ئىككى شېئىر

snowdrop

	(1) سۇلار ئاقار دولقۇنلار ياساپ، بىر-بىرىنى ئەركىن قوغلىشىپ. جۈپ كۆزلەردىن ياشلار تۆكىلەر، ئاجىز تىترەپ مەڭىز بويلىشىپ. ئاجىز تىترەپ ئاققان ياشلاردىن، تۆكىلىدۇ ئالەمچە مۇڭلار. يۈرەكتىكى دەرتنى باغاچلاپ، ياش تۆككەچ ھەم ئاقىدۇ ياشلار. شۇ دەمدە ھەم تىترەيدۇ يۈرەك، ئاجىز تىترەپ قىلىدۇ نالە. مەنزىل يىراق يوقتۇر ھېپ ئىمكان، نالە قىلماي ئۇندا نە چارە؟ پۈتۈن جاھان تەڭ بولدى يوققا، ياشىماقتا ياش ۋە شۇ يۈرەك. بىرى چىراق بىرى ماي بۇلۇپ، ماڭار يولنى يۇرۇتسا كېرەك... 2013.10.20 (2) ئولتۇرىمەن خىيالغا پېتىپ، توختاپ قالغان ۋاقىتمۇ تىمتاس. لىكىن قورقۇنىچ چىرمايدۇ مېنى، ۋاقىت چۇقۇم ئالىدۇ قىساس. ئۈچ كۈن ئۆمۈر ئالتە كۈن ئالەم، مۇشۇ قىسقا ھايات ئىسپاتى. شۇنى بىلىپ تۇرغان مەن ئىنسان، بۇ تۇرمۇشنىڭ بولدى قۇربانى. قەدىمدە ئۆتكەن سانسىز قەھرىمان، ئۆزى كەتسىمۇ نامى ئۆچمىدى. مەنمۇ ئۇلارغا ئوخشاش يارالغان، كەتمىدىم ئەمما ناممۇ قالمىدى. بويۇن قىسىپ قالغان ئارزۇلار، تەلمۈرۈپ باقىدۇ ھەر كۈنى ماڭا. مەنمۇ ھەريان يۈرىمەن چېپىپ، ئارمانغا دەرمان يوق بولىدۇ ئەمما. ۋاقىت چۇقۇم ئالىدۇ قىساس، 'ئارزۇ' ئالىدۇ ياقامدىن بىر كۈن. شۇلارنى ئويلاپ غەملەر ئىلكىدە، ئۇيقىدىن بىدار ئۆتىدۇ ھەر كۈن. 2013.12.12 مەنبە:ئۆز قەلىمىم

snowdrop

	شۇلارنى ئويلاپ غەملەر ئىلكىدە، ئۇيقىدىن بىدار ئۆتىدۇ ھەر تۈن. خەت ئۇرۇش جەريانىدا «تۈن»نى «كۈن»يېزىپ ساپتىمەن.كۆپچىلىكنىڭ تۈزىتىپ ئۇقۇشىنى سورايمەن

326ayixa

	ھارمىغايسىز. ناھايىتى ياخشى يېزىپسىز.    تۈزىتىپ چۈشەندۇق .

jin213

	snowdrop يوللىغان ۋاقتى  2013-12-13 06:19 PM شۇلارنى ئويلاپ غەملەر ئىلكىدە، ئۇيقىدىن بىدار ئۆتىدۇ  ... 《ياش تۆككەچ ھەم ئاقىدۇ ياشلار›                           . بۇ مىسرانى چۈشەنمىدىم

uyol

	ناھايىتى ياخشى يېزىپسىز، ھارمىغايسىز

snowdrop

	jin213 يوللىغان ۋاقتى  2013-12-13 11:48 PM 《ياش تۆككەچ ھەم ئاقىدۇ ياشلار›                           . ئازاپلىرىمنى كۆرۈپ ياشلىرىممۇ ماڭا ئەگىشىپ ياش تۆكىدۇ ....