NASA: يېڭى ئالەم كېمىسى «ئورىئون» نى سىناق قىلىش بىر كۈن كېچىكتى

bilimxumar

	يېڭى ئالەم كېمىسى «ئورىئون» نى سىناق قىلىش بىر كۈن كېچىكتى بىلىمخۇمار 2014-يىلى 12-ئاينىڭ 5-كۈنى مەن ئۆزەمنىڭ يېقىنقى بىر يازمىسىدا ناسا بۇ يىل 4-دىكابىر كۈنى «ئورىئون» (Orion) دەپ ئاتىلىدىغان بىر يېڭى ئالەم كېمىسىنى سىناق قىلىدىغانلىقىنى خەۋەر قىلغان ئىدىم.  بۈگۈن (4-دىكابىر) ئەتىگەن سائەت 6 دىن سەل بۇرۇن مەن خىزمەتكە مېڭىۋاتقاندا، مەن بار يەردىكى رادىئولارنىڭ ھەممىسى مۇشۇ ئىشنى خەۋەر قىلىۋاتقان ئىكەن. ئەمما بىر سائەتتەك يول مېڭىپ ئىدارىگە كەلسەم، ئىدارىمىزگە كەلگەن كۆپلىگەن تېلېۋىزور مېدىئا شىركەتلىرىنىڭ خەۋەر تارقىتىش ماشىنىلىرى ئىدارىمىزدىن قايتىپ كەتكىلى تۇرۇپتۇ.  شۇنىڭ بىلەن ئىشخانامغا كىرىپ، ئىدارىمىزنىڭ تور بېتىغا قاراپ باقسام، بۈگۈنكى سىناق بىر كۈن كېچىكتۈرىلىپتۇ. بۈگۈنكى سىناقنىڭ كېچىكتۈرۈلىشىدىكى سەۋەب، ئورىئوننى ئالەم بوشلۇقىغا ئېلىپ چىقىدىغان چوڭ-تىپلىق راكېتىنىڭ بىر زاپچىسىدىن چاتاق چىقىپتۇ.  بۇ راكېتىنى ئالەم بوشلۇقىغا چىقىرىش ئىشىنى چوقۇم بىزنىڭ ۋاقتىمىز ئەتىگەن سائەت 4:05 دىن باشلانغان 2 سائەت 39 مىنۇت ۋاقىت ئىچىدە قىلىپ بولۇش شەرت بولۇپ، بۈگۈن ناسا خادىملىرى ئاشۇ ۋاقىت ئىچىدە راكېتىنىڭ چاتىقىنى ئوڭشاپ بولالمىغان.  شۇڭا بۇ سىناق ئەتىگە كېچىكتۈرۈلگەن.  راكېتىنى ئېتىشنىڭ بۇ ۋاقىت چەكلىمىسىنى ئاشۇ راكېتا ئەتىلىدىغان رايوننىڭ ئاسمىنىدىكى ھاۋارايىنىڭ ئەھۋالى كەلتۇرۇپ چىقارغان.  ئورىئوننى ئالەم بوشلۇقىغا چىقىرىلىدىغان راكەتا ئامەرىكىنىڭ فلورىدا شتاتىدىن ئەتىلىدۇ. بۇ قېتىم ئورىئونغا ئادەم چىقمايدىغان بولۇپ، ئۇ ئالەم بوشلۇقىنىڭ 5760 كىلومېتىر ئېگىزلىكىگە چىققاندىن كېيىن، ئىككى سائەت ۋاقىت ئىچىدە يەر شارىنى ئىككى قېتىم ئايلىنىپ، ئاندىن تىنچ ئوكيانغا قايتىپ چۈشىدۇ. ئورىئوننى لاھىيىلەپ ياساپ چىقىش ئىشى 2004-يىلى باشلانغان بولۇپ، ئەگەر ھەممە ئىش پىلانلىغاندەك بولىدىكەن، ناسا 2020-يىللىرىدىن باشلاپ ئورىئوننى مارسقا، ئايغا ۋە ئاستېرويدلارغا (كائىنات ئۇچار تاشلىرىغا) ئادەم چىقىرىشتەك ئىشلارغا ئىشلەتمەكچى. پايدىلىنىش ماتېرىياللىرى: [1] ناسا 2030-يىللىرى مارسقا ئادەم چىقىرىش پىلانىنى ئوتتۇرىغا قويدى http://bbs.izdinix.com/thread-58286-1-1.html [2] Orion launch scrubbed for today https://js.jpl.nasa.gov/Pages/story.aspx?ID=21456 [3] Orion <https://blogs.nasa.gov/orion/201 ... launch-attempt/> [4] NASA is testing Orion - a spacecraft that might someday carry people to Mars <http://www.vox.com/2014/12/3/7322909/orion-test-flight> تۆۋەندىكى رەسىملەر ئورىئوننىڭ ھەر خىل كۆرىنىشلىرى بولۇپ، ئۇلار يۇقىرىدىكى 3 مەنبەدىن ئېلىندى: 1-رەسىم: ياسىلىۋاتقان ۋاقتى 2-رەسىم: ئالەم بوشلۇقىغا چىقىرىشنىڭ ئالدىدا 3-رەسىم: يەر شارى ئوربىتىسىغا كېتىۋاتقاندا 4-رەسىم: يەر شارى ئوربىتىسىدا 5-رەسىم: يەر شارىغا قايتىپ چۈشۈش ئالدىدا

