ئانا تىلىم

红柳

	ئانا تىلىم    ئەي ئانا تىلىم __ ئانامنىڭ تىلى!    ئانا تىلىم! ئەي ئانام بەرگەن تىل!    مەن سېنى ئانامدەك ئەزىزلەيمەن!    سېنى ئاڭلىسام، ئانامنىڭ ئوتلۇق يۈرەك خىتابىنى ئاڭلىغاندەك بولىمەن؛ سېنى سۆزلىسەم، شۇ خىتابقا جاۋاپ سادايىمنى ياڭراتقاندەك بولىمەن.    ئانام ماڭا تۇنجى قېتىم «بالام – باغرىم» دېگىنىدە سەن بىلەن __ دەل مۇشۇ ئۇيغۇر تىلى بىلەن سۆزلىگەن. مەنمۇ تۇنجى قېتىم «ئانا __ ئانام» دېگىنىمدە سەن بىلەن __ مۇشۇ تەۋەررۈك تىل بىلەن سۆزلىگەن.    ئانا تىلىم، سېنىڭ ھەربىر تاۋۇشۇڭدا ئاناممنىڭ يېقىملىق تىنىقلىرى بار؛ سېنىڭ ھەربىر ئۇرغۇڭدا ئانامنىڭ نەپىس ھېسسىياتىنىڭ ئۇرغۇشلىرى بار؛ سېنىڭ ھەربىر ياڭرىشىڭدا ئانامنىڭ غۇرۇرى بار، ئىپتىخارى بار.    مەن سەن ئارقىلىق ئانامنىڭ كەچمىشلىرىنى ئۇققان؛ سەن ئارقىلىقلا ئەجداتلارنىڭ كىملىكىنى ئۇققان؛ سەن ئارقىلىقلا ئانا ۋەتەننىڭ نېمەلىكىنى ئۇققان.    شۇنداق، سەن ئارقىلىق مېنىڭ ئۇققان _بىلگەنلىرىم جىق، ناھايىتى جىق:سەن ئارقىلىق ئۇرخۇن ۋادىسىدىكى مەڭگۈ تاشلارنىڭ سىرىنى ئۇقتۇم، ئەجداتلىرىمنىڭ گۈللىنىش ۋە خارابلىشىش تارىخى كۆز ئالدىمدا ئايان بولدى. ئۇنىڭدىكى غالىبلىققا بولغان مەدھىيە كۆڭلۈمنى يايراتتى، مەغلۇبىيەتكە ئوقۇلغان مەرسىيە يۈرۈكۈمنى قاقشاتتى.    سەن ئارقىلىق «ئوغۇزنامە» نى __ مەشھۇر قەھرىمانلىق داستانىنى ئوقۇدۇم. ئوغۇز خاقاننىڭ «ئاتلان» دەپ نەرە تارتىشلىرى يۈرۈكىمنى لەرزىگە سالدى، جەڭ تۇلپارلىرىنىڭ تاشقا تەگكەن تۇياقلىرىدىن چاچرىغان ئۇچقۇن كۆزۈمنى چاقناتتى.    سەن ئارقىلىق «ئالتۇن يارۇق»نىڭ نېمەلىكىنى ئۇقتۇم.بېشبالىقلىق تىلشۇناسىمىزنىڭ تاۋغاچ تىلىدىن ئۆرۈگەن بۇددا ھېكايىلىرى مېنى گۈزەل بىر ئەپسانە دۇنياسىغا باشلاپ باردى.بۈگۈنكى ئىدىقۇت خارابىسىگە قاراپ ئۆتمۈشتىكى ئاجايىب بىر سەلتەنەتنى كۆزئالدىمغا كەلتۈردۈم.    سەن ئارقىلىق «ئىككى تىگىننىڭ ھېكايە» سىمۇ، «چاستانى ئىلىگ بەگنىڭ ھېكايە» سىمۇ قەلب سھىپەمگە نەقىشلەندى.مەن ئۇلارنى ئانام ئېيتىپ بەرگەن چۆچەكلەردەك زوق ئىشتىياق بىلەن ئاڭلىدىم.    سەن ئارقىلىق «مايترى سىمىت»تىن قەدىمقى بىر دراممىنى كۆرۈش بەختىگە مۇيەسسەر بولدۇم؛ مايترىتتىن مەسھكىچە، مەسھتىن ئىمام مەھدى ئاخىرزامانغىچە بولغان باغلىنىش مېنى چوڭقۇر ئويغا سالدى.    سەن ئارقىلىق «تۈركىي تىللار دىۋانى»نى ئوقۇدۇم، «قۇتادغۇبىلىك»نى ئوقۇدۇم، «ئەتەبەتۇل ھەقايىق»نى ئوقۇدۇم، قەدىمقى شېئىر –داستانلارنى ئوقۇدۇم، نۇرغۇن –نۇرغۇن بىباھا ئىلمىي ھەقىقەتلەرنى ئوقۇدۇم.    سەن ئارقىلىق «ئون ئىككى مۇقام»نى ئاڭلىدىم، سەن ئارقىلىق «ئون ئىككى مۇقام» نى توۋلىدىم، كۈي – مۇقام دېڭىزىدىكى ھېكمەت گۆھەرلىرى سەن ئارقىلىق، پەقەت سەن ئارقىلىقلا ئۆز قىممىتىنى، كارامىتىنى نامايەن قىلدى.    