ئۈچ شېئىر

KUMALTAGH

	ئانا قەدرى ( بىر يىتىمنىڭ نالىسى ) ئەمەتجان زۇنۇن ئارتۇچ يورۇق تاڭلار قارا زۇلمەت سىز كېتىپ، بەخىت - تەلەي تەتۈر قىسمەت سىز كېتىپ . كۈنلەر باھار كۆكلەپتىكەن سىز بولغاچ  ، يۈتتى شاتلىق ،مېھرى - شەپقەت سىز  كېتىپ. گۈزەل ئالەم قىيامەتتۇر ئەجەپ ھال ، سۈزۈك روھىم جاھالەتتۇر يوق ماجال  ، يۈرەك قان - قان جاراھەتتۇر  نە ئامال ، پۈتتى تەختىم شانۇ - شەۋكەت سىز  كېتىپ . نادامەتتە ئۆرتىنىمەن ئاھ ئۇرۇپ ، غېرىب باشىم ،زەھەر ئاشىم ياش تۇرۇپ ، قاخشال دەرەخ كەبى قالدىم ھەم قۇرۇپ ، قېنى دوسىت - يار كەتتى بەركەت سىز  كېتىپ . پەرىشتىدەك چېھرىڭىزنى سېغىندىم ، دىدار ئىزلەپ ئىزىڭىزغا تىۋىندىم ، ئاھانەتتىن مىڭ ئۆلۈپ مىڭ تىرىلدىم ، يامان بولدى ھالال مىھنەت سىز كېتىپ . سەۋدايىمەن تەلمۈرىمەن ئانام دەپ ، باستى غەملەر تەڭقىسلىقتا دادام دەپ ، ئېگىلىمەن روزىغارىم ، بالام دەپ ، غۇۋا مەنزىل ، ئۈمىت - نۇسرەت سىز كېتىپ . راسىتچىللىق ئىنسانىيلىق مىزانى شانۇ - شەۋكەت راسىتچىللىق ، ھاياتلىقنىڭ قىممىتى تەۋپىق ، بەركەت راسىتچىللىق ، گۈل ئۆمۈرنىڭ ئۇز ھۆسنى گۈزەل زىننەت راستچىللىق ، مۇھەببەتنىڭ قۇت تەختى ۋىسال نۇسرەت راستچىللىق ، ئىناقلىققا مەزمۇت ئۇل ئۇلۇغ شەرەپ راستچىللىق . راسچىللىقتىن ئاۋاتتۇر يېزا - قىشلاق ، شەھەرلەر ، راسچىللىقتىن پارلايدۇ نۇرانە تاڭ - سەھەرلەر ، راسىتچىللىقتىن مەردانە باسقان ھەر ئىز -قەدەملەر ، راسىتچىللىقتىن بەرباتتۇر ئاھانەتلىك ئەلەملەر ، ئادىمىيلىك غورۇرى ئول ھەقىقەت راستچىللىق . ئەدەب - ئەخلاق دۇنيانىڭ مەنىۋىيەت تۈۋرۈگى ، سەمىمىيەت - راسىتچىللىق چىنلىق ، پاكلىق يۈرىگى ، مىسال كۆزى ساپ ۋىجدان روھىيەتتۇر ئۈزۈگى ، تۈز نىيەتلىك بەندىلەر بۈيۈكلەرنىڭ بۈيۈكى ، ياخشىلىقنىڭ ئاساسى مېھرى - شەپقەت راستچىللىق . ئۆم -ئىجىللىق ئەۋزەلدۇر راسىتچىللىقتىن يۈرەك توق ، ئاسايىشلىق كۈنلەردە  روزىغارىمىز تولۇق ، ھەر كۆڭۈللەر نەۋ باھار ۋەسلى گۈلگۈن ، يوپيۇرۇق ، مەنزىل ئارا يول ئارا ئۈمىت كەبى خەمخان يوق ، رىشتىمىزگە كاپالەت ھەم كامالەت  راسىتچىللىق  . ئانا قەسىدىسى مېھرىڭىزدىن نۇرانە تاڭلار ، چېھرىڭىزدىن كۆكلىگەن باغلار . بالام دەيسىز بىر ئۆمۈر تىنماي ، جىسمىڭىزدىن مەزمۇتتۇر تاغلار . قولىڭىزدا تەۋرەنسە دۇنيا ، ئەجرىڭىز بار تامامى جاندا . پەرىشتىدەك بەركەت ياغىدۇ ، ھايات ئەزىز ئويغانغان ئاڭدا . بالامنىڭ دەپ تاپقان تەرگەننى ، بالامنىڭ دەپ ئېگەم بەرگەننى . سىزنى يۈدۈپ مەككىگە بارسام ، ئادا بولماس بىر رەت ئەمگەننى . ئىزىڭىزدا جەننەت جىلۋىسى ، روھىڭىزدۇر سۆيگۈ قىبلىسى . مەڭگۈ سىزگە قەرزىدار ئىنسان ، ئۈزۈلمەيدۇ ئوتلۇق رىشتىسى . مەنبە ؛ قەلىمىم

malika1234

	بولۇپ قالدىم يىتىم ئانا سىز كىتىپ قاناتىمدىن قايرىلدىم،سىز كىتىپ ئەمدى كىملەرگىمۇ يال ئۇرارمەن   قەدىرىڭىزگە يەتتىم،سىز كىتىپ ناھايتتى  ياخشى  يىزىپسىز .

پىروزە

	ئىسىل يېزىلغان شېرىكەن.

XAHZAD

	مۇمكىن بولسا بەزى يەرلىرىنى ئازراق تەھرىرلىۋېتىڭ ئەمما ياخشى يېزىپسىز

KUMALTAGH

	Manager يوللىغان ۋاقتى  2014-5-23 04:46 PM ئانا دېگەننىڭ ئىككىنچى كۇپلېت، تۆتىنچى مىسراسىنى ئوڭش ... ‹ پۈتتى › سۆزىنىڭ يەنە بىر مەنىسى يوقالدى ، ۋەيران بولدى ، مەنىدە كېلىدۇ . ئۇيغۇر گىرامماتكىسىغا ئوبدان قاراڭ قېرىندىشىم .

KUMALTAGH

	Manager يوللىغان ۋاقتى  2014-5-23 06:40 PM توۋا ھېچكىم ئەسەرنىڭ ئەدەبىي تىلى ھەم ئىملاسىغا دىققە ... ئىملا ، بوغۇملاردا نۇقسان يوق  . پەقەت سىز شېئىريەتنى چۈشەنسىڭىزلا ، ئۇيغۇرتىلىنى بىلسىڭىزلا .