قىرتاق پاراڭلار

yagaqqi

	تىلەمچىلەرنىڭ ئىستىقبالى پارلاق                                                           ماھىرە مەخسۇت    جەمىيەتنىڭ تەرەققى قىلىشىغا ئەگىشىپ ، يىڭى - يىڭى كەسىپلەر ۋۇجۇتقا كىلىۋاتىدۇ ۋە كۇنسىرى جانلىنىۋاتىدۇ . نەچچە يىللاردىن بۇيانكى كۇزۇتۇشۇمگە ئاساسەن شۇنداق بىر پىكىرنى دادىللىق بىلەن ئوتتۇرىغا قويۇشنى ئويلاۋاتىمەن ، يەنى تىلەمچىلىك يىقىن كەلگۇسىدە رەسمىي كەسىپ سۇپىتىدە جامائەتچىلىكنىڭ ئىتىراپ قىلىشىغا ئىرىشەلەيدۇ .    بۇ خىل ئوينىڭ پەيغا بولۇش سەۋەپلىرىنى تىلغا ئىلىپ ئوتسەم ، ئاپتۇنۇم رايۇنىمىزنىڭ مەركىزى ئۇرۇمچى شەھىرىنى ئارىلايدىغان بولسىڭىز ، تىلەمچىلەر ھەر كۇنلۇك تىجارەت سورۇنىنى ھەر مىللەت ئاممىسىنىڭ ئولتۇراقلىشىش ئالاھىدىلىكى ، تۇرمۇش سەۋىيەسى ، تىلەمچىلەرگە « مۇھتاجلىق » نىسبىتى قاتارلىقلارغا ئاساسەن تاللايدۇ . بۇنىڭ ئىچىدە تىلەمچىلەرگە « مۇھتاجلىق » دىگەن ئاتالغۇنى چۇشەندۇرۇپ ئوتسەم ، ئۇلار ئالدى بىلەن قانداق كىشىلەرنىڭ سەدەقە بىرىشنى ياخشى كورىدىغانلىق پىسخىكىسىغا ئاساسەن  ، كوپىنچە دوختۇرخانا ئەتراپىغا مەركەزلىشىدۇ . چۇنكى ، مەيلى بىمارنىڭ ئۇرۇق - تۇققىنى بولسۇن ياكى بىمار ئوزى بولسۇن ، بالدۇرراق ساقىيىشنى ئۇمىد قىلىپ سەدىقە بىرىدۇ . ئۇنىڭدىن باشقا ، ئاغرىقلار يىنىدىن چىققانلارنىڭ كوڭلى يۇمشاپ ، « مىيىپ ، كىسەللەر » گە تىزلا ئىچ ئارىتىدۇ .بۇنىڭ بىلەن تىلەمچىلەر كوزلىگەن مۇددىئاسىغا يىتەلەيدۇ . تىلەمچىلەر يالغۇز ھەرىكەت قىلمايدۇ . بىر ئورنىدا ئۇزاق تۇرمايدۇ . ئۇلار كوپ ھاللاردا ئوخشاش بىر ۋاقىتتا ئوخشاش ئورۇننى تاللىۋالمايدۇ . بىر دائىرىدە ھەممىسى ئوخشاش ئۇسۇلدا تىلىمەيدۇ . بۇ سەپكە يىڭى قوشۇلۇپ قالغانلارنى ھىساپقا ئالمىغاندا ، تىلەمچىلىك قىلىۋاتقىنىغا ئۇزاق بولغانلار ئاساسىي جەھەتتىن بۇنداق ئەقەللىي خاتالىقلاردىن مۇستەسنا . ئىككى ئاينىڭ ئالدىدا ئۇندىداردا ئاغزىغا تاماكا چىشلىۋالغان ئىككى ئايالنىڭ كوچىدا ئولتۇرۇپ پۇل ساناۋاتقان سۇرىتى تارقىلىشى بىلەن ، « مۇشۇنداق قەلەندەرلەرگىمۇ پۇل سەدىقە قىلىۋاتامسىز ؟ » دىگەن مەزمۇندا مۇنازىرە بولدى . ھەممىمىزگە ئىنىق ، « ئىش » ئۇستىدىكى تىلەمچىلەرنىڭ ياسىنىشى ، تۇرقىغا قاتتىق تەلەپ قويۇلىدۇ ، بولمىسا جامائەتنىڭ ئوتكۇر كوزلىرى ئۇلارنىڭ ساختىلىقىنى بايقاپ قالىدۇ . دىمەك تىلەمچىلىك بارغانسىرى بىر توپنىڭ پىلانلىق ھالدا يۇرگۇزۇۋاتقان ، تىجارەت شەكلىنى ئالغان ھەرىكىتى .    شۇ سەۋەپتىن تىلەمچىلىكنى بىر خىل كەسىپ نامى ، تىلەمچىلەرنى بۇ كەسىپنى قىلغۇچىلار دىيىش تازا مۇۋاپىق .    مىنىڭچە ، بۇ كەسىپنىڭ ئىستىقبالى پارلاق . بۇ سوزۇمنى مۇنۇلار ئارقىلىق ئىسپاتلاپ باقماقچىمەن .    