شۇنداق! ئانا تىلىم __ پاراسەتلىك، باتۇر، ئەمگەكچان مىللىتىمنىڭ تىلى ! سەن ماڭا نۇرغۇن نەرسىلەرنى بىلدۈردۈڭ، سەن ماڭا نۇرغۇن ھېكمەتنى سىڭدۈردۈڭ.سەنسىز مەن مەۋجۇدىيىتىمنى تەسەۋۋۇر قىلالمايمەن، سەنسىز مەدەنىيىتىمنىمۇ تەسەۋۋۇر قىلالمايمەن.    ئەي ئانا تىلىم __ ئانىلىرىم سۆزلىگەن تىل، ئاتىلىرىم سۆزلىگەن تىل؛ سەن ئاكىلىرىم سۆزلىگەن تىل، ئاچىلىرىم سۆزلىگەن تىل؛ سەن ئىنىلىرىم سۆزلىگەن تىل، سىڭىللىرىم سۆزلىگەن تىل؛ سەن بالىلىرىمنىڭ تىلى؛ سەن ھەممىمىزنىڭ تىلى! ھەممىمىزنىڭ تىلى سەن بىلەن، پەقەت سەن بىلەن چىققان.    ئاتامنىڭ «قارا، بالام» دېگەنلىرىدىن مەن خۇددى تەرەپنى پەرق قىلىدىغان كومپاسقا ئېرىشىمەن.    ئانامنىڭ «ئويلا، بالام»دېگەنلىرىدىن مەن خۇددى قاراڭغۇلۇقنى يورىتىدىغان مەشئەلگە ئېرىشىمەن.    جانانىمنىڭ «بېقىڭ، جېنىم»دېيىشلىرىدىن مەن گويا چاڭقىغان يۈرەكنى سۇغۇرىدىغان بۇلاققا ئېرىشىمەن.    بالامنىڭ «مانا، دادا» دېيىشلىرىدىن مەن گويا مېنى كۆككە ئۆرلىتىدىغان قاناتقا ئېرىشىمەن.    ھەر جۈملەڭدە بىر ھېكمەت، ھەر جۈملەڭدە زور قىممەت.    ھەر جۈملەڭكى بىر سەنئەت، ھىر جۈملەڭكى زور رىغبەت.    شۇنداق، سەن مەن ئۈچۈن قۇۋۋەت، سەن مەن ئۈچۈن قۇدرەت.    سەن مەن ئۈچۈن سۆلەت، سەن مەن ئۈچۈن دۆلەت!    ئۇيغۇرۇمنىڭ ئۆزگىچىلىكى دۇنيادا سەن بىلەن نامايەن بولۇپ تۇرىدۇ. سەن گويا ئىنسانىيەت تىل دېڭىزىغا قۇيۇلۇپ تۇرغان بىر دەريا. ئىنسانىيەت دېڭىزىنىڭ شاۋقۇنلىرىدا سېنىڭ پىچىرلاشلىرڭ بار، ئانا تىلىم!    جاھان گۈلىستانىدا تۈمەن مىڭ قۇش ناۋا قىلىدۇ، سەنمۇ ئۇنىڭدا ئۆزگىچە سايراۋاتقان بىر قۇش. سېنىڭ سايرىشىڭدىن باشقىلارمۇ زوق ۋە بەھرە ئالىدۇ.    ئىنسانىيەت سىمفونىيىسى پۈتكۈل ئىنساننىڭ ئىشتىراك قىلىشى بىلەن مۇكەممەللىككە ئىرىشكەن. ئۇنىڭدا سېنىڭمۇ ئۆزگىچە ياڭرايدىغان كۈيىڭ بار.    ئانا تىلىم، سەن بىر گۈل، ھەرخىل تىلنى ھەرخىل گۈلگە ئوخشاتقانغا ئوخشاش، مەنمۇ سېنى بىر گۈلگە ئوخشىتىمەن. گۈلزار بىر خىل گۈل بىلەنلا رەڭدارلىققا ئىگە بولالمايدۇ. جاھان گۈلزارىنىڭ رەڭدارلىقىدا سېنىڭمۇ بىر ئۈلۈش جىلۋەڭ بار.    ئانا تىلىم __ ئانام بەرگەن تىل! مەن سېنى ئانام قەدىرلىگەندەك قەدىرلەيمەن، ئانامنى قەدىرلىگەندەك قەدىرلەيمەن. ئانامنى قەدىرلىگىنىم ئانىلارنى قەدىرلىگىنىم، ھەممە ئىنساننىڭ ئانىلىرىنى قەدىرلىگىنىم! ئاشۇ ئانىلارنى ئۇلۇغلاۋاتقىنىمۇ مېنىڭ تىلىم، مېنىڭ مۇشۇ ئانا تىلىم! مەنبە: تالانتلىق نەسىرچى، ئەدەبىي تەرجىمان ئەخمەت ئىمىن نىڭ «جۇلدۇركېپەن خوتۇننىڭ ساداسى» ناملىق ئەسىرىدىن ئېلىندى

