كۈلۈپ تۇرۇپ ئۇزاتقىن مېنى

malika706

	كۈلۈپ تۇرۇپ ئۇزاتقىن مېنى مەلىكە مۇھەممەت ھىلال ئەتە بەلكىم ئۆلۈپ كېتىمەن، كۈلۈپ تۇرۇپ ئۇزاتقىن مېنى. ھاياتىڭدىن مەڭگۈ يۈتىمەن، ئاققۇزمىغىن كۆز ياشلىرىڭنى. بەلكىم يامغۇر ياغمايدۇ ئەتە، كۆرەلمەيمەن ياكى قۇياشنى، ھېچكىشىگە بەرمىدىم ۋەدە، ئەتە يەنە تىرىك ياشاشنى. نېچۈن دېمە سورىما مەندىن، بۇ ۋىدالىق تاللىشىم ئەمەس. ئايرىلغاندا روھىم سوغ تەندىن، تۈگەر ھەممە توختايدۇ نەپەس. ئەتە راستلا ئۆلۈپ كەتسەم گەر، كۈلۈپ تۇرۇپ ئۇزاتقىن مېنى. كۆز ئاچماستا مەن يوق بىر سەھەر، ئۇنتۇپ كەتكىن مېنى، ھەممىنى.

Ruin

	سوغ  دىگەننى چۈشەنمىدىمغۇ ؟ سوغۇق دىمەكچىمۇ  ؟   ياخشى چىقىپتۇ    ، رەھمەت

شاتئاي

	ئۇزاق بوپتىكەن مۇنبەرلەردە تىتىملىق شېئىرلارنى ئوقىمىغىلى.تاتلىق چىقىپتۇ.

hokumran

	مەلىكەنىڭ شېئىرىغا شېئىرى چاخچاق ئۆلۈپ كەتسەڭ ئەتە ناۋادا، يايراپ كېتەر تەنلىرىم قەۋەت، ئازاپلىرىم تۈگەيدۇ شۇندا، رەخمەت دەيمەن تەڭرىگە مىڭ رەت. ئۆلۈپ كەتسەڭ ئەتە ناۋادا، يۈرۈكۈمدە پارلايدۇ قۇياش، ئويلىمىدىم سەن ئۈچۈن ئەسلا، كۆزلىرىمدىن چىقىرىشنى ياش. ئۆلۈپ كەتسەڭ ئەتە ناۋادا، شۇ ھامانلا ئۇنتۇپ كېتىمەن. قەلبىمدىكى ئاشۇ قىز بىلەن. يېڭى ھايات باشلاپ كېتىمەن. ئەسكەرتىش: شېئىرىڭىزنى كۆرۈپلا كىچىككىنە ئىلھام كېلىپ بۇ چاخچاق تۈسىدىكى قاملاشمىغان شېئىرنى يازدىم، ناۋادا رەنجىپ قالسىڭىز ئۇچۇر قىلىڭ! شۇ ھامانلا ئۆچۈرۈۋېتىمەن.

bulaksu2

	مەلىكىنىڭ بۇ شېئىرنى پەيزى چىقىپتۇ... ياقتۇردۇم.

otkax0903

	ئەجەپ تاتلىق يېزىلغان شېئىركەن بۇ. مۇشۇنداق شېئىرلىرىڭىزنى كۆپراق يوللاپ تۇرۇڭ.

saliha24

	تۇۋا....................

ئىپارە

	hokumran يوللىغان ۋاقتى  2014-12-5 07:16 PM مەلىكەنىڭ شېئىرىغا شېئىرى چاخچاق ئۆلۈپ كەتسەڭ ئەتە نا ... ۋاي توۋا شۇنداقمۇ ئىش بارمۇ ئەمدى？ ئۆلۈپ قالساڭ سەنمۇ ناۋادا، بارالماسمەن سېنىڭ يىنىڭغا. بىلمىگەشكە مېنىڭ قەدرىمنى ، ئۇزۇتۇپمۇ چىقماسمەن سېنى.

M/MpiRaToR

	توغرا ھەممە ئادەم كىتىدو دۇنيادىن ياش بۇلسىڭىز ئامال بار خىيال قىلماڭ ئۇئىشنى ئالدىراپ بەكلا چۇڭقۇر ئۇيلاپ كەتكەن بولسام توغرا چۈشۈنىڭلار   ئاللا ھەمىمىزگە ئۇزۇن ئۆمۈر بەرسۇن .ئۆلدىغان يەرگە كەلگەن بۇلساق ئاسىن ئاغرىق ئاسىن ئۆلەم بەرسۇن ئامىن

malika706

	hokumran يوللىغان ۋاقتى  2014-12-5 07:16 PM مەلىكەنىڭ شېئىرىغا شېئىرى چاخچاق ئۆلۈپ كەتسەڭ ئەتە نا ... ھا ھا ھا تازا كەپتىغۇ،خاتىرجەم ئۆلگۈدەكمەن ئەمسە ھېچكىم مەن ئۈچۈن قايغۇرمىسا.