قوشاقلار

yagaqqi

	قوشاقلار                                                  قارا يۇلغۇن كىسىپ قويدۇم ،                                                  قۇرىسا قالارمەن دەپ .                                                  ئونبەش ياشلىق يار تۇتتۇم ،                                                  چوڭ بولسا ئالارمەن دەپ .                                                  قۇچقاچ قوندى قامغاققا ،                                                  قارلىغاچ قوندى يانتاققا .                                                  چىرايلىقنى بىر سۆيسەم ،                                                  ئۇيۇپ قالدى تامغاققا .                                                   سۇنى سەپتىم سۇپىغا ،                                                   ئىلىۋالدىم قۇتىغا .                                                   يارىم كەتتى يۇرتىغا ،                                                   مىنى قويدى ئوتىغا .                                                   ئىشىك ئالدى قوغۇنلۇق ،                                                   سويما چۇشتى پىلەككە .                                                   سۆيۇپ قوياي دىمەيلا ،                                                   تاش سالغانمۇ يۇرەككە .                                                   سىم سىم يامغۇر تۆكۇلەر ،                                                   كۆز يىشىدەك توختىماي .                                                   مەن يارىمنى سىغىندىم ،                                                   كىچە - كۇندۇز ئۇخلىماي .                                                   ئالا ئات مىنىڭ بولسا ،                                                   كەڭ دالادا چاپتۇرسام .                                                   قارا كۆزنى كۆرگىچە ،                                                   بۇ دۇنيادا ساق تۇرسام .                                                   ئاق قۇچقاچ - سىرىق قۇچقاچ ،                                                   باغدا قالدى ئەمەسمۇ .                                                   بىزگە كۆيگەن شۇ يارلار ،                                                   داغدا قالدى ئەمەسمۇ .                                                   تومۇچۇقۇم بار بولسا ،                                                   ئالقىنىمدا دان بەرسەم .                                                   ۋاپادار يارىم بولسا ،                                                   قۇچىغىدا جان بەرسەم .                                                  مەن يارىمغا سۇ بەرسەم ،                                                  ھەسەل  دەپ يۇتار .                                                  ياشلىقتا سۆيگەن يارىنى ،                                                  كىممۇ ئۇنىتار .                                                  ئۆستەڭ بويىدا تۇرۇپ ،                                                  سۇغا قانمىغان تىرەك .                                                  يارنىڭ قىشىدا تۇرۇپ ،                                                  يارغا قانمىغان يۇرەك .                                                  قويلىرىڭ بارمۇ سىنىڭ ،                                                  تاققا چىقىپ  قوي باققىلى .                                                  يارى يوققا يار بولۇپ ،                                                  بىر ئىرىقتا ئاققىلى .                                                  چۇشۇمگە كىرىپ قاپلا ،                                                  كۆڭۇللىرى تۇيدىمۇ ؟                                                  بىزنىڭ يۇرەك بەك كۆيدى ،                                                  سىلىنىڭ يۇرەك كۆيدىمۇ ؟                                                  ئوسمىنى قاشقا قويۇڭلا ،                                                  خىنىنى تىرناقىغا .                                                  يامان خوتۇننى چىڭ تۇتۇڭلا ،                                                 چۇشۇرمىسۇن قىلتاقىغا .                                                  ھويلاڭدىكى ئۇجمەڭنىڭ ،                                                  بىر شىخى راۋاپ بولدى .                                                  سەن يارىمنىڭ ئوتىدا ،                                                  يۇرىكىم كاۋاپ بولدى .                                                  بىغىڭغا كىرەر بولدۇم ،                                                  ئالما بارمۇ ئانارمۇ .                                                  تىۋىپتىن سوراپ بىقىڭ ،                                                  كۆيۇككە دورا بارمۇ .                                                  ئاق قۇشقاچ ھارامزەدە ،                                                  جاڭگالدا بىنەم يەردە .                                                  ئوينىغىلى قويمامسەن ،                                                  كۆڭلۇم خالىغان يەردە .                                                 ئىلىخونىڭ يوللىرى ،                                                  ئەگرى - بۇگرى توقايلىق  .                                                  سۆيگەن يارىم ئانارگۇل ،                                                  ماڭا بەردى قول ياغلىق .                                                  ئىشىك ئالدىڭدىن  ئۆتسەم ،                                                  ئىتىڭنى قويۇۋەتتىڭ .                                                  نىمە قىلدىم يار ساڭا ،                                                  گىپىڭنى ئۇزۇۋەتتىڭ .                                                  باغ ئارا باغنىڭ ئوتى ،                                                  ياندى يۇرەكنىڭ ئوتى .                                                  كۆيگەن يۇرەككە شىپادۇر ،                                                  يىراقتىكى يارنىڭ ئوتى .                                                  يىنىپ تۇرغان چىراققا ،                                                  پەرۋانە ئۇچۇپ كەلدى .                                                  مىنى تاشلاپ كەتكەن يار ،                                                  قىشىمغا كۇلۇپ كەلدى .                                                  ئۇرۇكۇڭدىن تاتلىقكەن ،                                                  ئىچىدىكى مىغىزى .                                                  شىكەر تىتار ، قەن تىتار ،                                                  سەن يارىمنىڭ ئىغىزى .                                                  باققا بۇغداي تىرىسام ،                                                  تىڭى بۇدۇشقاق بولغۇدەك .                                                  يىنىدا پۇل بولمىسا ،                                                  يارى ئۇرۇشقاق بولغۇدەك .                                                  بىغىڭدىكى ئالماڭنىڭ ،                                                  شىخى ئىگىلىپ قاپتۇ .                                                  ساڭا نىمە دەرت كەلدى ،                                                  چىرايىڭ سارغىيىپ قاپتۇ .                « بۇلاق » ژۇرنىلىنىڭ 1994 - يىللىق 3 - سانىدىن ئىلىندى .