چاقنار

	بەك ياقتۇراتتىم بۇ نەسىرنى،،مۇنبەردە يەنە بىر قېتىم ئوقۇغانلىقىمدىن  خۇرسەنمەن

AbdulQuddus

	ئانا تىلىم - جان تىلىم!

Ay_Henim

	دۇنيادا بىر مىللەت ئۇچۇن ئانا تىلدىنمۇ مۇھىم نەرسە بولمىسا كىرەك

~yilan~

	ئانا تىلىم ياشىسۇن ﺋﯘﻳﻐﯘﺭﯗﻣﻨﯩﯔ ﻳﯘﺭﯨﮕﻰ ﺋﺎﻧﺎ ﺗﯩﻠﯩﻢﻳﺎﺷﯩﺴﯘﻥ ﻣﻪﯞﺟﯘﺗﻠﯘﻏﯘﻡ ﺗﯘﯞﺭﯨﮕﻰ ﺋﺎﻧﺎﺗﯩﻠﯩﻢ ﻳﺎﺷﯩﺴﯘﻥ ﺋﯩﺮﯨﺸﻪﺭﻣﯩﺰ ﺗﯩﻞ ﺑﯩﻠﻪﻥ ﺑﯘ ﮬﺎﻳﺎﺗﻘﺎ ، ﮬﻪﻣﻤﯩﮕﻪ ﺳﺎﺋﺎﺩﯨﺘﯩﻢ ﻛﯚﯞﺭﯨﮕﻰ، ﺋﺎﻧﺎﺗﯩﻠﯩﻢ ﻳﺎﺷﯩﺴﯘﻥ ﺑﯘ ﮬﺎﻳﺎﺗﻠﯩﻖ ﺑﯩﻜﯧﺮﻩﻙ، ﺋﺎﻧﺎ ﺗﯩﻠﺴﯩﺰ ،ﻏﯘﺭﯗﺭﺳﯩﺰ ﺋﯩﺘﯩﻘﺎﺩﯨﻢ ﺑﺎﻳﺮﯨﻐﻰ ﺋﺎﻧﺎ ﺗﯩﻠﯩﻢ ﻳﺎﺷﯩﺴﯘﻥ ﺗﯩﻠﯩﻢ ﺑﯩﻠﻪﻥ ﭘﯘﺗﯘﻟﮕﻪﻥ ﺗﺎﻻﻱ ﺩﺍﺳﺘﺎﻥ،ﻗﺎﻣﯘﺳﻼﺭ ﺗﻪﺭﻩﻗﻘﯩﻴﺎﺕ ﭼﯩﺮﯨﻐﻰ ﺋﺎﻧﺎ ﺗﯩﻠﯩﻢ ﻳﺎﺷﯩﺴﯘﻥ ﻛﯚﭖ ﺗﯩﻞﺑﯩﻠﮕﻪﻥ ﺩﺍﻧﺎﺩﯗﺭ، ﺋﯚﺯ ﺗﯩﻞ ﺋﯘﻧﺘﯘﺵ ﺋﺎﺳﯩﻴﻠﯩﻖ ﺋﺎﻕ-ﻗﺎﺭﯨﻨﯩﯔ ﻳﯘﺭﯨﻐﻰ ﺋﺎﻧﺎ ﺗﯩﻠﯩﻢ ﻳﺎﺷﯩﺴﯘﻥ ﺗﯩﻠﺪﯨﻦ -ﺗﯩﻠﻐﺎ ﺋﯘﺗﯘﭘﺘﯘﻕ ﺋﻪﺟﺪﺍﺗﻼﺭﻧﻰ ﺋﯘﻧﺘﯘﭘﺘﯘﻕ ﺳﺎﯞﺍﻗﻼﺭﻧﯩﯔ ﮔﯘﺩﯨﻜﻰ ﺋﺎﻧﺎ ﺗﯩﻠﯩﻢﻳﺎﺷﯩﺴﯘﻥ ﺗﯩﻠﯩﻢ ﺑﯩﻠﻪﻥ ﺧﺎﺭ ﺑﯘﻻﻱ ﺑﺎﻳﺎﯞﺍﻧﺪﺍ ﭼﯚﻟﻠﻪﺭﺩﻩ ﺋﯩﭙﺘﯩﺨﺎﺭﯨﻢ ﭼﯩﺮﯨﻐﻰ ﺋﺎﻧﺎﺗﯩﻠﯩﻢ ﻳﺎﺷﯩﺴﯘﻥ ﻗﯘﻳﯘﻥ ﺗﺎﺯﻧﯩﯔ ﻛﻪﻳﻨﯩﺪﯨﻦ ﻛﯩﺘﯩﺸﻜﻪﻧﻠﻪﺭ ﻳﻮﻝ ﺑﻮﻟﺴﯘﻥ! ﻏﻮﺭﻭﺭﯗﻣﻨﯩﯔ ﻛﯚﺭﻩﮔﻰ ﺋﺎﻧﺎ ﺗﯩﻠﯩﻢ ﻳﺎﺷﯩﺴﯘﻥ

~yilan~

