساۋابلىق ئىشلارنى كۆپ قىلىپ ، ياراتقۇچى ئاللاھدىن گۇنايىڭىز تىلەش بىلەن بىرگە ، ئوغلىڭىزنىڭ توغرا يولغا چۈششىىنى ، ناتوغرا يولدىن يىنىشىنى ئەسدايىدىل تىلەڭ ! ئاتا دۇئاسى بالا ئۈچۈن ئىجابەت بولىدۇ ، ئىنشائاللاھ . (جاۋابىم سىزگە سەل ئىغىراق كەلگەندۇر ، بەلىكم . دەردىڭىزگە شېپا كېرەك بولسا ، سۆزلىرىمنى ئاچچىق دورىكەن دەپ بىلىڭ ۋە ئاچچىق بولسىمۇ قوبۇل قىلىڭ ! ) مەنبە : ھايات دەرياسىدىن ساۋاقلار مۇنبەرگە يوللىغۇچى : تۇز 2014- يىلى 12- ئاينىڭ 6- كۈنى ئەزىزانە شەھرى قەشقەر

faruh193

uyghari

	تەربىيىۋىي ئەھمىيىتى چوڭقۇر ياخشى تىمىنى يوللاپسىز. پەرزەنتلەرنىڭ يامان يولغا مېڭىپ قېلىشىدا ئاتا-ئانىلارنىڭ مۇئەييەن مەسئۇلىيىتى بار، ئاتا-ئانا بولغۇچى پەرزەنتلەرنى ياخشى تەربىيلەش مەسئۇلىيىتىنى ئادا قىلمىسا، مۇشۇنداق يامان ئاقىۋەت كېلىپ چىقىدۇ. «ئاتا باشلىمىغاننىڭ پودىقى چوڭ، ئانا باشلىمىغاننىڭ ئەمچىكى» دەيدىغان ماقال-تەمسىلمۇ  مۇشۇنىڭدىن كېلىپ چىققان.

WOLKANII

	ئەجىرىڭىزغا رەخمەت !

karluq02

	يازمىڭىزنىڭ مەزمۇنى ناھايتى ياخشى ئىكەن، ھەقىقەتەن بالىلارنىڭ قانداق چوڭ بولۇشىدا ئاتا- ئانىنىڭ باش تارتىپ بولمايدىغان جاۋاپكارلىقى بار...

saliha24

	ھەقىقەتەن ئېسىل تىما بوپتۇ  رەھمەت .

maqin

	بەرھەق تەربىيىلىك جاۋاپ بوپتۇ

axek13999649893

	اللە  دىن باشقىغا ياش تۆكمەيمەن

باشتۇغ

	بالىلارنى ياخشى تەربىيلىمەي كىيىن ئۇلاردىن رەنجىگەنننىڭ پايدىسى يوق .

xiwas1-

	مۇنبەردىكى لەر بىراق لا ئوڭشۇلۇپ كىتىدىغان بوپتۇدە !!