1 . ئىختىسات تەرەققى قىلىپ ، كىشىلەرنىڭ تۇرمۇش سەۋىيىسى ئوستى . بۇنىڭ بىلەن تىلەمچىلەرگە ھىسداشلىق قىلىدىغانلار ، قوللايدىغانلار ، قىلالايدىغانلار كوپەيدى ،ھىسداشلىق سەۋىيسى ئوستى .    2 . كىشىلەر تۇرمۇشتىن زوقلىنىشقا ماھىر بولۇپ كەتتى .  مەسىلەن ، ئادەتتە چارچىغان نىرۋىلىرىنى ھەرخىل رەڭلىك چىراق ئاستىلىرىدا تىنىچلاندۇرۇدىغان ، ئەتىسى سەھەردە سەدىقە بىرىپ ، ئاخشام ئوتكۇز گەن گۇناھلىرىنى يىنىكلىتىشكە مەبلەخ سالىدىغان بولدى . كىشىلەر ئوزىنى گۇناھقا قانچە ئىغىر پاتتىم  دەپ ئويلىغانسىرى ، سەدىقە مىقدارىنى شۇنچە ئوستۇردى .    3 . ئارىمىزدا ئالدىراش ساخاۋەتچىلەر كوپەيدى . بۇ دىگەنلىك دىلى يۇمشاق ساخاۋات ئىشلىرىنى قىلغۇسى بارلار كوپەيدى - يۇ ، بەك ئالدىراش بولغانلىقتىن كىسىلىنى داۋالىتالماي باشقىلارغا قول ئۇزۇتۇشقا نۇمۇس قىلىۋاتقانلار ، بالا - چاقىسى باقماي يولەكسىز قالغان بوۋاي - مومايلاردەك ھەقىقى مۇھتاجلارنى تىپىشتىن ئىرىنىپ ، تىلەمچىلىك كەسپىنى گۇللەندۇرۇشكە ھەسسە قوشىدىغانلار كوپەيدى .    4 . تىلەمچىلىك كەسپىنىڭ نۇرغۇن ئەۋزەللىكلىرى بار ، مەسىلەن ، ياش ، مىللەت ، جىنىس چەكلىمىسى يوق . خىزمەت ۋاختى ، ئورنى ئەركىن . يالغانچى ، يۇزى قىلىن بولۇشتىن باشقا قابىلىيەت تەلەپ قىلىنمايدۇ . تىجارەت ئورۇن ھەققى ۋە باج ئىلىنمايدۇ ، ۋاھاكازالار .    قارايدىغان بولساق ، بۇرۇنلاردا قىرى ، مىيىپ ، ئاجىزلارلا تىلەمچىلىك قىلغان بولسا ، ھازىر بۇ كەسىپتىمۇ رىقابەت كۇچىيىپ ، ھەقىقى مۇھتاجلار بازاردىن شاللىنىپ ، كۇچلۇكلەر ، يەنى بازار ئەھۋالىنى چۇشەنگەنلەر ، يىڭىلىق يارىتىش روھىغا ئىگىلەر  ئۇستۇنلۇكنى ئىگىلىدى . بۇنىڭ بىلەن بۇ كەسىپنىڭ تۇرلىرى خىلمۇ - خىل بولۇپ كەتتى . نوۋەتتە كوپ ئۇچرايدىغانلىرى : بالا قۇچاقلاپ تىلەش ، بالىنى ھارۋىغا تۇرغۇزۇپ قويۇپ ياكى ياتقۇزۇپ قويۇپ تىلەش ، چوڭلارنى ھارۋىغا  ياتقۇزۇپ تىلەش ، باداشقىنىنى قۇرۇپ ، پۇتىنى پۇچقاققا تىقىپ قويۇپ تىلەش ، چۇمپەردىدىن ماراپ تىلەش ، مۇراجىئەتنامىنى ئالدىغا يىيىپ تىلەش ، دوختۇرخانىنىڭ ئىچىدە بىرەر زەخمىسىنى كورسىتىپ ، ئۇيان - بۇيانغا مىڭىپ تىلەش ، يۇرتىغا كىتىدىغانغا پۇلى يوق سەۋەپلىك تىلەش قاتارلىقلار .    ئومۇمەن جامائەت تىلەمچىلەرنى مۇشۇنداق قوللاپ - قۇۋەتلەيدىغانلا بولسا ، يىقىن كەلگۇسىدە بۇ كەسىپ مۇنتىزىملىشىپ ، تورلاشقان زەنجىرسىمان بولۇش يولىغا كىرىشى مومكىن . بۇنىڭ بىلەن ئوقۇش دىسە بىشى ، ئىش دىسە بىلى ئاغرىيدىغان ھورۇن ، نان قىپى ، بىكار تەلەپلەرنىڭ خىزمەت تىپىش پۇرسىتى كوپەيگۇسى .                                           شىنجاڭ قانۇنچىلىق گىزىتىدىن ئىلىندى .                                               2014 - يىل 18 - يانۋار .

