مۇشائىرەگە مەيلى بارلار مەرھەمەت....

musilina

	ئەسسالامۇ ئەلەيكۇم،مىسرانىم  مۇنبىرىدىكى ئەزىزلەر ، ھەممىڭلار سالامەت تۇردۇڭلارمۇ؟مۇنبەردىشىڭلار مۇسىلىنەدىن سىلەرگە ئالىي ئېھتىرام،  ھەممىڭلارنىڭ تېنى سالامەت بولسۇن، ئىشلىرىڭلار ئۇڭۇشلۇق بولسۇن، چېھرىڭلاردىن كۈلكىلەر ئۆچمىسۇن،باسقان قەدىمىڭلاردىن گۈللەر ئۈنسۇن. ئەمدى مەقسەتكە كەلسەك ،خىزمەتلەرنىڭ ئالدىراشلىقى،شەنبە –يەكشەنبە كۈنلىرى بولسا  توي –تۆكۈن،قائىدە –رەسمىيەتلەرنىڭ كۆپلىكى تۈپەيلىدىن  خېلى بوپتۇ  مۇنەردە  مۇشائىرە  سورۇنى ھازىرلاپ باقمىغىلى،بۈگۈن مۇشائىرە سېغىنغانلار كۆڭۈل ئۈنچىلىرىمىزنى چېچىشقان ھالدا، مۇشائىرە قىلىشايلى  دېگەن مەقسەتتە بۇ سورۇنىنى ھازىرلىدىم،قېنى ئەمسە،مۇشائىرەگە  مەرھەمەت قىلايلى.... ئۇنتۇلدى سۆيگەن ،سۆيۈلگەن لەۋلەر، دىللارنى ئۆرتىدى ئاتەشلىك پىراق. ئۆتمۈشكە ئايلاندى شېرىن سۆيگۈلەر، يىراقلاپ كەتتى ،كەتتى بەك يىراق. ئەركەكسەن ،ياشىغىن  ھەقىقىي ئەردەك ، ۋىجدان ۋە غۇرۇرنى يار قىل ئۆزۈڭگە. قەلبىڭگە ئۇلۇغۋار مەقسەتلەر پۈكۈپ، ئىلگىرلە تېخىمۇ ئالغا  مەردانە. ئەسكەرتىش : يۇقارقى  ئىككى كۇبلىت شېئىر  ئايرىم مەزمۇننى ئىپادىلەيدىغان شېئىرلاردۇر، مۇشائىرە قائىدىسى كۇبلىتلارنىڭ ئاخىرقى مىسراسى باش مىسرا قىلىنىپ باشلىنىدۇ، ئىختىيارى قىلغانلار ئۆزلىرى خالىغان شېئىرلارنى قوشۇپ مۇشائىرەنى داۋاملاشتۇرسا بولىۋېرىدۇ، قېنى ئەمسە ، مەرھەمەت... مېنى نائۈمىتتە قويمىغايسىلەر.... مەنبە : كۆڭۈل ئۈنچىلىرىم

aptap104

	ئۈرۈك پىشپ كەتسە قاق بولىدۇ ،   ئۆردەكمىكىن دىسەڭ غاق غاق قىلىدۇ ،   ياغاچمىكىن دىسەڭ تاڭ تاڭ قىلىدۇ .    قىز بالا قىلىن بولسا داپشاق بولىدۇ ....    ھىچكىم كىرمەپتىكەن مۇسلىمە نىڭ تىمىسىغا ئاۋۇ تاققا - تۇققۇنى ىزىپ قويدۇم ..

Gvlbargi0999

	يىراقلاپ كەتتى،كەتتى بەك يىراق، بۇ كۆڭلۈم نىگار سەندىن مەڭگۈگە. سەن ئەقىدەمنى زىنھار بىلمىدىڭ، تولدى بۇ كۆڭلۈم دەردۇ-ھەسرەتكە. ئىلگىرلە تېخىمۇ ئالغا مەردانە، نىشان قىل ئۆزۈڭگە گۈزەل غايىنى. نىشانسىز ئۆتكەن بۇ ھاياتىڭنىڭ، بولماس پەقەتلا ھېچبىر تايىنى.

musilina

	Gvlbargi0999 يوللىغان ۋاقتى  2013-11-16 03:39 PM يىراقلاپ كەتتى،كەتتى بەك يىراق، بۇ كۆڭلۈم نىگار سەندى ... تولدى بۇ كۆڭلۈم دەردۇ-ھەسرەتكە， كۆز ياشلىرىم سەل بولۇپ ئاقتى. كۈلۈپ تۇرغان ۋىسال ئاپتىبى، ماڭا كەلگەندە تەتۈرگە باقتى.

mahatjan

	ھايات -مۇھەببەت،مۇھەببەت-ھايات، ھايات-بىر قۇشتۇر،مۇھەببەت -قانات.   مىھرى-مۇھەببەت  ھايات شاتلىقى،    سەمىمى بولوپ  بەختىڭنى يارات.

Gvlbargi0999

	musilina يوللىغان ۋاقتى  2013-11-16 04:11 PM تولدى بۇ كۆڭلۈم دەردۇ-ھەسرەتكە， كۆز ياشلىرىم سەل بولۇ ... ماڭا كەلگەندە تەتۈرگە باقتى، بۇ ھاياتنىڭ بەخت گۈلباغلىرى. خەير،ھەسرەتلەنمەيمەن زىنھار، بەلكى باردۇر،گۈزەل چاغلىرىم.

musilina

	mahatjan يوللىغان ۋاقتى  2013-11-16 04:16 PM ھايات -مۇھەببەت،مۇھەببەت-ھايات، ھايات-بىر قۇشتۇر،مۇھ ... سەمىمى بولوپ  بەختىڭنى يارات، خۇشپۇراق گۈل تېرىپ ھىدىنى تارات. ئەجرىڭدىن چۆللەرنى ئەيلىسەڭ بوستان، ئەل -ئاۋام بولىدۇ ساڭا قول -قانات.

musilina

	Gvlbargi0999 يوللىغان ۋاقتى  2013-11-16 04:20 PM ماڭا كەلگەندە تەتۈرگە باقتى، بۇ ھاياتنىڭ بەخت گۈلباغ ... بەلكى باردۇر گۈزەل چاغلىرىم، گۈلگە تولغان سۆيگۈ باغلىرىم. پاسىبانىمسەن ئۆزۈڭ جانىم، سېنىڭ بىلەن يايرار جانلرىم.

Gvlbargi0999

	musilina يوللىغان ۋاقتى  2013-11-16 04:32 PM بەلكى باردۇر گۈزەل چاغلىرىم، گۈلگە تولغان سۆيگۈ باغل ... سىنىڭ بىلەن يايرار جانلىرىم، ھەر دەقىقە سەن بىلەن بولسام. چەكلىك ھاياتتا، چەكسىز سۆيگۈدىن، قېنىپ-قېىنپ بىر ئۆمۈر ئىچسەم.

326ayixa

	Gvlbargi0999 يوللىغان ۋاقتى  2013-11-16 04:36 PM سىنىڭ بىلەن يايرار جانلىرىم، ھەر دەقىقە سەن بىلەن بول ... قېنىپ-قىنىپ بىر ئۆمۈر ئىچسەم، گۈزەل يۇرتۇم زەم -زەم سۈيىنى . ئەركە خۇشال قۇش كەبى ئۇچسام ، تەبىئىيتىم باغرى -دىلىنى .