بۇ زامانغا نېمە دەي ؟! (نۇرشاھ)

xarari

	بۇ زامانغا نېمە دەي نۇرشاھ شېئىرى << دىل ئازار ، خۇدا بىزار >> دەپ تۇرىمىز يۇ ، خۇدا دەپ تۇرۇپ ، دىلىغا ئازار بېرىپ قالىمىز ... چېقىشمايدۇ ھەرىمۇ ، بىر كۆنەككە پېتىشىپ ، ئېشەك سۆكەر دەرەخكە ، كەتسە بېشى قىچىشىپ . ئادەملەرگە ھەيرانمەن ، ئەيىبىنى ئېچىشىپ ، نە ئۆزئارا ئىتتىپاق ، ئەمما خەنجەر تىقىشىپ .. يىغلاپ كەتتىم ئەر تۇرۇپ ، بۇ زامانغا نېمە دەي ؟! بىرى مىنسە ئېشەكنى ، <<پۇتۇڭ يوقمۇ؟>> دىگۈدەك ، ماڭسا قورقۇپ شۇ سۆزدىن،<<ئېشەك قېنى مىنگۈدەك؟!>> يىتىلىسە ئامال يوق ، <<كاللىسى يوق ، ھەي گۆدەك!>> ئامال يوقكەن ئويلىسا ، مىندۈرۈشتىن ھېچ بۆلەك ... يىغلاپ كەتتىم ئاھ ئۇرۇپ ، بۇ زامانغا نېمە دەي ؟! بىرى يازسا ئىككى قۇر ، تىللاپ يازار ، يۈز قىلىپ ، نە بىلىمدىن خەۋەرسىز ، تاقا تۇقا سۆز قىلىپ . پەخىرلىنىپ كېتەرمۇ ، دۈشمەنلەرنى ئۆز قىلىپ ، كۆرمەي جاپا ئەجرىنى ، باھارىنى كۈز قىلىپ ... يىغلاپ كەتتىم يالۋۇرۇپ ، بۇ زامانغا نېمە دەي ؟! ئاق تۇرىدۇ ئاق پېتى ، قارا بولسا قارا ھەم ، ئۆزۈڭ ئۈچۈن باش قاتۇر ، قىلىپ يۈرمە ئارتۇق غەم . سەن تىللىساڭ قايتۇرۇپ ، تىللاش كەچۈر مەندە كەم ، چۈنكى ئاللاھ بىلىدۇ ، شۇڭا يۈردۈم خاتىرجەم .. ئەمما ساڭا ئىچىنىپ ، يىغلاپ كەتتىم ، زامانەي ؟! بەندە ئاجىز ھۆكۈمگە ، دېمە بىرنى دىنسىز دەپ ، قېرىنداشقا مۇسۇلمان ، قىلماس ھەرگىز ئاچچىق گەپ . خاتالاشماس بەندە يوق ، تۈزىتىدۇ بىر - بىرلەپ ، قورال قىلىپ ئىسلامنى ، تىللىۋالساڭ نېمە نەپ ؟! يىغلاپ كەتتىم ئويلىنىپ ، بۇ زامانغا نېمە دەي ؟! ئىزاھات: <<قورال قىلىپ ئىسلامنى ، تىللىۋالساڭ نىمە نەپ ؟! >> بۇ مىسرا مۇقەددەس  ئىسلام دىنىمىزنى دەستەك قىلىپ باشقىلارغا ھاقارەت قىلىدىغانلارغا قارىتىلدى. چۈشىنىشلىك بولسۇن. مەنبە : نۇرشاھ شېئىرى(ئۆزۈم)

OkYa.Biz

	پاھ  شۇنداق  ياخشى  يىزىپسىز

326ayixa

	ھەقىقەتەن ياخشى يىزىپسىز .قوللىرىڭىز ھارمىغاي .

ap~qilam

	قالتىس، باشتىكى بىرىنچى كۇبلىتىنىڭ ھەممىسىنى ئوخشاش بىر قاپىيە قىلىۋېتىپ ، قالغانلىرىنى شۇنىڭغا ئەگەشتۈرۈپ يازغان بولسىڭىز ئېسىل مۇخەممەس بولاتتىكەن ،بەشىنچى كۇبلىتتىكى ئەڭ ئاخىرىقى بىر مىسرا ئانچە راۋان بولمىغاندەك جۇمۇ

xarari

	ap~qilam يوللىغان ۋاقتى  2013-6-28 11:25 PM قالتىس، باشتىكى بىرىنچى كۇبلىتىنىڭ ھەممىسىنى ئوخشاش ب ... شۇ شۇ ، جۈمئە نامىزىغا ئالدىراپلا يازدىم ، راستىنى دىسەم مۇشۇ بىر مىسراغا خېلى باش قاتۇرۇپ باقتىم ، سەل ئاجىزلىق قىپ قالدىم ھە قېنى ، تەلىم بەمەملا !!!!!!!!!!

ahsajan

	بۇ زاماندا پەقەت ئىسلامنى دەستەك قىلىپ تۇرۇپ باشقىلارنى تىللاشتەك بىرلا ئىللەت مەۋجۇتمۇ ؟ ئەگەر شۇنداقلارنى بار دىسەك ، قەيەردە بار ؟ نىمە دەپ تىللايدىكەن ؟ بىلىدىغانلار بولساڭلار جاۋاپ بەرسەڭلار بوپتىكەن .