ipar1

	بۇ تەھلىللەر جايىدا  بوپتۇ،بىراق بۇ كەسپنىڭ راۋاجلىنىشىدىن خۇدايىم ساقلىسۇن

aa0998

	ipar1 يوللىغان ۋاقتى  2014-1-18 05:08 PM بۇ تەھلىللەر جايىدا  بوپتۇ،بىراق بۇ كەسپنىڭ راۋاجلىنى ... دىگنىڭىز دۇرۇس .

nurjahan0997

	ipar1 يوللىغان ۋاقتى  2014-1-18 05:08 PM بۇ تەھلىللەر جايىدا  بوپتۇ،بىراق بۇ كەسپنىڭ راۋاجلىنى ... قوللايمەن

sardor0908

	بىر ئۇيغۇر ئىككى قولىنى شۇنداق كۆتەرسە بىرىگە مۇسۇلمان بىرىگە تېلەمچى بولالايدۇ .....

yultuzay0997

	تىلەمچىلىك قىلغۇچە مەدىكار ئىشلىسىمۇڭ بۇلىدۇ ئەمەسمۇ ،ئۆز مىھنىتى بىلەن تېپىپ ئىشلىسە نىمانداق ياخشى ھە ، ئاڭلىسام بەزى تىلەمچىلە كىچىسى قىما ئوينامىش ، راسمۇ ياكى يالغانمۇ بىلمىدىم .   بۇ ئىشتىن خۇدايىم ساقلىسۇن .

gayur1

	تىلەمچى توغرىسىدىكى پاراڭلار يەنە باركەندە?    سۇبھاناللاھ, قارىغاندا مەن خاتالىشىۋاتقان ئوخشايمەن. شەھەردە ياشىمىغاچ تىلەمچلەرنى بەك يۈزە ئويلاپ قالدىممىكىن?

mahatjan

	مۇشۇ مۇنبەردە ‹دىۋانىلار دۇچ كەلگەن ئۈچ مەسىلە›دىگەن بىر ئەسىرىم بار ئوقوپ قويارسىز.

1263318936

	بۇ كەسپنىڭ راۋاجلىنىشىدىن خۇدايىم ساقلىسۇن

ORKAX123456

	ھەقىقى قىيىنچىلىقى بار تىلەمچىلەرنى پەرىقلەندۈرمەك تەس.  ساختا مىيىپ بولىۋالغان  يۈزى قىلىن تىلەمچىلەرنى پەرىقلەندۈرىدىغان ئاددى ئۇسۇللار بولغان بولسا مىللىتىمىزدىكى بۇ ئۆسمىنى يوقاتقىلى بولاتتى.