ئانىلار

bahwanbiz

	ئانىلار تىلىكىدىن بىر ئېرىق ئاقار تىللا ئانىلار ، ئىپادىسى تۇرمۇشقا مەڭگۈ لىللا ئانىلار ، يىڭنىسىدە توختىماي يېشەر سىرلار ئانىلار ، تۆھپىلەردە نوقسانسىز توغرا ئىملا ئانىلار، ۋاز كېچىشتە تاللىنار، پەقەت  بىرلا ئانىلار . يەتتە ئەمەس يەتمىشكە بارار < يالغان سۆز> لىرى ، پۈكۈلمەيدۇ كەچمىشكە قوۋۇرغىسى ، تىزلىرى ، يۇلتۇزلاردەك يېلىنجار دائىم چولپان كۆزلىرى ، مىڭ  شەرەپكە تۇتىشار ئۇنىڭ باسقان ئىزلىرى ، باياۋانغا تىكىلىگەن شەمشاد ، چىنار ئانىلار . قۇچاقلايدۇ ھاياتنى ، سەھەر ئۇنىڭ سىردىشى ، تىلەكلىرى ھېكىمەت ، باھاسى يوق قاشتېشى ، ئەۋلادىغا تۇتىشار،  بالىلىقى – بەش تېشى ، تەڭپۇڭلىقنى ساقلايدۇ ،غورۇرىنىڭ گىر تېشى، بويۇن قىسقان بۇلۇڭغا بېرەر نۇرلار ئانىلار . قورسىقىدا ساقلىغان يەر شارىسى بېخەتەر ، چېچىپ تۇرار دىللارغا ئاي شارىسى مۇئەتتەر، شۇڭا سۆيگۈ باغچىسى شاد ئېچىلىپ  پورەكلەر ، قەسىدىلەر  ئەركىلەپ،  ئەركىن سوقار يۈرەكلەر ، ھېكىمىتى بىر رومان ، ئەركىن قۇرلار ئانىلار . بوسوغىسى ئاپتاپلىق ، مۇقەددەستۇر مېھمىنى ، سۈكۈتىدە تولۇقلار  موھتاجلىقنىڭ كېمىنى ، شور قىلمايدۇ بىھۇدە ئەنئەنىنىڭ تېمىنى ، لاۋۇلدىتار ئىشقىدا ھاياتلىقنىڭ شېمىنى ، جاۋاپكارلىق شەرەپتە ئالغا ئۇزار ئانىلار. چۈجىسىگە دان بېرەر ،مېغىزلارنى ھالاللاپ، بۇزۇلمايدۇ شۇڭلاشقا چەمبەرلىرى يامانلاپ ، سەبىرىسىگە سۇ كىرمەس ، كەلسە شەيتان قاماللاپ ، ئەۋلادىنى  يېتەكلەر نەپىسىنى سامانلاپ ، يات ئەخلاقنىڭ ھەيكىلنى كەسكىن بۇزار ئانىلار . قەۋمى ئۈچۈن خىسلەتلىك  باياۋاندا بۇلاق ئۇ ، ئېتىقانىڭ يىرتىلغان ئەستىرىگە ئۇلاق ئۇ ، ھالاۋەتنىڭ تەپتىگە يىقىنلاشماس ، يىراق ئۇ ، ئۇ ئەۋلادنىڭ بارلىقى ، بۇغداي بىلەن قوناق ئۇ ، مېھمان پانىي ئالەمگە بىر كۈن  قونار ئانىلار. تاشلاپ كېتىپ ئاتىمىز، ئاق لېچەكتە قېپ قالدى ، ئۈندەشلىرى كۆپەرەك ۋەسىيەتنى ئېپ قالدى ، ۋاقىتلىرى يىرتىلغان  يىڭنە بىلەن يىپ قالدى ، ئانا سۆزى ئۆزگىرىپ< ئەركەك > دىگەن تىپ قالدى ، جەڭگاھىدا بارىگاھ ئەپلەپ قۇرار ئانىلار. ئورۇن تۇتۇپ ياتسىمۇ، جىمجىتلىقنى چىللىماس ، شۈكرى قىلار رىزقىغا، خام –پۈچەكنى ئىلغىماس ، سىناق ئېغىر بولسىمۇ، ھەرگىز بويۇن تولغىماس ، ئاپئاق كېلىپ ئاق كېتەر، ئىمانىنى بۇلغىماس ، يۈز نومۇرلۇق ئەخلاقنى بىزگە سۇنار ئانىلار . داغ بولمايدۇ ھېچقاچان ئائىلىنىڭ كىرلىكى ، بۇزۇلمايدۇ ھېچقاچان ئۆم – ئىناقلىق  بىرلىكى ، ناگاھ ،ئەجەل يىقىنلاپ كولانسىمۇ يەرلىكى ، نەۋرىلەرگە  قىيالماي سوقۇپ تۇرار يۈرىكى ، تامچە ياشنى   كىرپىكى  تۇرۇپ تورار ئانىلار. ئاپتۇرى : ئا. مۇھەممەت باغۋەن

mahatjan

	قورسىقىدا ساقلىغان يەر شارىسى بېخەتەر ، چېچىپ تۇرار دىللارغا ئاي شارىسى مۇئەتتەر، شۇڭا سۆيگۈ باغچىسى شاد ئېچىلىپ  پورەكلەر ، قەسىدىلەر  ئەركىلەپ،  ئەركىن سوقار يۈرەكلەر ، ھېكىمىتى بىر رومان ، ئەركىن قۇرلار ئانىلار.     ئالەمنىڭ گۈزەللىكى ئادەملەر بىلەن،     ئادەمنىڭ گۈزەللىكى ئانىلار بىلەن.      ئانىلار بىلەن ئوماق بالىلار گۈزەل،     ھەممە گۈزەللىك بەرھەق ئانىلار بىلەن.

سىم@سىم

	قورسىقىدا ساقلىغان يەر شارىسى بېخەتەر مەخەتجان ئاكا ھەممە تىمىنى سىزلا ئەڭ بۇرۇن كۈرەمسىز نىمە ،

سىم@سىم

	قورسىقىدا ساقلىغان باشقىچە ئويلانماڭ ئەمدى،

koxmak101

BUEREZAT

	ئۇلۇغ اللە ئاپامنىڭ ئۆمرىنى ئۇزۇن قىلغاي

dil@kizar

	جىمجىت كىچە ئاي شولىسى چۈشكەن ئۆيدە، ئولتۇراتتى  بىر  ئانا  بۆشۈك   تۆۋىدە. چاڭقىغان  يۈرەكنى  سۇغارماقتا  ئۇ، قاردەك ئاق زەمزەم  كەبى سۈتلىرىدە.