xarari

	ahsajan يوللىغان ۋاقتى  2013-6-28 11:29 PM بۇ زاماندا پەقەت ئىسلامنى دەستەك قىلىپ تۇرۇپ باشقىلار ... مەسىلەن ، بەزى بىرلەر باركى ، بىر خاتالىقنى تۇتىۋالسا ، سەن مۇسۇلمان ئەمەسكەنسەن ، كاپىركەنسەن دەپ تۈگىمەس ھاقارەتلەرگە قويىدۇ ، مۇشۇ مۇنبەرنىڭ ئۆزىدىمۇ نەچچە ئۇچىراتقانمەن ، ئۇچىرىغانلا مەنلا ئەمەس ، ئەگەر ئۇلار ھەقىقى تۈردە ئىسلامنى يەتكۈزۈش ، توغرىنى تەكىتلەش ئىدىيىسى بولسا ، ئۇنداق بىردىنلا تىللاپ ، ئاھانەتلەرگە قويۇپ ، دىلغا ئازار بېرىشنىڭ ئورنى يوق ، لايىقىدا ، بۇنداق قىلىشنىڭ ئىسلام دىنىمىزغا زىت ، خاتا ئىكەنلىكىنى توغرا چۈشەندۈرىشى كېرەك ، تېمامدا دىگەندەك خاتالاشمايدىغان ئىنسان يوق ، بۇ نۇقتا ھەممىمىزگە ئايان ! مېنىڭ بۇ يەردە دەۋاتقىنىم دەل شۇ مەسىلە ..

ahsajan

	xarari يوللىغان ۋاقتى  2013-6-28 11:34 PM مەسىلەن ، بەزى بىرلەر باركى ، بىر خاتالىقنى تۇتىۋالس ... توغرا بىر قېتىم سىز بۇ مۇنبەردە قاتتىق ئۇرۇشۇپ كەتكەن ئىدىڭىز ، مەن چ چ رىڭىزنى قاچىلاپ سىزگە ئۇرۇشماسلىق ، ئەپ ئۆتۈش توغرىسدا سۆزلەي دىسەم سىز ‹ كىم سەن ، نىمە گېپىڭ بار  › ...دىگەندەك تەلەپپۇزدا خەت يازغان ئىدىڭىز . شۇ گەپلىرىڭىزگە قاراپ سىزنى ئارتۇقچە قوشىۋالغانلىقىمنى ھىس قىلغان ئىدىم  . بەلكىم بۇ شىئىرنى يېزىشىڭىزغا ئەزالار بىلەن بولغان بىر قانچە قېتىملىق زىدىيەت سەۋەپ بولغان بولىشى مومكىن . مىنىڭچە بولغاندا ھەممە ئادەمنىڭ ئەيىپى ، نوقسانى بولىشى مومكىن ، مەنمۇ شۇنىڭ ئىچىدە ... جاھاننىڭ ئىشلىرىغا بىر نىمە دەپ بولغىلى بولمايدىكەن .

xarari

	ahsajan يوللىغان ۋاقتى  2013-6-28 11:42 PM توغرا بىر قېتىم سىز بۇ مۇنبەردە قاتتىق ئۇرۇشۇپ كەتكەن ... ئۇ چاغدا سىزگە ئوخشاش قىتىۋالغاندىن يەنە بىر ئىككىسى بار ئىدى ، سىزنىڭ قايسى ئىكەنلىكىڭىزنى بىلمىدىم ، ئۇ چاغدا نىمە ئۈچۈن زىدىيەتلەشكىنىم ئېنىق ئېسىمدە ، ناۋا پېروگىراممىسى يوللانغان تېمىكەن ، يوللاپ بولغىچە ، بىچارە رىياسەتچىلەر ، ئورۇنلىغۇچىلارنى تىللاپ ۋەيرىنى چىقىپ كېتىپتىكەن .. مەن شۇ چاغدا ، غاجاڭلار ، تازا غاجاڭلار دىگەنگە ئوخشاش بىر ئىنكاس يازغان ، يىزىشىم بىلەنلا ھەممىسى دىگۈدەك ماڭا ھۇجۇم قىلغان .. ناۋادىكى ئۇنداق نۇقسانلار ھەقىقەتەن كۆپ ، تۈزەتمىسە بولمايدىغان ئەجەللىك نۇقسانلارمۇ ھەم .. لىكىن ئۇ يەردىكى دوستلىزىمىزنىڭ چىرايلىق ، مانداق تۈزەتسە بولغىدەك دىگەن چىرايلىق پىكىرلىرىنى كۆردۈم ، يەنە بەزىلىرىنىڭ ، ئۇلارنىڭ شۇ خاتالىقى تۈپەيلى ئادەم ئەمەسلەر قاتارىغا چىقىرىۋەتكىنىگە ئىچىم ئاچچىق بولغان ، ئەلۋەتتە ، ئۇ رىياسەتچى ، ئورۇنلىغۇچىلار بىلەن مېنىڭ پەقەت مىللىتىم ، دىنىم ئوخشاش ، باشقا مۇناسىۋەت يوق ، لىكىن شۇنداق سەھنىگە چىقالىغانلار چىقىدۇ .. چىقالمىغانلار ھەر ۋاقىت تىللىغۇچىلار بوپ قالغىنى ئىچىمنى ئاچچىق قىلغان ئىدى .. كونا خاماننى سورىمايلى ، شۇ چاغدا قىززىقچىلىقتا سىزگە ئارتۇقچە سۆزلەرنى قىپ قويغان بولسام كەچۈرۈڭ !!!

ahsajan

	xarari يوللىغان ۋاقتى  2013-6-28 11:48 PM ئۇ چاغدا سىزگە ئوخشاش قىتىۋالغاندىن يەنە بىر ئىككىسى ... كونا خاماننى سورىغىنىم ئەمەس ، دەپ ئۆتۈپ كەتتىم باشقا مەقسەت يوق . بولسا ھەممەيلەن ياخشى ئۆتەيلى .