ئاجراشقىنىم ئاجراشقان

rahmansaykin

	ئاجراشقىنىم ئاجراشقان ناخشا تېكىستى بىر ئەركەكتىم تەقى - تۇرقۇم قاملاشقان ، شۇڭا مەن سەن ئۆز-ئارا ھەم تاللاشقان ، ئىككىمىزدىن ئالدى تەقدىر ئىمتاھان ، ئەمدى سەندىن ئاجراشقىنىم ئاجراشقان ، ئەمدى سەندىن ئاجراشقىنىم ئاجراشقان . ئون يىل بولدى ئۆي تۇتقىلى سەن بىلەن ، كىچە - كۈندۈز بېشىم ئاغىرىپ غەم بىلەن ، نۇمۇس قىلىپ چىداپ كەلدىم پەم بىلەن ، ئەمدى سەندىن ئاجراشقىنىم ئاجراشقان ، ئەمدى سەندىن ئاجراشقىنىم ئاجراشقان . ھېرىپ چارچاپ ئىشتىن كەلسەم ئاخشامدا ، جىدەل قىلىپ قۇلۇڭ ئوينار ياقامدا ، دۇمباق چالار گاھى نوغۇچ چۇقامدا ، ئەمدى سەندىن ئاجراشقىنىم ئاجراشقان ، ئەمدى سەندىن ئاجراشقىنىم ئاجراشقان . قاتار چاي ۋە ئولتۇرۇشقا مەيلىڭ بار ، ھەر ئايدا بىر رېستۇراندا چېيىڭ بار ، ئۆيدە باللار چۇرقىرىشار ئېچىنزار ، ئەمدى سەندىن ئاجراشقىنىم ئاجراشقان ، ئەمدى سەندىن ئاجراشقىنىم ئاجراشقان . دادام ئاپام يوقلاپ كەلسە نەگاھىم ، سۇنار شۇ كۈن تۆت بەش چىنە يا قازان ، ئېچىلمايدۇ چىرايىڭمۇ ھىچقاچان ، ئەمدى سەندىن ئاجراشقىنىم ئاجراشقان ، ئەمدى سەندىن ئاجراشقىنىم ئاجراشقان . ئالتۇن كۈمۈش ئۆي بىساتنى سېتىپ يە ، ماڭا پەقەت ئۈچ بالاملا كۇپايە ، مەيلى چالاي يوقسۇزلۇقتىن ساپايە ، ئەمدى سەندىن ئاجراشقىنىم ئاجراشقان ، ئال خېتىڭنى ئاجراشقىنىم ئاجراشقان . ئالتۇن كۈمۈش ئۆي بىساتنى سېتىپ يە ، ماڭا پەقەت ئۈچ بالاملا كۇپايە ، مەيلى چالاي يوقسۇزلۇقتىن ساپايە ، ئەمدى سەندىن ئاجراشقىنىم ئاجراشقان ، ئەمدى سەندىن ئاجراشقىنىم ئاجراشقان . تاغدىن ئېغىر بولسىمۇ گەر گۇنايىم ، سىنىڭدەكنى كۆرسەتمىسۇن خۇدايىم ، قەسىمىمدۇر بۇ نالەمنى ئاڭلىغىن ، ئەمدى سەندىن ئاجراشقىنىم ئاجراشقان ، ئال خېتىڭنى ئاجراشقىنىم ئاجراشقان . بۈگۈن كومپيوتىرىمدا  ناخشا ئاڭلاپ ئولتۇرسام تۇيۇقسىز بۇ ناخشا چىقىپ قالدى ، قىززىق تۇيۇلۇپ قايتا قايتا ئاڭلاپ كىتىپتىمەن ،  ئەخمەت ئېلىنىڭ ناخشىسىكەن . تېكىستىنىڭ كىملىكىنى بىلەلمىدىم ، (ئۇسلۇبىدىن قارىسام مۇھەممەتچان راشىدىننىڭكىدەك قىلىدۇ ).    سىلەرنىمۇ ئاڭلاپ باقسۇن دەپ مۇنبەرگە ئالغاچ كەلدىم .

