ئازغۇن

مىژگان

	ئازغۇن    گۈزەل بىر باغدا رەڭمۇ-رەڭ گۈللەر، مامۇقتەك ئوت-چۆپلەر، مېۋىسى شىرنىلىكى بىلەن تىلنى يارىدىغان ھەر خىل مېۋىلىك دەرەخلەرگە مەپتۇن بولۇپ غەمسىز ئويناۋاتتىم. غوڭۇلداق ھەسەل ھەرىسى، چىرايلىق كېپىنەكلەر مېنىڭ ئايرىلماس دوسىتلىرىم ئىدى.    بىر كۈنى تۇيۇقسىز يىراقتىكى بىر تال گۈلنى كۆرۈپ قالدىم. بۇ گۈل مەن باغدا كۆرگەن ھېچقانداق بىر گۈلگە ئوخشىمايدىغان ئالاھىدە گۈزەللىككە ئىگە ئىدى. مەن قويۇق دەرەخ شاخلىرى، تىكەنلىك گۈللەر ئارىسىدىن ئۆتۈپ گۈلگە يېقىنلاشقاندا شۇنى بايقىدىمكى، ئۆز نازاكىتى بىلەن ئەتراپقا نۇر چېچىۋاتقان بۇ يىگانە گۈل پاتقاق بىلەن قورشالغان ئىكەن. مەن گاڭگىراپ قالدىم. ئالدىمغا قاراپ مېڭىۋېرەي دېسەم، پاتقاقتىن قورقتىم. ئارقامغا ياناي دېسەم گۈل مېنى چاقىرىۋاتاتتى...    ئاخىرى گۈلنىڭ ئىشقىدا پاتقاققا كىرمەكچى بولدۇم. ئالدىمغا ئەمدى بىر قەدەم مېڭىشىمغا تۇيۇقسىز كۆكتىن سادا كەلدى:    - ئارقاڭغا قايىت، ئۇ دەل ئېزىتقۇ! سەن ئۇنىڭغا ئېرىشمەيلا ھالاك بولىسەن. ئۇ سېنىڭ روھىڭنى غاجاپ، ياشلىقىنى ئاقىۋەتتە ھاياتىڭنى نابۇت قىلىدۇ.    مەن كۆزۈمگە ياشلانغان ھالدا كەينىمگە ئۆرۈلدۈم. ئەمما يۈرىكىم ئازابتىن مۇجۇلماقتا ئىدى... مەن چىدىمىدىم، ئاشۇ گۈلنىڭ ھىجرانىغا بەرداشلىق بېرەلىگۈدەك كۈچ-ماغدۇر مەندە راسىت يوقمۇ ياكى ئۆزۈم كۆڭۈل رايىغا بويسۇنىۋاتامدىم بۇنى ئويلاش خىيالىمغا كىرىپ چىقمايتتى.  شۇ تەرىقىدە پاتقاققا كىردىم.    مېڭىپ پاتقاقنىڭ ئوتتۇرىسىدىن ئۆتۈپ بولغاندا چۆكۈشكە باشلىدىم. يا ئالدىمغا ماڭالدىم، يا ئارقامغا قايتالمىدىم. بۇ چاغدا كۆكتىكى سادا  مەندىن رەنجىپ قەيەرگىدۇر كېتىپ قالغان، گۈل بولسا مېنى مەنسىتمىگەن ھالدا ئاۋۋالقى گۈزەللىكىدە تۇراتتى...    مەنبە:  ئۆزۈم

norul

	ياشلىقتە-ياشلىق! بەزىدە بىلىپ-بىلمەي شەيتانىي ھېس-تۇيغىمىزغا ئەگىشىپ،ئاخىرىدا ئېرىشكىنىمىز بىھۇدە ئازاپ بوپ قالىدىكەن.

mahatjan

	شەيتان قىزىقتۇرۇش ئارقىلىق ئازدۇردۇ،سىزنى پاتقاققا باشلىغان گۈلمۇ شەيتاننىڭ رولىنى ئالغان.     بۇ خىل قىززىقتۇرۇش ماھارىتى قىز-چوكانلاردا بەك يۇقۇرى.   تەجىرىبە-ساۋاقلارنى يەكۈنلەپ بەرگىنىڭىزگە رەھمەت.

2012yadikar

	شەيتان سىزنى كونتۇرۇل قىلالمايدۇ لىكىن سىز ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

kokboraa

	خوپ بولاپتۇ

akyda007

	قابىليىتىڭىز يۇقىرى ئىكەن دە رەھمەت سىزگە

kaqvr

	يوللىغان تېما مەزمۇنى بىلەن رەسىملەر شۇنداق ماسلىشىپتۇ . ياقتۇردۇم .

0908220

	رەھمەت قېرىندىشىم  مۇشۇنداق تىمىلارنى يوللاپ بىزنى ئىبرەت ئالغۇزغىنىڭىزغا

مىژگان

	ئۆزۈم بېشىمدىن  ئۆتكۈزگەن خاتالىقىمنى ۋە پۇشايمىنىمنى ئېيتقاندەك تۇيغۇ بېرىپ قويمىغاندىمەن؟     بۇ دېگەن بىر نەسىر،  ئۆزۈم يازغىنىم بىلەن مەزمۇنى مەن بىلەن مۇناسىۋەتسىز. «خوپ بولاپتۇ» دېگەندەك ئېنكاسلارنى يېزىش كېتەمدا؟!

ئىپارە

	مىنىڭچە ئۇنداق گۈلگە  يىراقتىن قاراپ تۇرۇڭ، ئەگەر سىزگە نىسىپ بولسا ئۆزى كىلىدۇ، بولمىسا ئۇنۇڭ ئۈچۈن ئازاپ چەكمەڭ، ھەممە ئىش تەغدىر بىلەن بولىدۇ!چۈنكى كۆرۈنگەننىڭ ھەممىسى سىزگە نىسىپ بولمايدۇ، پەقەت ئاللاھ بۇيرۇغانلا! خالاس.