zulpukar

	ئاسماندا ئاي چىرايلىق، تەشتەكتە گۈل. ماۋۇ قوشاقتىن ھۇزۇرلۇنۇپ، تازا قانغۇچە كۈل............

Gvlmisal

	نەۋاق  بۇنداق قوشاقلاردىن ئوقۇپ باقمىغىلى.......تېما ئىگىسىگە رەھمەت

biltarim

hekmat110

	ئاجايىپ چاغلار  ، گۈل -چىمەنلىك باغلار.... ،،،،،،،

asrari

	ئەسلەمسەن مىنى ، ئەسلەيمەن سىنى. ئەسلىمىسەڭ مىنى، دەسسەيمەن سىنى.

yagaqqi

	Gvlmisal يوللىغان ۋاقتى  2014-8-7 03:55 AM نەۋاق  بۇنداق قوشاقلاردىن ئوقۇپ باقمىغىلى.......تېما ئىگ ... مىسرانىم مۇنبىرىدە قوشاقلار يوق دىيەرلىك ئىكەن . بۇ بوشلۇقنىمۇ تولدۇرۇپ ماڭايلى . قوشاقلاردىنمۇ بەھىرلىنەيلى .   ياقتۇرغىنىڭىز ئۇچۇن رەخمەت .

mehriya

	پاھ ! ھەجەپ ياخشى يېزىلغان قوشاقلاركەن .  ئىلگىرى ‹18 ياشلىق قىز › دەپ قوشاق شېئىرلاردا تەرەپلىنىدىغان . ھازىر قىزلىرىمىز بەك ئاسان چوڭ بۇلۇپ كېتىۋاتقاچقىمۇ ‹ 15 ياشلىق قىز › دەپ يىگىتلەر ناخشىلارنى توۋلايدىغان بۇلۇپ كەتتى دېسە ! تەشەككۈر قېرىندىشىم ، ئۇزۇن بوپتىكەن بۇنداق قوشاقلاردىن ھوزورلانمىغىلى . رەھمەت سىزگە .

tamken

	قوشاق ئەكەپتۇ ياغاچچى، ھەرە،رەندىسى نەدىدۇر. مۇشۇ ياغاچچى بولغاچقا، ئاتۇشتا «تۆت»پەدىدۇر. ئۇستا ياغاچچى قولىدا، دۇتتار،تەمبۇر،راۋاپ بار. تارتىنماي ئىلىشسىلا، زەپ مەزىلىك كاۋاپ بار.

TAXNAI2

	كىرىپقاپتۇ خوتۇن چۈشۈمگە كەل خېتىمنى بەرگىن دىگىدەك نىمىشقا دەپ سورىسام ئۇندىن ۋېىشىن بىلەن ئۆي تۇت دىگىدەك                                                      ماقۇل دىدىم مەندە ئامال يوق                                                      بولمىسا ئۆينى بېشىغا كەيگىدەك                                                     جىم تۇرمىسام لىۋىمنى چىشلەپ                                                       پېقىر   يەنە   تاياق يىگىدەك                                                       (ۋېىشىن خەلىق قۇشاقلىرى)