غەزەل

kirani

	كۆرەڭلەپ يۈرمىگىن ئىنسان،پەقەت تۆت كۈن راۋاجىڭدۇر، نىھايەت بولسىمۇ كۇللى جاھان مالىڭ ــ خىراجىڭدۇر. تىنىمسىز،مىسلى قارۇندەك،خەزىنە توپلىغىن مەيلى، كېتەرسەن قوپقۇرۇق كەلسە ئەجەل ،بولماس ئىلاجىڭدۇر. بۇ كىمدىن قالمىغان دۇنيا،تەمەننا ئەيلىمە زىنھار، ھالاكسەن ئىككى ئالەمدە،كىبىر بولسا مىزاجىڭدۇر. دىمەك ئىلكىڭدە بار چاغدا،ۋەتەن ــ خەلقىڭگە سەرپ ئەيلە، بېشىڭغا چۈشسە كۈن،بولغاي بىراۋغا ئېھتىياجىڭدۇر. بۇ تومتاق سەترىلەر بەلكى قىرانىدىن ساۋات بولسۇن، ئاتانماق ياخشى نامدا ئەل ئارا،بىل،ئەسلى تاجىڭدۇر.                                                                                    2014-5-28

hekmat110

	بۇ كىمدىن قالمىغان دۇنيا،تەمەننا ئەيلىمە زىنھار، بەك ياختۇردۇم

Janbar

	تىلغا پىشقان، پىكرى سۈزۈك ئېسىل غەزەل بولۇپتۇ. قىرانىغا مۇبارەك!

tewekkulqi

	مەزكۇر غەزەل ئارقىلىق غەزەلنىڭ شىرىنلىكىنى يەنىمۇ ھېس قىلغۇدەكمىز.

b1a2g

	غەزەل تىلنىڭ پىششىقلىقىغا، رىتىمدارلىققا ئالاھىدە ئەھمىيەت بېرىدىغان ژانىر، ئەسىرىڭىز رىتىملىق، مەزمۇنلۇق چىقىپتۇ  ، ھارمىغايسىز

ئۇتغۇر