korul

	ئەخمەت ئېلى ئورۇنلىماپتۇ،نىمە تۇرەك؟شۇ بالىكەن

sargarda

	ئاقىل  ئايال   ئائىلىسىنى   رۇناق    تاپقۇزار  ، ئەخمەق  ئايال  ئۆز  قولى  بىلەن  ئائىلىسىنى   بۇزار  . پەزىلەتلىك  ئايال   ئېرىنىڭ  تاجىدۇر  ، شەرمەندە  خۇتۇن  ئېرىنىڭ  كۈچىنى خۇراتقۇچىدۇر . سۇقۇشقاق  خۇتۇن  بىلەن  بىر  ئۆيدە  ياشاشتىن ، ئەۋزەلدۇر  ئۆگزىنىڭ بىر بۇلۇڭىدا   ياشاش . ئاياللارنىڭ  جىنسى   ئەخلاقسىزلىقىدىن   باشقا   گۇناھلىرىنى  كەچۈرۈشكە بولسا كەچۈرۈش  كېرەك   .  ئاجراشسا   خۇتۇن  ـ  ئەر  تېپىلىدۇ  .  ئەمما   يېتىم قالغان بالىلارغا    ئۆزىنىڭ   ئاتا ـ  ئانىسىدەك    ئاتا ـ ئانا   تاپقىلى  بولمايدۇ .

abdul915

	ئەنۋەر تۇرەك ئورۇنلىغان.....

borhanhoja

	ياخشى ئايالغا ئۇچىرساڭ بەخىتلىك بۇلسەن ،يامان ئايالغا ئۇچىرساڭ پەيلاسوپ.

delawur

	ئەنۋەر تۇرەك ئوقغان ئالامەت ناخشا ئوقۇيدىغان بالا بۇ !   ئادەمقېرىپ كەتكەنچە   قىزلا چىرايلىق بوپ كەتتى دەپ ئەيتاۋۇر

m@jnun

	yantak0996 يوللىغان ۋاقتى  2013-10-17 04:30 AM ئەخمەت ئېلى  ئەمەس ئەنىۋەر تۈرەك ۋوي  يانى قارى  سىزمۇ  ئەنۋەر تۇرەكنى تۇنۇيدىكەنسىز ھە....

mahatjan

	شۇڭا يولداشلار تەجىرىبە ساۋاقلارنى ئوبدان يەكۈنلەيلى!   مۇھەببەتلەشمەك ئاسان،توي قىلماق تەس،   توي قىلىپ ئە-خوتون بولماق ئاسان،ئاتا-ئانا بولماق تەس.   ئاتا-ئانا بولماق ئاسان،بىر ئۆمۈ بىر بىرىگە ھەمراھ بولماق بەكمۇ تەس. ئەر-خوتۇنلار بىر بىرگە سەمىمىي،راسچىل،كۆيۈمچان بولسا ئۆي تۇتماق ئاسان،ئاجراشماق تەس. ئاجراشقىنىم ئاجراشقان دىمەك ئاسان، ئەمىلىيەتتە يەنىلا ئاجراشماق تەس.

mahatjan

	شۇڭا يولداشلار تەجىرىبە ساۋاقلارنى ئوبدان يەكۈنلەيلى! مۇھەببەتلەشمەك ئاسان،توي قىلماق تەس،   توي قىلىپ ئە-خوتون بولماق ئاسان،ئاتا-ئانا بولماق تەس.   ئاتا-ئانا بولماق ئاسان،بىر ئۆمۈ بىر بىرىگە ھەمراھ بولماق بەكمۇ تەس. ئەر-خوتۇنلار بىر بىرگە سەمىمىي،راسچىل،كۆيۈمچان بولسا ئۆي تۇتماق ئاسان،ئاجراشماق تەس. ئاجراشقىنىم ئاجراشقان دىمەك ئاسان، ئەمىلىيەتتە يەنىلا ئاجراشماق تەس.