مەن ئۆلگەندە...

laylim

	مەن ئۆلگەندە... تاھىر ھامۇت مەن ئۆلگەندە، ئېسىڭدە بولسۇن، بايرىقىڭنى چۈشۈرمە يېرىم. جەسىدىمنى تاپساڭ كۆمۈپ قوي، تاپالمىساڭ ئۆكۈنمە جېنىم!    مەن بىلىمەن دېمەيدۇ ھېچكىم، ئۆلۈمۈمنى ئېغىر يوقىتىش. مەن ئەمەسمۇ ناتونۇش ئادەم؟ ماڭىلا خاس ئۈنسىز يوقىلىش.    مەن ئۆلگەندە، ئېسىڭدە بولسۇن، دە جاھانغا كۈلۈپ ئۆلدى ئۇ. ئىشەنگەندە ھەممە سۆزۈڭگە، دېگىن ئاندىن، يالغان كۈلدى ئۇ.     مەن ئۆلگەندە كۈلگىن قاقاقلاپ، مىسكىن دىلدىن كەتسۇن بىر خىيال. بېسىم بولۇپ قالغان مەن ساڭا، ھاياتلىقتا بىلسەڭ ئېھتىمال.     مەن ئۆلگەندە، ئېيىتقىن شوخ ناخشا، نەزىر بېرىش بىھاجەت ھامان. ئېھتىياجىم يوقتۇر يىغاڭغا، مەيۈسلەنمە، بولما پەرىشان.    مەن ئۆلگەندە، كۆمۈپمۇ قويما، قاغىلارغا بولاي بىر ئوزۇق. مەن زېمىنغا چۈشۈپ قالغان داغ، نازۇك تېنىم يوقالسۇن تولۇق.    مەن ئۆلگەندە، يۈرىۋەر جىمجىت، بىلسەڭمۇ گەر بىلمەسكە سېلىپ. قار ياغمىسۇن خىياللىرىڭغا، ئاچچىق ھېسلار قەلبىڭنى تىلىپ.    مەن ئۆلگەندە، يۈرىۋەر جىمجىت، بىر تامچىمۇ ياش تۆكمىگىن بەس! قايغۇرماستىن ياشاۋەر چۈنكى- ئىچ ئاغىرتىش مۇھەببەت ئەمەس.

ئەجەل

	بۈگۈن نېمە بولدى؟شېئىرلار بىر-بىرىدىن ئېسىلغۇ؟نۇرغۇن گەپلەر باتتى دېمىدىم!.......................

marhaba77

	مەن ئۆلگەندە، يۈرىۋەر جىمجىت، بىر تامچىمۇ ياش تۆكمىگىن بەس! قايغۇرماستىن ياشاۋەر چۈنكى- ئىچ ئاغىرتىش مۇھەببەت ئەمەس. ئېسىل قۇرلار ئىكەن.قەلىمىڭىز ھارمىغاي.

蓝狼-0947

kakkuk11

	مەن ئۆلگەندە يىغلىما جېنىم ، شادلىقىڭدۇر مېنىڭ ئارمىنىم . مەن ئۆلگۈچە كەلگىن قېشىمغا ، ساڭا تەقدىم بولسۇن بارلىقىم .

زەردار007

	ياخشى تېمىكەن ، ئاپتۇرى كىمكىن....؟

abuumar

	bar kalla kerin dexim har migai siz

yultuzay0997

	ياخشى چىقىپتۇ ،

nurjula

	بىر ئادەمنى دەپلا ياشىغاندەك...يەنە بىر ئادەم ئۈچۈنلا ئۆلگەندەك..... ئۆلسىڭىز، ئۇ خالىغىنىنى قىلىدۇ، خالىسا سىز دىگەندەك قىلىدۇ، بولمىسا ئىشىنى قىلىدۇ، شۇڭا تېخىم ياخشى ياشاش ئۈچۈن، ئەڭ ياخشىسى ئۆلمەڭ! كۈننىڭ سېرىقىنى كۆرۈپ ياشاڭ بىر كۈن بولسىمۇ

TAXNAI2

	مەن بىلىمەن دېمەيدۇ ھېچكىم، ئۆلۈمۈمنى ئېغىر يوقىتىش. مەن ئەمەسمۇ ناتونۇش ئادەم؟ ماڭىلا خاس ئۈنسىز يوقىلىش ياىشڭ يېزىپسىز ،،،قەدەملىرىڭىز ئۈزۇلمىسۇن،،،