	ئۇيغۇر بولساڭ بالاڭغا ئۇيغۇرچىنى ئۆگەتكىن كرورەن ئۇيغۇر بولساڭ بالاڭغا ئۇيغۇرچىنى ئۆگەتكىن، ئۆز تىلغا سۇ قىلىپ باشقا تىلىغا يۈگەرتكـىن، مىللەت دىگەن نىمە ئۇ؟ مەنىسىگە چۈشىنىپ، تىلى يوق بىر مىللەتنىڭ يوقلىقىغا ئىشىنىپ، ئۇيغۇر بولساڭ بالاڭغا ئۇيغۇرچىنى ئۆگەتكىن. ئۆز تىلىنى ئۆگەتمەي چىچەن زېرەك بالاڭغا، پىچىرلىشىپ سارايدا ،قويما ئۇنى دالانغا، باشقا تىلدا سۆزلىشىپ ،ئۆز تىلىنى چۇشەنمەي، يىغلاپ مىللەت دەردىدە،ئامىتىگە كۈلەلمەي، بالاڭ يالغۇز قالمىسۇن،ئۇيغۇرچىنى ئۆگەتكىن. ئاتا بولساڭ ھەر زامان،غېمىنى يە گۆدەكنىڭ، چۈنكى بالا سېنىڭلا ئەمەس بەلكى مىللەتنىڭ. چۆجەڭ سۇدا سەن قىردا،يىغا يىغلاپ يۈرمىگىن، خاتا باسقان توخۇدەك ،تۇخۇمىنى ئۆدەكنىڭ، ئۇيغۇر بولساڭ بالاڭغا ئۇيغۇرچىنى ئۆگەتكىن. ئاپپاق دىسە قارچۇغا بالىسىنى كىرپىمۇ، يۇمشاق دەركەن تىكىنى سانچىلىپ ھەم تۇرسىمۇ، ئاتا ئانا سۆيسىلا ئەمەس ھەرگىز كۇپايە، مىللەت سۇيسە باشقىچە تەمى ئۇنىڭ زىيادە، ئۇيغۇر بولساڭ بالاڭغا ئۇيغۇرچىنى ئۆگەتكىن. مىھمان بۇلۇپ بالاڭنىڭ ئۆزى تۇتقان ئۆيىدە، ئۇيغۇرلاردەك ئۇيغۇرچە كۆپە سالغان تۆرىدە. ئۆز تىلىڭدا مۇڭدىشىپ،ناخشا ئوقۇپ كۈلۈشۈپ، بالاڭ ئەتكەن تاماقنى مەززە بىلەن يىيىشىپ، ئۇيغۇر بولساڭ بالاڭغا ئۇيغۇرچىنى ئۆگەتكىن : http://www.bizning.com/bbs .