alhumar137

	يەر شارىغا چۇشكىچە قىززىپ ئوت كەتكۇدەك بولاپ كىتىدىكەن ئۇ نەرسە ئىچىدىكى ئادەملەرگە تەسىرى يوقمىكىنا

ئىپارە

	ئەسسالامۇ ئەلەيكۇم بىلىمخۇمار ئاكا ئورىئوننىڭ ئالەمگە چىقىرىشنىڭ قانداق ئەھمىيىتى بار？

babur99

	ئاپوللودىن تارتىپ ئامرىكا نۇرغۇن ئالەم كېمىلىرىنى قويۇپ بەردى، تەكشۈرگۈچى ،ئىزدەنگۈچى دىگەندەك ،تېخى دېڭىز قاراقچىسى نامىلىق بىرىمۇ باردەك يادىمدا بۇ «ئورىئون »بۇلاردىنمۇ ئىلغار ئوخشىمامدۇ مارسقا ئادەم ئېلىپ چىقىشقا پىلانلانغان بولسا ؟

saman-yoli

	بۇ راكىتانىڭ ئىگىزلىكى ، ئېغىرلىقى قانچىلىك كىلىدۇ . پۈتۈن جەريانغا قانچىلىك مەبلەغ كىتىدۇ . ناسا ئىدارىسىنىڭ خىزمىتى سودا خارەكتىرلىكمۇ ياكى دۆلەت ۋە تەشكىلاتلار مەبلەغ بىلەن تەمىنلەمدۇ . دىمەكچى بولغۇنۇم شۇنچە يۇقۇرى سوممىدا مەبلەغ ئاجرىتىپ ، سۈنئى ھەمرا ۋە راكىتالارنى قۇيۇپ بەرگەنگە چۇشلۇق، ئاسماندىن بىرەر پارچە ئالتۇن ئەكىلىپ سېتىپ باقمىسا ،شۇنچە خىراجەت ۋە مائاش پۇلنى نەدىن تاپىدىغاندۇ دەيمەن .

abaytarim

	مۇشۇنداق ئادەمنى ئىلىم - پەنگە ئىنتىلدۈرىدىغان مەزمۇنلارنى بەك ياقتۇرىمەن ...

Acura

	مېنىڭ بىلىشىمچە بۇ راكىتانىڭ باشقا راكىتاغا ئوخشىمايدىغان يېرى ، راكىتا ماتورى چوڭ ، ئىتىرىش كۈچى ناھايىتى زور ، قوشۇمچە راكىتا سانى كۆپ ، يېقىلغۇ ساندۇقى چوڭ ھەجىملىك ، راكىتا يېقىلغۇسىنىڭ ياسىلىشى ئالاھىدە ھەمدە يېقىلغۇ ناھايىتى ئۇزۇن مۇساپىگە يېتىدىغان قىلىپ تەيارلانغان ... ناۋادا بۇ راكىتا ئوڭۇشلۇق قويۇلۇپ سىناق نەتىجىلىك بولۇدىكەن ، ئۇ چاغدا بۇ مۇۋەپەقىيەت ئامېرىكا ئاۋىئاتسىيە ئالەم قاتنىشى ئىدارسىنىڭ يىراق مۇساپىلىق ئارىلىققا راكىتا قويۇپ بېرىش ئىشلىرىدا يېڭى سەھىپە ئاچقان بولۇدىكەن ... بۇ تۈرگە مەسئۇل خادىملارنىڭ 10 يىللىق ئەجىرى چوقۇم مىۋە بېرىدۇ ! تېما ئىگىسىگە كۆپ تەشەككۈر !