دوپپا

AbdulQuddus

	ئۇيغۇرلارنىڭ ئەنئەنىۋىي باش كىيىمى دوپپا بادەم دوپپا ، چىمەن دوپپا... گۈزەل ئۇيغۇرغا شان دوپپا ، جېمى ئالەمگە مەشھۇر بول ،بەخت - ئارزۇمغا جان دوپپا . جاھان ئارا سىنىڭ كەبى ياراشىملىق تاجىم نەدە ؟ كۆزۈمگە مىڭ سۈرەي سىنى ،كۆزۈم نۇرى بايان دوپپا!!! كۆپلەر ئىزدىشەر كىملىك قۇرۇق قەغەز ۋاراقىدىن ، مىنىڭ ھەقىقى كىملىكىم بىرسەندە ئايان دوپپا. ئۇزاق ئەسىر  كى يىل بۇيى  ئېزىز ئەجدادىمىز كەيگەن، كۆرمىگىم بۈگۈن بەك تەس ، كىتىپ قالدىڭ قايان دوپپا. قارايمەن سىنجىلاپ ھەرچاغ : ئۇ كىم ، قايسى مىللەت بۇ ؟؟؟ بىلەلمەي گاڭگىراپ دەيمەن : مەڭگۈ بول ئامان دوپپا. كىيىپ باقسۇن ژىگىت –قىزلار گۈزەللىشەر ئەجەپ ھەيۋەت ، كىشىنىڭ مەسلىگى كېلۈر ،بولۇر ھەم شادىمان دوپپا. گۈھەرىم سەن، گۈزەلىم سەن ،سېنىڭسىز ياشىماق زۇلمەت! قاراڭغۇ تۈن كېچىلەرمۇ يۈرەك ئوينار جانان دوپپا ! سېنىڭدە بار ئەجەپ مەنا ،قىلىچ ، قورغان ، گۈلى رەنا، چۈشەنگەنلەر بولۇر دانا ،ئېقىلغا پاسىۋان دوپپا . سېنىڭ ئۆزگە سىياقىڭدىن ،ئەجەپ گۈزەل سىمارىڭدىن ، ۋە بەلكى ئوت –پىراقىڭدىن كۈيەر ماھى تابان دوپپا . ئاتا– ئانام كى ئەجدادىم بىلەتتى تۇتىيا سېنى ، ئايرىلماس ئىدى ئەسلا دالايۇ ـ تاغ – داۋان ، دوپپا. شۇڭا باشتىن چۈشۈرمەيمەن،دۇنياغا تىگىشمەيمەن ، ھىكمىتىڭ كى خىسلىتىڭ ،كۈيلىسەم داستان دوپپا. خەپ دەيمەن ئاشۇ گىلدىڭ چاكاندا باش سەتەڭلەرگە ، قانداقمۇ ياشايدىكىن، سېنى تاشلاپ ھامان دوپپا . گاھ بەكمۇ ئېچىنىمەن ،قايغۇغا چۆكۈپ ئاندىن ، ۋاقرايمەن، ئۆزلۈك ئۆلسە ھالىمىز يامان دوپپا !!! ئاگاھ بولغاي جېمى خەلقىم بۇ قىسمەتنىڭ ئازابىدىن. كۇلاھۇ - جەندىدىن ئارتۇق كۆرۈلگەي ھەرزامان دوپپا. تىلەيمەن ئەي ئۇلۇق ئاللاھ !ئايرىما ئەبەت ئەسلا ، قەدىردان مىللىتىم ئۈچۈن بولۇپ قالغاي ياران دوپپا..... !!! * * * * * * * * * * * * * ** * * * * * * * * * * * مۇبارەك ئەي گۈزەل دوپپا، ھىكمەتلىك مەسەل دوپپا ، ئۇيغۇرلۇق شەرەپىگە مەڭگۈلۈك غەزەل دوپپا !!!

چاقنار

	بەك  ياخشى  ئېسىل  شېئىر   بوپتۇ    ،قەلەم قۇۋۋىتىڭىز  بەك  كۈچلۈككەن     ،ھارمىغايسىز

asma0996

	دوپپىمىزغۇ ئىسىل لېكىن........ ياخشى شېئىركەن، ھارماڭ،.........

uyghari

	شىئېرنى بەك ياخشى يېزىپسىز، ساقلىۋالدىم.

شرئەلى118

	ياخشى يېزىپسىز

uyol

	قەلەم قۇۋىتىڭىز كۈچلۈككەن ھارمىغايسىز

XAHZAD

	ياخشى تەرىپلەپسىز قەلىمىڭىز توختاپ قالمىغاي

nazigul8

	شېئىرىڭىز ياخشى چىقىپتۇ. دوپپا ئەۋلاتتىن ئەۋلاتقا مىراس قالسۇن، ئۇيغۇرلار مەدىنىيىتى گۈللەنسۇن! ئۇيغۇر مىللىتى گۈللەنسۇن! بەزەن بىرلەرگە قاراپ، تۆۋەندىكىنى يېزىپ باقتىم، (نەقىل قوبۇل قىلىنمايدۇ، چۈنكى تورغا كۆپ چىقالمايمەن) ئۆزلۈك ئۈچۈن كۆيەر يۈرەكلەر، ھەر چاغ ھەر ئىش ئۇيغۇرنى ئويلاپ. يۈكسەلدۈرۈش مىللەتنى كۈچلۈك، ئەجداتلارنىڭ ئىزىنى بويلاپ. تونۇمايدۇ ئۇيغۇرنى ئەرەپ، ئۇيغۇرنى ھەم قېتىغا ئالماس. چوقۇنماي دىن، چوقۇنۇپ ئەرەپ، بەزى ئۇيغۇر ئۇيغۇردەك ئەمەس. ئۇيغۇر كىم دەپ ئەرەپ تونۇماس، ئۇيغۇر تونار ئەرەپكە قانماي. نىمە بولار ئۆزلۈكنى قوللاپ، يۈرسە ھەر چاغ ئۇيغۇردىن تانماي. قۇش بولۇشنى ئويلاۋاتىمەن، ئۇيغۇر بولۇش تەسلەشكەن كۈندە. تۇغۇلسامكەن يېڭىدىن قايتا، رىقابەتلەر بەسلەشكەن كۈندە.

d@tman