~yilan~

	ئۇيغۇر بولساڭ بالاڭغا ئۇيغۇرچىنى ئۆگەتكىن كرورەن ئۇيغۇر بولساڭ بالاڭغا ئۇيغۇرچىنى ئۆگەتكىن، ئۆز تىلغا سۇ قىلىپ باشقا تىلىغا يۈگەرتكـىن، مىللەت دىگەن نىمە ئۇ؟ مەنىسىگە چۈشىنىپ، تىلى يوق بىر مىللەتنىڭ يوقلىقىغا ئىشىنىپ، ئۇيغۇر بولساڭ بالاڭغا ئۇيغۇرچىنى ئۆگەتكىن. ئۆز تىلىنى ئۆگەتمەي چىچەن زېرەك بالاڭغا، پىچىرلىشىپ سارايدا ،قويما ئۇنى دالانغا، باشقا تىلدا سۆزلىشىپ ،ئۆز تىلىنى چۇشەنمەي، يىغلاپ مىللەت دەردىدە،ئامىتىگە كۈلەلمەي، بالاڭ يالغۇز قالمىسۇن،ئۇيغۇرچىنى ئۆگەتكىن. ئاتا بولساڭ ھەر زامان،غېمىنى يە گۆدەكنىڭ، چۈنكى بالا سېنىڭلا ئەمەس بەلكى مىللەتنىڭ. چۆجەڭ سۇدا سەن قىردا،يىغا يىغلاپ يۈرمىگىن، خاتا باسقان توخۇدەك ،تۇخۇمىنى ئۆدەكنىڭ، ئۇيغۇر بولساڭ بالاڭغا ئۇيغۇرچىنى ئۆگەتكىن. ئاپپاق دىسە قارچۇغا بالىسىنى كىرپىمۇ، يۇمشاق دەركەن تىكىنى سانچىلىپ ھەم تۇرسىمۇ، ئاتا ئانا سۆيسىلا ئەمەس ھەرگىز كۇپايە، مىللەت سۇيسە باشقىچە تەمى ئۇنىڭ زىيادە، ئۇيغۇر بولساڭ بالاڭغا ئۇيغۇرچىنى ئۆگەتكىن. مىھمان بۇلۇپ بالاڭنىڭ ئۆزى تۇتقان ئۆيىدە، ئۇيغۇرلاردەك ئۇيغۇرچە كۆپە سالغان تۆرىدە. ئۆز تىلىڭدا مۇڭدىشىپ،ناخشا ئوقۇپ كۈلۈشۈپ، بالاڭ ئەتكەن تاماقنى مەززە بىلەن يىيىشىپ، ئۇيغۇر بولساڭ بالاڭغا ئۇيغۇرچىنى ئۆگەتكىن : http://www.bizning.com/bbs .

XAHZAD

	ئانا  تىلىمىزني   ئاللا   خالىسا  ھەممە  ئىتراپ قىلغۇدەك دەرىجىدە كۈيلەيمىز ھەم قوغدايمىز .تىمىڭىزغا رەھمەت

ئىبنۇرى

	ئۇيغۇر ئوغلانلىرى مانا مۇشۇنداق ئەجىر-مېھنەت قىلىدۇ...ھەممىڭلارغا رەھمەت!